பதிவர்கள்: நிலவரமும் கலவரமும்

கேபிள் சங்கர்: ஆள் பாக்க நேத்துதான் உப்பு சத்யாகிரகத்துக்கு போயிட்டு ரிட்டன் ஆனது மாதிரி தோற்றமளிப்பார். ஆனால் அடல்ட் கார்னர் எழுதுவதில் சென்டர் ஸ்டார். ச’கலகலா’ வல்லவர். தம்மாத்தூண்டு பதிவரிடம் கூட சகஜமாக பழகுவது பெரிய ப்ளஸ். தான் உண்டு. தன் பதிவுண்டு என்று செவனேன்னு கிடந்தவர் சமீபத்தில் பேட்மேன்(வவ்வால்) மீது காண்டாகி ருத்ரதாண்டவம் ஆடியது ஹாட் நியூஸ்.     

                                                                                

கே.ஆர்.பி.செந்தில்: கொட்டாங்குச்சியில் ‘ஏதோ’ ஒரு திரவத்தை இவர் அருந்தும் புதிய ப்ரொபைல் போட்டோ, காத்ரீனா கைப் பிகினியில் தோன்றிய ஸ்டில்லை விட அதிக ஹிட்ஸ் அடித்தது என கூகுள் அடித்து கூறுகிறது. எந்த பக்கம் உரசினாலும் பற்றிக்கொள்ளும் உக்கிரமான ஜ்வாலை இவர். அண்ணாத்தையை கொஞ்சம் கேர்புல்லாத்தான் டீல் பண்ணனும். என்னதான் தாஜா செய்து நட்பை வளர்த்து கொண்டாலும் ‘ஏண்டா தொன்னை. கண்டன்ட்டே இல்லாம என்ன கருமத்துக்கு பதிவு எழுதுற. நீயெல்லாம் டைடல் பார்க்ல புல்லு புடுங்கறதோட நிறுத்திக்க’ என்று பொசுக்கென்று மனதில் பட்டதை பேசுவது பெரிய ப்ளஸ். ‘என் கேரக்டரையே புரிஞ்சிக்க மாட்றீங்களே’ சத்யராஜ் போல இவரை சில நாட்கள்/மாதங்களில் கூட புரிந்து கொள்வது கடினம். உதயசூரியனை கண்டாலே உறுமியவாறு உருமி  அடிக்கும் உள்ளம் கொண்டவர் என்பதால் சற்று லேட்டாக துயிலெழும் தேவர் மகன்.

மேற்கண்ட இருவரும்(கேபிள், கே.ஆர்.பி)  பைக் டயர் தேய தேய சென்னை நகரில் நள்ளிரவில் வலம் வருவது ஜகமம்!!

                               

அஞ்சாசிங்கம்: மாநிற அமெரிக்க மாப்பிள்ளை போல இருப்பார். குடி என்றால் என்னவென்றே தெரியாத பச்ச ஓலை. பஜ்ஜி சாப்பிடலாமா என்று சொன்னவுடன் உடனே பக்கி போல சட்டென தலையாட்டி ஏழெட்டு குருடாயில் பஜ்ஜிகளை  உள்ளே தள்ளும் சராசரி ஆளில்லை. அந்த பஜ்ஜி முதலில் எந்த நாட்டில் உருவானது, பஜ்ஜிக்காக கி.மு. 142  ஆம் ஆண்டு போரிட்ட அரசர்களின் கொழுந்தியா மகன்களின் இரண்டாவது பேரன் பெயர் போன்ற தகவல்களை சொல்லிவிட்டுதான் பஜ்ஜியில் இருக்கும் எண்ணையை தினத்தந்தியில் ஒற்றி எடுப்பார். வரலாறு, அறிவியில் இரண்டிலும் நற்புலமை வாய்ந்த இவருடன் பழகினால் பல்வேறு தகவல்கள் கிடைப்பது பெரிய ப்ளஸ். அரிய தகவல்களை எல்லாம் பதிவில் எழுத சொல்லி சிலமுறை வற்புறுத்தி உள்ளேன். சொந்த பிரச்னைகள் சீரானதும் களம் புகுவதாக கூறியுள்ளது இந்த சிங்கம்.

                                

பிலாசபி பிரபாகரன்: பிஞ்சில் பழுத்த பயபுள்ள(அறிவாளின்னு சொல்ல வந்தேன்). எப்பேர்பட்ட பதிவராக இருந்தாலும் அஞ்சாமல் உரண்டைக்கு இழுத்து கேள்வி கேட்பது பெரிய ப்ளஸ். எப்போதும் சுப்ரமணியபுரம் காஸ்ட்யூமில் திரிவார். பதிவில் பலரக சேட்டை செய்தாலும், நேரில் இரண்டு வார்த்தைக்கு மேல் பேசாமல் இருக்கும் இந்த படுவா. அப்படியே பேச யாரேனும் வற்புறுத்தினால் வற்புறுத்தும் நபரின் பதிவுலக ரகசியத்தை சபையில் போட்டு உடைக்கவும் தயங்க மாட்டார். தனக்கு பிறக்க போகும் மகன் தலைகீழாக ஏரோப்ளேன் ஓட்டுவான் என்று ஜோசியர் சொன்னதைக்கேட்டு தம்பி மனம் விண்ணில் பறந்துகொண்டிருக்கிறது. குழந்தை பொம்மை, நிப்பிள் போன்ற பொருட்களை வாங்கி வருவது இவருடைய லேட்டஸ்ட் ஹாப்பி.

மேற்கண்ட இருவரும்(அஞ்சாசிங்கம், பிலாசபி) பைக் டயர் தேய தேய சென்னை நகரில் நள்ளிரவில் வலம் வருவது ஜகமம்!!

                                                               

சிராஜுதீன்:மேலுள்ள படத்தில் இடமிருந்து இரண்டாவதாக அஞ்சாசிங்கத்தை அடிக்க எத்தனிப்பவர்தான் இவர். டீக்கடை என்ற பெயரில் ப்ளாக்கை தொடங்கி இந்தாளு செய்யும் சேட்டைக்கு வானமே எல்லை. எப்போதாவது ஒரு பதிவு எழுதுவது. அதையும் டீக்கடை தீக்கடையாக்கும் அளவிற்கு ரகளை செய்வது இவரது தனிச்சிறப்பு. கையில் சைக்கிள் செயின், உடைந்த பன்னீர் சோடா பாட்டிலுடன் திடீரென பின்னூட்டம் போட ஆரம்பித்தால் குறைந்தது இருபது சட்டையையாவது ((இவருடையதையும் சேர்த்துதான்) கிழித்து விட்டுத்தான் மறுவேலை பார்ப்பார். இப்போதைக்கு எரிமலை குறட்டை விட்டு தூங்குகிறது. எப்போது வேண்டுமானாலும் கொந்தளிக்கும். அஞ்சாசிங்கமும், இவரும் எப்போது நேரில் சந்தித்தாலும் ரத்தம் கக்க கக்க கருத்து சண்டை போட்டதை லைவாக காணும் பாக்கியம் எங்களுக்கு கிடைத்ததுண்டு. இன்னும் கைகலப்பு நடக்காதது வருத்தமே!!

                                                                         

ஆரூர்.முனா.செந்தில்: சைவ சித்தாந்த மடாதிபதி போல போஸ் குடுக்கும் இவர் பழகுவதற்கு இனியவர். தான் செய்த தவறை சபையில் ஒப்புக்கொள்வது பெரிய ப்ளஸ். புல்லுருவிகள் இவரிடம் சிக்கினால் அப்படியே பிசைந்து மத்யான சாப்பாட்டிற்கு ரசமாக பிழிந்து சாப்பிட்டு விடுவார். ரயில்வே துறை சார்பான அனுபவ தகவல்களை அள்ளித்தருபவர். அத்துறை குறித்த தொடரை எழுத சொல்லி உள்ளேன். விரைவில் அந்த நாள் வருமென நம்புகிறேன். முக்கிய குறிப்பு: நாய் நக்ஸ் நக்கீரனின் உடன்பிறவா தம்பி. அவரிடம் நாளுக்கு நாற்பது முறை போனில் பேசாமல் தூங்க மாட்டார்.

                                                                          

வவ்வால்: ஜனரஞ்சக பதிவுகளில் சில மாதங்களாக தொய்வை சந்தித்த பின்னூட்டங்கள் இந்த தமிழக பேட்மேன் மூலம் மீண்டும் களைகட்ட தொடங்கிவிட்டது. ஒரு வரி பதிவு போட்டால் அதன் கீழ் பதிவு நீளத்திற்கு கமன்ட் போடுவதில் சித்தர்/ஜித்தர். ‘Every anonymous has a past. But vavval has a history’ எனும் இவருடைய பஞ்ச் செம ஹிட். சில சமயம் மட்டும் செல்ப் கோல் அடித்து கொள்கிறாரோ என்றொரு எண்ணம் பரவலாக உண்டு. எனினும் எப்போதும் பொறுமை இழக்காமல் இருப்பது இவருடைய பெரிய ப்ளஸ். ‘நவீன கழிப்பிடம் முதல் நாசா விட்ட ராக்கெட் டயர் கோளாறு வரை எல்லா சப்ஜக்டையும் விவாதிக்க நீங்க என்ன பெரிய இவரா?’ என்று பிரபல பதிவர்கள் மடக்கினாலும் அசராமல் ஆடி வருகிறார். ‘யாருய்யா இந்த வவ்வால்?’ என்று நேரில் பார்க்க ஆசைப்படும் நபர்களில் நானும் ஒருவன். அப்போது கேபிளும் அருகில் இருந்தால் நமக்கு இரட்டை தீபாவளிதான்!!

பதிவர்கள்: நிலவரமும், கலவரமும்....தொடர்ந்தாலும் தொடரும்!!          

................................................................................

................................

My other site:

agsivakumar.com

...............................