ஸ்பெஷல் மீல்ஸ்(27/11/11)

ச(த்)தம் போடாதே: 

செஞ்சுரி அடிப்பாருன்னு இருந்த சொத்தை எல்லாம் வித்து ஏழெட்டு ஆட்டம் பாத்துட்டேன். கடைசி பஸ்சுக்கு காத்துருக்குற அஷ்வின் கூட 100 போட்டாச்சி. ட்ரைவர் சீட்ல இருக்குற இந்த ஆளு மட்டும் இந்த ஆ(ட்)டு ஆ(ட்)டறாரே"
...................................................................................            
                                                       
பெண்சிங்கம்: 
டாக்டர் பட்டம் வாங்கிக்கொண்டு ஒரு சொட்டு போலியோ மருந்து கூட தராமல் ஏமாற்றும் கலைஞர், கேப்டன் போன்றவர்களை விட ஜெ எவ்வளவோ மேல். அடிக்கடி டிசைன், டிசைனாக ஆஸ்பத்திரி அமைப்பது குறித்து அறிக்கை விடுகிறார். அதில் லேட்டஸ்ட்டாக 'புதிய ஆரம்ப சுகாதார மையங்கள்' அமைக்கப்படும் என்றிருக்கிறார். ஏற்கனவே 'அதிநவீன' முறையில் சேவை செய்யும் ஆ.சு.மையங்கள் பல வருணபகவானின் ஷாக் ட்ரீட்மென்ட்டால் தண்ணீரில் தத்தளிக்கின்றன. அதன் மூலம் மேலும் சில வியாதிகள் வர வாய்ப்புகள் உண்டென செய்திகள் வருகின்றன. இப்போது நோயாளிகளாக இருப்பவர்களை உடனே ரட்சியுங்கள். எங்கள் சமூகம் உங்களுக்கு பின்பாக கொஞ்ச நேரமாவது செல்லும்.
.................................................................................
சின்ன மாப்ளே: 

மாயாவதி ஆட்கள் ராகுலின் பேனர்களை கிழித்து எறிந்து ஆவேசம்.  'ப்ரின்ஸ் ராகுல், இனி உ.பி. வந்தால் தெரியும் சேதி' என்று கொந்தளித்தனர்.

'ப்ரின்ஸ்..அந்த ஊர்ல கஞ்சி எல்லாம் தீந்து போச்சாம். ஸ்டியரிங்கை திருப்புங்க. இல்லன்னா கஞ்சி காச்சிடுவாங்க போல'.

......................................................................................

வந்தான். வென்றான். 
லண்டனில் நடைபெற்று வரும் உலக சுற்றுலா (வேர்ல்ட் டூர்) பைனல்ஸ் போட்டியில் பரம வைரி நடாலை வென்று தனக்கான களம் இன்னும் மிச்சம் இருக்கிறது என்பதை மீண்டும் நிரூபித்துள்ளார் பெடரர். தொடர்ந்து நடால், டோஜோவிக் மற்றும் சில புதிய வீரர்களிடம் தோற்று வந்த பெடரர் இந்த வெற்றி மூலம் அடுத்த ஆண்டு ஒரு ரவுண்ட் வருவார் என்று தெரிகிறது. ஏற்கனவே அனல் பறக்கும் ஆண்கள் டென்னிஸ் போட்டியில் பெடரரின் மறுமலர்ச்சி டென்னிஸ் ரசிகர்களுக்கு மேலும் உற்சாகத்தை தரும்.

                                                                   

                                                                       

.....................................................................................................                                                            

                                                                 
கலர் கனவுகள்: 

போனமுறை இருந்த மேடம் ஆட்சியில் சென்னை நகரில் நிறைய வெள்ளை போர்ட் பேருந்துகளும், மீதம் இருந்தவை மஞ்சள்(LSS) மற்றும் பச்சை(பாய்ன்ட் டு பாய்ன்ட்) நிறங்களிலும் வலம் வந்தன. அடுத்து வந்த ரெட் ஜெயன்ட் ஐயா வெள்ளை போர்ட் பேருந்துகளை பெருமளவு ஒழித்தார். மக்களிடம் கேட்காமலேயே நம்மீதிருந்த பொங்கி வழியும் பாசத்தால் சொகுசு, தாழ் தளம், குளு குளு கூல் என பலரக பேருந்துகளை உலவவிட்டு மறைமுகமாக கட்டணத்தை உயர்த்தினார். அதை 'தளபதி...எங்கள் தளபதி' என்று 'தற்காலிக  டார்ச் லைட்'களால் போற்றப்படும் 'எளிய சன்ஷைன்' ஸ்டாலினும் வேடிக்கை பார்த்தார். புலிக்கு பிறந்தது பூனையாகதல்லவே. 

அந்த விஞ்ஞான யுக்தி மேடமுக்கு தெரியாததால், வழக்கம்போல் தனது திடீர் அட்டாக்கை கையாண்டு மேலும் டிக்கட் விலைகளை ஏற்றி உள்ளார். மேடம், எப்படியும் நீங்க ரேட்டை குறைக்க போறதில்ல. அட்லீஸ்ட் வெள்ளை போர்ட் பேருந்துகளையாவது அதிகமாக இயக்குங்க. தாங்காது பூமி. 

.................................................................................

பம்பாய்: 

26/11 மும்பை தாக்குதல் குறித்த தெளிவான ஒரு காட்சித்தொகுப்பை ஒளிபரப்பியது ஹிஸ்டரி டி.வி. பாகிஸ்தானில் இருந்து கசாப்பின் க்ரூப் படகு மூலம் மும்பை கிளம்பியது முதல் தாக்குதலில் இறந்தவர்களின் குடும்பத்தினர் பேட்டி வரை ஒன்று விடாமல் ஒளிபரப்பினர். பல காட்சிகளை  நிஜமாகவும், சிலவற்றை சித்தரித்தும் காட்டினர். சத்ரபதி சிவாஜி ரயில்வே ஸ்டேஷனில் கசாப் நடத்திய வெறியாட்டத்தில் தன் குழந்தையை பறி கொடுத்த நபீசா எனும் பெண் 'அவர்களை கண்டிப்பாக தூக்கில் இட வேண்டும். குழந்தை என்று தெரிந்தும் இச்செயலை புரிந்தவர்களுக்கு மன்னிப்பே கூடாது' எனக்கூறி அழுதார். மரண தண்டனை கூடாது என்பவர்கள் என்ன சொல்லப்போகிறார்கள்? நிகழ்ச்சி முழுக்க தமிழில் இருந்தது குறிப்பிடத்தக்கது. மறுஒளிபரப்பு போடுவார்களா என்று தெரியவில்லை. ஹிஸ்டரி டி.வி. (தமிழ்) பல சிறப்பான நிகழ்ச்சிகளை ஒளிபரப்புகிறது. நேரம் கிடைத்தால் பாருங்கள்.
.......................................................................................

ட்வீட்ஸ் இன் ப்ளாக் (சொந்த சரக்கு).

ராஜநடை: 
பல்வேறு பிரச்னைகளை முன்னிறுத்தி வணிகர் சங்கங்கள் கடையடைப்பு செய்ய முடிவு.

"இந்த போராட்டத்துல நடைபாதை வியாபாரிங்கள வலுக்கட்டாயமா சேத்துக்கங்க. அன்னிக்காவது நடைபாதைல நடந்து பாக்கறோம்"
...............................................................................
தெற்குத்தெரு மச்சான்:

சரத்பவாரை சப்பு சப்பென கன்னத்தில் அறைந்தார் சீக்கிய இளைஞர்.

"நல்லவேள. தமிழன் இதை செய்யல. அப்படி ஏதாச்சும் நடந்துருந்தா அஷ்வினை டீம்ல இருந்து தூக்கி இருப்பாங்க # 'தமிழக வீரர்களை தூக்க காரணமா தேவை? வாங்கிக்க' சங்கம்.
.................................................................................

தூரத்து இடி முழக்கம்:

கொட்டித்தீர்க்கும் கன மழையின் கொடுமையைக்கூட பொறுத்துக்கொள்ளும் தமிழர்கள், அந்த இரண்டு நிமிடம் மட்டும் காட்டாறாக கர்ஜித்து பொங்குகிறார்கள் # ரமணன். பெய்யலாம், பெய்யாமலும் போகலாம்.
.......................................................................................

வரலாறு:

அறுபதுகளில் தமிழ் சினிமா. ஒரு வித்யாசமான காணொளி. புகழ்பெற்ற பிரெஞ்ச் இயக்குனரான லூயிஸ் மல்லே 1968 ஆம் ஆண்டு இந்தியா வந்தபோது எடுத்த வீடியோ தொகுப்புகளில் ஒன்றுதான் இது. 'தில்லானா மோகனாம்பாள் படத்தின் ஒத்திகையின்போது இயக்குனர் ஏ.பி.நாகராஜன் நடிகர்களை தயார்படுத்தும் காட்சி இதில் பதிவாகி இருக்கிறது.

..................................................................................................

கேப்டன் பிரபாகரன்: 

மாவீரர் தினத்தின் அடையாள சின்னங்களை அழித்து பேருவகை கொண்ட சிங்களனே. அதே நவம்பர் 27 அன்று ஊன்றப்பட்ட விதைகள், இன்று உன் பிரதாபங்களை அமைதியாக பார்த்துக்கொண்டுதான் இருக்கின்றன. நெருப்புச்செடிகளாக வளரும் வரை பொறுத்திரு. இன்னும் ஒரே ஒரு ஆட்டம் மீதம் இருக்கிறது.

....................................................................

..........................................................
சமீபத்தில் எழுதியது:

தேசி பாய்ஸ் - விமர்சனம்
..........................................................

................................

My other site:

agsivakumar.com

...............................

உதிரம் உறிஞ்சிய உற்சாக பானம் - 6

நித்தம் செத்துப்பிழைக்கும் போராட்டத்தில் என் தாய்க்கு ஆதரவாக பல நல்ல உள்ளங்கள் அந்த சாதுல்லா தெரு காம்பவுண்டில் இருந்தன. குடித்து கூத்தடிக்கும் கணவனுடன் வாடகை வீட்டில் நாட்களை நகர்த்துவது கடுங்காவல் தண்டனையை விடக்கொடியது. குடிப்பவனை விட அவன் மனைவி தெருவில் செல்லும்போது ஏளனமாக பார்க்க நம் ஆட்களுக்கு சொல்லியா தர வேண்டும். அதுவும் 1980-களில். இன்று மெகாசீரியல், செல்போன் என பரபரப்பான வாழ்க்கை வாழும் நகர மக்களுக்கு பக்கத்து வீட்டு கதை கேட்க நேரம் இல்லை. ஆனால் அப்போது எந்த நவீன வசதியும் பெரிதாக இல்லாத காலம் என்பதால் பொரோட்டா வாங்கி தந்து புரணி கேட்கும்/பேசும் ஆட்களுக்கா பஞ்சம்? 

இப்படி சூழ்நிலைக்கைதியாக தவிக்கும் மனைவிகள் வாழ்வை வெறுத்துப்போய் தற்கொலை செய்து கொள்ளாமல் தடுக்க இறைவன் குடுக்கும் ஒரே ஆக்சிஜன் என்ன தெரியுமா? அவர்களின் நிலையை புரிந்து கொண்டு ஆதரவு தரும் சொந்த வீட்டுக்காரர்கள் மட்டுமே. "உன் கணவன் குடித்து கலாட்டா செய்வதால் பக்கத்து வீட்டினருக்கு தொந்தரவாக உள்ளது. எனக்கும் கவுரவம் குறைகிறது. சில நாட்களில் வீட்டை காலி செய்" என்று சொல்லி விடுவார்கள். சற்று இரக்கம் உள்ளவர்கள் என்றால் "உன் நிலை எனக்கு புரிகிறது. ஆனால் மாத வாடகையை இனி தாமதப்படுத்தாமல் மாதம் ஐந்து தேதிக்குள் தந்துவிடு" என்று சொல்வார்கள். 

ஆனால் நாங்கள் குடி இருந்த வீட்டின் சொந்தக்கார பெண்மணி இப்படி எந்த நிபந்தனையும் போடாமல் பல ஆண்டுகாலம் எங்களுக்கு ஆதரவு தந்தார். அவர் பெயர் உஷா. எல்லோரும் அழைப்பது உஷா மாமி. இந்த ரணம் நிறைந்த  வாழ்க்கைப்பயணத்தை பற்றி சொல்லும் வேளையில் பல நல்ல உள்ளங்களுக்கு கோடான கோடி நன்றிகளை கூறியே ஆக வேண்டும். அதில் ஒருவர்தான் இந்த உஷா மாமி. இன்று உடல் முடியாமல் நாட்களை நகர்த்தி கொண்டு இருக்கிறார். விரைவில் அவரை பார்க்க உள்ளேன். 

இப்படியாக காலம் சென்ற ஒரு கட்டத்தில் தமிழக அரசு மதுக்கடைகளை மூடியது. குடிக்காமல் கை, கால் நடுங்கிய குடிராசாக்கள் கள்ளச்சாராயம் அடிக்க ஆளாய்ப்பறந்தனர். எங்க வீடு ஆள் மட்டும் என்ன இளிச்ச  இளிக்காத வாயரா? சாதாரணமாகவே பேருந்தில் செல்லாமல் சென்னையில் பல கிலோமீட்டர் நடப்பார் அப்பா. அதுவம் செருப்பு கூட போடாமல். குடிக்க வேண்டிய கட்டாயம் ஏற்பட்டால்? நடைப்பயணம் எழுச்சியாக தொடங்கியது. அப்போது விருகம்பாக்கம் பெரும்பாலும் வளர்ச்சி பெறாத சமயம். அங்கிருந்த  ஒரு காட்டுப்பகுதியில் கள்ளச்சாராயம் கிடைக்கிறதென ஒற்றன் ஒருவன் செய்தி சொல்ல வீறுகொண்டு நடந்தார் எங்கள் குடும்பத்தலைவர். இப்படியே போதையுடன் சில மாதங்கள் அவருடன் சேர்ந்து எங்கள் குடும்பமும்  தள்ளாடியது. கள்ளச்சாராயத்தின் தாக்கம் அதிகம் ஆனதால் அதை நிறுத்தி விட்டு பாக்கெட் சாராயத்தை அறிமுகம் செய்தார் அப்போதைய முதல்வர் எம்.ஜி.ஆர். சாராயம் எந்த வடிவில் வந்தால் என்ன குடிகாரனுக்கு. பாக்கெட்களை பக்கெட்டில் ஊற்றி அடித்தால் அதுவும் மகிழ்ச்சிதானே?

                                                                         ராமதாஸ் 

சாதுல்லா தெருவில் நாங்கள் குடி இருந்த காம்பவுண்டின் அதே வரிசையில் சில வீடுகள் தள்ளி இருந்தது பழைய தமிழ் சினிமா வில்லன் ராமதாசின் வீடு. நகைச்சுவையாக பேசுபவர்கள் வீட்டில் சோகம் கொட்டிக்கிடக்கும் என்பது போல, வில்லனாக நடிக்கும் பல நடிகர்கள் நிஜத்தில் நல்லவர்கள் என்பதற்கு ராமதாசும் விதிவிலக்கல்ல. பெரிய சைஸ் வெண்ணிற கிருதா, கை வைத்த பனியன், லுங்கியுடன் காட்சி தரும் அவரை நான் சிறுவயதில் அடிக்கடி பார்த்த நாட்கள் நினைவிற்கு வந்து செல்கின்றன. வயதான காலத்திலும் வில்லனுக்கு உரிய கம்பீரம் கொண்டிருந்தார். என் தந்தையின் நண்பர்கள் குடித்து விட்டு ரோட்டில் பிரச்னை செய்தாலோ அல்லது எங்கள் குடும்பம் கிண்டல் செய்யப்பட்டாலோ அவர்களை அதட்டி அனுப்புவார். சில வருடங்களுக்கு முன்பு அந்த மனிதரும் காலமாகிவிட்டார்.

                                                                தங்கவேலு

அவர் வீட்டருகே இருந்தது டாக்டர் ஸ்ரீனிவாசனின் மருத்துவமனை. அந்த ஏரியாவில் மிகவும் பிரபலம். இப்போதும், எப்போதும் என்னுடைய அபிமான நகைச்சுவை நடிகராக தங்கவேலுதான் இருக்கப்போகிறார்  என்று அந்த சிறு வயதில் நினைத்திருப்பேனா?ஒருநாள் எதேச்சையாக அந்த மருத்துவமனைக்கு வந்திருந்தார் அவர். வயது முதிர்ந்து தளர்ந்த நடையுடன் வெளியே வந்தார். தலையில் இஸ்லாம் அன்பர்கள் அணியும் தொப்பி. எம்.ஜி.ஆருக்கு இருப்பது போல அந்த தொப்பி அவருடைய ட்ரேட்மார்க். நான் நீட்டிய துண்டு பேப்பரில் கையெழுத்து போட்டுத்தந்தார். காலப்போக்கில் தொலைந்தே போனதது. ஆனால் என்றும் மனதில் நிற்கும் அந்த சந்திப்பு.

.................................................................
தொடரும்.......


.......................................................................
சமீபத்தில் எழுதியது:

உதிரம் உறிஞ்சிய உற்சாக பானம் - 5

மயக்கம் என்ன - விமர்சனம்
.................................................................

.................................
My other site:
agsivakumar.com
.................................

உதிரம் உறிஞ்சிய உற்சாக பானம் - 5

ஒருநாள் அம்மாவிடம் ஒரு கார்டை நீட்டி அதில் கையெழுத்து போட சொன்னார். பாதி கார்டை வேறு பேப்பர் வைத்து மறைத்தவாறு. மனைவிக்கு  தெரியாமல் பெர்மிட் கார்டில் கையெழுத்து வாங்க ராஜ தந்திரம் செய்கிறாராம். கிராமத்து பெண்கள் என்றால் அவ்வளவு எளப்பமா வாத்யாரே? இதில் ஏதோ விஷயம் உள்ளது என உஷாராகி "எதற்கு" என்று அம்மா கேட்க "உன் பெயரில் பேங்கில் அக்கவுன்ட் ஆரம்பிக்க போகிறேன்" என்று சொல்லி இருக்கிறார். பொய் என்று தெரிந்தும் கையெழுத்து போட்டார் அம்மா. இல்லாவிட்டால் மட்டும் திருந்தவா போகிறார்கள் என்ற எண்ணத்தின் அடிப்படையில்.  

சில நாட்கள் கழித்து இரண்டு பர்மிட் வாங்கிய சந்தோஷத்தில் பானம் அருந்தி திளைத்தார். அவ்வப்போது தெருவோர சாக்கடையில் உருண்டுவிட்டு வருவார் வெள்ளுடை வேந்தர். கிணற்றடியில் உட்கார வைத்து ஜலக்கிரீடை செய்துவிட்டு இரவு முழுக்க வெள்ளை சட்டை, வேட்டியை துவைத்து ஓய்ந்துவிடுவார் அம்மா. வாழ்க்கையில் கறைபடிந்த புண்ணியவான்கள்தான் அதிகமாக வெள்ளுடை அணிய பிரியப்படுவார்கள் போல. மாதம் 800 ரூபாய் தந்துகொண்டிருந்தவர் போதைப்பழக்கம் அதிகமாக ஆக 500, 300 என்று குறைத்து தர ஆரம்பித்தார். இனி இவரை நம்பினால் வாழ்க்கைக்கு உத்திரவாதம் இல்லை. சிறுவயதிலேயே டெய்லரிங் வேலை தெரிந்து வைத்து இருந்ததால் அத்தொழில் செய்து குடும்பத்தை காப்பாற்ற அம்மா முடிவெடுத்தார்.

அந்த காலத்தில் சென்னையில் கொடிகட்டிப்பறந்தவர் டாக்டர் சவுரிராஜன். தன் நகைச்சுவை உணர்வால் நோயாளிகள் மனதை இலகுவாக்கி வியாதிகளை ஓட்டும் வல்லவர். தந்தையை அழைத்துக்கொண்டு அவரிடம் சென்ற என் தாயிடம் "இந்த ஆளை விட்டால் போதையில் சந்திரமண்டலத்திற்கு ஏணி வைத்து ஏறுவார் போல" என்று கிண்டல் அடித்துவிட்டு அதே தி.நகரில்  இருக்கும் ராஜூ ஹாஸ்பிட்டலில் சிகிச்சை செய்யச்சொல்லி பரிந்துரை செய்தார். சில நாட்களில் மது மீதான வெறுப்பு வரும் அளவிற்கு முன்னேற்றம் இருந்தது. கண்ணாடி டம்ளரில் எதைக்கொண்டு வந்தாலும் "ஐயோ..அதை கிட்டே கொண்டு வராதே"என அலறி மதுவைத்தொட பயந்தார் தலைவர். இக்காட்சிகளைப்பார்த்து அந்த துக்கத்திலும் சிரிப்பு எட்டிப்பார்த்தது அம்மாவிற்கு. இப்படி சிரித்தால்தான் உண்டு. எல்லாம் சில நாட்கள்தான். மீண்டும் மதுதாசன் ஆகி சிறகடித்து பறந்தார்.  

குடிப்பழக்கத்தை தவிர வேறெந்த தவறும் செய்யாத மனிதர் என்பதால் வேலை தரும் முதலாளிகள் மத்தியில் நற்பெயர் உண்டு இவருக்கு. பெட்ரோல், பணம் திருடாத சில அதிசய டிரைவர்களில் ஒருவர் என்பதால் திரையுலகில் எவரேனும் வேலை தந்துவிடுவார்கள். 'சென்னை வந்து இத்தனை ஆண்டுகள் ஆகிவிட்டதே. சொந்த வீடு வாங்கவில்லையா?' என ஒவ்வொருவரும் கேட்க ஆரம்பித்தனர். அதில் முக்கியமானவர் ஆர்ட் டைரக்டர் பரணி. இவர் யார் தெரியுமா? வறுமையின் நிறம் சிகப்பு படத்தில் கமல் இன்டர்வியூ செல்ல ஒரு நபரின் கோட்டை கழட்டிவிட்டு அவரை ஓவியம் தீட்டுவாரே ...அவர்தான்.

                                                                      பரணி 

சாதுல்லா தெருவில் இரண்டு கிரவுண்ட் நிலத்தில் வீடு வைத்திருந்த பரணி ஒரு நாள் என் தந்தையிடம் "இந்த இடத்தை விற்க முடிவு செய்துள்ளேன். உனக்கு 33,000 ரூபாய்க்கு தருகிறேன்" என சொல்ல, அதை மறுத்து விட்டு "எனக்கு சொந்தமாக கார் இருப்பதுதான் கவுரவம்" என்று அந்த அரிய வாய்ப்பை  தட்டிக்கழித்துவிட்டார். அதுபோல் பல வாய்ப்புகள் வந்தாலும் அவற்றை எல்லாம் புறம்தள்ளினார். ஒரு ஹவுசிங் போர்ட் வீடு வாங்கக்கூட முயற்சி செய்யவில்லை. 

எலி வலையானாலும் தனிவலை வேண்டும் என்று சும்மாவா சொன்னார்கள். இதோ சென்னை மாநகரில் வாழ்வை துவங்கி ஆண்டுகள் பல ஓடிவிட்டன. இரவுபகல் உழைத்த சம்பளம் எல்லாம் வாடகைக்கே பெரும்பாலும் போய் விடுகிறது. கழுத்தை நெறிக்கும் விலைவாசியும் சேர்ந்து கொண்டு என்று நகரை விட்டு எங்களை விரட்டப்போகிறது என்று தெரியவில்லை. இப்போதைய இளைஞர்கள் எல்லோரும் சொந்த வீடு ஒன்றை உங்களுக்காக விட்டுச்சென்று இருக்கும் தந்தையை நித்தம் துதிக்கலாம். அவர் உங்களுக்கு  எத்தனை கொடுமை புரிந்திருப்பினும் ஒரு வீட்டையாவது விட்டுச்சென்றாரே என்று தாரளமாக பெருமூச்சு விடலாம். அதைக்கூட செய்யாமல் ருத்ர தாண்டவம் ஆடிவிட்டு நாற்றம் எடுக்கும் திரவத்தை குடித்து குடும்பத்தை தெருவில் நிற்க வைக்கும் நபர்களின் எண்ணிக்கை இன்று அதிகம் ஆகி வருவதுதான் உச்சகட்ட கொடுமை. எங்கே போகிறது தமிழகம்? 

தொடரும்......

..................................................

..................................................................

தொடர்புடைய பதிவுகள்:

பாகம் - 1, பாகம் - 2, பாகம் - 3, பாகம் - 4

..........................................................................

...............................

My other site:

agsivakumar.com

..............................

                                                            

   

சுட்டு விளையாடு - ரிலே சிறுகதை

அனைவருக்கும் வணக்கம், 

சிறுகதை எழுதுவதில் பதிவுலக ஜாம்பவான்கள் பலருண்டு. நான் அதில் முதல் வகுப்பு கூட தேறியதில்லை. இருப்பினும் ஒரு அசாத்திய தைரியத்தை மனதில் வைத்தவாறு பதிவுலக சாம்ராட்களான  ஆர்.வி.எஸ். மற்றும் கேபிள் சங்கர் இருவரிடமும் ரிலே சிறுகதை எழுத வருமாறு அழைப்பு விடுத்தேன். கேட்ட மாத்திரத்தில் சம்மதம் தெரிவித்த இருவருக்கும் என் மனமார்ந்த நன்றிகள். 

.................................................................................

"இன்னாடி எங்கொடத்துக்கு முன்னால ஒங்கொடத்த வச்சிருக்க. அடிங்கு. அடிக்கடி எனக்கு தொந்துரவு குட்துனே கீற. நாரிப்புடும் நாரி. ஒம் புருஷன் $%$%^^&#. நீ இட்லிய மட்டுமா $%ஃ&$# " என சென்ற வாரம் B ப்ளாக் ராஜி செய்த குழாயடி ஷ்பெஸலாபிஷேகத்தில் அவமானப்பட்டவள்தான் அதே ப்ளாக்கின் கீழ் வீட்டில் வசிக்கும் மகா. மெயின் ரோட்டோரம் தள்ளுவண்டியில் இட்லி வியாபாரம். சென்னை ஹவுசிங் போர்டில் வசிக்கும் இந்த இருவருக்கும் அவ்வப்போது லேசான உரசல்கள் வருவதுண்டு. அதுவும் ராஜியின் கணவன் சேகர் அரசியலில் வைட்டான ஆள் என்பதால் மகாவை கொஞ்சம் அதிகமாகவே வசைபாடுவாள் ராஜி. மகாவும் சளைத்தவளில்லை. ஆனால் மிகவும் கீழ்த்தரமான வார்த்தைகளை எப்போதும் பிரயோகிக்காதவள். கணவன் இல்லை. மகன் படிப்பது எட்டாம் வகுப்பு.  

நேற்று: 

ராஜியின் எதிர்வீட்டில் இருக்கும் சந்திரா பாட்டிக்கு உடல்நிலை சரி இல்லாததால் இட்லி பார்சலை தந்துவிட்டு சென்றாள் மகா. அடுத்த அரைமணி நேரத்தில் "ஐயய்யோ..பீரோல வச்சிருந்த 7,000 ரூவாயக்காணுமே. வூட்டு கதவ தாப்பா போடாம குளிஸ்ட்டு வர்துக்குள்ள யாரோ எத்துட்டாங்களே" என ஹவுசிங் போர்ட் அலற ராஜியின் ஒப்பாரி ஓங்கி ஒலித்தது. "யக்கா. மேட்ரு தெர்மா.  ராஜிக்கா வூட்ல யாரோ பண்த்த சுட்டுட்டாங்களாம்" என்று மகாவிற்கு ப்ளாஷ் நியூஸ் தந்துவிட்டு ஓடினான் பொட்டிக்கடை பாலா. அனைத்தையும் பீடியை வலித்தவாறு வேடிக்கை பார்த்துக்கொண்டு இருந்தான் ஓணான். வயது 19. ராஜியின் கூச்சலை கேட்டு வெளியே வந்தாள் ரேகா. வயது 21. இருவருக்கும் படிப்பு வாசம் இல்லை. அவ்வப்போது கண்கள் மட்டும் லேசாக மோதிக்கொள்ளும்.


விரைவில் தொடரப்போவது ஆர்.வி.எஸ்.

...................................................................

  

வித்தகன்

 
                                                                   

 

கோலிவுட்டில் உச்சத்தை தொடுவதற்கான திறமைகள் இருந்தும் இன்றுவரை குறிப்பிட்ட தூரத்திற்கு மேல் தாண்ட முடியாமல் தவிக்கும் நாயகனாக இருக்கிறார் பார்த்திபன். தனக்கு பொருந்தும் கேரக்டரை தேர்வு செய்வது, வசனத்தில் பட்டாசு கிளப்புவது என்று தான் நடிக்கும் படங்களில் அடிக்கடி மெனக்கெட்டாலும், “சூப்பர் படம்பா” என்று சொல்ல அனைத்து தரப்பு  ரசிகர்களுக்கும் வாய்ப்பு தர மறுப்பது ஏனோ?. ‘நெடுநாள் கழித்து ஒரு பார்த்திபன் படம். சுமாராக இருந்தாலும் பரவாயில்லை. வசனங்களுக்காக பார்க்கலாம்’ என தியேட்டருக்கு வந்தவர்கள் பலர். நானும் அவ்வாறே.

90 – களில் வரவேண்டிய படத்தை செம தெகிரியமாக 2011 இல் சொல்லி தன்னை வித்யாசமானவன் என்று நிரூபித்து இருக்கிறார் நக்கல் நாயகன். காட்சி அமைப்பு, கதாபாத்திரங்கள், பாடல்கள் என அனைத்திலும் 1990 பீரியட் வாசம் கும்மென தூக்குகிறது. இடைவேளை வரும்வரை தியேட்டரில் பார்த்திபன் ராஜ்ஜியம். வாயாலும், துப்பாக்கியாலுமே எதிரிகளுக்கு கேப் விடாமல் ஆப்பு வைக்கிறார். பூர்ணா...பார்க்க டக்கராகவும் இல்லாமல், நடிக்கவும் செய்யாமல்....வை திஸ் கொலைவெறி டி???? ஓரளவுக்கு காட்சிகள் பிக் ஆகும்போது ஊடார நுழைந்து “என்ன லவ் பண்ணுங்க?” என்று ஹீரோக்களின் டங்குவாரை அறுக்கும் நாயகிகளை இனியும் தமிழ் சினிமா படைப்பாளிகள் தந்து கொண்டே இருந்தால்..பழுக்க காய்ச்சிய கடப்பாரையால் உட்காரும் இடத்தில் சூடு வைக்க தயங்க மாட்டோம். வீ ஆர் டாம் ஷ்யூர்.

                                                                      

பார்த்திபனின் ட்ரேட்மார்க் வசனங்கள் மட்டுமே வித்தகனின் ஒரே பலம். காமடி நடிகர் துணை இன்றி ஹ்யூமர் ஹிட் அடிக்கும் ரேர் நாயகன் என்பதை அழுத்தமாக ப்ரூவ் செய்துள்ளார். அவற்றில் சில: பார்த்திபன் “கையாலேயே சுட நீ என்ன எந்திரனா?”, துணை நடிகர் “கொள்கை, கோட்பாடு, தங்கப்பதக்கம், காக்க காக்க இதையெல்லாம் மனதில் வைத்து போலீசில் சேரவில்லை”. ஆனால் இவை அனைத்தையும் விட குடித்துவிட்டு “பில்லை நாந்தான் கட்டுவேன்” சீன்தான் தியேட்டரை குலுக்குகிறது. சிரிப்பொலி அடங்க சில நிமிடங்கள் ஆனது. வில்லன்கள் அனைவரும் வெத்து தோட்டாக்கள். அதுவும் அந்த க்ளைமாக்ஸ்....என்ன கொடும பார்த்திபன்???   


வித்யாசமாக செய்வதையே வழக்கமாக செய்துகொண்டு கதை, லாஜிக் போன்றவற்றை சொதப்பினால் என்ன யூஸ்? பொதுவாக நக்கல் வசனம் பேசும்போது லிமிட்டை தாண்டி அதிகம் பேசும் பார்த்திபன் இப்படத்தில் கொஞ்சம் கம்மியாக பேசுவது ஆறுதல். அவருக்கென இருக்கும் ரசிகர்களை மேலும் தக்கவைக்க...சத்யராஜ்/சந்தானம் காம்பினேஷனில் ராஜேஷ்(SMS,OK OK)  அல்லது சி.எஸ்  அமுதன்(தமிழ்படம்) ஆகிய இயக்குனர்களுடன் டீம் போட்டால் பார்த்திபன் பட்டையை கிளப்புவது உறுதி. நடக்குமா?    

வித்தகன் - பா(ர்த்)தி FUN

........................................................................................


தியேட்டர் சிப்ஸ்:

தியேட்டருக்குள்ள பூந்து சீட்ட கண்டுபுடுச்சி உக்காந்தா என் பக்கத்துல ஒரு இளம்பெண்.  அவங்க பக்கத்துல அவங்க லவ்வர். எழுதாத விதியின்கீழ ஒடனே சீட் மாத்திக்காம இன்டர்வல் வரை படம் பாத்தாரு லவ்வர். அட. நம்மளை நல்லவன்னு புரிஞ்சிக்கிட்டாறேன்னு புளகாங்கிதம் அடஞ்சேன். இன்டர்வல் முடிஞ்சி வந்து பாத்தா அவரு என் பக்கத்து சீட்ல உக்காந்துட்டு அந்த பொண்ண தள்ளி உக்கார வச்சிட்டாரு. நல்லவங்கள நம்புனா முழுசா நம்புங்க. இல்லனா நம்பவே நம்பாதீங்க லேய். க்ரேட் இன்சல்ட்!    

              

                                   ரெண்டு பக்கமும் பாக்க முடியல. கண்ண கட்டுதே!!                         

..................................................................

   

.................................
My other site:
agsivakumar.com
................................

..............................................................
சமீபத்தில் எழுதியது:

ஸ்ரீராமராஜ்யம் - விமர்சனம்
...............................................................

                                                                               

ஸ்பெஷல் மீல்ஸ் (13/11/11)

ரா ஒன்:   

                                                               

சல்மான் "ஒத்த ப்ளேடுல போட்ட மொட்டைய வச்சிக்கிட்டு 300 கோடி அள்ளிட்ட நீ. பாவம் ஷாருக் பய. 135 கோடி செலவு பண்ணி மெகா மொட்டை போட்டுக்கிட்டான்".

.......................................................................................................

IMMORTALS: 

இந்தியர்களான இயக்குனர் தர்சேம் சிங் மற்றும் நாயகி ப்ரீடா பின்டோ  காம்பினேஷனில் வெளிவந்துள்ளது இப்படம். கிராபிக்ஸ் காட்சிகள் நன்றாக இருந்ததென கேள்விப்பட்டு இப்படத்திற்கு முன் பதிவு செய்தேன். சில காட்சிகள் மெதுவாக நகர்ந்தாலும், படம் நன்றாகத்தான் இருந்தது. ரத்தமும், வெட்டுகளும் அதிகம். கடலருகே இருக்கும் மலைக்கோட்டையை வைத்தே பல சீன்கள் இருந்தன. லார்ட் ஆப் தி ரிங்க்ஸ் போன்று அட்டகாசமாக இல்லாவிடினும், அசத்தல் கிராபிக்ஸ் சீன்களுக்காக ஒரு முறை பார்க்கலாம். கதை புரியாமல் படம் பார்த்தால் ரொம்ப கஷ்டம் என்பது  நிஜமே. சற்று போர் அடிக்கும் சீன் வரும்போது தியேட்டரில் இருந்த ரசிகர்கள் அடித்த ஜாலியான கமன்ட்டுகளால் செம டைம் பாஸ் ஆனது. படம் குறித்த தெளிவான செய்திகளை கருந்தேள் தளத்தில் பாருங்கள்: 

கருந்தேள் - IMMORTALS 

....................................................................................

சந்தித்த வேளையில்:

யாருக்கும் எளிதில் தரிசனம் தராத பதிவுலக கவுண்டமணியை நேற்று நான், லயன் மற்றும் தத்துவ பதிவர் ஆகியோர் சந்தித்தோம். உலக, பதிவுலக மேட்டர்கள் என பல டாப்பிக்குகளில் பேசினார்கள் சிங்கமும், கவுண்டரும். கூட சேர்ந்து எனது கருத்தையும்(?) சொல்ல,வழக்கம்போல் அமைதிப்புறாவாக இருந்தார் தத்துவம். கேமராவுக்குள் சிக்க வைக்க முயற்சி செய்தபோது காங்கிரஸ் மற்றும் உதயசூரியன் கட்சிக்கு ஓட்டு கேட்பதுபோல் கையால் முகத்தை மறைத்துக்கொண்டார் கவுண்டர்.  அந்தப்படத்தையும் அவர் அனுமதி இல்லாமல் போடக்கூடாது என்பதால் அதுவும் கட். உண்மையிலேயே 'நான் அவன் இல்லை' என்றும், பினாமியாக வந்திருக்கிறேன் என்றும் கூறி பீதியை கிளப்பினார். மொத்தத்தில் நிறைவான, சந்தோஷம் தந்த சந்திப்பு. 

.........................................................................................

பாட்ஷா:

சென்னையில் கிட்டத்தட்ட எல்லா மாணிக்பாட்ஷாக்களும் குறைந்தபட்ச கட்டணமாக 40 ரூபாய் வாங்க ஆரம்பித்துவிட்டனர். "எண்ணன்னா..நேத்துதான் பெட்ரோல் வெல 80 காசு கம்மி பண்ணி இருக்காங்க. அப்ப கூட அதே 40 ஓவாதான் வாங்குவீங்களா?" என்று கேட்டதற்கு மினி சிரிப்பு மட்டுமே பதிலாக வந்தது. பாட்ஷா - 2 வரப்போவதாக செய்திகள் கூறுகின்றன. தலைவா..நீதான் இந்த மேட்டரை டைட்டில் சாங்குல வச்சி எங்கள காப்பத்தணும்!!    
.................................................................................................      
  

வாய்மையே வெல்லும்:

இன்று மதியம் ஒரு மணிக்கு கூடங்குளம் அணு உலை குறித்த விவாதத்தை புதிய தலைமுறை ஒளிபரப்பியது. போராட்ட ஒருங்கிணைப்பாளர்களில் ஒருவரான சுப. உதயகுமார் மற்றும் அப்துல் கலாமின் ஆலோசகர் பொன்ராஜ் ஆகியோர் காரசாரமாக மோதிக்கொண்டனர். உதயகுமார் கேட்ட முக்கியமான கேள்விகளுக்கு நேரடி பதில்களை தரவில்லை பொன்ராஜ். மக்களுக்கு ஏதேனும் பாதிப்பு நேர்ந்தால் அதற்கு ரஷ்யா பொறுப்பேற்காது என்று ஒப்பந்தம் செய்துகொண்டதென உதயகுமார் சொன்னது அதிர்ச்சியாக இருந்தது. 

அதுபோல் பேச்சிப்பாறை, தாமிரபரணி..இதில் எங்கிருந்து அணு உலைக்காக தண்ணீர் எடுப்பீர்கள்? போபால் விஷவாயுவால் பாதிக்கப்பட்ட மக்களுக்கே இன்னும் உரிய நிவாரணம் இல்லை. அதில் ஈடுபட்ட குற்றவாளியையும் விடுதலை   செய்துவிட்டது அரசு. அதே நிலை எங்களுக்கு ஏற்படாது என்பது என்ன நிச்சயம்? கல்பாக்கத்தில் இருக்கும் மக்களுக்கு தொண்டையில் வியாதி வந்துள்ளது. இதை விட வேறன்ன உதாரணம் வேண்டும்? எனப்பல விஷயங்களை கேட்டு செம காட்டு காட்டினார் உதயகுமார். பாவம் பொன்ராஜ். மீண்டும் மீண்டும் 'பாதுகாப்பானது' என்று சொல்லிக்கொண்டே இருந்தார்.

புதிய தலைமுறை பெண் செய்தி வாசிப்பாளர் கொஞ்ச நேரம் கூட அமைதியாக இல்லாமல் குட்டையை குழப்பிக்கொண்டு இருந்தார். சேனல் ஓனர்களே, நீங்க நல்லா இருப்பீங்க. முக்கியமான விவாத நிகழ்ச்சிகளுக்கு தேர்ந்த அனுபவம் கொண்ட நபர்களை நியமியுங்கள். அவசரப்பட்டு பேசும் யூத் ஆட்களை போட்டு நிகழ்ச்சிகளை சொதப்ப வேண்டாம். 

.........................................................................................

உன்னால் முடியும் தம்பி:  


ஊரே சேர்ந்து பல ரூபங்களில் (பேஸ்புக், SMS, டீக்கடை, சலூன்) கொத்து பரோட்டா போட்டாலும் காவலன், மற்றும் வேலாயுதத்தின் துணையுடன் தட்டுத்தடுமாறி மீண்டும் கலையுலகில் எதிர்நீச்சல் அடிக்க ஆரம்பித்துவிட்டார் விஜய் என்றே தெரிகிறது. விண்ணத்தாண்டி வருவாயா வென்றாலும், ஒஸ்திக்கு தவ்வும் சிம்பு போல இல்லாமல் சரியான ரூட்டை பாலோ செய்தால் விஜய் விசைப்படகு தப்பலாம். லெட்ஸ் ஸீ.
.........................................................................................

ஒக்கடு:

                                                                    
தெலுங்கானா பிரச்னையில் முன்னுக்கு பின் முரணாக பேசுகிறார் பிரதமர் என்று எகிறி குதிக்கிறார்கள் ஆந்திர தலைவர்கள். உங்களுக்கு எல்லாம் மனசாட்சியே இல்லையாய்யா? பேசுனாலும் தப்பு, தப்பா பேசுனாலும் தப்பு, சும்மா இருந்தாலும் தப்பு. ஒரு நாள் அந்த சேர்ல உக்காந்து பாருங்கய்யா. அப்ப தெரியும். ஏற்கனவே அங்கங்க பொரிஞ்சி போய் கெடக்கு நம்மாளுக்கு. போதாக்குறைக்கு 'குத்தாலம் அருவியிலே குளிச்சது போல் இருக்குதா?'ன்னு பாகிஸ்தான்காரன் கிண்டல் பண்றான். இருக்குற கடுப்பு பத்தாதுன்னு உங்க இம்சை வேற. ராஸ்கோல்ஸ். சம்பேஸ்தானுரா  ஒரேய்!    
.....................................................................................................

மன்னன்: 


கடும் வறட்சிக்குப்பின் ஒருவழியாக இன்று நடந்த பாரீஸ் மாஸ்டர்ஸ் டென்னிஸ் போட்டியில் கோப்பையை வென்று விட்டார் பெடரர். இந்த ஆண்டில் இவர் வென்ற மூன்றாவது பட்டம். டென்னிசை கலக்கிய பெடரர் நீண்ட மாதங்களாக வெற்றிக்கு தடுமாறி வருகிறார். ரிட்டையர் ஆக வேண்டிய காலம் நெருங்கிவிட்டது என்றே தெரிகிறது. என்னதான் இறுதிப்போட்டிக்கு முன்னேறினாலும் நடாலிடம் உதை வாங்குகிறார். அவரிடம் இருந்து தப்பினால் நோவான் டோஜோவிக் ஆப்பு வைக்கிறார். ரோஜர் பெடரரின் டென்னிஸ் கெரியரை அடுத்த ஆண்டு நடக்கும் போட்டிகள் தீர்மானிக்கும் என்பதில் சந்தேகமில்லை. நடாலுக்கும் அலாரம் அடிக்க ஆரம்பித்துவிட்டனர் வேகமாக முன்னேறிவரும் ஆன்டி முர்ரே போன்றவர்கள். வரும் வருடம் யார் கிராண்டாக அனைவரையும் ஸ்லாம் செய்யப்போகிறார்கள் என்று பார்ப்போம்.
........................................................................................................

பசங்க:

நேற்று பஸ் ஸ்டாண்டில் கண்ட நிகழ்வு. பஸ் ஒன்று ஸ்டாப்பில் நின்றதும் அதில் நான் ஏற செல்கையில் ஒரு வாண்டு கடைசி படிக்கட்டில் இருந்து தவ்வி கீழே குதித்தான். அவன் அம்மா கை தட்டி சிரித்தவாறு அவனை பாராட்டினார். நமக்கு உள்ளே பற்றிக்கொண்டு வந்தது. வீரத்தமிழனாக மகனை வளர்ப்பதற்கு பல வழிகள் உள்ளன. இறங்கி முடிப்பதற்குள் விசில் அடித்து கிளப்பும் பேருந்துகள் பல. கட்டிளம் காளைகளே சில சமயம் ஜெர்க் ஆகி தடுமாறும்போது, குழந்தைகளை குதிக்க செய்து மகிழும் அம்மாக்களை அரசியல் அம்மாவிடம் சொல்லி இட மன மாற்ற மருத்துவமனைக்கு பார்சல் செய்ய சொல்ல வேண்டும். 

...................................................................................................

குடியிருந்த கோயில்: 

முந்தைய ஸ்பெஷல் மீல்ஸில் என் நண்பன் ஒருவனின் தந்தை பற்றி குறிப்பிட்டு இருந்தேன். அவர் இந்த வாரம் இறந்துவிட்டார். மூளையில் புற்றுநோய் கட்டி வேகமாக பரவி இறுதியில் அவர் உயிரைப்பறித்தது   விட்டது. ஆங்கில மருத்துவம் செய்யாமல் அருள்வாக்கு, செய்வினை உள்ளிட்ட பல மேட்டர்களை சொல்லி என் நண்பனை குழப்பிவிட்டனர் கூட இருந்தவர்கள். தந்தை மேல் அதிக பாசம் கொண்டவன். தந்தை மறைவிற்கு சில மணி நேரங்கள் முன்பாகத்தான் ஆபீசில் அவர் குறித்து பெருமையாக பேசினான். மளிகைக்கடை வைத்து தன் மகன்கள் அனைவரையும் நல்ல நிலைக்கு கொண்டு வந்த மனிதர். 

இறப்பு செய்தி கேட்டு அவன் வீட்டிற்கு சென்றபோது, நண்பனின் தந்தையை பெற்ற தாய் கதறி அழுதவாறு இருந்தார். எண்பது வயது தாண்டி தான் உயிருடன் இருக்க,பேரன்கள் மற்றும் கொள்ளுப்பேரன்,பேத்திகள் நிறைந்திருக்க, பெற்ற மகனை/மகளை இழக்கும் தாயின் சோகத்தின் வலியை அந்த தாய் மட்டுமே உணர இயலும். மற்றவர்களுக்கு எல்லாம் 'பாவம் பாட்டி, வயசான காலத்துல' என்று சில நிமிடங்கள் 'உச்' கொட்டிவிட்டு பிழைப்பை பார்க்கவே நேரம் சரியாக இருக்கும்........

...................................................................................................

ராஜா எங்க ராஜா:

நன்றாக உண்டபிறகு இப்பாடலை கேட்டாலே மீண்டும் ஒரு முறை பசி எடுக்கும். பசியாக இருந்தால் சொல்லவே வேண்டாம். படாபட் ஜெயலட்சுமி அசத்த அதற்கு ரஜினி குடுக்கும் சூப்பர் ரியாக்சன் ஒருபுறம், இசைஞானியின் குறும்பு மெட்டு, வாணி ஜெயராமின் குரல்(தகவல்: கேபிளார்) பட்டையை கிளப்புகின்றன.  கண்ணதாசன், கங்கை அமரன், பஞ்சு அருணாச்சலம் ஆகிய மூவரும் இப்படத்தின் பாடல்களை எழுதி இருப்பினும், இப்பாடலை எழுதியது இம்மூவரில் யார் என்று சரியாக தெரியவில்லை. தெரிந்தால் சொல்லுங்கள் நண்பர்களே.       

...................................................................................................

.................................
My other site:
agsivakumar.com
..................................

உதிரம் உறிஞ்சிய உற்சாக பானம் - 4

எழுபதுகளின் இறுதியில் சாதுல்லா தெருவில் உள்ள ஒரு காம்பவுண்டில் 75 ரூ மாத வாடகைக்கு ஏற்கனவே என் தந்தை தங்கியிருந்தார். அதே வீட்டில் தனது வாழ்வை துவக்கினார் அம்மா. தந்தையின் மூத்ததார மகன்கள் இருவரை வளர்க்கும் பொறுப்புடன். அந்த காம்பவுண்ட் ஒரு மினி தென்னிந்தியா எனச்சொல்லலாம். மலையாளம், தெலுங்கு, தமிழ் மொழிபேசும் பத்து குடும்பங்கள் சேர்ந்த கலவை. பக்கத்து வீடுகளில் ஹிந்தி, கொங்குனி பேசும் குடும்பங்களும் இருந்தன.

காம்பவுண்டில் வீட்டின் சொந்தக்காரர் மற்றும் ஓரிரு வசதி உள்ளவர்களின் வீடுகள் பெரிதாக இருந்தன. எங்கள் வீடு அதிநவீன முறையில் விசாலமாக   கட்டப்பட்டு இருந்தது. ஒரே அறை. நடுவில் ஒரு மரத்தடுப்பை வைத்து இரண்டு அறைகளாக மாற்றும் ஒண்டிக்குடித்தன டெக்னிக்கை அதே வரிசையில் இருந்த மற்ற நான்கு குசேலர் குடும்பங்களும் பின்பற்றின. இரண்டு பெரியவர்கள் மற்றும் ஒரு குழந்தை படுத்தாலே ஹவுஸ்புல் ஆகும் அளவிற்கு பிரம்மாண்ட வசதி. அதிலும் சற்று உயரமானவர் விருந்தாளியாக வந்தால் அவருடைய குதிகால் வீட்டு வாசலுக்கு வெளியே நிலவொளியில் ஓய்வு எடுக்கும் அதிர்ஷ்டம் கொண்டிருந்தது. 

திருமணம் நடந்த ஒரு சில வருடங்கள் எப்போதாவது சர்பத்/மருந்து(மதுவிற்கு மற்ற பெயர்களாம்) அடித்து வந்தார் அப்பா. நன்றாகத்தான் சென்று கொண்டு இருந்தது காலம். கல்யாணம் ஆன பெண்களுக்கு மாமியாரை விட பெற்ற தாய்தான் பெரிய வில்லி என்று பலருக்கு தெரியுமோ தெரியாதோ. சினிமாவும், பத்திரிகை ஜோக்குகளும் வேண்டுமானால் மாமியார் கொடுமைகளை மட்டுமே ஊதிப்பெருசாக்கலாம். பல நேரங்களில் நிஜம் அதற்கு எதிரானதும் கூட.  பெண்ணைக்கட்டி கொடுத்தோம். வயதான காலத்தில் ஊரில் காலத்தை ஓட்டினோம் என்றில்லாமல் அடிக்கடி மெட்ராஸ் வந்து அப்பாவின் காதில் மந்திரங்களை ஓதினார் பாட்டி "பாவம். இரண்டு பிள்ளைகளை வைத்துக்கொண்டு நீ படுற கஷ்டம் இருக்கே" என்று மருமகனுக்கு ரத்த கொதிப்பை ஏற்றினார். அவர் மட்டுமா? 

ஊரில் ஒரு சொந்தக்காரன் குடிகெடுக்க அலைகிறான் என்று முன்பு சொன்னேனே அவனும் மெட்ராஸ் வந்து தன்னால் ஆன காரியத்தை சிறப்பாக செய்தான். குடிப்பதற்கு அழைத்துச்சென்று அவரை குழப்பி சந்தோஷம் அடைந்தான். இது போதாது என்று திரையுலகில் கொடிக்கட்டிப்பறந்த நடிகரின் மனைவி "கணபதி, பாத்து நடந்துக்க. சித்தியா வந்தவ மேல ஒரு கண்ணு இருக்கட்டும். புள்ளைங்களுக்கு வேலா வேலைக்கு சோறு போட்ராளான்னு கண்காணி" என்று தன் பங்கிற்கு ஆவன செய்தார்(அப்பெண்மணி தற்போது உயிருடன் இல்லை). இந்த தூபங்களுக்கு பிறகுதான் அண்ணாத்தை(எங்கப்பா) சற்று அதிகமாக குடிக்க ஆரம்பித்தார்.

பெரியவீட்டு பெண்மணி சொன்னதைக்கேட்டு ஒரு நாள் ஜன்னல் வழியாக மறைந்து கொண்டு இரு பிள்ளைகளுக்கும் தன் மனைவி ஒழுங்காக சோறு போடுகிறாளா என்று உளவு பார்த்தார். இதை பார்த்துவிட்ட என் பெரிய அண்ணன் சைகையால் அம்மாவிடம் சொல்லிவிட்டான். இதையெல்லாம் பெரிதாக பொருட்படுத்தவே இல்லை அம்மா. சத்தமாக சில வார்த்தைகள் மட்டும் பேசினார்."உங்களிடம் சொகுசான வாழ்வு கிடைக்கும் என்று தெரிந்து வந்திருந்தால் நீங்கள் இப்படி சந்தேகப்பட ஒரு நியாயம் உள்ளது. எதை செய்ய வேண்டுமென்றாலும் உங்களுக்கு தெரியாமல் செய்ய வேண்டிய அவசியம் இல்லை" என்று கத்தியதை கேட்டு பக்கத்து வீட்டார் வந்து அப்பாவை லெப்ட் ரைட் வாங்கினர். அதில் ஒரு பெண்மணி "உன்னுடன் வாழ்வது கடினம் என்று முடிவு செய்தால் விஷத்தை மூன்று பங்காக்கி பிள்ளைகளுக்கு தந்துவிட்டு  தானும் போய் சேர்வாளே தவிர பாகுபாடு பார்க்க மாட்டாள்" என்று காய்ச்சியதும் அமைதி ஆனார் அப்பா.  

அந்த காலகட்டத்தில்    எம்.ஜி.ஆர். முதல்வராக இருந்தார். குடிமகன்கள் இப்போது இருப்பது போல நினைத்தவுடன் சோமபான கடைக்கு சென்று  குடித்துவிட்டு ரோட்டில் மட்டையாகி விட முடியாது. அரசாங்கம் பெர்மிட் கார்டை தரும். அதில் வாரம் குறிப்பிட்ட அளவிற்கு மட்டுமே குடிக்க வேண்டும் என்றும் மேலும் சில கண்டிஷன்களும் குறிப்பிடப்பட்டிருக்கும். நம்ம ஆளு (நைனா) ஏற்கனவே அந்த கார்டை பொறுப்பாக வாங்கி வைத்திருந்தார். ஒருநாள் சக மதுவடிமை ஒருவர் "உன்னால முடிஞ்சா 2 பெர்மிட் கார்ட் வாங்கு பாக்கலாம்" என்று அசத்தலான, எங்கள் குடும்பத்தில் தீயை வைக்கும் சவாலை முன் வைத்தார். நம்மாளும் சவாலை ஏற்றுக்கொண்டார். என்னா நட்புடாங்கப்பா!! 

தொடரும்.................
...........................................................................................


...............................
My other site:
agsivakumar.com
...............................

யோகன் - கவுதம் - விஜய் - சுட்டே புடுவேன்!!

வேலாயுதம் ரீமிக்ஸ்:
(சொன்னா புரியாது)

ஹாலிவுட் நடுநடுங்க..கோலிவுட் கிடு கிடுங்க..உங்கள ஏமாத்தி கோடி ரூவா சம்பளம் வாங்கிய நாங்க...அடுத்த சூப்பர் ஸ்டார்னு சொல்லுற கோஸ்டிதானே..

கும்பிட்டு கூவறோம். எங்க படம் பாக்க வாங்கய்யா.......

சொன்னா புரியாது..சொல்லுக்குள்ள அடங்காது..ஒரிஜினலை திருடி  எடுக்குற எங்க கஷ்டம். கத்துனாலும் கெடைக்காது. முட்டுனாலும் கெடைக்காது. உங்க டிக்கட்டுக்கு ரீபன்ட் ரொம்ப கஷ்டம்....

கவுதம் வாசுதேவ மேனன் பேரு, காப்பி பேஸ்ட் கவுதம்னு ஊருக்குள கேளு.

சொந்தமா ஸ்டில் எடுக்காத ஆளு, அப்பப்ப தலைமேல கொட்டுது கருந்தேளு..

             

டண்ட  நக்கட நக்கட நாக்ட தகிட நக்கட நக்கட..

குலா ஏ குல்சா....  குலா ஏ குல்சா....  குலா ஏ குல்சா.... குலா ஏ குல்சா...

You cant control me. Better you become fool. Everyday. 

தலைக்கு மேலே ஏசி பறக்கும் கேரவான் எங்க ரெண்டு பேருக்கும் இருக்கும். தலையில் ஞானம்தான் இருந்ததில்ல.குலுமனாளில குத்துப்பாட்டு, அமெரிக்கால டூயட்டும் இருக்கும். தப்பித்தவிர அதைத்தவிர சொந்தமா நாங்க யோசிச்சது இல்ல. 

வரப்ப மிதிச்சி ராப்பகலா ஒழச்சி டிக்கட்டுக்கு காசை காலி பண்ற ஆளுங்க நம்ம கட்சி. இவங்க மனசை சந்தோஷப்படுத்த ரைட்ஸ் வாங்காம காப்பி அடிச்சாலும் ரைட்டு மச்சி. தியேட்டர்ல விசில் அடிச்சி ஆடுற கூட்டத்துக்கு, அடுத்த படமும் ஒரிஜினல்னு நம்பி வர்ற கூட்டத்துக்கு கையெடுத்து கும்பிடறோம்.

அடுத்தவன் படத்த சுடுற புள்ளைங்க, எங்கள  அடிச்சிக்க யாரும் இல்லைங்க. உங்களைத்தான் எப்பவுமோ நெம்பறோம். 

சொன்னா புரியாது..சொல்லுக்குள்ள அடங்காது..ஒரிஜினலை திருடி  எடுக்குற எங்க கஷ்டம். கத்துனாலும் கெடைக்காது. முட்டுனாலும் கெடைக்காது. உங்க டிக்கட்டுக்கு ரீபன்ட் ரொம்ப கஷ்டம்....

டண்ட  நக்கட நக்கட நாக்ட தகிட நக்கட நக்கட..

குலா ஏ குல்சா....  குலா ஏ குல்சா....  குலா ஏ குல்சா.... குலா ஏ குல்சா...

                            

                                                                   

                                                                 
...........................................................................

ஸ்பெஷல் மீல்ஸ்(06/11/11)

பிஸ்தா: 

                                                                 

"வெஸ்ட் இண்டீஸ்னா மும்பைதான? கவலைப்படாத தம்பி. இன்னிக்கி நடக்குற டெஸ்ட்ல நீ நூறாவது நூறு அடிக்கற. மொத பந்தை மட்டும் கிரவுண்டுக்கு வெளில அடி. பந்து மும்பை வரைக்கும் வந்து விழுந்ததால நூறு ரன் தரணும்னு நான் பந்த் பண்றேன்."

.............................................................................................

புலிவேஷம்:

அசிங்கமாக பொது இடங்களில் காதல் ஜோடிகள் சேட்டை செய்வது சகிக்க முடியாத விஷயம் என்றாலும், அவர்களை விட அப்பாவியாக பூங்காக்களில் அமர்ந்திருக்கும் ஜோடிகளை அடித்து விரட்டுவது சிவசேனாவின் பொழுதுபோக்கு. அண்ணன்- தங்கை பூங்காக்களில் இருந்தால் கூட அவர்களையும் காதலர்கள் என்றெண்ணி ஏசுவதும், அடிப்பதும் படு கேவலமான செயல். சமீபத்தில் சிவசேனாவின் இளைஞர் பிரிவான யுவசேனா நடத்திய விழாவில் நடிகைகளை வரவைத்து கவர்ச்சி ஆட்டத்தை அரங்கேற்றி உள்ளனர் இந்த மராத்தி மாவீரர்கள். அந்த ஐட்டம் சாங்கை கீழுள்ள லிங்க்கில் பாருங்கள்:

யுவசேனா குத்தாட்டம் 

'ஊருக்கொரு நியாயம் உங்களுக்கொரு நியாயமா' என்று கேட்டதற்கு "சினிமா பாடல்களுக்கு மேடையில் ஆடுவது சகஜம்தானே" என்று கூறி உள்ளார் 'தல' பால் தாக்கரேவின் புள்ள உத்தவ் தாக்கரே. உங்களை எல்லாம் கேப்டனை விட்டு வீதி வீதியா விரட்டி விரட்டி அடிக்கனுண்டா..

.........................................................................................

இரு வல்லவர்கள்: 

                                                                     

'ஹாய்..கே.கே. ஹவ் ஆர் யூ?' என்று சொல்லும் துர்பாக்ய நிலை வந்துவிடுமோ   எனக்கருதி கலைஞரை ஓரிரு முறை எதேச்சையாக சந்திக்கும் சந்தர்ப்பம் வந்தால் கூட அதை முற்றிலும் தவிர்க்கும் ஜெ...அதே கொள்கையை பின்பற்றும் கே.கே. இப்படிப்பட்ட சூழலிலும் ஓரளவுக்கு நாகரீகம் தெரிந்த நபர்களில் முன்னாள் சென்னை மேயர் மா. சுப்பிரமணியம் குறிப்பிடத்தக்கவர். பொறுப்பில் இருந்த காலத்தில் அவர் ஜீ தமிழ் தொலைக்காட்சியில் ஞாயிறு தோறும் மக்களிடம் தொலைபேசியில் பேசி குறைகளை தீர்க்க ஆவன செய்தார். அப்போது சென்னையில் இருக்கும் கிட்டத்தட்ட எல்லா தெருக்களையும் துல்லியமாக அவர் அறிந்து வைத்திருந்தது ஆச்சர்யத்தை அளித்தது. 

நேற்று புதிய தலைமுறை தொலைக்காட்சிக்கு அளித்த பேட்டியில் தற்போதைய மேயர் உடனே எடுக்க வேண்டிய நடவடிக்கைகள் குறித்து பேசினார். அதுபோல் ஒரு பெண்மணி மழையால் தங்கள் பகுதியில் ஏற்படும் பிரச்னை குறித்து கூற உடனே ஒரு போன் நம்பரை தந்து அவர்கள் பகுதி மாநகராட்சி அதிகாரியிடம் பேசச்சொன்னார். 'சென்னை சாலைகளின் மொத்த நீளம் 3,300 கி.மீ., ஆனால் மழைவடிகால் வசதி  700 கி.மீ. அளவிற்கே இதுவரை போடப்பட்டுள்ளது. மெட்ரோ ரயில் பணிகள் நடைபெறுவதால் மழைவடிகால் கால்வாய்கள் துண்டிக்கப்பட்டுள்ளன' என்றும் கூறினார் சுப்ரமணியம். புதிய மேயர் சைதை துரைசாமி பதவி ஏற்ற உடனேயே கடுமையான சவாலை (கொட்டித்தீர்க்கும் மழை) சந்தித்து இருக்கிறார்.  இரு மேயர்களும் ஒரே ஏரியா ஆட்கள் என்பது சைதை தொகுதிக்கு பெருமை. முன்னவர் கூடுமானவரை தன் பணியை ஆற்றியதுபோல், துரைசாமியும் செய்தால் சைதை தொகுதியின் பெயர் என்றும் நிலைக்கும். பார்க்கலாம்.

.............................................................................................

மாயா பஜார்: 

அலுவலகத்தில் வேலை செய்யும் நண்பனின் தந்தை தலையில் கேன்சர் வந்து ஆபத்தான நிலையில் இருக்கிறார். மருத்துவமனையில் அறுவை சிகிச்சை செய்ய ஏற்பாடு செய்து வந்த நிலையில் அவனை குழப்பி அடித்து விட்டனர் அவனை சுற்றி இருப்பவர்கள். செய்வினை, அருள்வாக்கு, சேலம் சித்த வைத்தியம், கேரளா ஆயுர்வேதம் என ஆளாளுக்கு ஐடியா சொல்ல அனைத்தையும் முயற்சி செய்துபார்த்தும் எந்த முன்னேற்றமும் இல்லை. நிலைமை இன்னும் மோசமாகி விட்டது. இவற்றை நம்பி ஆபரேஷன் கூட செய்யாமல் விட்டுவிட்டான். அவன் வயதில் மிகவும் இளையவன் என்றும் பாராமல் ஆளாளுக்கு அவனை அட்வைஸ் தந்து குழப்பியுள்ளனர்.

ஐடியா குடுக்கிறேன் பேர்வழி என்று ஐ.சி.யு.வில் இருந்த ஒரு உயிருடன் விளையாடும் இந்த அறிவுக்கொழுந்துகளை என்ன சொல்வது? நாளை அறுவை சிகிச்சை செய்யாமல் ஏதேனும் ஆகிவிட்டால் இந்த அறிவுஜீவிகள் பொறுப்பு ஏற்பார்களா? முதல்ல உங்களுக்கு பேய் ஓட்டனும்டா.
....................................................................................................

பொற்காலம்: 

வள்ளுவர் கோட்டத்தின் ரெகுலர் விசிட்டர்களான 'ரெஸ்ட் எடுத்து டயர்ட் ஆகி ரெஸ்ட் எடுக்கும்' தோழர்களுக்கும், காதலை கால்கிலோ காம்ப்ளான் போட்டு தினம் வளர்க்கும் ஜோடிகளுக்கும் ஒரு முக்கிய அறிவிப்பு: ஞாயிறு நள்ளிரவு முதல் மறுநாள் பிற்பகல் வரை வள்ளுவர் கோட்டம் பாரிமுனைக்கு மாற்றப்படும். மதிய உணவை அங்கு சாப்பிட்டு முடித்ததும் வெளியேறி விடுங்கள். அல்லாவிடில் நீங்களும் 'டோ' செய்யப்பட்டு அடையாறுக்கு இழுத்து செல்லப்படலாம். அங்கு சில மணிநேரங்கள் ஸ்டே செய்துவிட்டு அந்தி சாய்ந்ததும் அண்ணா நகருக்கு மாற்றப்படும். எக்காரணம் கொண்டும் கே.கே. நகருக்கு வ.கோட்டம் இடம் பெயர வாய்ப்பில்லை. மைன்ட் இட்!!

..............................................................................................

எதிர்பாராதது: 

                                                                  டோஜோவிக்

டென்னிஸ் கேரியரில் படிப்படியாக முன்னேறி சென்ற ஆண்டு நடால் மற்றும் பெடரர் எனும் இரு சிங்கங்களை ஓரம்கட்டி தூள் கிளப்பினார் செர்பியாவின் டோஜோவிக். ஆனால் நேற்று நடந்த ஸ்விஸ் இன்டோர் போட்டியின் அரை இறுதியில் கெய் நிஷிகோரி(யாரென்றே இதுவரை தெரியாது) எனும் ஜப்பான் வீரரிடம் 2-6, 7-6, 6-0 எனும் செட் கணக்கில் உதை வாங்கி உள்ளார். கடைசி செட்டில் ஒரு கேம் கூட ஜெயிக்காமல் இவர் தோற்றது அதிர்ச்சிதான். வலது தோள்பட்டையில் வலி இருந்ததும் தோல்விக்கு ஒரு காரணம் எனினும், இவரை விரும்பாத டென்னிஸ் ரசிகர்களுக்கு கொண்டாட்டம்தான்.
..............................................................................................

மகா நடிகன்: 


இருக்குற கடுப்பு பத்தாதுன்னு இதுவேற. "எங்களுக்கு மிகவும் வேண்டப்பட்ட நாடு எனும் அந்தஸ்தை இந்தியாவுக்கு வழங்கி பெருமை கொள்கிறோம்" என்று சொன்னது எந்த நாடு தெரியுமா? பக்கத்து வீட்டு பாகிஸ்தான் தான். இதை மனதார வரவேற்பதாக நம் நாட்டு 'டம்மி பீஸ்' (மோகன்..பன்மோகன்) சொல்லி இருக்கிறார். பாக்குறதுக்கு கார்ட்டூன் பொம்மை மாதிரி இருக்காரு. கலாய்ச்சி அனுப்பிடலாம்னு பாத்தா.. இந்த ஆளு சீரியசாவே இப்படித்தான் பேசிட்டு திரியறாரு. என்ன செய்றதுன்னே தெரியலியே...ம்ம்..
............................................................................................

மாத்தி யோசி:

தலைமைச்செயலகத்தை சூப்பர் ஸ்டார் ஸ்பெஷல் மருத்துவமனையாக மாற்றுவேன் என்று மேடம் சொன்னதற்கு மயங்கி சென்டிமென்ட்டாக ஆப் ஆன பலரில் நானும் ஒருவன். ஆனால் அதே அஸ்திரத்தை மொக்கையாக  பயன்படுத்தி அண்ணா நூலகத்தை குழந்தைகள் மருத்துவமனையாக மாற்றுவேன் என்று ஜெ சொன்னதுதான் எடுபடவில்லை. அம்மா..தாயே.. தயவு செஞ்சி இருக்குற மருத்துவமனைங்களை நல்லா வச்சிக்க பாருங்க. எழும்பூர் குழந்தைகள் மருத்துவமனை (சென்னை) பக்கம் போன வாரம் தெரியாம போயிட்டேன். அந்த இடத்தை சுத்தி குப்பைங்க ஜாஸ்தியா இருக்கு. இப்ப மழைக்காலம் வேற. இருக்குற குழந்தைங்களுக்கு முதல்ல வியாதி வராம காப்பாத்துங்க.
.............................................................................................  

அச்சமுண்டு அச்சமுண்டு:

என் சகோதரர் வேலை செய்யும் இடத்திற்கு பொருட்கள் வாங்க சில நாட்களுக்கு முன்பு தமிழக அமைச்சர் ஒருவர் பரிவாரங்களுடன் வந்திருக்கிறார். அதில் ஒரு அசிஸ்டன்ட் "அமைச்சர் வர்றாங்க. அமைச்சர் வர்றாங்க" என்று ட்யூன் போட்டுக்கொண்டே உள்ளே நுழைந்ததோடு  மீண்டும் பில்ட் அப்பை ஏற்றி 'அமைச்சருக்கு கரெக்டா பொருளை எடுத்து குடுங்க' என்று வாசிக்க, "நாங்க பாத்துக்கறோம் சார். கட்சில இருக்குற பெரிய தலைகள் எல்லாம் இங்க ரெகுலரா வர்றவங்கதான். மேடமுக்கு கூட இங்கிருந்துதான் பொருட்கள் அனுப்புகிறோம்" என்று வேலை செய்பவர்கள் சொல்ல,  "என்னது மேடமுக்கு கூடவா"  என்று திடுக்கென திரும்பி அமைச்சர் கேட்டாராம். "ஆம்" என்றதும் பரிவார பேன்ட் வாசிப்புகள் அமுங்கிப்போனதாம். நல்ல சீனை மிஸ் பண்ணிட்டமோ?
..............................................................................................

எங்கேயும் எப்போதும்: 

கனிமொழிக்கு ஜாமீன் கிடைக்குமா? சொ.கு. வழக்கில் ஜெ ஆஜராவாரா? படுவா...இந்தக்கேள்வியை எல்லா ஊடகப்பயல்களும் ஏண்டா எங்ககிட்டயே கேட்டு உசுர வாங்கறீங்க? அத தெரிஞ்சிக்கத்தானே நாங்களே காசு குடுத்து பேப்பர் வாங்கறோம். இனிமே இந்த மாதிரி கேள்வியை எல்லாம் பழைய பேப்பர் கடைல போட்டு பேரிச்சம்பழம் வாங்கி தின்னுட்டு அப்படியே ஆத்தோட போய்டுங்க....
...............................................................................................

(மன்கோகன்) சிங்கம்:

மெகா ஹிட் ஆன சிங்கம் படத்தை பஞ்சாபி மொழியிலும் ரீமேக்குகிரார்கள். சூர்யா, அஜய் தேவ்கன் எல்லாருமே இந்தப்படம் வந்தா பத்தடி பின்னாலே போயி பம்மிக்கிட்டுதான் நிக்கணும். இதய பலகீனம் உள்ளவர்கள் இக்காட்சியை காண வேண்டாமென அறிவுறுத்தப்படுகிறார்கள்.      

மவனே, இனிமே எவனாச்சும் பெட்ரோல், கேஸ் வெல ஏறிடுச்சின்னு எகுறுவீங்க?
.....................................................................................................  

......................................

My other site:

agsivakumar.com
.....................................

............................................................
சமீபத்தில் எழுதியது:

கட்சியில் சேராதோர் கட்சி 
...........................................................

உதிரம் உறிஞ்சிய உற்சாக பானம் - 3

சென்ற பாகத்தில் குறிப்பிட்ட என் தந்தையின் முதலாளி வேறு யாரும் அல்ல. நடிகர் சிவாஜி கணேசன். இவர் நடிப்பினால் கவரப்பட்டு சொந்த ஊரான ராஜபாளையத்தில் இருந்து மெட்ராசுக்கு வந்திறங்கினார் என் தந்தை. அவர் வீட்டிலேயே வேலையும் கிடைத்தது. சில வருடங்களில் சிவாஜி வீட்டாரின் நன்மதிப்பையும் பெற்றார். சிவாஜியின் நிஜப்பெயர் கணேசன். அதேதான் என் தந்தையின் பெயரும். எனவே கணேசன் என அழைக்க விரும்பாமல் இவர் பெயரை கணபதி என அழைக்க ஆரம்பித்தனர். வட்டாரத்திலும் அப்பெயரே நிலைத்துப்போனது. முதலில் திருமணம் செய்த பெண் இதயநோயால் இறந்து விட, இரண்டாம் தாரமாக என் தந்தைக்கு கட்டாய திருமணம் செய்துவைக்கப்பட்டார் என் தாய்.

அதை செவ்வனே செய்த பெருமை என் பாட்டியை சேரும்(என் தாயின் அம்மா). "உன் ஒரே  மகளை தெரிந்தே பாழும் கிணற்றில் தள்ளாதே. அவளுக்கு சகோதரர்கள் கூட இல்லை. நாளை மணம் முடிந்து மெட்ராஸுக்கு தனியாக சென்று அவள் அனுபவிக்கப்போகும் கொடுமைகளை இப்போதேனும் தடுத்து விடு.அந்த பட்டணத்தில் சொந்தங்கள் என்று சொல்லிக்கொள்ள ஓரிருவரைத்தவிர எவரும் இல்லை" என ஊரார் பலமுறை சொல்லினர். அதையெல்லாம் சிறிதும் பொருட்படுத்தாமல் நினைத்ததை நிறைவேற்றினார் என் பாட்டி. அதற்குப்பின் பல்லாண்டு காலம் நாங்கள் அனுபவித்த சித்ரவதைகளை கண்டு "ஐயோ..நான் தவறு செய்து விட்டேன்" என இன்று வரை புலம்புகிறார் அந்த மூதாட்டி. இன்று புலம்பி என்ன பயன்? சில நிமிடங்கள் நிதானமாக யோசித்து இருந்தால் அன்றே இந்த பாவச்செயலை தடுத்து இருக்கலாம்.     

பொதுவாக கிராமத்து பெண்கள் மணம் முடித்து நகரத்தில்,அதுவும் தலைநகரத்தில் தன் வாழ்வை தொடங்கப்போகிறோம் என்று நினைத்தால் மனதில் ஏற்படும் பூரிப்பிற்கு அளவிருக்காது. நல்ல கணவன், புதிய மற்றும் நவீன சூழல், தன்னை மேம்படுத்திக்கொள்ள கிடைக்கும் வாய்ப்பு என மகிழ்வுடன் நகரத்தில் கால் எடுத்து வைக்கும் பெண்கள் பலருண்டு. ஆனால் அதற்கு நேரெதிராக ஏதேனும் ஒரு சந்தோஷத்திற்கான அறிகுறி கூட இன்றி தனது தலைநகர பயணத்தை துவக்கினார் என் தாய். 

குடிக்கு பழக்கப்பட்ட கணவன், அவனிடம் இருந்து மாத சம்பளம் சரியாக கைக்கு வர வாய்ப்பே இல்லை,  எந்த பிரச்னை வந்தாலும் ஆதரவுக்கு ஓடோடி வர சொந்தமில்லை, நடுரோட்டில் போட்டு அடித்தாலும் கேள்வி கேட்காத பெருநகரம், கணவனின் முதல் தாரம் பெற்றுப்போட்ட இரண்டு ஆண் பிள்ளைகளை வளர்க்க வேண்டிய பெருஞ்சுமை, அதிலும் ஒரு பிள்ளை நோய் வாய்ப்பட்டவன். அனைத்திலும் மேலாக, அந்த பிள்ளைகளுக்கு சிறு அசௌகர்யம் ஏற்பட்டு விட்டால் கூட "பெத்தவ இல்லையே. சித்திதான. அதான்" என்று சர்வசாதாரணமாக வார்த்தைகள் உதிர்க்கும் விஷ நாக்குகள். ஆஹா, என் தாய்க்கு திருமணப்பரிசாக கிடைத்த செல்வங்கள்தான் எத்தனை? போதும் கடவுளே. 

இத்தகு சோதனைகள் இருக்கும் என்று ஓரளவு புரிந்து கொண்டே தன் மண வாழ்வை தொடக்கினாலும், ஏதேனும் ஒரு வடிவில் வாழ்க்கை சீர்பட வாய்ப்புண்டு என சிறு நம்பிக்கை கொண்டிருந்தார் என் தாய். அது மட்டும் நடக்க வாய்ப்பே இல்லை என காலப்பேய் விஸ்வரூபம் எடுத்து கொக்கரித்தது. அசதிக்கு சற்று ஓய்வெடுக்க கூட நேரமின்றி நீண்ட சோதனை ஓட்டத்திற்கு தயார் ஆக வேண்டிய கட்டாயத்திற்கு ஆளாகி தனது பயணத்தை துவக்கினார்.

வரவேற்றது மெட்ராஸின் புகழ்பெற்ற ஏரியாவான தி.நகர். சிவாஜி, எம்.ஜி.ஆர்., சாவித்திரி, நாகேஷ் எனப்பல திரையுலக ஜாம்பவான்கள் வாழ்ந்த தி.நகரில் தனது ஆட்டத்தை துவக்கியது விதி. பல்லாண்டு காலம் விதியின் பேய் ஆட்டத்திற்கு களம் அமைத்து கொடுத்த தெருவின் பெயர் - சாதுல்லா தெரு. தி.நகர் பஸ் ஸ்டாண்ட் அருகில் இருக்கும் பர்கிட் ரோட்டை ஒட்டி சில தெருக்கள் தள்ளி இருக்கிறது அந்த சாதுல்லா தெரு. அதே பெயருடன் இன்றும். 

தொடரும்......

........................................................

...................................

My other site:

agsivakumar.com

...................................