திமிங்கிலங்களும் தமிழக மீனவனும்!

                                                           

                                                              

தமிழக மீனவர்கள் அன்றாடம் இலங்கை கடற்படையால் சுடப்படுவதும், அதற்கு பல்வேறு தரப்பில் இருந்து கண்டனம் வருவதும், பிறகு மீண்டும் அந்த பொறம்போக்கு சுடுவதும்....அடிங்!

"இலங்கை யுத்தத்தில் எத்தனை அப்பாவி தமிழர்கள் இறந்தனர். எத்தனை பேர் அய்யகோ இப்படி ஆகி விட்டதே என்று கூக்குரலிட்டோம். எத்தனை நாடகங்கள் அரங்கேறின. ஒரு உயிரையாவது நம்மால் காப்பாற்ற முடிந்ததா??  இத்தனை கோடி தமிழர்களின் உணர்வுக்கு மத்திய அரசு தரும் மதிப்பு இதுதானா.  நம்மால் ஒரு சிறு உதவி கூட செய்ய இயலாமால் எழுதி தீர்ப்பதும், மணிக்கணக்கில் விவாதிப்பதும் இன்னும் எத்தனை நாள்?? எத்தனை வருடங்கள்??"  இப்படித்தான் நானும் பல நாட்களாக எண்ணிக்கொண்டு இருந்தேன். ஆனால் சில நாட்களாக இணையதளத்தில் மீனவர்களுக்கு ஆதரவாக கொழுந்துவிட்டு எரியத்தொடங்கியுள்ள  தீ... மீண்டும் ஒரு நம்பிக்கையை அளித்துள்ளது.

தேசத்தின் நாளைய புரட்சி கணினி பயன்படுத்தும் நல்லோர் சமூகத்தின் கையில் பத்திரமாக இருக்கும் என்பது உறுதியாகியுள்ளது. தயவு செய்து இந்த தளத்திற்கு செல்லவும்:  www.savetnfisherman.org. மேலும் விவரங்களுக்கு http://vandhemadharam.blogspot.com.

இந்த முயற்சி கணினி உலகம் எனும் சிறு இல்லத்தில் அகல்விளக்காக  எரிவதை விட,  நம்மை சுற்றியுள்ள மக்கள் மனதில் என்றும் அணையா தீப்பிழம்பாக தொடர்ந்து கொழுந்து விட்டு எரியச்செய்வதே சரியானதா இருக்கும் என்பது என் கருத்து. நடிகனுக்கு ரசிகனாக இருக்கும் இளைஞனே, அது உன் விருப்பம். எந்த வெண்ணைக்கும் அதில் தலையிட உரிமை இல்லை. ஆனால் கடலிலே தினம் தினம் செத்து மடியும் உன் ஏழை சகோதரனுக்கும் கொஞ்சம் குரல் கொடு. இது அந்த ஏழை மீனவனுக்கு இல்லாவிடினும், நாளை உன் தலைமுறைக்காவது உதவும். பீர் அபிசேகம், கற்பூர தட்டு ஏந்தி உன் மகா நடிகனை போற்றும் நிலையை மாற்று.  இல்லாவிடில் ஒரு நாள் இலங்கை கடற்படை வீரன் உன் கோவணத்தையும் உருவிடலாம். அதை கர்மவீர்கள்  வேடிக்கை பார்க்கலாம். புரிஞ்சிக்க.

"அய்யய்யோ, ஆத்தா" என்று ஆஸ்திரேலிய நாட்டில் மேட்டுக்குடி மாணவர்கள் தாக்கப்பட்டபோது வாயிலும் வயிற்றிலும் அடித்துக்கொண்ட அரசே, இங்கே நித்தம் ஒருவன் சாகிறானே. அப்ப மட்டும் சத்தத்தை காணும்?  வடக்குல இருக்குற எவன் வெளிநாட்ல அடிபட்டாலும் 24 மணிநேரமும் "பிரேக்கிங் நியூஸ்" போட்டு வாய் கிழிய கத்தும் ஆங்கில செய்தி சேனல்களே, தமிழன் செத்தா மட்டும் அது உங்களுக்கு ஒரு நிமிட செய்தி??? செய்ங்கடா நீங்க.. செய்ங்க.  

இந்த பிரச்சனைக்கு நிரந்தர தீர்வை படிப்படியாகத்தான் சரி செய்ய இயலும் என்பதுதான் நிதர்சனம். "இப்போது நான் என்ன கிழிக்கலாம்?" என்று யோசித்தபோது, இதுதான் மனதில் தோன்றியது:

                                                                      

துப்பாக்கி சூட்டில் உயிர் இழந்த/அடிபட்டு வறுமையில் வாடும் மீனவர் இல்லத்தில் இருக்கும் குழந்தைக்கு நம்மால் ஆன கல்வித்தொகை அல்லது வேறேதேனும் பொருளாதார உதவியை செய்தால் மட்டுமே இத்தனை  கூக்குரலுக்கும் ஒரு அர்த்தம் இருக்கும். எனவே, பாதிக்கப்பட்ட  மீனவர் குடும்பம் பற்றிய விவரத்தை  பதிவுலக நண்பர்கள்  அல்லது வாசகர்கள் நமக்கு தெரிவித்தால் மிகவும் உதவியாக இருக்கும். (குறிப்பாக செய்தித்துறை அல்லது கடலோர மாவட்ட நண்பர்கள்). நானும் எனக்கு தெரிந்த நண்பர்களிடம் விசாரிக்கிறேன். களம் இறங்குவோம். தமிழன் யாரென்று தரணிக்கு பறைசாற்றுவோம். 

http://www.youtube.com/watch?v=MHGMJylqg8I

            
...............................................................
Pics, Video: Google & Youtube.
My other site: nanbendaa.blogspot.com
...............................................................

                                                    
                                              

127 HOURS

                                                         நிஜ நாயகன் - ஆரோன்!

பல நாள் காத்திருப்பு. ஒரு வழியாக புதன் கிழமை ரிலீஸ் ஆனது. நேற்று படத்தை பார்த்தேன்.  இந்த படம் முற்றிலும் ஒரு உண்மை சம்பவத்தை கொண்டு எடுக்கப்பட்டதால், நிஜ நாயகன் ஆரோன் எழுதிய புத்தகத்தில் உள்ள சம்பவங்களை ஏற்கனவே சென்ற வருடம் இந்த வலைப்பூவில் பகிர்ந்து இருந்தேன். அதற்கான லிங்க்:  ஆரோன் .  அந்த பதிவிலேயே கிட்டத்தட்ட மொத்த செய்தியும் இருப்பதால் இங்கு ஒரு சில விசயங்களை மட்டும் சொல்ல நினைக்கிறேன்.  டான்னி பாய்ல் மற்றும் ரஹ்மான் இருவரும் ஒரு உன்னத படத்தில் பணியாற்றிய புகழை பெற்றுள்ளனர். ஆனால் இன்று டைம்ஸ் ஆப் இந்தியா நாளிதழில் ரஹ்மான் சொன்னது "இந்த வருடம் ஆஸ்கார் கிடைப்பது சந்தேகமே". ஆம். இந்த படத்தின் களத்திற்கு பெருமளவில் இசை தேவைப்படாததால், ஆங்காங்கே சில மாஜிக் மட்டும் செய்திருக்கிறார் ரஹ்மான். இன்சப்சன், சோசியல் நெட்வொர்க் மற்றும் சில படங்களின் இசை பிரமாதமாக இருந்ததால் ரஹ்மான் வெற்றி பெறுவது சந்தேகமே. ஆனால், ஆஸ்கார் கமிட்டி சில சமயம் மற்ற அமைப்புகளில் இருந்து வேறுபட்டு எதிர்பாராத படங்களுக்கும், கலைஞர்களுக்கும் விருது குடுப்பார்கள் என்பதால் எதுவும் நடக்கலாம். அடுத்த மாதம் 27 ஆம் தேதி வரை பொறுத்திருப்போம்.   

படத்தில் அனைவரையும் சிரிக்க வைத்த வசனம்:

பாறையில் சிக்கிய தன் வலது கையை சிறிய கத்தியால் அறுக்க நினைக்கிறான் ஆரோன். ஆனால் கத்தி மொக்கையாக உள்ளதை கண்டு அவன் பேசும் வசனம் "சீப்பான சீனா கத்தியை வாங்கினால் இதுதான் நடக்கும்". 

127 HOURS - போராட்டங்களை எதிர்கொள்ள நினைக்கும் அனைவருக்கும். DONT MISS.


தியேட்டர் நொறுக்ஸ்:
தியேட்டரில் என் முன் வரிசையில் படத்தை மும்முரமாக பார்த்துகொண்டிருந்தார் ரசிகர் ஒருவர். அடிக்கடி திரையை மறைத்துக்கொண்டு.  இப்படிப்பட்ட படங்கள்  ஒரு ரசிகனை இந்த அளவுக்கு ஈர்ப்பதே அதன் வெற்றி. என்னால் சில காட்சிகளை சரியாக பார்க்க முடியாவிட்டாலும் கவலை இல்லை. இன்னொரு முறை பார்க்கலாம். ஏன் அதே அரங்கில் தரையில் உட்கார்ந்து கூட பார்ப்பதில் கூட எனக்கு பிரச்னை இல்லை. தொடர்ந்து வெல்லட்டும் நல்ல திரைப்படங்கள். சினிமா சமூகத்திற்கு கேடு என்று ஆளாளுக்கு சாபம் விடும் ஒரு தரப்பு மக்களே. இந்த படத்தை நீங்கள்தான் முதலில் பார்க்க வேண்டும்.
.............................................................................

                                                                     


இன்று ஆனந்த விகடனில் இயக்குனர் பாலாவின் நெத்தியடி பேட்டி.. சில துளிகள்:

"அறியாமையை அறிந்து விடுவார்கள் என்பதால்தான் அதிகம் பேசுவது இல்லையோ?"
பாலா - "கண்டுபிடுச்சிட்டியே ராசா".

"உலக சினிமாவை தமிழ் சினிமாவோடு ஒப்பிட முடியுமா?'
பாலா - "நாங்க மட்டும் என்ன செவ்வாய் கிரகத்திலா படம் எடுக்கிறோம்".

"ஏன் ஒரு படம் எடுக்க உங்களுக்கு  வருடக்கணக்கில் ஆகிறது?"
பாலா - 'தினம் காலையில் "ஐயோ பாலா படம் இன்னிக்கும் வரலியே" என்று யாராவது
"பட்டினி கிடக்கிறார்களா என்ன?"

"நீங்கள் ஏன் நடிக்கக்கூடாது?"
பாலா - மேடம் என்னை கலாய்க்கிராங்கலாம்.

இப்படி பேட்டி முழுக்க பட்டையை கிளப்பி இருக்கிறார் பாலா. அவன் - இவன் படத்தில் சிரிப்பு சரவெடிகளை கொளுத்தி போட்டிருப்பார் என்பதில் சந்தேகமே இல்லை. தவறாமல் இப்பேட்டியை படியுங்கள்.
..........................................................................
Pics: Google.
My other site: nanbendaa.blogspot.com
                                          

TANGLED 3-D

ஸ்டார்ட்டர்: 

கார்ட்டூன் மற்றும் அனிமேஷன் பட உலகின் பேரரசான டிஸ்னி நிறுவனத்தின் 50 வது பெருமைமிகு படைப்புதான் TANGLED 3-D. இந்த படத்தை காண ஆவலாக உள்ளதாக நான் சென்ற வருடப்பதிவில் குறிப்பிட்டிருந்தேன். அதற்கான லிங்க்: விருதுகள். அனிமேஷன் பட வரலாற்றில் அதிகம் செலவு செய்து எடுக்கப்பட்ட படம் இது. பட்ஜெட் $260 மில்லியன். அமெரிக்காவில் நவம்பரில் வெளிவந்து போட்ட பணத்திற்கும் மேல் எடுத்துவிட்டு கடந்த வெள்ளி அன்று இந்தியாவில் ரிலீஸ் ஆகி உள்ளது.  

சாப்பாடு:

சூரியனில் இருந்து விழும் ஒரு துளி ஒளி மலையில் உள்ள ஒரு பசுமையான இடத்தில் விழுகிறது. அதன் மூலம் ஒரு அதிசய மலர் உண்டாகிறது. நோயற்ற வாழ்வு, என்றும் இளமை எனும் பல அதிசயங்களை தரும் அரிய சக்தி உடையது அந்த மலர். இதை ஒரு மூதாட்டி பார்த்து விடுகிறாள். அதன் மூலம் தன் இளமையை மீட்டெடுக்கிறாள். அதே சமயம் அரண்மனை காவலாளிகள் அங்கு வர அவள் சென்றுவிடுகிறாள். அந்த பூவை உடல் நலம் சரியின்றி வாடும் குட்டி இளவரசி ரபான்செல்லுக்கு தருகிறார் மன்னர். அவள் குணமாகிறாள். அவளை மூதாட்டி கடத்தி செல்கிறாள். உயரமான இடத்தில் இருக்கும்  இல்லத்தில் அவளை எவர் கண்ணுக்கும் படாமல் வளர்க்கிறாள். பதினெட்டு வயது நெருங்குகையில் அடைபட்ட இடத்தை விட்டு வெளியேற எண்ணுகிறாள் ரபான்செல். அதற்கு உதவி செய்ய வருகிறான்  ரைடர். அடுத்து என்ன நடந்தது என்பதை திரையில் காண்க. 

சிறந்த அனிமேஷன் படங்களை பெரும்பாலும் தவற விடுவதில்லை நான். அந்த படங்களும் இதுவரை என்னை ஏமாற்றியதில்லை. இதுவும் அப்படித்தான். படம் முழுக்க நகைச்சுவை தெறிக்கிறது. தியேட்டரில் மக்கள் மனம் விட்டு சிரித்த படங்களில் இதுவும் இடம்பெற்று விட்டது. கிட்டத்தட்ட ஆறு பாடல்கள். அனைத்தும் கதை சார்ந்தவை. எனக்கு மிகவும் பிடித்தது "ட்ரீம்" எனும் தலைப்பில் அமைந்த பாடல். தங்கள் வாழ்க்கை கனவு குறித்து ஒவ்வொரு கதாபாத்திரமும் பாடும் பாடல். அசத்தல். ரபான்செலின் மிக நீளமான கூந்தல்தான் படத்தின் ஹைலைட்.  ஒரு காட்சியில் நாயகன் ரைடர் மற்றும் நாயகி தப்பி ஓடி ஒரு குகையில் மறைகின்றனர். அப்போது கடல் நீர் சீறி வரும் காட்சி..சத்தியமாக அனிமேசன் என்று நம்ப முடியவில்லை. தொழிநுட்ப நேர்த்தியின் உச்சம். நான் அரசனாக இருந்தால் அதை உருவாக்கிய கலைஞர்களுக்கு ஒவ்வொரு விரலிலும் தங்க மோதிரம் அணிவிப்பேன். நீங்களும் பார்த்துவிட்டு சொல்லுங்கள். 

படம் முழுக்க நகைச்சுவை வசனங்கள் மற்றும் காட்சிகள்  பட்டையை கிளப்புவதால் எதை சொல்வது என்று தெரியவில்லை. ஓரிரண்டு மட்டும் உங்களுக்காக:

* ரபான்செலின் வளர்ப்பு தாய் கண்ணாடி அருகே நிற்கிறாள். ரபான்செலை அழைத்து அருகில் நிற்க வைத்து சொல்கிறாள் "அந்த கண்ணாடியில் தெரியும் இளம் பெண் எவ்வளவு அழகாக இருக்கிறாள் பார்". ரபான்செல் வெட்கப்படுகிறாள். அதற்கு வளர்ப்பு தாய் "உன்னை சொல்லவில்லை. என்னை சொன்னேன்" என டீஸ் செய்யும் காட்சி. 

* கிளைமாக்ஸில் நாயகன் பேசும் வசனம் "அதுதான் என்ன நடக்கபோகிறது என்று உங்களுக்கு தெரியுமே. அவளும் நானும் சந்தோசமாக இருந்தோம்". செம நையாண்டி. 

                                                                    

படத்தில் வரும் இரு கேரக்டர்கள் பற்றி கண்டிப்பாக சொல்ல வேண்டும். வெள்ளை குதிரை மாக்ஸிமஸ் மற்றும் அடிக்கடி நிறம் மாறும் தவளை பாஸ்கல். மாக்ஸிமஸ் பயங்கர கோபக்காரன். இவன் செய்யும் அட்டகாசங்களுக்குதான் அரங்கில் பலத்த கைதட்டல். அதற்கு சற்றும் சளைக்காத பாஸ்கல் குழந்தைகளின் மனதை கொள்ளை கொள்கிறது. படத்தின் மிகப்பெரிய பலம் 3-D. அந்த அனுபவத்தை அரங்கில் பாருங்கள். கண்டிப்பாக மறக்க மாட்டீர்கள். நாயகனும், நாயகியும் ஒரு படகில் நிலவொளியில் பேச, லாண்டர்ன் விளக்குகள் மிளிரும் காட்சி அற்புதம். இந்தியாவில் இருக்கும் நண்பர்கள்/சகோதரிகள் பலர்க்கு வரும் புதன் குடியரசு தின விடுமுறையாக இருக்கும். தங்கள் குழந்தைகளுக்கும்தான். அவர்களை இப்படத்திற்கு அழைத்து செல்லுங்கள். பிடித்து உள்ளதா என அவர்களிடம் கேளுங்கள். பிடிக்கவில்லை என்றால் என்னை சபியுங்கள். பிற நாட்டு மக்களும் இப்படத்தை தவறாமல் பார்க்கவும். குழந்தைகள் மட்டுமின்றி அனைத்து வயதினர் மத்தியிலும் அனிமேசன் படங்கள் தற்போது பெரும் வரவேற்பை பெற்று வருகின்றன.  அதற்கு TANGLED மட்டும் விதிவிலக்கில்லை. 

ஊறுகாய்: 

படம் முடிந்ததும் சென்னை சத்யம் அரங்கில் மழலை பட்டாளங்கள் TANGLED படத்தின் விளம்பர பேனர் முன் நின்று கொண்டு தங்கள் பெற்றோருடன் மொபைலில் போட்டோ எடுக்க சொல்ல பல பெற்றோர்கள் அதை எடுத்த காட்சி எனக்கு கிடைத்த மிகப்பெரிய போனஸ். பல நிமிடங்கள் நானும் என் தாயும் அந்த இடத்தை விட்டு நகரவில்லை.  எத்தனை வகையான படங்கள் வந்தாலும் அனிமேசன் படங்களை குழந்தைகள் சூழ பார்ப்பதில் கிடைக்கும் நிறைவே தனிதான். 

TANGLED 3-D :   குழந்தைகளுக்கு நீங்கள் தரப்போகும் அழகான பரிசு. சந்தேகமின்றி. 

 சென்னையில் TANGLED வெளியாகி இருக்கும் தியேட்டர்கள்:

 * சத்யம் (சீசன்ஸ்) - 4.15 PM,  எஸ்கேப்(கைட்ஸ்) - 2 PM, 7.15 PM

 (சனி,ஞாயிறு மற்றும் விடுமுறை தினங்களில் சிறப்பு காலை காட்சிகள் உண்டு).

* ஏ.ஜி.எஸ். - 1.45 PM, 7.30 PM, சங்கம் 3.15PM, ஐநாக்ஸ் - 4.10 pm. PVR - 3.45 PM.

* தேவிகலா - 1 and 4 PM. மாயாஜால் - 1.50 and 4 PM.

                                                            

ட்ரைலர்:


http://www.youtube.com/watch?v=sSx1dYJlJh4



..................................................................................
"சென்னை புத்தக கண்காட்சியில் நான்"
படிக்க Visit my other site: nanbendaa.blogspot.com

Pics and Videos: Google, Youtube.
..................................................................................

மீண்டும் சந்திப்போம்.




                                                                


                                                                  

DHOBI GHAT - விமர்சனம்

              


                                                  

                                                              வெற்றிக்கூட்டணி

 ஸ்டார்ட்டர்:     
அமீர் கான்... இந்த ஒரு பெயருக்காக மட்டுமே நான் சென்ற படம் Peepli live. ஆனால் ஏனோ அந்த படம் எனக்கு பிடிக்கவில்லை. அது குறித்து சென்ற வருடம் நான் எழுதியதை பார்க்க - பீப்ளி லைவ் . இந்த முறை மீண்டும் அதையேதான் செய்தேன். Dhobi Ghat படம் குறித்து எந்த செய்தியையும் படிக்கவில்லை. Dhobi Ghat (Mumbai Diaries) பெயரை கண்டதும் உடனே ரிசர்வ் செய்துவிட்டேன். காரணம் பிராக்கெட்டில் இருந்த Mumbai Diaries எனும் வார்த்தைகள்தான். வழக்கம் போல மும்பை நகர மக்களின் ஏழ்மை அல்லது சலவை செய்யும் மக்களின் பிரச்னைகளை அலசாமல் மும்பையில் வாழும் ஒரு சிலரின் யதார்த்த வாழ்க்கையை படம் பிடித்து இருப்பார்கள் அமீர்கானும் அவரது மனைவி கிரணும்  என்று நம்பினேன்.  என்னை ஏமாற்றவில்லை அவர்கள். கிரணுக்கு ஒரு ஸ்பெஷல் தேங்க்ஸ். 35mm திரைதான் படம் முழுதும். 95 நிமிடம். இடைவேளை இன்றி. லண்டன் மற்றும் டொரோண்டோ திரைப்பட விழாக்களுக்கு தேர்வு செய்யப்பட்டுள்ளது இந்த திரைப்படம். 


சாப்பாடு:
ஓவியர் அருண்(அமீர்), என்.ஆர். ஐ. பெண்மணி ஷாய், துணி வெளுக்கும் இளைஞன் முன்னா, சராசரி குடும்பப்பெண் யாஸ்மின். இவர்கள் நால்வரை மையமாக கொண்ட யதார்த்த சினிமாதான்  Dhobi Ghat. முதல் சில நிமிடங்கள் மெதுவாக செல்கிறது படம். முன்னா எனும் இளைஞன் வந்த பிறகு ஆங்காங்கே நகைச்சுவை தூறல்களுடன் வேகம் பிடிக்கிறது.  படத்தில் ஆமிர்கான் தன்னை முன்னிலைப்படுத்தாமல் மற்ற மூவருக்கும் முக்கியத்துவம் தந்தது மிகப்பெரிய விஷயம். இந்தியாவில் வேறெந்த முன்னணி நடிகருக்கும் இந்த தைரியம் இருக்குமா என்பது சந்தேகமே. பரபரப்பான திருப்பங்களோ, ஆழமான கதையோ இதில் இல்லை. மும்பையை சேர்ந்த ஒரு சிலரின் வாழ்வை புரட்டிப்பார்க்கும் ஆல்பம் இது. பீகாரில் இருந்து வந்து மும்பையில் வாழும் துணி வெளுத்தல் முன்னாவின் வேலை எனினும், நடிகன் ஆவதை லட்சியமாக கொண்டவன். ஷாய் அவனை நிற்க வைத்து ஸ்டில் எடுக்கும் காட்சி, லிப்டில் தகராறு செய்தல் என பல இடங்களில் சிரிப்பை வரவழைக்கிறான் முன்னா. ஷாய் கதாபாத்திரத்தில் வரும் மோனிகா சற்று ஏடாகூடமான பெண்ணாக நன்றாக  நடித்துள்ளார்.

                                                                
படத்தில் என்னை மிகவும் கவர்ந்த கதாபாத்திரம் யாஸ்மின். தன் கணவர் வாங்கி தந்த வீடியோவில் வீட்டில் நடக்கும் சம்பவங்களை  படம் பிடிக்கிறார். அது குறித்து தான் பேசுவதையும் பதிவு செய்கிறார். பிறந்த நாளுக்கு தனியே கேக் சாப்பிடுதல், பக்கத்துக்கு வீட்டு மூதாட்டியின் மனநிலை, தன் வீட்டு பணிப்பெண்ணிடம் பேசுதல், பக்ரீத் பண்டிகை குறித்து தன் மனநிலை இப்படி பல காட்சிகளை படம் பிடிக்கிறார். அந்த தொகுப்பு ஆமிர் கானிடம் கிடைக்க அதை அவ்வப்போது பார்க்கிறார் அவர். "பக்ரீத் என்றாலே சற்று பயமாக உள்ளது. ஆசையாய் வளர்த்த ஆட்டினை கொல்லப்போகிறோமே" என்று யாஸ்மின் சொல்கிறார். தன்னிடம் பணி செய்யும் பெண்மணி மற்றும் அவரது மகளையும் வீடியோவில் பதிவு செய்கிறார். வெகு இயல்பான அந்த காட்சிக்கு  சிரிக்கிறோம் பேர்வழி என்ற சாக்கில் சிரித்தார்கள் சில சக ரசிகர்கள். என்றேனும்  இப்படத்தை பார்க்கப்போகும் நண்பர்கள்/சகோதரிகள் இந்த காட்சியை பார்த்துவிட்டு சொல்லுங்கள். கண்டிப்பாக அதில் வாய்விட்டு சிரிக்க ஒன்றுமில்லை. சீரியஸ் ஆன காட்சி சிலருக்கு சிரிப்பை வரவழைக்கிறது. எப்படி என்று தெரியவில்லை. இல்லத்தில் தனிமையில் வாடும் பெண்ணின் மனநிலையை இவ்வளவு இயல்பாக இதற்கு முன் நான் எந்த படத்திலும் பார்த்ததில்லை. கிரண் ஒரு பெண் இயக்குனர் என்பது யாஸ்மின் பற்றிய காட்சிகளுக்கு பலமாக இருந்திருக்கிறது. இப்படி ஒரு தரமான படத்தை தந்த அமீர் - கிரண் தம்பதியினரை வாழ்த்தலாம். இதற்கு 'A' சர்டிபிகேட் தந்துள்ளனர். முதல் பாதியில் வரும் ஒரு சில வசனங்கள் மட்டுமே காரணமாக இருக்கலாம். ஆனால் காட்சிகளில் ஒரு துளி ஆபாசம் கூட இல்லாமல் எடுத்துள்ளனர்.

உயரங்கள் மட்டுமே இலக்காக!!

                                                                    
திரைப்படம் பார்க்கும் உணர்வின்றி வாழ்வை படம் பிடித்திருக்கிறார் ஒளிப்பதிவாளர் துஸார். மெலடியாய் இதயத்தை வருடுகிறது குஸ்டாவோ சாண்டோலல்லா - வின் இசை. இவர் Brokeback Mountain(2005) மற்றும் Babel(2006) படங்களில் இசையமைத்ததற்காக ஆஸ்கர் வாங்கிய கலைஞர். தொடர்ந்து தரமான படங்களை தன் சொந்த பட நிறுவனம் மூலம் தந்து வரும் ஆமிர்கானின் மற்றுமொரு மைல்கல் தான் Dhobi Ghat. என்னை கவர்ந்த யதார்த்த சினிமாக்களில் இதுவும் இடம் பெற்றுவிட்டது. இப்படிப்பட்ட தரமான குறைந்த பட்ஜெட் படங்களை தமிழில் கோடிக்கணக்கில் சம்பளம் பெரும் முன்னணி நடிகர் எவரேனும் தயாரிக்க வருவார்களா? அப்படியே வந்தாலும் தன் கதாபாத்திரத்தை இந்த அளவுக்கு ஆர்ப்பாட்டமின்றி பின்னுக்கு தள்ளி மற்ற நடிகர்களை நடிக்க வைப்பார்களா என்பது மில்லியன்...அல்ல பில்லியன் டாலர் கேள்வி. காலம்தான் பதில் சொல்ல வேண்டும். பார்க்கலாம்.

DHOBI GHAT -   இயல்பான சினிமாவை விரும்பும் ரசிகர்களுக்கு கண்டிப்பாக பிடிக்கும். 

ட்ரைலர்(Dhobi Ghat):

http://www.youtube.com/watch?v=IUmiaoi7L7c


ஒரு இந்தி(ய) திரைப்படத்தின் ட்ரைலர். ஒரு சில நொடிகள் மட்டுமே. எந்த முன்னணி  நாயகனின் முகமும் இல்லாமல். ஆனால் அரங்கிற்கு வரவழைக்கும் யுக்தியுடன் தயாரிப்பது சாத்தியமா. அதற்கு பதில் சொல்லப்போவதுதான் அமீர்கான் தயாரிப்பில் ஜூலை -1 ஆம் தேதி வெளியாகவிருக்கும் Delhi Belly. அதன் ட்ரைலரை காண http://www.youtube.com/watch?v=M2q2k0c2pOQ.

ஊறுகாய்:
ஓரம்போ மற்றும் வ குவார்ட்டர் கட்டிங் எடுத்த புஷ்கர் - காயத்ரி தம்பதிகள் இந்த படத்தை தயவு செய்து பார்க்கவும்.

மீண்டும் சந்திப்போம்.
......................................................
Thanks: Google, Youtube.

சென்னை புத்தக கண்காட்சியில் நான்..
படிக்க please visit My other site: nanbendaa.blogspot.com
......................................................


                                                          

                                                                  

அனுபவங்கள்

                                              

                                                              
அடிக்கடி சினிமா பற்றியே எழுதுகிறீர்களே, வேறு சில விசயங்களையும் எழுதுங்கள் என நண்பர்கள் கேட்க தொடங்கிவிட்டனர். "சிரிப்பு போலீஸ்" ரமேஷ்(ரொம்ப நல்லவன் சத்தியமா) இரண்டு நாட்களுக்கு முன் புத்தக கண்காட்சியில் என்னை பார்த்தபோது அதைத்தான் சொன்னார். என் நண்பர் சைமன் மற்றும் சிலரும் அவ்வாறே கூறினர். தெரியாத விசயங்களில் கால் வைப்பதற்கு முன் யோசிக்க வேண்டும் என்பதால் என் பதிவுகளில் சினிமா அடிக்கடி தலைதூக்குகிறது. அதற்கு முக்கிய காரணம், என் தந்தை திரைத்துறையை சார்ந்தவர். அது பற்றி பல அனுபவங்களை பகிர்ந்து இருக்கிறார். சில வருடங்களுக்கு முன் காலமாகி விட்டார். நான் படித்த பள்ளியில் அடிக்கடி ஷூட்டிங் நடக்கும். அதில் பல நட்சத்திரங்களை வேடிக்கை பார்க்கும் வாய்ப்பு கிட்டும். சமீப காலமாக நல்ல அயல்நாட்டு மற்றும் ஹிந்தி திரைப்படங்களை பார்த்ததன் விளைவாக சினிமா மீதுள்ள மோகம் சற்று அதிகமானது.  சமீபத்தில் வந்த ஒரு சில சிறந்த தமிழ் படங்களும் இதில் அடக்கம்.  என் பதிவை படிக்கும் நண்பர்களுக்கு நன்றாக தெரியும். எந்த நடிகருக்கும் அர்த்தமின்றி வால் பிடித்தல், குறிப்பிட்ட படத்தை தரம் தாழ்ந்து விமர்சித்தல் போன்ற செயல்களை செய்ததில்லை. ஒரு சராசரி நடுநிலை  சினிமா ரசிகனின் பார்வையே என்னுடையது. கண்டிப்பாக சினிமா பற்றிய  பதிவுகளில் சமுதாயம் பற்றிய கண்ணோட்டம் இருக்கும். அனைத்திலும் முக்கிய காரணம், சினிமாவில்தான் நாம் ஆண்டாண்டு காலமாக தலைவர்களை தேடுகிறோம். என்றுமே மக்களை ஏமாற்றும் சினிமாவை நான் பாராட்டி தள்ளியதில்லை. சென்ற ஆண்டு சினிமா அல்லாத சில பதிவுகளையும் நான் எழுதியுள்ளேன். நேரம் இருந்தால் நண்பர்கள் பார்க்கவும்.

இப்பதிவில், சிறு வயதில்(இப்பவும் யூத்துதான். அப்ப பில்லக்கா பையன்)
நான் கண்ட நகைச்சுவை சம்பவங்களை கீழே பதிவிட்டுள்ளேன்:

* தெருவில் நண்பர்களுடன் கிரிக்கெட் ஆடிக்கொண்டிருந்தேன். சற்று தொலைவில் ஒரு பெண்மணி யாருடனோ பேசிக்கொண்டிருந்தார். நான் அடித்த பந்து அவர் காலுக்கு கீழே போய் தஞ்சம் புக, தமிழ் சரியாக தெரியாத ஹிந்தி நண்பன் கிரி அந்த பெண்மணியிடம் கேட்ட கேள்வி "என்னங்க கொஞ்சம் ஓரமா வரீங்களா". வந்ததே கோபம் அந்த பெண்மணிக்கு. அந்த பெண்ணுக்கு தெரிந்த சிலர் 'கிரி' வலம் வந்தனர். சிலர்  அடிக்க போய்விட்டார்கள். நண்பர்கள் கூட்டம் அவர்களிடம் அவனுக்கு தமிழ் தெரியாதது பற்றி விளக்கி, கிரியை  ரிலீஸ் செய்தோம்.

                                                          

* பத்தாம் வகுப்பு விடுமுறை. மொத்த நண்பர்கள் கூட்டமும் மெரினாவிற்கு சென்றோம். கோன் ஐஸ் விற்பவன் வந்தான். விலை கேட்டேன். 75 பைசா என்றான். பல நண்பர்கள் வாங்கிக்கொள்ள, என் நண்பன் பாலாஜி மட்டும் வேண்டாம் என மறுத்தான். நான் வற்புறுத்தி கையில் திணித்தேன். மொத்தம் எவ்வளவு என்றேன். ஒரு ஐஸ் மூன்று ரூபாய் என்று கணக்கு போட துவங்கினான். "75 பைசான்னு சொல்லிட்டு இப்ப மூணு ரூவான்னு சொல்றீங்க? " என்றேன். நண்பர்களும் சூழ்ந்து கொண்டனர். ஆனால் ஐஸ் ஆள் சவுண்ட் குடுக்க தொடங்கினான். சகாக்களை அழைப்பது போல் படம் காட்ட, என்னடா இது வம்பு என எண்ணி கையில் இருந்த காசு அனைத்தையும் அவன் முன் கொட்டினோம். முதலில் ஐஸ் வேண்டாம் என மறுத்த பாலாஜி என்னை சுட்டெரிப்பது போல் பார்த்தான். இன்னொரு நண்பன் பாலா கையில் ஐஸ் ஒழுக வேடிக்கை பார்த்தான். "பரதேசி, 3 ரூவா ஐஸ்டா..தின்னு தொலை" என்றோம். இன்னொரு நண்பன் இதை பற்றி கவலைப்படாமல்  ஐஸை நக்கிக்கொண்டு இருந்தான். எல்லாரும் காசு கொடுத்ததும் இன்னும் கொஞ்சம் பாக்கி இருந்தது. ஐஸ் அண்ணனிடம்  காசு கம்மியாக இருந்ததை கூறி சமாதானப்படுத்தி கிளம்பும் சமயம் நண்பன் ஐயப்பன் குடுத்த குரல் இன்றும் மறக்க முடியாது. "டேய் ஆனந்த், உன் பான்ட் பாக்கெட்ல பத்து ரூவா வச்சிருக்கியே. மறந்துட்டியா?".   ஐஸ் அண்ணன் லுக் விட, மீதிப்பணத்தை செட்டில் செய்தோம். ஐயப்பனுக்கு விழுந்த அடியை வாழ்நாளில் மறந்திருக்கு மாட்டான்.

நயா பைசா இல்லாமல் பல கிலோ மீட்டர் நடந்தோம். சிலரிடம் பஸ்சுக்கு காசு கேட்டோம். தரவில்லை. ஒருவழியாக ஒரு ஜென்டில்மேன் சிக்கினார். நிலையை விளக்கி பணத்தை வாங்கிக்கொண்டு வீடு போய் சேர்ந்தோம். காலங்கள் கடந்தாலும் இன்று வரை தொடர்கிறது அந்த சென்னை நண்பர்களின் நட்பு. ஆனால் பீச் போலாமா என்றால் மட்டும் போனை கட் செய்து விடுகிறார்கள். விட மாட்டேன். ஒருத்தனும் தப்ப முடியாது. விரைவில் மீண்டும் ஒரு மெகா சந்திப்பு மெரினாவில்தான் நடத்த வேண்டும் என முடிவு செய்து விட்டேன். கண்டிப்பாக கோன் ஐஸ் உண்டு.

அனுபவங்கள் தொடரும்.
.....................................................
Photos: google.
My other site: nanbendaa.blogspot.com
.....................................................

காவலன்

                                                                    
பாட்சாவுக்கு பிறகு தியேட்டரில் நான் பார்த்த ரஜினி படம் எந்திரன். பூவே உனக்காக.. நான் பார்த்த கடைசி விஜய் படம். அதற்குப்பிறகு ஏனோ பார்க்கவில்லை. நேரம் அமையவில்லை. மற்றபடி ஒரு குறிப்பிட்ட நடிகரின் படங்களை பார்க்காமல் அடம் பிடிப்பவனல்ல. பிரியமுடன், பிரியமானவளே, கில்லி போன்ற படங்கள் எனக்குப்பிடித்த விஜய் படங்கள். சமீபகால விஜய் படங்களை பார்த்து மக்கள் பின்னங்கால் பிடரியில் தெறிக்க ஓடியதை கேள்விப்பட்டேன். ஆனால் காவலன் படம் வரும் முன்பே விஜய்யை பற்றி மட்டமாக விமர்சித்து பல எஸ்.எம்.எஸ்.கள் அனுப்பப்பட்டன. இப்படி பல்முனை தாக்குதலில் சிக்கிய விஜய் காவலன் 'பூமிநாதனாக'  ஜெயித்தாரா என்று கேட்டால், சந்தேகமே இல்லாமல் ஜெயித்துவிட்டார்  என்றே சொல்லலாம். ஆனால், காவலன் நல்ல பொழுதுபோக்கு படமாக இருந்ததா என்று கேட்டால் முதல் பாதி ஆம் இரண்டாம் பாதி இல்லை என்றுதான் சொல்லவேண்டும். இயக்குனர் 'சித்திக்'கால் இரண்டாம் பாதி ஆமை வேகத்தில் நகர்ந்து ஒரு வழியாக முடிகிறது. அம்மா தாயே அசின்...உன்னை மறக்கவே முடியாது.

குடும்பத்துடன் மக்கள் கூட்டம் காவலனை பார்க்க வந்ததற்கு 'சித்திக்' எடுத்த 'பிரெண்ட்ஸ்' படம் முக்கியமான காரணம். ஒரு மாஸ் ஹீரோ காமெடி காட்சிகளிலும் கலக்கினால்தான் அவன் நிலைத்திருக்க முடியும். அந்த வகையில் காவலன் படத்தில் நகைச்சுவை விருந்து படைக்கிறார் விஜய். கூடவே வடிவேலும். ரஜினிக்கு பிறகு குழந்தைகள் ஏகமனதாக மிகவும் ரசிப்பது விஜய் மற்றும் வடிவேலு ஆகிய இருவரை மட்டும்தான் என்பதை அரங்கில் ஒலித்த மழலைகளின் சிரிப்பொலி நிரூபித்தது. அசினுடன் கல்லூரிக்கு செல்லும் காட்சியில் பேசிக்கொண்டே லேடிஸ் டாய்லட்டில் நுழைவது, வடிவேலுவை மிரட்டும் காட்சிகள் என துறு  துறுவென விஜய் செய்யும் அட்டகாசங்கள் கலக்கல். வடிவேலு ஓரளவு சிரிக்க வைக்கிறார். விஜய்யிடம் மொபைலை கொடுத்து விட்டு வடிவேல் சொல்லும் டயலாக் "யாரோ பார்வதி நம்பியாராம் சார்" அதற்கு விஜய் "டேய் லூசு, அது பார்வதி நம்பியார் இல்ல. 'ப்ரைவேட் நம்பர்' டா" என சொல்லும் காட்சியில் தியேட்டர் குலுங்குகிறது. டிஸ்யூம் படத்தில் 'அமிதாப்' எனும் ரோலில் வரும் குள்ளமான மலையாள நடிகர் அறிமுகாகும் காட்சி நல்ல நகைச்சுவை. அவரை வரவேற்று மாலை போட, அதனுள் புகுந்து வெளியே வந்து அவர் சொல்லும் வசனம் "மாலையா..ஆர்ச் என்று நினைச்சேன்". நல்ல வசனம்.

காவலன்  கண்டிப்பாக விஜய்க்கு மீண்டும் ஒரு மலர்ச்சியை தரும் என நம்பி இருக்கையில், இரண்டாம்  பாதியில் அசின் கிளிசரின் மழை பொழிந்து சொதப்புகிறார். மேடம் கஷ்டப்பட்டு நடிக்க முயற்சி செய்கிறார். நடக்கவில்லை. விஜய்யின் காதலை சோதிக்க அசின்  மேடம் ப்ளட் டெஸ்டை தவிர எல்லா டெஸ்டும் வைக்கிறார். நமக்குதான் ப்ளட் கொதிக்கிறது. இயக்குனர் இரண்டாம் பாதியில் கோட்டை விட்டதால் படம் நன்றாக ஓடுமா என தெரியவில்லை. வேலாயுதம் வெற்றி பெறலாம்.  சீமானின் 'கோபம்' விஜய்க்கு ஒரு திருப்பு முனையாக அமையும் என நினைக்கிறேன். பார்ப்போம்.

                        
                                       
 இயக்குனர் 'சித்திக்' அவர்களே:

* சமீபகால தமிழ் சினிமாவை நீங்கள் பார்த்திருப்பின் காவலனில் கண்டிப்பாக மாற்றங்கள் செய்திருப்பீர்கள். காவலன் நல்லதொரு குடும்பப்படம் என்பது உண்மையே. ஆனால் ஆரம்பத்தில் இருந்த வேகம் போகப்போக குறைந்து கொண்டே செல்கிறது.  பாடிகார்ட் ஆக வரும் விஜய் அசினுடன்(அம்முகுட்டி) லவ் செய்யும்போது, அவரையும் ஒரு பாடிகார்ட் வைத்து கண்காணித்து இருக்கலாம்.

* விஜய்யை ஏமாற்ற டாய்லட்டில் இருந்து வெளிவரும் அசின் இஸ்லாமிய பெண்களின் உடையான 'பர்தா' போட்டு வருவது போல் காட்டுகிறீர்கள். தங்கள் முகத்தை மறைக்க சில நடிகைகள் கோர்ட் வாசலில் பர்தா போட்டு செல்வதை இஸ்லாமிய மக்கள் கடுமையாக ஆட்சேபித்ததை கேள்விப்பட்டீர்களா இல்லையா?? அதுவும் டாய்லட்டில் இருந்து அந்த உடையை ஒரு பெண் போட்டு வருவதாக காட்டியது எதற்கு??

* ராஜ்கிரண் போன்ற நடிகர்களை 'காட்பாதர்' அல்லது ஊர் பெரியவர் என்று காட்டுவதை கொஞ்ச காலத்திற்காவது நிறுத்துங்கள். அதை செய்ய பலருண்டு. தவமாய் தவமிருந்து, முனி போன்ற படங்களையும் மனதில் கொண்டு அவரை உபயோகப்படுத்துங்கள்.

* அதே போல்தான் எம்.எஸ். பாஸ்கரும். நின்றபடி தூங்கும் சிரிப்பு வராத ரோலில் இப்படி ஒரு சிறந்த கலைஞனை விட்டால் வேறு ஆள் இல்லையா. வெள்ளித்திரை, மொழி போன்ற வேடங்களில் அவரை நடிக்க வையுங்கள்.

* அசினின் தோழி திடீரென விஜய் மனைவி ஆவதும், ராஜ்கிரண் சொன்னதும் விஜய் அசினை அழைத்து செல்வதும்..என்னவோ போங்க.

* குத்துப்பாட்டு, ஆபாசம், வன்முறை இல்லை. அது பாராட்டப்பட வேண்டியதே. ஆனால் அதே சமயம் படமும் சுவாரஸ்யமாக தொய்வின்றி செல்ல வேண்டுமே? இன்று படம் பார்க்கும் மக்கள் ஐந்து நிமிடம் மொக்கையாக இருந்தாலே டென்சன் ஆகி விடுகின்றனர். அதை கருத்தில் கொள்ள வேண்டாமா.

காவலன் படத்தை பொறுத்தவரை விஜய் தன்னால் முடிந்த 'பெஸ்ட்' ஐ கொடுத்து இருக்கிறார். இயக்குனர் தவறினால் அவர் பொறுப்பாக முடியாது.

காவலன்:   விஜய் கலக்கல். அசின் சொதப்பல். சித்திக் சறுக்கல்.


தியேட்டர் நொறுக்ஸ்:

                                                              
சென்னை சத்யம் தியேட்டரில் தம்மாதூண்டு வெஜ் பப் 30 ரூபாய். அவர்கள் சொந்தமாக தயாரிக்கும் உணவுகளே(குளிர்பானம் தவிர) காண்டீனில் பெருமளவு விற்கப்படுகின்றன.  இரண்டு வாங்கினேன். சிறிது சாப்பிட்டதும் என் தாய் சொன்னது "ரொம்ப உப்பா இருக்கே". கடுப்பாகிவிட்டது. படம் முடிந்ததும் காண்டீன் நிர்வாகியிடம் பேசினேன். "வெளில பத்து ரூவாக்கு விக்கிற வெஜ் பப் இங்க 30 ரூவா. தரம் இல்லையே. இதை தயார் செய்கிற Chef ஒரு சில சாம்பிள்களை சாப்பிட்டுவிட்டு விற்பனைக்கு விட அனுமதித்தால் நல்லது. வெளியே இருந்து கொண்டு வரும் உணவையும் அனுமதிக்க மறுக்கிறீர்கள். இது சரியா?? " என்று கேட்டேன். கண்டிப்பாக சரி செய்கிறோம் என்றனர். "அடுத்த காட்சிக்கு மக்கள் வரும் முன்பாவது வெஜ் பப்களை  மாற்றுங்கள்" என்று சொல்லிவிட்டு வந்தேன். வீட்டிற்கு வந்து ஒரு மெயில் கூட அவர்களுக்கு போட்டுவிட்டேன். பல வருடம்  சத்யம் தியேட்டரில் படம் பார்த்ததுக்கு நன்றியாக அவர்கள் போட்ட 'உப்பை' தின்ன இது ஒரு சந்தர்ப்பம். விதி வலியது.

சத்யம் தியேட்டரின் மாத இதழான 'சிம்ப்லி சத்யம்'  ஒன்றை வாங்கினேன். அட்டையில் சுருதிஹாசன். மூன்றாம் பக்கத்தில் 'கஸ்டமர் இஸ் கிங்' எனும் பகுதியில் யாரோ பாராட்டி கடிதம் போட்டிருக்கிறார். வெஜ் பப் சாப்பிடாமல் 'எஸ்கேப்' ஆனவரோ? கடைசி பக்கத்தில் சுகாசினி எழுதும் தொடர்  கட்டுரை. அக்கா அடிக்கடி லண்டன், கொரியா என பல ஊரு பிலிம் பெஸ்டிவல் பற்றி எழுதுவார். நமக்கு உள்ளூரிலேயே ஓணான் பிடிக்க தெரியாது. உலக லெவலுக்கு முடியுமா. ஒரு முறை ஜெயா டி.வி. 'ஹாசினி பேசும்' படம் நிகழ்ச்சியில் இவர் பேசியது என்னை கடுப்பேற்றியது. அவர் சொன்னது "நம்ம ஜனங்க சத்யம் தியேட்டர்ல கூட படம் பாக்கும்போது நடுவுல செல் போன்ல பேசி டிஸ்டர்ப் பண்ணுவாங்க".  அது என்ன "சத்யம் தியேட்டர்ல கூட". 120 ரூவா குடுத்தா யார் வேண்டுமானாலும் அங்கு படம் பார்க்கலாம். பணக்காரன் மட்டும்தான் அங்கு படம் பார்க்கனும்னு கோர்ட்ல தீர்ப்பு சொல்லி இருக்காங்களா என்ன? பேசினால் பேசட்டுமே. தனக்கு தெரிந்த நபரிடம் சில நிமிடம் பேசுவதை சகித்து கொள்வதில் தவறில்லையே. நம்மை டிஸ்டர்ப் செய்யும் வண்ணம் சத்தமாக பேசினால் அவர்களிடம் சொல்லி புரிய வைக்கலாம். அதற்காக சத்யம் தியேட்டரை தூக்கி வைத்து பேசவேண்டுமா?  நம் மக்களை நக்கல் அடிக்க என்ன அவசியம். மேடம், மல்டிப்ளக்ஸில் படம் பார்க்கும் சில மேல்தட்டு மக்களை விட, டென்ட் கொட்டாயில் படம் பார்க்கும் ரசிகன் பயங்கர புத்திசாலி. அவன் ரசிக்காமல் நீங்கள் இந்த உயரத்தை தொட்டிருக்க முடியாது. மற்ற அனைவரும் கூட. சரிதானே?

பொங்கல் ரேஸ்..வென்றது யார்?

                                                      வெற்றி(மாறனின்)பொங்கல்!    
                
ரீமேக் படங்களான சிறுத்தை மற்றும் காவலன் இரண்டும் முதல் பாதியில் நல்ல நகைச்சுவையுடன் இருந்தாலும், இரண்டாம் பாதியில் சோர்வடைய வைத்து விட்டன. ஆடுகளம் ஓரிரு சறுக்கல்களுடன் இருந்தாலும், பொங்கல் ரேசில் சேவல் சிறகடித்து பறக்கிறது என்றே சொல்லலாம். சேவற்கொடியை  பறக்கவிட்ட வெற்றி மாறன் மற்றும் தனுஷ் இருவருக்கும் சினிமா ரசிகர்கள் சார்பாக THUMBS - UP.

எச்சரிக்கை:
இளைஞன் படம் பற்றி விமர்சனம் போடலையே என்று கேட்காதீர்கள். படம் இன்னும் பார்க்கவில்லை. அப்படி என்றால் ஆடுகளம் தான் சிறந்த படம்னு எப்டி சொல்ற என்று கிளறாதீங்க. உங்க ப்ளான் என்னனு எனக்கு தெரியும். நீங்க பாத்துட்டு சொல்லுங்க. சன் பிக்சர்ஸ் படம் பொங்கலில் சிறந்த படம் என்றால் இளைஞன் டீம் கோபித்து கொள்ளாது. அனைவரும் ஒரு குடும்பம்தானே. என்ன விட்ருங்க... சாமியோ!!
.........................
Photos: Google.
My other blog: nanbendaa.blogspot.com
...............................

                        

                                

சிறுத்தை

                                                                          

சிறப்பு காலை காட்சிக்கு நம்மைப்போல் இளசுகள்தான் பெரும்பாலும் வருவார்கள் என்று பார்த்தால், குடும்பம் குடும்பமாக வந்து சென்னை தேவி அரங்கை நிரப்பினர் மக்கள். 'ராக்கெட் ராஜா' கார்த்திக் மற்றும் சந்தானம் இருவரும் ஜோடி சேர்ந்து செய்யும் நகைச்சுவையே முதல் பாதி. 'ராஜா ராஜா' எனும் தத்துவ பாடலுடன் நகர ஆரம்பிக்கிறது படம். ரத்னவேல் பாண்டியன் எனும் போலீஸ் அதிகாரியை ஒரு பக்கம் ஆந்திரா வில்லன்கள் தேடிக்கொண்டு இருக்கின்றனர். ஆந்திராவில் உள்ள பாவா மற்றும் பத்ரா எனும் வில்லன் சகோதரர்களை துவம்சம் செய்ய ரத்னவேல் பாண்டியனாக வேடம் தரிக்கிறார் ராக்கெட் ராஜா. இறுதியில் வழக்கம் போல நாம் எதிர்பார்க்கும் கிளைமாக்ஸ்.  இரண்டு வேடங்களிலும் புகுந்து விளையாடி இருக்கிறார் கார்த்தி. எடிட்டர் வி.டி. விஜயனின் கத்திரியின் கச்சிதத்துடன் நாலு கால் பாய்ச்சலில் பறக்கிறது சிறுத்தை, முதல் பாதியில் மட்டும். இந்த படத்திலும் தன் நகைச்சுவையால் தியேட்டரில் அனைவரையும் சிரிக்க வைக்கிறார் சந்தானம். இரண்டாம் பாதியில் வில்லன்களை ஏமாற்றி கிச்சு கிச்சு செய்யும் காட்சிகள் சுமார்தான். சந்தானம் இல்லாத இப்படத்தை பார்க்க பயங்கர துணிச்சல் வேண்டும். அசத்தி இருக்கிறார். அந்த சிரிப்பு சரவெடியில் சில:

"டேய் நீ பெரிய ரௌடியா, கத்தி வாங்க காசு இல்லாம ப்ளேட் வச்சிக்கிட்டு ஜனங்களை மிரட்டி கிடைக்கிற காசுல பீடி குடிக்கிற பில்லக்கா பசங்கதானடா நீங்க"

"என்னடா மச்சான் 300 பருத்தி வீரிங்க நம்மள நோக்கி வர்றாளுங்க. இவளுங்க எல்லாம் குழாயடி சண்டைல கோல்ட் மெடல் வாங்குனவுங்க ஆச்சே.."

"எவன்டா அந்த ஏர்டெல் சூப்பர் சிங்கரு"

                                                               அசத்துறீங்க  பாஸ்!!

"ரத்னவேல் பாண்டியன்"  என ட்ரைலரில் கார்த்தி சொல்லும் டயலாக்கை நம்பி படத்துக்கு போனால், அந்த கேரக்டரை இப்படி சுருக்கி இருப்பார்கள் என்று எதிர்பார்க்கவில்லை. பெரும்பாலும் திருடன் ராக்கெட் ராஜாவின் ஆதிக்கமே. தமன்னா எந்த நிற உடை அணிந்தாலும் கச்சிதமாக இருக்கிறார். மேடம் கலர் அப்படி. படத்தில் நடித்த பெண் குழந்தை சில இடங்களில் கண் கலங்க வைக்கிறாள். குட்டி தேவதை. எந்த பாடலும் மனதில் நிற்கவில்லை. ஒரே உருவ அமைப்பில் இருவர் என்பது சினிமாவில் சொன்னால் நம்பித்தான் ஆக வேண்டும். அதுவும் மசாலா படம் என்றால், வேறு வழி இல்லை. ஆனால், இருவரும் வில்லனிடம் தோற்காத எத்தர்களாக இருப்பது எப்படி?
இப்படி பல கேள்விகள்.

* ரத்னவேல் பாண்டியன் வயிற்றில் மெகா சைஸ் கத்தியை சொருகி எடுக்கிறான் வில்லன். அதையும் மீறி கெட்டவர்களை பொளந்து கட்டுகிறார் ஹீரோ. சலிச்சி போச்சி. மாத்தி யோசிங்க.

* ஆந்திரா மெயின் வில்லன் முதல் அப்ரண்டிஸ் வில்லன் வரை படம் முழுக்க சொல்லும் வார்த்தைகள்...  "ஏய்ய்ய்ய்ய்ய்ய்",  "அவன கொல்லுங்கடா", "வண்டிய எடுங்கடா" .  உங்க இம்சை தாங்கலடா!!

* 'ராக்கெட் ராஜா' தங்கி இருக்கும் இடம் பழைய தியேட்டர். அங்கே அவன் திருடிய பொருட்கள் நிரம்பி உள்ளன. தியேட்டர் ஓனர், வாட்ச்மேன், ஏரியா போலீஸ் எல்லாரும் பொங்கல் லீவ்ல போயிட்டாங்களா டைரெக்டர் சார்???

* சில இடங்களில் காமெடி எனும் பெயரில் சிவாஜி, சரோஜா தேவி, வி.எஸ். ராகவன் என மூத்த கலைஞர்களை பகடி செய்கின்றனர். போதும் புளித்து விட்டது.

* படத்தில் அதிக கைதட்டலை வாங்கியவர் நம்ம மனோபாலா. ஆந்திரா வில்லன் கத்தி கத்தி பேசிக்கொண்டே இருக்கையில் கடுப்பாகி தியேட்டரை விட்டு ஓடிவிடலாமா என நான் எண்ணிய சமயம் மனோபாலா பேசிய வசனம் "ஏய்.. ஏய்..அப்டின்னு கத்துரத நிறுத்துங்க. செத்து போன ரத்னவேல் சமாதில இருந்து எழுந்திரிச்சி  வந்துட போறான்". செம ரகளை.

* பத்ரா எனும் பெயருடன் துவைக்காத போர்வை ஒன்றை மாட்டிக்கொண்டு பரட்டை தலை, புலிப்பல்(????) செய்னை மாட்டிகொண்டு அடிக்கடி கர்ஜனை செய்து கிச்சு கிச்சு மூட்டுகிறார் ஒரு அண்ணாத்தை. வில்லனின் தம்பியாம். அவரை பார்த்து கார்த்தியோ, படம் பார்க்கும் மக்களோ பயந்த மாதிரி தெரியவில்லை. பக்கத்துக்கு சீட்டில் இருந்த குழந்தை அவரைப்பார்த்து கை தட்டி சிரித்துக்கொண்டு இருந்தது.

* முதல் பாதியில் ஒரு 'மூக்குத்தி' வில்லன் அழுக்கு சட்டையுடன் கார்த்தியை தேடிக்கொண்டே இருக்கிறார். ஒரு கட்டத்தில் கார்த்தி அவன் கையில் சிக்குகிறார். கார்த்தியை வயிற்றில் குத்திவிட்டு ஒரு 'உம்மா' தருகிறார்  'மூக்குத்தி' வில்லன். ஆனாலும் அசராத கார்த்தி மற்ற உப வில்லன்களை பொளந்துவிட்டு கடைசியில் 'மூக்குத்தி' அண்ணனை கொல்கிறார். அதற்கு முன் கார்த்தியும் வில்லனுக்கு ஒரு 'உம்மா' தருகிறார். நல்லாதான் யோசிக்கறாங்க.

* பெரிய வில்லனை பாம் வைத்ததாக சொல்லி டம்மி பீஸ் ஆக்குகிறார் கார்த்தி. ஆரம்பத்தில் அதிரடியாக வரும்  வில்லன்களை கடைசியில் மக்கு பசங்களாக இன்னும் எத்தனை காலம்தான் காட்டுவார்களோ..!!

* இந்த ஆந்திரா மசாலா படங்களில் சண்டை காட்சி நடக்கும்போது யூஸ் பண்ணுற ஆயுதங்கள டிசைன் செய்ற சிற்பி யாருன்னு தெரியணும். ரக ரகமா கண்டு புடிச்சி களத்துல இறக்குறாங்க.

* ஸ்க்ரீனை விட்டு வெகுதூரம் தள்ளி 'A' வரிசையில் படம் பார்த்த எனக்கே இரண்டாம் பாதியில் வில்லன், ஹீரோ போடும் சத்தம் காதை கிழித்ததே. முதல் வரிசையில் படம் பார்த்தவங்க....ஐயோ பாவம்!! தமன்னா வேறு அழுக்கு போர்வை அண்ணாத்தையுடன் கிளைமாக்சில் ஒரு பஞ்ச் டயலாக் பேசுகிறார். வித்யாசாகர் சார்..நீங்கதான் இசையா.... ஆந்திரா "மசாலா" ரீமேக் படத்தில் நீங்கள் மட்டுமல்ல, வேறு எவராலும் என்ன செய்ய முடியும். காது சரியாக இன்னும் ரெண்டு நாள் ஆகும்.

* மயில்சாமி எனும் சிறந்த நகைச்சுவை நடிகரை பெரும்பாலும் ஓரிரு காட்சிகளுக்கு மட்டுமே உபயோகிக்கும் நிலை என்று மாறுமோ..

* கார்த்தியின் அசத்தல் இரட்டை வேட நடிப்பிற்கு கைகுலுக்கியே ஆக வேண்டும். அண்ணனுக்கு சிங்கம் என்றால் தம்பிக்கு சிறுத்தை. ரஜினி, கமலுக்கு பிறகு அஜித்,விஜய், விக்ரம், சிம்பு என எண்ணுவது தவறு என்று மீண்டும் ஒருமுறை அழுத்தமாக நிரூபித்து இருக்கிறார்கள் சூர்யாவும், கார்த்தியும். இனி சில வருடங்களுக்கு இவங்க ராஜ்யம்தான் போல. மற்றவர்களுக்கு அலாரம் அடித்துவிட்டார்கள். இவர்களுடன் நானும் இருக்கிறேன் என ஆடுகளம் மூலம் அடித்து சொல்லி இருக்கிறார் "என் வழி தனி வழி' என கலக்கும் தனுஷ். பொங்கல் படங்களில் காவலன் முந்துவதாக தெரிகிறது. விஜய் அடுத்த ரவுண்டுக்கு ரெடி ஆகலாம்.

சிறுத்தை - ஹைதராபாத் தம் பிரியாணி. இரண்டாம் பாதி சத்தத்தை சகித்துக்கொள்ளும்   தில் இருந்தா தைரியமா பாக்கலாம்!
......................
Photos: Google
My other site: nanbendaa.blogspot.com


                                  

No One Killed Jessica

                                                      

சென்ற சனி அன்று காலை டைம்ஸ் ஆப் இந்தியா பேப்பரை எடுத்துப்பார்த்தால் 'நோ ஒன் கில்ட் ஜெஸ்ஸிகா' படத்திற்கு 4 ஸ்டார்கள் தந்து இருந்தனர். உடனே நெட்டில் பார்த்தால் மேலும் சில விமர்சனங்களும் படம் நன்றாக இருப்பதாகவும், சுமார் என்று மற்ற ஊடகங்களும் கூற..  ஞாயிறு அன்று படம் பார்த்தேன். தில்லியில் உள்ள ஒரு பாரில் வேலை செய்த ஜெஸ்ஸிகா 1999 ஆம் ஆண்டு மனு ஷர்மா என்பவனால் கொல்லப்பட்டு நாடெங்கும் பரபரப்பாக செய்திகளில் அடிபட்ட உண்மை சம்பவம்தான் இப்படம். படம் செல்ல முக்கியக்காரணம் ஹீரோ என ஒருவரும் இல்லை.. ராணி முகர்ஜி மற்றும் வித்யா பாலன் இருவர்தான் மைய கதாபாத்திரங்கள். 

நிஜத்தில்.... ஜெஸ்ஸிகா மற்றும்  மனுஷர்மா 

                                                                       .

படத்தின் டைட்டில் போடும்போது தில்லி நகரம் பற்றி ஒரு பாடலும்(படத்தில் எனக்கு மிகவும் பிடித்த பாடல்), ராணி முகர்ஜியின் குரலும் மாறி மாறி ஒலித்தது நன்றாக இருந்தது. தில்லி நகரில் ஒரு பாரில் வேலை செய்கிறார் சப்ரினாவின் (வித்யா பாலன்) சகோதரி ஜெஸ்ஸிகா. ஒரு நாள் நள்ளிரவு முக்கிய அரசியல்புள்ளியின்  மகன் குடிக்க மேலும் சரக்கு கேட்டு தகராறு செய்கிறான். "அனைத்தும் விற்பனையாகிவிட்டது, சென்று விடுங்கள்" என ஜெஸ்ஸிகா சற்று அதட்டலாக கூற அவளை துப்பாக்கியால் சுட்டு கொன்று விடுகிறான் அவன். 300- க்கும்  மேற்பட்டவர்கள் அவன் தப்பி ஓடுவதை பார்க்க.. வழக்கு பதிவுசெய்யப்படுகிறது. ஒவ்வொரு சாட்சியையும் பணபலத்தால் தன்பக்கம் மாற்றி இறுதியில் தன் மகனை விடுதலை செய்கிறார் அரசியல்வாதி. ஒரு சில வருடங்களுக்கு பிறகு அவ்வழக்கை மீண்டும் கையில் எடுக்கிறார் NDTV - யின் செய்தியாளர் மீரா (ராணி முகர்ஜி). தீர்ப்பு என்னவாயிற்று என்பதே மீதிக்கதை. 

அதிரடியான செய்தியாளராக வரும் ராணி முகர்ஜியின் நடிப்பு கனகச்சிதம். வித்யா பாலனும் அவ்வாறே. ஜெஸ்ஸிகாவாக வரும் பெண்ணின் நடிப்பு சுமார்தான். ஒரு வழக்கு செல்லும் போக்கை அருகில் இருந்து பார்ப்பது போல் நன்றாக காட்சிகள் அமைக்கப்பட்டுள்ளன. முதல் பாதியில் இருக்கும் வேகம் இரண்டாம் பாதியில் சற்று குறைகிறது. அர்த்தமுள்ள திரைப்படமாக, அடுத்த வருடம் விருதுகளை வெல்லும் படமாக இருக்கும் No one killed Jessica. 

படத்தில் நான் ரசித்தவை:

* "தில்லி, தில்லி" என தலைநகரத்தை பற்றி எடுக்கப்பட்ட பாடல். 

*  மப்டி உடையில் போலீஸ் அதிகாரியாக சில காட்சிகள் வந்தாலும், நன்றாக நடித்த நபர்.

* கோர்ட்டில் நடக்கும் விவாதங்களும், அக்காட்சியில் நடித்தவர்களின் முகபாவங்களும். 

* நாயகன் இன்றியே இப்படி ஒரு கதையை எடுக்கத்துணிந்த இயக்குனர் ராஜ்குமாரின் தைரியம். 'ஆமிர்' எனும் அசத்தலான ஹிந்தி படம் என்னை மிகவும் கவர்ந்தது. அதை இயக்கியதும் இவர்தான் என்பது இப்போதுதான் தெரிந்தது.  

    

பிடித்த காட்சி: 

ராணி முகர்ஜி இல்லத்தில் டி.வி. பார்த்துக்கொண்டிருக்கிறார். ஜெஸ்ஸிகா வழக்கு பற்றிய காட்சி ஓடிக்கொண்டிருக்கிறது. உடனே டி.வி.யை ஆப் செய்கிறார்.  ஏனெனில், இந்த காட்சி வருவதற்கு முன், ஜெஸ்ஸிகா கொலை வழக்கை NDTV யில் விரிவாக போட வேண்டும் என தன் ஜூனியர் கூறுகையில் அதை மறுத்துவிட்டு, கந்தகார் விமானக்கடத்தலை பிரதான செய்தியாக கூறி இருப்பார் ராணி முகர்ஜி. ஆனால் டி.வி. பார்க்கையில் ஜெஸ்ஸிகாவின் குடும்பத்திற்கு உதவி செய்ய வேண்டும் என முடிவெடுப்பார் ராணி முகர்ஜி. அந்த முடிவை மனதில் எடுத்து விட்ட பிறகுதான் டி.வி.யை ஆப் செய்வார். ஆனால் படம் பார்க்கையில் ஜெஸ்ஸிகா வழக்கை ஒரு பொருட்டாக மதிக்காமல் ராணி டி.வி.யை ஆப் செய்வது போல காட்சி அமைக்கப்பட்டிருக்கும். சினிமா ரசிகனின் ரசிப்புத்திறனை  உயர்த்த இயக்குனர் செய்த சிறப்பான காட்சி. இன்னொரு காட்சியில் வேலைக்கார பெண்ணை அதட்டி எழுப்புவார் ராணி. அப்பெண் எழுந்ததும் ராணியை "குத்தி" (நாய்) என திட்டுவாள். சற்று தொலைவில் இருக்கும் ராணி "சொன்னதை கேட்டுவிட்டேன். வேலையைப்பார்" என்பார். யதார்த்தத்தின் பிரதிபலிப்பு. 

உலக படங்களுக்கு இணையாக ஹிந்தி படங்களும் வேகமாக முன்னேறி வருகின்றன என்பதற்கு இப்படம் ஒரு சாட்சி. ஆனால், சமீபகாலமாக F**k எனும் வார்த்தை பாலிவுட் திரைப்படங்களில் சர்வ சாதாரணமாக உலா வருகின்றன. இப்படமும்தான். வழக்கமான  படம் பார்க்க விரும்பாமல், வழக்கு பற்றிய படம் பார்க்க எண்ணுபவர்கள் இப்படத்தை கண்டிப்பாக பார்க்கலாம். கடந்த மூன்று வருடங்களாக பாலிவுட்டில் வருடத்தின் முதலில் வந்த அனைத்து படங்களும் ஊத்திக்கொண்டது. இந்த வருடம் ஜனவரி ஏழாம் தேதி வந்த படம்தான் No One Killed Jessica. மல்டிப்ளக்ஸில் வசூல் நன்றாக இருப்பதாகவும், சாட்டிலைட் உரிமையில் போட்ட பணத்தை தயாரிப்பாளர்கள் எடுத்துவிட்டதாகவும் தகவல்கள் தெரிவிக்கின்றன.  

ட்ரைலர்:

http://www.youtube.com/watch?v=yWguKahcbD0


இன்னும் சில நாட்களில் சிறந்த ஹிந்தி சினிமா படைப்பாளிகளின் படங்கள் திரையில்  தொடர்ந்து வர இருப்பதால் விருது வழங்கும் குழுவிற்கு நிறைய வேலை இருக்கும் என்பது மட்டும்  உறுதி.

my other site: nanbendaa.blogspot.com

சென்னையில் பிரபல பதிவர்கள் செய்த கலாட்டா!!

கோலாகலமாக சில நாட்களுக்கு முன்பே புத்தக கண்காட்சி சென்னையில் களைகட்ட
துவங்கிவிட்டாலும் இன்றுதான் நேரம் கைகூடியது எனக்கு. பதிவுலக நண்பர் பிரபா காலையிலே வந்துவிட்டார். பார்வையாளன் அவர்கள் காத்திருப்பதாக சொல்ல, சென்னை போக்குவரத்து நெரிசலை தாண்டி ஒரு வழியாக கண்காட்சி அரங்கை சென்றடைந்தேன். என் பெயர் தெரியாதவர்கள் நினைவில் வைத்துக்கொள்ள பளீர் மஞ்சள் டீ சர்ட்டுடன் ஆஜர் ஆனேன். இதற்கு முன் பிரபா தவிர வேறு எந்த பதிவரையும் நான் சந்தித்ததில்லை. பார்வையாளன் மற்றும் எல்.கே. ஆகியோரை மட்டுமே சந்திக்க போகிறோம் என்று எண்ணி உள்ளே நுழைந்தால் பார்வையாளன் மற்றும் பிரபா முதலில் கண்ணில் பட்டனர் . இருவரிடமும் நீண்ட நேரம் பேசிக்கொண்டிருந்தேன். ஓஷோ புத்தங்கள் இருக்கும் ஸ்டால் வைத்திருந்த என் நண்பன் வினோத் எங்களுடன் சிறிது நேரம் உரையாடிவிட்டு சென்றான்.

அண்ணன் கேபிள் சங்கர் அவர்களின் புத்தகமான 'சினிமா வியாபாரம்' விற்கும் ஸ்டாலுக்கு முன்பு ஒவ்வொருவராக வரத்தொடங்கினர். சிறிது நேரத்தில் 'கேபிள்' அண்ணன் வருகிறார்..வருகிறார்' என பரபரப்பாக பேசத்தொடங்கினர். நாம் வேறு வளரும்(?????) பதிவராயிற்றே(இந்தியா வளரும் நாடாகவே  பல ஆண்டுகளாக இருப்பது  போல்.....என்று  வளர்ந்த/பிரபல பதிவன் ஆகப்போரனோ..), பிரபல பதிவர் கேபிள் அண்ணன் அவர்கள் நம்மிடம் பேசுவாரோ என்று அதிபயங்கர கவலையுடன் சிந்தித்து கொண்டிருக்க அதிரடியாக என்ட்ரி குடுத்து அனைவரிடமும் சகஜமாக  பேசத்தொடங்கினார். மணிஜீ அவர்களுக்கு ஒரு வணக்கம் சொன்னேன். அவரை பார்த்ததும் உள்ளூர ஒருவித பயம் எட்டிப்பார்த்தது. காரணம் தெரியவில்லை. அவரிடம் அளவளாவ ஒரு நாள் கிடைக்குமென நம்புகிறேன். நேசமித்ரன் அவர்களை பற்றி அறியாமல் "நீங்கள் பதிவு எழுதுகிறீர்களா" என்று கேட்டேன். "மூணு வருசமா எழுதறேன்" என்றார். "சமீபத்தில்தான் பதிவுலகில் நுழைந்தேன்" என்று சொல்லிவிட்டு நகர்ந்தேன். மன்னிக்கவும் சார். காலப்போக்கில் என் எல்லையை விரிவுபடுத்துகிறேன். கார்த்திக் மற்றும் அவர் நண்பர் இன்னொரு கார்த்திக்(lollum-nakkalum), விரைவில் சினிமா நடிகர் ஆகவிருக்கும்  சுரேஷ், டம்பி மேவி விச்சு, யூசுப் ஆகியோரிடம் சிறிது நேரம் பேசிக்கொண்டிருந்தேன். சங்கர் ஜெட்லி (nee-kelen) அவர்களுடன் பேச சந்தர்ப்பம் வாய்க்கவில்லை. ஒரு சில பார்வைகள் மட்டுமே. என்று பேசப்போகிறோம் என்று தெரியவில்லை. சாளரம் கார்க்கி படு ஜாலியாக பேசிக்கொண்டிருந்தார்.

                            இந்த மாதிரி நல்ல போஸ் நீங்க அங்க குடுக்கவே இல்லியே... ஏன்? 

கலாட்டா - 1

யாரிடம் பேசுவது என நான் விழித்துக்கொண்டிருக்க, மனசாட்சியே இல்லாமல் கேபிள் சங்கர் அண்ணனும், விச்சுவும் நட்ட நடு வழியில் பலர் நடமாடும் இடத்தை  மறித்துக்கொண்டு வித விதமான போஸ்களை குடுத்து அலப்பரை செய்து கொண்டிருந்தனர். ஒரு கட்டத்தில் எந்திரன் ஹிட்டா, மன்மதன் அம்பு ஹிட்டா என சர்ச்சையில் பார்வையாளனும், "ரஜினியின் அதி தீவிர ரசிகர்" கேபிள் அண்ணனும்(நீங்கதான் சொன்னீங்க.எனக்கு தெரியாது.எஸ்கேப்..) இறங்கி வெட்டுகுத்து ரேஞ்சுக்கு சண்டை போடத்துவங்க... அவர்களை விலக்க படாத பாடுபட்டோம். நல்ல வேளை கேபிள் அண்ணன் கையில் அரிவாள் இல்லடா சாமி...!! 

கலாட்டா - 2

கேபிள் அண்ணனின் 'சினிமா வியாபாரம்' புத்தகத்தை வாங்கிய கையுடன் அவருடைய கையெழுத்தையும் அதில் கேட்டு வாங்கிக்கொண்டேன். "ரொம்ப நேரம் பேசியாச்சி, வாங்கப்பா ஜூஸ் சாப்டுவோம்" என அவர் அழைக்க அனைவரும் அவரை பின் தொடர்ந்தோம். அங்கு அவரிடம் சிக்கினான் ஜூஸ் கடைக்காரன். "என்ன ஜூஸ் இது...ஐஸே இல்ல..தண்ணியாவது இருக்கா" என்றார். அதுவும் இல்லை என்றதும் கடுப்பாகி கேபிள் சங்கர், கே.ஆர்.பீ. செந்தில், எல்.கே. மற்றும் பார்வையாளன்  அண்ணன்கள்  தலைமையில் நிர்வாகத்திடம் பெரிய புரட்சியில் ஈடுபட்டோம். வெகுண்டெழுந்த கேபிள் அண்ணன் அங்கு இருந்த செச்யுரிடியிடம்  "உள்ளே எங்கயும் தண்ணி இல்ல. நாங்க வெளிலே போய் குடிச்சிட்டு வர்றோம். ஆனா திரும்ப உள்ள வரும்போது இன்னொரு டிக்கட் வாங்க மாட்டோம்" என சொல்ல,  அந்த நபரும் எதிர்வாதம் செய்ய களம் சூடுபிடித்தது. அதிகாரிகளிடம் புகார் செய்ய புறப்பட்டது எங்கள் புரட்சிப்படை. நாங்கள் சற்று தூரம் சென்றதும் அந்த செக்யூரிட்டி சற்று கோபமாக சில வார்த்தைகளை உதிர்க்க அதை காதில் வாங்கிய ஒற்றன்(நான்தான்) அதையும் சேர்த்து நிர்வாகத்திடம் பற்ற வைத்தேன். அவர்கள் எங்களுடன் வந்து செக்யூரிட்டியை வெளுத்து வாங்கினர். அவர்களிடம் கேபிள் அண்ணன் கேட்ட கேள்வி "அவசரமா உச்சா போகணும் சார். அதுக்கு கூட வெளிய விடமாட்டாங்களா? நாங்க யாரும் திரும்ப வரும்போது டிக்கட் எடுக்க மாட்டோம்" என வெடிக்க, "ஒண்ணும் பிரச்னை இல்ல சார். நீங்க போயிட்டு வாங்க என்று" வெள்ளைக்கொடி காட்டினர். ஒருவழியாக எங்களுக்கு 'தண்ணி காட்டாமல்' தண்ணி இருக்கும் இடத்தை காட்டினர்.  

கலாட்டா - 3

அரங்கின் வெளியே மேடையில் வாலி, பழனிபாரதி உள்ளிட்டோர் பேசிக்கொண்டு இருக்க, சற்று தொலைவில் அண்ணன் கே. ஆர். பீ. செந்தில் அவர்களுடன் மணிக்கணக்கில் பல விசயங்களை நான் பேசிக்கொண்டிருக்க, நண்பர் பிரபா கேட்டுக்கொண்டிருந்தார். அவர் பொறுமையை வெகுவாக சோதித்தோம். ஒருவழியாக மேடைப்பேச்சு முடிந்து கவிஞர் வாலி அவர்கள் பல அதிகாரிகள் புடைசூழ கீழே வந்துகொண்டிருந்தார். அப்போது நான் சற்றும் எதிர்பாராத வண்ணம் ஒரு தடாலடி கேள்வியை அண்ணன் கே. ஆர். பீ. செந்தில், வாலியை நோக்கி கேட்டார் . மறைந்திருந்து ராமன் வாலியை தாக்கிய தூரத்தை விட சற்று அருகில் இருந்து வீசப்பட்ட துணிச்சலான கேள்விக்கணை அது.  நல்ல வேளை அந்த அம்பு  வாலி காதில்  விழவில்லை. அதை செந்தில் அண்ணனே அவர் பதிவில் சொல்லலாம் என நினைக்கிறேன். மீண்டும் நான் எஸ்கேப்...

  

கலாட்டா - 4 

இரவு நெருங்க நெருங்க ஒவ்வொருவராக விடைபெறத்துவங்கினர். பலருடைய தொலை பேசி எண்ணை வாங்கி வைத்துக்கொண்டேன். பார்வையாளன் மற்றும் எல்.கே. இருவரும் சில ஆலோசனைகளை எனக்கு தந்தனர். அவர்களும் கிளம்ப.. அண்ணன் கே. ஆர். பீ. செந்தில், பிரபா மற்றும் நான் பேசிக்கொண்டிருக்க ...மீண்டும் சூறாவளியாக வந்து நின்றார் கேபிள் அண்ணன். "ஆறு தடவை கால் பண்ணி இருக்கேன். ஏன் எடுக்கல" என செந்தில் அண்ணனை அவர் கேட்க அதற்கு செந்தில் அண்ணன் சொன்ன பதில்.... அய்யய்யோ எனக்கு மறந்து போச்சி...அவரிடமே கேட்கவும். சரி கிளம்பலாம் என எண்ணியபோது ஜாக்கி சேகர் அவர்கள் வருவது தெரிந்ததும் காத்திருந்தோம். அவரிடமும் பேச போதுமான நேரம் கிடைத்தது மகிழ்ச்சியாக இருந்தது. 

சினிமா பற்றி பல கருத்துகளை என்னுடன் பகிர்ந்து கொண்ட கேபிள் சங்கர் அண்ணன், ஆன்மிகம், வியாபாரம் மற்றும் பல விசயங்களை மணிக்கணக்கில் என்னிடம் பேசியதோடு மட்டுமின்றி, பதிவு குறித்து பல ஆலோசனைகள் வழங்கிய கே.ஆர்.பீ. செந்தில் அண்ணன் அவர்கள் இருவருக்கும் கண்டிப்பாக நன்றி சொல்லியே தீர வேண்டும். வயதில் சிறியவன் என்று பாராமல் மிகவும் சகஜமாக உரையாடிய ஜாக்கி சேகர், எல்.கே. மற்றும் பார்வையாளன் ஆகியோரின் அறிமுகமும் மகிழ்ச்சி அளித்தது. எவரிடமும் போலி எண்ணங்கள் இல்லை. மனதில் பட்டதை வெளிப்படையாக என்னிடம் பேசினர். முதன் முறை சந்தித்த பொடிப்பயலான  என்னிடம் பிரபல பதிவர்கள் பழகிய விதம் மிகுந்த உற்சாகத்தை அளித்தது. முதல் சந்திப்பே எனக்கு வெற்றிகரமாக அமைந்தது. நன்றி பிரபா. நீங்கள் தான் அதற்கு காரணம்.  

அங்கு நடந்த காட்சிகளை வளைத்து வளைத்து படம் பிடித்தது எங்கள் ஆஸ்தான ஒளிப்பதிவாளர் பார்வையாளன் அவர்கள். அந்த காட்சிகளை காண பின் வரும் லிங்க்கை அழுத்தவும்:

சென்னை பதிவர்கள் 

ஆக மொத்தத்தில் புத்தக கண்காட்சியின் முதல் நாள் இந்த சந்திப்புடன் நிறைவடைந்தது. புத்தகங்கள் வாங்கும் வாய்ப்பு கிட்டவில்லை. நாளை புத்தக கண்காட்சிக்கு மீண்டும் செல்லவிருப்பதால் புத்தகங்கள் மற்றும் அங்கு நான் கண்ட அனுபவங்கள் குறித்தும் எழுதுகிறேன். பதிவை வாசித்த உள்ளங்களுக்கு நன்றி!!!

........................................................................................

என் மற்றொரு பதிவகம்: nanbendaa.blogspot.com

........................................................................................

                                 

                                      

மீண்டும் சந்திப்போம்!!                                         

எனக்குப்பிடித்த மெலடி மற்றும் துள்ளல் பாடல்

மனதில் ஏதேனும் சஞ்சலங்கள் இருப்பின் சில சமயம் நாம் கேட்கும் பாடல்கள் அவற்றை அகற்றி நம்மை மகிழ்விக்கும்..

அவ்வகையில் பல பாடல்கள் உண்டு. அப்படி ஒரு சிறு சஞ்சலம் ஏற்பட்ட நிலையில் இன்று எனக்கு உற்சாகத்தை தந்த பாடல்கள் இவை. மொழி தேவை இல்லை. இசையை ரசிக்கும் ஆர்வம் இருந்தாலே போதும் என்பதற்கு உதாரணம் இவை:

முதலில், தபங் திரைப்படத்தில் இடம்பெற்ற அற்புதமான மெலடி பாடல்:

அடுத்து  ஓம் சாந்தி  ஓம் படத்தில் இடம் பெற்ற வண்ணமயமான உற்சாக பாடல். 

கிட்டத்தட்ட ஹிந்தி திரையுலகின் அனைத்து பிரபல கலைஞர்களும் 

ஒற்றுமையாக ஆட்டம் போட்ட பாடல். 

...................................

Thanks: You Tube.




                                    

                                    

சொல்ல மறந்த புத்தாண்டு வாழ்த்து!

நண்பர்கள், குடும்பத்தினர், உறவுகள் அனைவருக்கும் சொன்னேன் ஆங்கில புத்தாண்டு வாழ்த்து..
சொல்ல வேண்டியவர்களுக்கு சொல்ல மறந்து...

வாழ்வதற்காக தின்பவனின் கழிவோ..தின்பதற்காகவே வாழ்பவனின் கழிவோ..
எல்லாம் உனக்கு சமம்.
உன் ரத்தங்கள் கூட அருகில் வர யோசிக்கும் சாபம்.

                                                
         
இந்த அவலம் ஒழிந்து உன் வாழ்வு ஒளிபெற பிரார்த்திக்கிறோம். புத்தாண்டு வாழ்த்துகள்!!
.....................

                          
                                           
எச்சமென தூக்கி எறிந்த பிள்ளையை பெற்றதற்கு தூக்கம் இல்லா துக்கமே மிச்சம்!
எத்தனை சரணாலயங்கள்.. எத்தனை குமுறல்கள்...
எஞ்சியுள்ள காலங்களிலாவது இன்பம் பொங்கட்டும்... புத்தாண்டு வாழ்த்துகள்.!!