CINEMA SHOULD MAKE YOU FORGET YOU ARE SITTING IN A THEATER – ROMAN POLANSKI

Thursday, October 31, 2013

ஆரம்பம்



                                                                  

அட்டகாசம் இடைவேளையில் தியேட்டரை விட்டு ஓடி வந்தபிறகு தல பக்கம் தலை வைக்காமல்தான் கிடந்தேன். பிலாசபி பிரபாகர சகவாச தோஷத்தால் பில்லா - 2 எனும் காலத்தால் அழியா கோலத்தை கண்டு காண்டாகிய வடு இன்னும் ஆறாத நிலையில் இப்போது ஆரம்பம். மாஸ் ஹீரோ படங்களை பக்கா மாஸ் தியேட்டரில் முதல் நாள் முதல் காட்சி பார்க்கும் வாய்ப்பு இதுவரை கிட்டியதில்லை. ரஜினிக்கு பிறகு செமத்தியான ஓபனிங் அஜித்திற்கு மட்டும்தான் என்பதால் அவரது அல்டிமேட் ரசிகர்களுடன் முதல் ஷோ பார்க்கும் ஆவல் மேலிட்டது. நண்பர் ஆரூர் முனா செந்திலின் உபயத்தால் இன்று காலை 6 மணிக்கு வட சென்னை ஸ்ரீ பிருந்தாவில் டிக்கட் கன்பர் ஆனதால் அஞ்சாசிங்கம் செல்வின் மற்றும் ஆரூரார் நண்பர்களுடன் ப்ரசன்ட்.

மும்பையின் முக்கிய இடங்களில் ஆங்காங்கே குண்டு வெடிக்கிறது. யார் அந்த  தீவிரவாதி என போலீஸ் தேடல் துவங்குகிறது. அந்த ஆன்ட்டி ஹீரோ அஜித்தன்றி வேறு யாராக இருக்கக்கூடும்? யெஸ். தல இஸ் பேக் வித் சேம் நரச்ச தல, கூலிங் கிளாசு!! அஜித் நடிக்கும் நடக்கும் ஆரம்பம் ஆரம்பம்லேய். கம்ப்யூட்டர் ஹாக்கிங் புலியான ஆர்யாவை மிரட்டி சில காரியங்களை சாதிக்கிறார்கள் அஜித்தும், நயனும். வெயிலுக்கு தெரியவே தெரியாமல் வளர்ந்த காதலி தாப்ஸியுடன் இருவரின் பிடியில் இருந்தும் தப்பிக்க நினைக்கிறார் ஆர்யா. 'அவரோட மறுபக்கம் என்னன்னு உனக்கு தெரியுமா?' என நயன் சோக வயலின் வாசிக்க அதன் பின் துவங்கும் விறுவிறுப்பான காட்சிகளை உள்ளடிக்கியதுதான் இவ்வாரம்பம்.  

படம் துவங்கிய சில நிமிடங்களில் வரும் பாடலில் தலயோட நடன அசைவுகளை பார்த்ததும் ROFL. சில சமயங்களில் கவுண்டர் காமடியைக்கூட F1 வேகத்தில் முந்தி என்னை சிரிக்க வைப்பது அய்யாவின் டான்ஸ்தான். அதன்பின் ஆர்யாவின் படு திராபையான ப்ளாஸ்பேக் வேறு. பருமனாக இருப்பவர்களை வாயுபிரிக்கும் சங்கத்தின் தலைவர்களாகவும், எந்நேரமும் சிப்ஸ் பாக்கெட்டுடன் திரியும் சாப்பாட்டு ராமன்களாகவும் காட்டும் சொத்தையான கிச்சு கிச்சு யுத்தி இங்கும். சகிக்கவில்லை விஷ்ணு. படம் நெடுக அஜித்தின் துணை மாப்பிள்ளையாகவே  வந்து போகிறார் ஆர்யா. ஆடிட்டர் வீட்டில் இவரை பார்த்து அஜித் கத்தும்போது 'யோவ் ..இருய்யா' என மிரட்டும் இடத்தில் ஆர்யா தி பாஸ். நயன் கவர்ச்சி (முதிர்)கன்னி(!) கம் ஆக்சன் ஜாக்சன். தப்ஸி..நடிப்பில் ஜஸ்ட் பேபி.  

ரன்னில் சிக்ஸர் அடித்த அதுல் குல்கர்னி இங்கே சப்ஸ்டிட்யூட். அவருக்கும் காதோரம் சுண்ணாம்பு டை அடித்து ஓரங்கட்டி விட்டார்கள். அட்லீஸ்ட் நம்ம கிஷோர் ஆவது ஸ்கோர் செய்வார் என்று பார்த்தால் 'ஐ ஆம் தி ஹீரோ. ஐ ஆம் தி வில்லன். மேக் இட் சிம்பிள் ' என அஜித்தே மங்காத்தா ஆடியிருக்கிறார். 'தப்ப சரி செய்ய இன்னொரு தப்பு செய்யறது சரியில்ல', 'சாவக்கண்டு பயப்படுறவனுக்கு நித்தம் சாவு. பயப்படாதவனுக்கு ஒரு தரம்தான் சாவு' என தலைவர் பேசும்போதெல்லாம் 'தல தல' என தொண்டை விக்க அவர் நாமகரணத்தை சொல்லி ஓய்கிறது கலைத்தாலும் கலையாத ரசிகர் படை. 'கடன் வாங்குறதும் தப்பு. கடன் குடுக்குறதும் தப்பு' என்று பாட்சாவில் பெரிய தல சொல்லும் ஒலகமகா தத்துவத்திற்கு பிறகு என்னை இருக்கையில் இருந்து விழுமளவு விலா நோக சிரிக்க வைத்தது இத்தத்துவங்கள்தான். உஸ்கோல் வாத்யார் சொன்னதை எல்லாம் யூ மேட் இட் வெரி சிம்பிள் தல. 
                                                                         

                                                 ஸ்ரீ பிருந்தாவில் ரசிகர்களின் அட்டகாச அமர்க்களம்
                              
இடைவேளைக்கு முன்பு வரை 'விட்டா போதும் ஓடிடலாம்' என எண்ணி இருக்கையில் 'இது முடிவல்ல...ஆரம்பம்' எனும் கர்ஜனை வேறு. 'என்னண்ணே..எப்படி இருக்கு?' என வினவினார் தோழர் அசோக்(அஜித் அல்ல). 'இதுவரைக்கும் பெருசா ஒன்னும் இல்ல. கடைசி அஞ்சி ஓவர்ல 50 ரன் அடிக்கற மாதிரி செகன்ட் ஆப் ஜிவ்வுன்னு இருந்தா நல்லாருக்கும்' என்றேன். முதற்பாதியில் பாதயாத்திரை சென்ற ஹீரோ அதன் பிற்பாடு கார், பைக், படகு என பட்டையை கிளப்ப ஆரம்பிக்க...(சிவ) குமாரு ஹாப்பி. மும்பை 26/11 குண்டு வெடிப்பில் போலீஸ் அதிகாரிகள் பலியானதற்கு முக்கிய காரணமான போலி புல்லட் ப்ரூப் ஆடைகளை மையமாக வைத்து ஜெட் வேகத்தில் பயணிக்கும் விறுவிறுப்பான காட்சிகள் செம. ஹரி பட ஹீரோ/வில்லன்கள் கையில் அருவாளுக்கு பதில் துப்பாக்கிகளும், சுமோவிற்கு பதில் டுகாட்டியும் இருந்தால் எப்படி பறக்குமோ அப்படி சீறுகின்றன சீன்கள். அல்டிமேட் என்டர் டெயின்மென்ட் பாஸ்.
                                                                  

அதிகாலை தியேட்டரில் ஆரூர் முனா மற்றும் செல்வினுடன் நான். 'நாங்க எங்க கடமையைத்தான செஞ்சோம்'  

யுவனின் இசையில் பாடல்கள் எதுவும் மனதில் ஒட்டவில்லை. குறிப்பாக அமெச்சூர் தனமாக அவை படமாக்கப்பட்டிருப்பது...டொக் டொக். மலை உச்சியில் இருந்து நெஞ்சில் சுடப்பட்டு காட்டாறில் விழும் அஜித் எப்படி மீண்டு மோட்டாரில் சிறகடிக்கிறார், உலகின் மிகப்பெரிய வங்கி பரிமாற்ற மோசடிகள் உட்பட பற்பல ஹாக்கிங் வேலைகளை எப்படி சர்வம் ஆர்யாவால் சர்வ சாதாரணமாக செய்யக்கூடும் என எண்ணினால்..சாரி பாஸு. நீங்க ஒரு கம்ப்யூட்டர் சாம்பராணி. முதல் பாதியில் குஸ்காவும், அதன் பின் லெக் பீஸும் போட்டதே பெருசு. எந்த அரிசில செஞ்சா என்ன? 
 
ஆரம்பம் - அட்வான்ஸ் தீபாவளி வெடி.
 ..............................................................

அவுட்டோர் ஷூட்:
                                                                   

 பிருந்தா தியேட்டரை 100% ஆக்ரமித்து இருந்தது இளவயது ரசிகர்கள்தான். 'எப்படி மாஸ் காட்னாரு பாத்தியா தல' என இடைவேளையில் தளபதி ரசிகர் ஒருவரை வறுத்தெடுத்துக்கொண்டு இருந்தனர் சிலர். படம் முடிந்து வெளியே வந்தபோது காலை 9 மணிக்காட்சிக்கு காத்திருந்த பக்தர்கள் ஏக்கத்துடன் 'பாஸ்..எப்படி இருக்கு?' என ஆங்காங்கே விசாரிக்க ஜனாவின் ஜனத்திரளை தாண்ட திணற வேண்டி இருந்தது. பட்டாசு, குத்தாட்டம், பாலாபிஷேகம் என அமர்க்களப்பட்டது தியேட்டர் வாசல். 'எந்த படம் வந்தாலும் வரட்டும். தல படம் எப்போதுமே மிரட்டும்',  'தோனி அடிச்சா சிக்ஸர்டா, தல அடிச்ச ஸ்ட்ரெச்சர்டா' அதிரடி வாசகங்களுடன் பல்ப்பம் சாப்பிடும் பொடுசுகள் படங்கள் சேர்த்தடங்கிய பேனர்கள் நாலாபுறமும். எத்தனை அஜித் பாலாக்கள், பில்லா குமார்கள்....சும்மா சொல்லக்கூடாது. Simply Electrifying Atmosphere!!  
........................................................................

Tuesday, October 29, 2013

ஷார்ட் ஓகே


 
சினிமா பார்க்கும் யூத்களை விட குறும்படம் எடுக்கும் யூத்களின் எண்ணிக்கை தமிழகத்தில் அகிகரித்துக்கொண்டே வருகிறது என்பது அனைவரும் அறிந்தது. 'முப்பது வயசு கூட ஆகல. யார்கிட்டயும் அசிஸ்டன்ட்டா இல்ல. ஆனா சினிமால என்ன கலக்கு கலக்கறாங்கப்பா' என வெற்றி பெற்றோரின் தடங்களை பின்பற்றி நாளைய இயக்குனர் கனவில் லட்சக்கணக்கில் எத்தனை இளைஞர்கள்? திறமைசாலிகள் வெற்றிபெற வாழ்த்துகள்.

யூ ட்யூப்பில் நான் ரசித்த சில குறும்படங்கள் உங்கள் பார்வைக்கு:  


ஓப்பன் பண்ணா: 


                                                                    


சொம்பு: 


                                                                          


தர்மம்: 

                                                                       


சைனா டீ: 

 



கடைசில பாத்தா காதல்:

 
                                                                 

பத்தில் இரண்டு குறும்படங்களாவது ரசிக்க வைத்து விடுகின்றன. அவ்வப்போது  என்னை கவர்ந்த ஷார்ட்களை இத்தளத்தில் பகிர்கிறேன்.
............................................................





Sunday, October 27, 2013

சுட்ட கதை



                                                                       

டார்க்/ப்ளாக் காமடி - சமீபகாலமாக கோடம்பாக்க டீக்கடை முதல் 'குறியீடு  புகழ்' தோழர்களின் இணைய தளங்கள் வரை பரவலாக உச்சரிக்கப்பட்டு வரும் சொல். விஷயம் தெரிந்த விற்பன்னர்களிடம் கேட்டறி ந்ததில் 'நீயெல்லாம் என்னத்த சினிமா பாத்து. என்னத்த விமர்சனம் எழுதி' என நையாண்டி செய்யாத குறைதான். நமக்கு 'கிளிண்டன்னா கிளி ஜோசியம் பாக்குறவறா?' அளவுக்குதான் வேர்ல்ட் மூவி நாலேஜ் என்பதால் இதைக்கேட்டு டப்புனு மெர்சலாயிட்டம்பா. 'மும்பை எக்ஸ்ப்ரஸ் பாரு. இல்லனா அதையே பட்டி டிங்கரிங் செஞ்சி எடுத்த சூது கவ்வும் பாரு. அதான் டார்க்/ப்ளாக் காமடிடா என் சிப்ஸூ' என கழுவி ஊற்றி, ஊற்றி கழுவினார்கள் உலக சினிமா ரசிகர்கள். அந்த நேரம் பார்த்து 'அம்மா மாரே அய்யா மாரே..இந்த வாரம் சுட்ட கதை - டார்க் காமடி படம் ரிலீசாகி இருக்கு. போனா வராது. பொழுது போனா ஒரு ஷோ கூட இருக்காது'ன்னு வெளம்பரம் பார்த்ததும் தியேட்டரை வாசலில் மின்னலென...

க்ரைம் கலந்த காமடி காமிக்ஸ் களத்தில் தனது முத்திரையை பதிக்க முயன்றிருக்கிறார் புதிய இயக்குனர் சுபு. கோரமலை எனும் ஊரில் மொத்தம் ஆறு வகை மனிதர்கள்...அங்கிருக்கும் காவல்துறை வீரர்கள் உட்பட என அறிமுகம் செய்யப்படுகிறது. ஆனால் காவலர்களைத்தவிர மற்றவர்கள் எவ்வகையில் சோம்பேறிகள் என்பது குறித்து விளக்காமல் கோட்டை விட்டு விட்டார். சின்ன விஷயங்களில் நேர்த்திகளை காட்ட மெனக்கெடுகையில் இதுபோன்ற முக்கியமான மேட்டர்களை மறந்த விடுவது அல்லது மக்கள் மறந்து விடுவார்கள் என நினைத்து விடுவதுதான் அசல் டார்க் காமடி போல.

கோரமலை காவல் நிலையத்தில் புதிதாக வேலைக்கு சேர்கிறார்கள் ராம்கியும்(பாலாஜி), சங்கிலியும்(வெங்கி). அவ்வூர் மலைவாழ் மக்களின் ஜான்ஸி ராணியான சிலந்தி(லக்ஷ்மி ப்ரியா) மீது இருவருக்கும் காதல். இடையில் நடக்கும் கொலையால் தொடை நடுங்கும் இருவரும் விபரீதத்தை எப்படி எதிர்கொள்கிறார்கள் என்பதுதான் கதை. 'ட்விஸ்ட் மேல ட்விஸ்ட்' என்று பேப்பரில் விளம்பரம் செய்து விட்டு இடைவேளையில் தான்  'இனிமேதான் ட்விஸ்ட்' என கிச்சு கிச்சு மூட்டுகிறது சு.க.டீம். ஆனால் அதற்கு பிறகு 'டேய் ட்விஸ்டுடா' என பாலாஜியும்,வெங்கட்டும் மட்டுமே அடிக்கடி சொன்னாலும் தியேட்டரில் வாழ் காமிக்ஸ் கலா ரசிகர்கள் கோரஸாக கொட்டாவிதான் விடுகிறார்கள்.  
   

ராமராஜன், ராஜ்கிரண், டி. ஆர், பவர் ஸ்டார் போன்றவர்களை இணையத்தில் ரவுசு கட்டி எழுதி நாமெல்லாம் ஓய்ந்து விட்ட காலத்தில் க்ளைமாக்ஸில் வரும் டார்க்  ப்ரைட் காமடி போலீஸ் போல தற்போதுதான் தமிழ் சினிமா இயக்குனர்கள் மும்முரமாக அம்முன்னோர்களை ஓட்ட ஆரம்பித்து இருக்கிறார்கள். 'யா யா'வில் ராமராஜன், ராஜ்கிரணை எகத்தாளம் செய்தது எப்படி சோபிக்கவில்லையோ அதுபோல இங்கு ராம்கி, அருண்பாண்டியனை பகடி செய்யும் வசனங்கள்.  பாவம் இவர்கள்தான் காமடி பீஸாகி இருக்கிறார்கள். 

Paradesi tea stall பாரடைஸ் டீ ஸ்டால், 'அப்பா பெல்ட் போட்ருக்கனா பாரு?' என மகளிடம் வினவும் காவலதிகாரி, ஜேம்ஸ் மேஜிக் ஷோ போன்ற சில இடங்களில் மட்டுமே டார்க்/ப்ளாக் காமடி முத்திரை. மற்றபடி இருண்ட சூழல், நமக்கு புரிந்தது படம் பார்ப்போரின் உள்ளறிவுக்கும் எட்டும் எனும் அபார நம்பிக்கையுடன் எடுக்கப்படும் காட்சிகள் மட்டுமே டார்க் காமடி ஆகிவிடுமா என்பதே கேள்வி. அடிப்படையில் பொழுதுபோக்கு எனும் அம்சம் இல்லாமல் எப்படி? அந்த இடத்தில் ஆறோடு ஏழாம் சோம்பேறியாகி விட்டதோ சுட்ட கதை டீம் எனும் சந்தேகம் வலுக்கவே செய்கிறது.

நாசர் மட்டும் இல்லாவிட்டால் கந்துவட்டிக்கு கடன் வாங்கியாவது ஸ்க்ரீனை நோக்கி ஆளுக்கு 6 ரவுண்ட் சுட்டிருப்பார்கள். எம்.எஸ். பாஸ்கர், ஜெயப்ரகாஷ், லக்ஷ்மி ராமகிருஷ்ணன் ஆகியோர் ஸ்டார் வால்யூவிற்கு மட்டுமே தலை காட்டி இருக்கிறார்கள். மெட்லி ப்ளூஸ் எனும் பேன்ட் இசையில் பாடல்கள் சுமார். நிசாரின் ஒளிப்பதிவு டச்சிங்.

காமிக்ஸ் வகையறா படமான சுட்ட கதையை பாலாஜி தவிர்த்து கொஞ்சமாவது நடிக்க தெரிந்தவரை போட்டு இன்னும் அதிக சஸ்பென்ஸ்கள் நிறைத்திருந்தால் பேசப்பட்டிருக்கும். ஆனால் தீபாவளி துப்பாக்கி ஆகிவிட்டது துரதிர்ஷ்டம். 
 ...............................................................

Wednesday, October 23, 2013

ஸ்பெஷல் மீல்ஸ்(23/10/13)



அன்பே சிவம்:

                                                                    

சில நாட்களுக்கு முன்பு தி.நகர் நடேசன் பூங்கா அருகே நான் எடுத்த புகைப்படமிது. ஆழ்ந்த தூக்கத்தில் இருந்தாலும் தனது இரு நண்பர்களையும் அரவணைத்துக்கொண்டிருக்கும் கரங்கள். இன்றுவரை மனதில் நிழலாடிக்கொண்டிருக்கிறது  இக்காட்சி.
...............................................................

Captain Phillips:
'சூடான் கடற்கொள்ளையர்களிடம் சிக்கிய நாயகனின் சாகசக்கதை' என பிலிம் காட்டி விட்டு பார்வதியுடன் காதல் ரசம் சொட்ட தனுஷை நடிக்க வைத்த பரத் பாலாவிற்கு இப்படம் செம சமர்ப்பணம். ஓமனில் இருந்து சரக்கேற்றி செல்லும் கப்பல் பிரசித்தி பெற்ற சோமாலிய கடற்கொள்ளையர்களிடம் மாட்டிக்கொள்கிறது. குழுவை காப்பாற்றி தான் மட்டும் பணயக்கைதியாகிறார் கேப்டன் பில்லிப்ஸ்(டாம் ஹாங்க்ஸ்). வீர தீர சாகசங்கள் செய்து ஹீரோ ஆகாமல் அமெரிக்க கப்பல் படை உதவியுடன் எப்படி மீள்கிறார் எனும் உண்மைச்சம்பவம் திரைக்கு வந்துள்ளது.

'கேப்டன்னா இவர்தான்' கதாபாத்திரத்தில் பாந்தமாய் டாம். ஆனால் கொள்ளையர் தலைவனாக வரும் பர்கத் அப்திதான் நடிப்பில் ஹீரோ. '30,000 டாலர் வாங்க நான் என்ன பிச்சைக்காரனா?' எனச்சொல்லும்போதும்,  இன்ஜின் ரூமை பார்த்தே தீர வேண்டுமென அழுத்தி கூறும்போதும்..டாமை விட விருதுக்கு தகுதியான நடிப்பு. 700 பேரை ஆடிட் செய்து அதில் 4 பேரை சோமாலிய கொள்ளையர்கள் வேடத்திற்கு தேர்வு செய்திருக்கிறார்கள். கை மேல் பலன். 'நிஜத்தில்  பில்லிப்ஸ் எம்மை ஆபத்தில்தான் சிக்க வைத்தார். அவரை ஆபத்பாந்தவனாக படத்தில் காட்டி இருப்பது சரியல்ல' என கேப்டனுடன் பயணித்த ஊழியர்கள் கண்டனம் தெரிவித்துள்ளனர். எது எப்படியோ பரபரக்கும் கடத்தல் த்ரில்லரை தந்திருக்கும் பால் க்ரீன் க்ராஸை 10 ரவுண்ட் வானத்தில் சுட்டு பாராட்டலாம்.
.........................................................................

புது வசந்தம்:
                                                                     

புதிதாக வந்திருக்கும் 'தி இந்து' தமிழ் எப்படி இருக்கிறது என அறிய சென்னை தூவானம் போல நாளிடைவெளிவிட்டு சில பிரதிகள் வாங்கிப்படித்தேன். என்னதான் பாலா, மிஷ்கின் படமென்றாலும் இம்மாத்தூண்டு மசாலா இருந்தால்தான்  தமிழ் பேப்பர் வாசிப்பாளர்களுக்கு செமிக்கும். அந்த தினத்தந்தி பார்முலா இந்துவுக்கு கை வரவில்லை. தந்தி, தினமலர் மற்றும் தினகரன் கலவையாக தர முயற்சித்து இருக்கிறார்கள். Too many cooks spoil the broth. முதல் பக்கத்தில் கலாட்டா கச்சேரி என்கிற பெயரில் சினிமா பாடல் தாங்கிய கார்ட்டூன்...ஹே (N) ராம். தாங்கல. 16 பக்கங்கள் 4 ரூபாய் டூ மச்(சி). ஆங்காங்கே ஆழமான கட்டுரைகள். தினமணியையும் சேர்த்து வாசித்த எபெக்ட். 4 இன் 1 பேப்பர்களின் கலவை என்பதால்தான் 4 ரூபாயோ?
..............................................................................

நீர்ப்பறவை: 
கடைகளில் 10 ரூபாய்க்கு விற்கும் அரை லிட்டர் தண்ணீர் பாட்டிலை சத்யம் தியேட்டரில் 20 ரூபாய்க்கு விற்று வந்தார்கள். தற்போது அதன் விலை 30 ரூபாய். டிக்கட் விலை பல ஆண்டுகளாக ரூ.120க்கு மேல் ஏறாமல் வேறு வடிவில் அட்ஜஸ்ட்  செய்யப்படுகிறது. இனி அம்மா குடிநீரே சரணம்.
.............................................................................
  
தீபாவளி:
வருடா வருடம் ஆனந்த் விகடன் தீபாவளி மலர் வாங்க உத்தேசிப்பது வழக்கம். பெரும்பாலும் நம்ம டக்கு லேட் என்பதால் 'தீந்து போச்சி' பதில்தான் கடைக்காரரிடமிருந்து வரும். இம்முறை அவ்விதழ் என வசமானது. 99 இல் இருந்து 120 ரூபாயாக விலையை ஏற்றி விட்டனர். ஆனால் பேப்பர் தரம் டாப் க்ளாஸ். மொத்தம் 400 பக்கங்கள். அளவான விளம்பரங்கள் மட்டுமே.

ஆன்மீக கட்டுரைகள்/படங்கள், லால்குடி ஜெயராமன், நல்லி சில்க்ஸ் வரலாறு, பட்டுக்கோட்டை பிரபாகர், நாஞ்சில் நாடன், சுபா உள்ளிட்டோரின் சிறுகதைகள், சிவாஜி, எம்.ஜி. ஆர். ஸ்பெஷல், விஜய சேதுபதி பேட்டி என பல்வேறு அம்சங்களுடன் வழக்கமான நகைச்சுவை மத்தாப்புகள் தாங்கி அமர்க்களமாக இருக்கிறது.  சாம்பிள் வெடி: ஸ்ரீதர் இயக்கிய 'நெஞ்சிருக்கும் வரை' படத்தில் சிவாஜி மற்றும் ஏனைய நடிகர்கள் எவரும் மேக்கப் இன்றி நடித்திருக்கின்றனர் எனும் தகவலை படித்தேன். தமிழ் சினிமா வரலாற்றில் முதல் 'நோ டச் அப்' படமென்பதால் டி.வி.யில் பார்க்கும் ஆவலை கிளப்பியுள்ளது. 
....................................................................... 

நான் ராஜாவாகப்போகிறேன்:
ஆரம்பத்தில் சன் டி.வி.க்கு இணையாக போட்டி போட முடியாமல் ராஜாதி ராஜா, கர்ணன், இந்தியன் படங்களை ஒரு ஓரமாக ஓட்டி ஒதுங்கியது ராஜ் டி.வி. புதிய படங்களின் சாட்டிலைட் உரிமை வாங்குவதில் ஜீ தமிழ் சன்னை முந்தினாலும் காலப்போக்கில் அடங்கியது/அடக்கப்பட்டது. அடுத்து கோட் கோபி பரிவாரங்களுடன் சவால் விட்டது ஸ்டார் விஜய். சமீபகாலமாக விஜய்யும் ரம்பம் போட்டுக்கொண்டு இருக்கிறது. 'என்னடா இது மோகன், டி.ஆர்., ராமராஜன்னு போட்டிக்கு வந்துட்டே இருக்காங்க?' என கடுப்பான சூப்பர் டி.வி.ஸ்டார் சன்னுக்கு லேட்டஸ்ட் சவால் புதிய தலைமுறை.

என் போன்ற SCV செட் ஆப் பாக்ஸ் வைத்திருப்போர் வீட்டில் பு.த.சேனலை கட் செய்தது சன். தற்போது 'புதுயுகம்' எனும் பொழுதுபோக்கு சேனல் மூலம் சன்னுக்கு கடும் சவாலை தர தயாராகி விட்டது புதிய தலைமுறை. குறிப்பாக மெகா சீரியல் ஏரியாவில் ஹெவியாக களமிறங்கி இருக்கிறது புது யுகம். சிம்ரன், சினேகா, 'சோனியா அகர்வால்'...என நட்சத்திரங்களின் நான் ஸ்டாப் பவனி. 'சன் மெகா'ன்னு தனி சீரியல் சேனல் ஆரம்பிப்பாரோ கலாநிதி!!
................................................................................

வணக்கம் சென்னை:
சென்னை மாநகரின் சந்து பொந்துகளில் இருப்போரின் குறை போக்க மினி பேருந்துகளை மாண்புமிகு அம்மா அவர்கள் மக்களுக்கு அர்ப்பணிக்கும் நிகழ்வு ஜெயா டி.வி.யில் இன்று காலை லைவ் அடிக்கப்பட்டது. அம்மா குடிநீரில் இருப்பது போன்றே பெரிய சைஸில் இரட்டை இலையும், அதையொட்டி இரு சிற்றிலைகளும் பேருந்துகளின் முதுகில் பச்சை(யாக) குத்தப்பட்டு இருந்தன. நம்ம தெருவான்ட இன்னா நம்பர் பஸ்ஸு பறக்கும்னு டப்புனு சொல்லுங்கப்போய்.
.......................................................................

அமர்க்களம்:
கடைக்கோடி ரசிகனுக்கும் சேர்த்து ஜனரஞ்சகமான பொழுதுபோக்கு படங்களை வழங்கும் தலைவன் பீட்டர் ஜாக்சனின் லார்ட் ஆப் தி ரிங்ஸ் தொடர்ப்படங்களின் வரிசையில் டிசம்பர் 13 ஆம் தேதி ரிலீஸ் ஆகிறது: The Hobbit: The desolation of Smaug. ஹாப்பிட் முந்தைய பாகம் HFR(High Frame Rate) தொழில்நுட்பத்தில்   வெளியானது. சத்யம் தியேட்டரில் அப்படத்தை பார்த்தபோது ஆங்கில டி.வி. சீரியல் பார்த்த குறை இருந்தது. அது பரவலான விமர்சனத்திற்கும் உள்ளானது. இம்முறை அதனை பீட்டர் & கோ சரி செய்திருப்பார்கள் என கண்டிப்பாக நம்பலாம். ஐ ஆம் வைட்டிங் வாத்யாரே!!

ட்ரெய்லர் பார்க்க:  

 
               
.............................................................                  
               

சமீபத்தில் எழுதியது:

..............................................

 email: madrasminnal@gmail.com


Monday, October 21, 2013

Rush




சர்வதேச விளையாட்டுகள் பலவற்றின் மீதிருக்கும் ஆர்வம் ஏனோ  F1 ரேஸ் மீது மட்டும் எனக்கு இருந்ததில்லை. நாளிதழ் மூலம் F1 செய்திகளை படிப்பதோடு மட்டும் சரி. அவ்விளையாட்டு பற்றிய ஹாலிவுட் படமான ரஷ் உலகெங்கும் வசூலில் பட்டையை கிளப்பிக்கொண்டு இருந்தது. இரண்டு வாரங்கள் சத்யமில் டிக்கட் கிடைக்கவும் இல்லை. இம்முறை chequered flag என் பக்கம் காற்றை வீச தியேட்டரில் ஆஜர்.

படித்த நடுத்தர குடும்ப பின்னணி கொண்ட ஜேம்ஸ் ஹன்ட், கோடீஸ்வர வியாபார குடும்பத்தின் வாரிசான நிக்கி லவ்டா...இருவரின் ஒரே லட்சியம் ரேஸில் உலகப்புகழ் ஈட்டுதலன்றி வேறொன்றுமில்லை. ஜேம்ஸ் ஒரு ப்ளேபாய். முரட்டுத்தனமான நம்பிக்கையுடன் வெற்றியை நோக்கி பயணிப்பவன். நிக்கி படு புத்திசாலி. அமைதியுடன் அறிவு பூர்வமாக தனது வெற்றிக்கான காய்களை நகர்த்துவதில் வல்லவன்.

 1970 ஆம் ஆண்டு F3 ரேஸ்களில் இருவருக்கும் தொடங்கும் உரசல் 1976 இல் காட்டுத்தீயாய் பற்றி எரிகிறது.  அவ்வாண்டு நடக்கும் ஃபார்முலா ஒன் க்ராண்ட் ப்ரி போட்டிகளில் 68 புள்ளிகள் பெற்று உலக சாம்பியன் ரேஸில் முன்னே நிற்கிறான் நிக்கி. ஜேம்ஸிடம் இருப்பது 65 புள்ளிகள். கனமழை கொட்டித்தீர்க்கும் ஜப்பானில் இறுதி ரேஸ். உலக சாம்பியன் பட்டம் யார் வசமானது படம் பார்ப்போர் நகமல்ல..விரலை கடிக்க வைக்குமளவுக்கு பரபரப்பாக படமாக்கி இருக்கிறார்கள்.

ஜேம்ஸாக க்ரிஸ் ஹெம்ஸ்வொர்த். நிக்கியாக டேனியல் ப்ரஹ்ல். பொறாமையில் ஆரம்பிக்கும் மோதல்கள் அதன் பின்பு ஆரோக்யமான போட்டியாக மாறுகிறது. அவ்வுணர்வுகளை இவர்கள் வெளிப்படுத்தும் காட்சிகள் மெச்சத்தக்கவை. ரேஸ் ஒன்றில் சிக்கி தீக்கிரையாகி விடுகிறது  நிக்கின் முகம். பிறகொரு தினம் நடக்கும் ப்ரெஸ் மீட்டில் 'இந்த முகத்துடன் இருந்தால் உங்கள் மனைவி சேர்ந்து வாழ்வது சாத்தியமா?' என நிருபர் அவரது மனதை புண்படுத்தி விடுகிறார். அதை கவனிக்கும் ஜேம்ஸ் அந்நிருபரை தனி அறைக்கு அழைத்து முகத்தில் ரத்தம் சொட்ட அடித்துவிட்டு சொல்லும் வசனம்: "இந்த முகத்தை உன் மனைவி ஏற்றுக்கொள்வாளா என யோசி". சர்வதேச விளையாட்டு போட்டிகள் ஒவ்வொன்றிலும் முதல் இரண்டு இடத்தில் இருக்கும் போட்டியாளர்கள் மனதார நட்பு பாராட்டுவது மிக மிக அபூர்வம். மீடியா முன்பு 'நன்பேண்டா' என ஆரத்தழுவிக்கொண்டாலும் உள்ளூர நீரு பூத்த நெருப்பாக பகையுணர்வு கொழுந்து விட்டு எரிந்து கொண்டுதானிருக்கும். விதிவிலக்காக நிக்கி - ஜேம்ஸ், ரோஜர் பெடரர் - ரபேல் நடால் போன்ற சிலர் மட்டுமே இருக்க முடியும்.


                                                                 
                                                                       அசல் நிக்கியும், ஜேம்ஸும்      

நடிப்பில் க்ரிஸ்ஸை விட ஒரு படி முன்னே நிற்பது நிக்கியாக நடித்த டேனியல்தான். ரேஸ் நடக்கும் நேரங்களில் தனது எதிரிக்கு சவால் விடுதல், தனது F1 கார் எப்படி இருக்க வேண்டும் என்பதில் காட்டும் பிடிவாதம், வாழ்வின் யதார்த்தத்தை உணர்ந்து முடிவெடுத்தல் என ஒவ்வொரு கட்டத்திலும் பிரமாதமான நடிப்பு. "நீ தந்த கடும் சவால்கள்தான் என்னை இந்த உயரத்திற்கு கொண்டு வந்துள்ளது" என தனது எதிரியும், தோழனுமாகிய ஜேம்ஸ் சொல்லும்போது அதற்கு நிக் சொல்லும் வசனம்: "நல்ல நண்பர்கள் இருந்தாலும் முட்டாள்கள் முன்னுக்கு வருவதில்லை. சிறந்த எதிரிகளால் மட்டுமே புத்திசாலிகள் வெற்றி பெறுகிறார்கள்".

ரஷ் எனும் இந்த அற்புத படைப்பின் வெற்றிக்கு பின்னே நிற்பவை இசை, எடிட்டிங் மற்றும் ஒளிப்பதிவு. குறிப்பாக கடும் மழை பெய்யும் ஜப்பான் க்ரான்ட் ப்ரி ரேஸ் சீன்களில் ஆன்டனியின் கேமரா ஸ்டன்னிங். 

ஜேம்ஸ் மற்றும் நிக்கின் வாழ்வில் நடந்த உண்மைச்சம்பவங்களை படமாக்க 30 க்கும் மேற்பட்ட முறை பலர் அனுமதி கேட்டும் மறுத்திருக்கிறார் நிக்கி(ஜேம்ஸ் தற்போது உயிருடன் இல்லை). இறுதியில் அந்த வாய்ப்பு இயக்குனர் ரான் ஹோவார்டிற்கு கிடைத்தது. ரஷ் பார்த்த பிறகு நிக்கி கூறிய வார்த்தைகள்: "யார் இந்த டேனியல்? அப்படியே என்னைப்போலவே உடல்மொழி மற்றும் உச்சரிப்பு... அசத்தி இருக்கிறார். வணிக நிர்பந்தங்களுக்காக  உண்மைச்சம்பவங்களை திரித்து இருப்பார்களோ என பயந்தேன். ஆனால் பெர்பெக்டாக வெளிவந்துள்ளது ரஷ்".

ஆஸ்கர் போட்டியில் ரஷ்ஷுக்கு வாய்ப்புகள் அதிகம் என எதிர்பார்க்கப்படுகிறது. படம் துவங்கும் முன்பு வாங்கி வைத்த குளிர்பானத்தை ஒரு சிப் கூட உறிஞ்ச விடாமல் இறுதி வரை F1 ஸ்பீடில் சீட்டின் நுனியில் அமர்ந்து பார்க்க வைத்த டீம் 'ரஷ்'...1000 Thanks' for all!!

நிக்கி - ஜேம்ஸ் குறித்து பி.பி.சி. எடுத்த ஆவணப்படத்தின் காணொளி பார்க்க:
.............................................................................


சமீபத்தில் எழுதியது:

ஷாஹித் - விமர்சனம்


Sunday, October 20, 2013

Shahid




நேற்று மட்டும் ஒரே நாளில் மூன்று முத்தான படங்களை பார்த்த பரம திருப்தியில் இருக்கிறேன். மூன்றுமே உண்மை சம்பவத்தை அடிப்படையாக கொண்டவை. க்ளாஸ்ஸிக் மற்றும் வெகுஜன சினிமா ரசிகர்கள் என இரு தரப்பினரையும் ரசிக்க வைக்கும் அம்சங்கள் நிறைந்தவை. முதலில் ஷாஹித். கோன் ஹை யே? காஷ்மீரில் தீவிரவாத பயிற்சி மேற்கொண்டதற்காக 7 வருட சிறை தண்டனை அனுபவித்து அதன் பிறகு குஜராத் கலவரம், மும்பை 26/11 தாக்குதல்களை காரணம் காட்டி ஜெயிலுக்குள் தள்ளப்பட்ட அப்பாவி இஸ்லாமியர்களுக்காக வாதாடியவர்தான் வழக்கறிஞர் ஷாஹித். 'இது போன்ற வழக்குகளில் வாதாட வேண்டாம்' என மிரட்டல்கள் வந்த பிறகும் அதை அலட்சியம் செய்ததால் 2010 ஆண்டு அவரது அலுவலகத்தில் வைத்து கொல்லப்பட்டார்.

ஷாஹித்தாக ராஜ்குமார் யாதவ். தம்பிக்கு சுத்தமாக நடிப்பே வரவில்லை. ஆம். கேரக்டராகவே வாழ்ந்திருக்கும் நடிகனை வேறெப்படி வர்ணிப்பது? fantastic kaam hai bhaiyya. கற்பதற்கான கடும் முயற்சி, முதிர்ந்த காதல்/காதலியுடன் ஊடல், கோர்ட் வாதங்கள்...எதைச்சொல்ல?  தனது க்ளயன்ட் ப்ரப்ளீனிடம் ''லாயர்ஸ் எதிக்ஸ் என்ன தெரியுமா? எந்த வீட்டை மீட்க நீங்கள் எங்களிடம் வருகிறீர்களோ அதை எமது வசமாக்கிய பிறகு எங்களிடம் இருந்து அவ்வீட்டை மீட்க வெறோரு லாயரை தேடிப்போக வைப்போம்" என ராஜ்குமார் பேசுமிடம் அருமை. இவ்வருடம் சிறந்த நடிகருக்கான ரேஸில் தவிர்க்க முடியாத நபராகி விட்டார். நாயகியாக ப்ரப்ளீன். அழகிலும், நடிப்பிலும் அனாசயம். 'தல' கே.கே.மேனன்(உதயம் NH4) சில நிமிடங்களே வந்தாலும்...ராக்ஸ். கேங்ஸ் ஆப் வாசேபூரில் பிரமாதப்படுத்திய திக்மன்சு சீனியர் வக்கீலாக சட்டென வந்து சென்றாலும் தடம் பதிக்கிறார். 

அப்பாவி கைதிகள், ஷாஹித் குடும்பத்தார், எதிர்தரப்பு வக்கீல்கள் என ஒவ்வொருவரின் நடிப்பும் படம் பார்க்கிறோம் என்பதை மறக்கடித்து விடுகின்றன. அநியாயத்திற்கு எதார்த்தம்...நீக்கமற. படத்தின் மிக முக்கிய பலங்களில் ஒன்று கோர்ட் வாதங்கள். இவ்வளவு இயல்பாக கோர்ட் சம்மந்தப்பட்ட காட்சிகள் இதற்கு முன்பு படமாக்கப்பட்டதில்லை என அடித்து சொல்லலாம். ஷாஹித்தை எதிர்த்து வாதாடும் ரோலில் விபின் மற்றும் ஷாலினி இருவரின் நடிப்பும் டாப் க்ளாஸ்.

ஷாஹித்தை மிரட்டுபவர்களின் பின்னணி பற்றி சிறு தகவல் கூட இல்லாதது, அவன் காஷ்மீர் சென்றது குறித்த தெளிவான விளக்கம், மிகச்சிக்கனமான பட்ஜெட் போன்ற குறைகளையும் வெற்றி வாகை சூடுகிறது இப்படம். முஸ்லிம் எனும் ஒரே காரணத்திற்காக மட்டுமே வருடக்கணக்கில் சிறையில் வாடிய கீழ்த்தட்டு மக்களின் ரட்சகனாக வாழ்ந்து உயிர் துறந்த ஷாஹித்..சல்யூட்.

கேப்டன் பில்லிப்ஸ், ரஷ் விமர்சனங்கள் வெகு விரைவில். 
..........................................................


Tuesday, October 15, 2013

ஒய்.ஜி.மகேந்திரனின் இரண்டாம் ரகசியம்


             
                                                                  


1952 ஆம் ஆண்டு ஒய்.ஜி.பார்த்தசாரதியால் துவக்கப்பட்ட யுனைடட் அமெச்சூர் ஆர்ட்டிஸ்ட்ஸ் நாடக கம்பனியின் மிகவும் வெற்றிகரமான படைப்பு என்று எடுத்துக்கொண்டால் அது 'ரகசியம் பரம ரகசியம்'தான். 1975 ஆம் ஆண்டு அரங்கேறி 750 க்கும் மேற்பட்ட முறை ரசிகர்களின் ஆதரவுடன் இன்று வரை வெற்றி நடை போட்டுக்கொண்டு இருக்கிறது. தற்போது புதிதாக அரங்கேறி இருக்கும் நாடகத்தின் பெயர் 'இரண்டாம் ரகசியம்'. சென்னைக்கு விஜயம் புரிந்திருந்த கோவை பதிவர் ஆவி(ஆனந்த் விஜயராகவன்) மற்றும் 'மின்னல் வரிகள்' பாலகணேஷ் ஆகியோருடன் சில நாட்களுக்கு முன்பு வாணி மஹாலில் இந்நாடகம் பார்க்கும் சந்தர்ப்பம் அமைந்தது. மேடைத்திரை விலகுவதற்கு முன்பாக ஒய்.ஜி.எம்மின் குரல் ஓர் அறிவிப்பினை செய்தது. விசில் சத்தம் மூலம் தான் பாடிய அக்கால பாடல்களை ஒலிக்க விட்டார். 'யார் அந்த நிலவு' மனதை தாலாட்டியது. இவ்வயதிலும் இப்படி ஒரு வித்யாசமான முயற்சியை மெற்கொண்டிருக்கும் ஒய்.ஜி.எம்.மிற்கு வாழ்த்துகள்.

கதை: ஆந்திர ரயில்வே ஸ்டேஷன் ஒன்றில் சென்னை செல்லும் ரயிலுக்காக காத்திருக்கும் டாக்டர், அரசியல்வாதி மற்றும் ஒரு பெண்மணி. 'எப்ப வரும் எப்படி வரும்னு யாருக்கும் தெரியாது' என ரயில் வருகை பற்றி இவர்களுக்கு அவ்வப்போது சொல்லும் ஸ்டேஷன் மாஸ்டர். மேற்சொன்ன மூவரின் அமைதியை குலைக்க வருகிறாள் ஒரு மர்மத்தாரகை. 'யாரவள்? இவர்களைப்பற்றிய ரகசியங்கள் அனைத்தும் எப்படி இவளுக்கு தெரியும்?' என்பதை சஸ்பன்ஸ் கலந்த காமடியாக இயக்கி இருப்பது ஒய்.ஜி.மகேந்திரன். கதை வசனம் வெங்கட். UAA வின் 61 ஆம் ஆண்டு, 63 வது படைப்பு, ஒய்.ஜி.எம்மின் நாடக வாழ்வின் 52 ஆம் ஆண்டு என குறிப்படத்தக்க மைல்கற்களும் உண்டு.

நீண்ட நேரம் ரயிலுக்கு காத்திருக்கும் சாந்தாபாய்(சுபா கணேஷ்) மற்றும் டாக்டர் நஞ்சுண்டன் ஆகியோருடன் சேர்ந்து கொள்வது நல்லதம்பி(ஒய்.ஜி.எம்). சென்னையின் 'சிறப்பு' தமிழில் கூடுமானவரை பேசி சமாளிக்கிறார். ஐயராத்தில் உபயோகிக்கும் 'பேத்தல்' எனும் வார்த்தை அவரை அறியாமல் வந்து விழுகிறது. டூசன் பத்தாது வாஜ்யாரே. இரட்டை அர்த்த வசனங்கள் பேசுவதில் கில்லியான எஸ்.வி.சேகரையே அசால்ட்டாக ஓவர் டேக் செய்திருக்கிறார் அண்ணாத்த ஒய்.ஜி. அர்த்தமுள்ள நாடகங்களை ஜனரஞ்சகமாக ரசிகர்களுக்கு வழங்குவதில் முன்னோடியான UAA விடமிருந்து இப்படி ஒரு இரண்டாம்/மூன்றாம் தர வசனங்களை ரசிகர்கள் நிச்சயம் எதிர்பார்த்திருக்க மாட்டார்கள் என்பதற்கு ஆங்காங்கே ஒலித்த 'உச்' கொட்டல்களே சாட்சி. 

உதாரணத்திற்கு சுபா கணேஷை பார்த்து 'உன்னையெல்லாம் எவன் ரேப் பண்ண போறான்?' என்பதும், 'இருதய அறுவை சிகிச்சை நிபுணர் தனது ஹாஸ்பிடலை இருதய வடிவில் கட்டி இருக்கிறார்' என ஒரு கேரக்டர் சொல்ல அதற்கு ஒய்.ஜி. 'எனக்கு தெரிஞ்ச ஒரு டாக்டர் பிரசவ ஸ்பெஷலிஸ்ட். அவங்க..." என கேப் விடுவதும் நாடகம் பார்ப்போரிடம் சுத்தமாக எடுபடாமல் போகிறது. வழக்கம்போல இங்கும் சுப்புணியும் குள்ளமான உருவத்தை சகட்டு மேனிக்கு நையாண்டி செய்கிறார் மகேந்திரன். 'உயரம் குறைவானவர்களை இப்படி பேசலாமா?' என ஒரு கட்டத்தில் சுப்புணி கோபமாக பேசுவது 'அட' போட வைத்தாலும் அதன்பிறகும் தொடர்கிறது நல்லதம்பியின் நக்கல்கள். வாய் கொப்பளித்த நீரை ஜெயகுமார் முகத்தருகே மகேந்திரன் உமிழும் காட்சி மட்டரக காமடி அட்டம்ப்ட்.மாத்திக்கனும் மகேந்திரன் மாத்திக்கனும்.
                                                                

இரண்டாம் ரகசியத்தின் உயிர்நாடி சந்தேகமின்றி ஐஸ்வர்யாதான். நள்ளிரவில் மற்ற மூன்று பேரையும் பயமுறுத்தி நடப்பதும், அவர்களின் மனதை உலுக்குவதுமாக அருமையான நடிப்பை வெளிப்படுத்தி இருக்கிறார். இவருக்கிது முதல் நாடகம் என்பது ஆச்சர்யம்தான். கேரக்டருக்கு மிகப்பொருத்தமான தேர்வு. சினிமாவில் மார்க்கெட் போன அல்லது அதிலிருந்து விலகி மெகா சீரியல் பக்கம் தஞ்சமடைந்து இருக்கும் தேர்ந்த கலைஞர்கள் அவ்வப்போது மேடை நாடகங்களின் பக்கமும் தங்கள் பார்வையை திருப்பினால் நாடகக்கலை மேலும் சிறக்கும் என்பதற்கு ஐஸ்வர்யாவே (மன) சாட்சி. 

வாஷ்பேஷினில் டாக்டர் DTS எபெக்டில் வாய் கொப்பளிக்கையில் "உடம்பே கொப்பளிக்கிற மாதிரி இருக்கே', 'ரெஸ்ட்டே எடுக்க முடியாத எடத்துக்கு எவன்யா ரெஸ்ட் ரூமுன்னு பேர் வச்சான்?' போன்ற நகைச்சுவை வசனங்கள் மற்றும் மனசாட்சி குறித்த உரையாடல்களில் வெங்கட்டின் எழுத்து மிளிர்கிறது. சுமாராக நடிக்கும் சுபா கணேஷிற்கு இங்கும் பொருத்தமான வேடம்தான். டாக்டர் ஜெயக்குமாரும் ஓக்கே. ஸ்டேஷன் மாஸ்டராக சுப்புணி தனிமுத்திரை பதிக்கிறார். ஒரே காட்சியில் வந்து சென்றாலும் மூத்த நடிகை பிருந்தா எப்போதும் போல நெகிழ்வான நடிப்பு. ஸ்டேஷனுக்கு பின்புறம் ஒளிரும் கோவில் செட்..பத்மா ஸ்டேஜ் கண்ணனின் கை வண்ணம். பிரமாதம் கண்ணன் சார். இரவு நேர திகிலை அரங்கினுள் பரப்பிய அலெக்ஸின் பின்னணி இசையும் பாராட்டத்தக்கது.
 
                                                                               கோவை ஆவியுடன்...

இந்நாடகம் குறித்து குமுதம், தி இந்து உள்ளிட்ட சில நாளிதழ் மற்றும் பத்திரிக்கைகள் எழுதியிருந்த விமர்சனங்களை படித்தேன். அனைத்திலும் பாராட்டு மழைதான். 'குறையொன்றுமில்லை கோவிந்தா' ரேஞ்சுக்கு புகழ்ச்சி மழை. மிச்சம் மீதி இருக்கும் நாடக ரசிகர்களையும் ஏமாற்றி ஏனய்யா இப்படி 'அல்வா' தருகிறீர்கள்?
 
டபுள்/ நேரடி அர்த்தத்தில் அசைவமாக பேசுவது அனைவருக்கும் கை வந்த கலையல்ல ஒய்.ஜி.எம். இட்ஸ் யெ ஸ்பெஷல் கிப்ட்(!). அதை எஸ்.வி.சேகர் பார்த்துக்கொள்ளட்டும். சிறந்த கருத்துடன் சஸ்பன்ஸ் இணைத்து எம்மை ஆவலுடன் பார்க்க வைத்த இரண்டாம் ரகசியத்தின் (தேனாம்பேட்டை சிக்னல் சைஸ்) திருஷ்டி பொட்டாக அமைந்து போனது உங்கள் ஓவர் தி டாப் டயலாக்குகள்தான். தங்கள் ஸ்டைலில் மற்றுமொரு சிறந்த நாடகத்தினை காண காத்திருக்கிறோம். இட்ஸ் அ ஓப்பன் சீக்ரெட் தலிவா!!
................................................................

  
சமீபத்தில் எழுதியது:

ஸ்பெஷல் மீல்ஸ்(14/10/13)  
                                                                 

Monday, October 14, 2013

ஸ்பெஷல் மீல்ஸ்(14/10/13)



ஆயுத பூஜை:



தீபாவளி, பொங்கல், ஆங்கில புத்தாண்டு என எப்பண்டிகையையும்  கொண்டாடும் பழக்கமில்லாத எனக்கு இவ்வாண்டு சற்று வித்யாசமான அனுபவம்தான். பெரம்பூர் ஐ.சி.எப்.பில் வேலை பார்க்கும் நண்பர் ஆரூர் மூனா ரயில் பெட்டிகள் தயாராகும் இடத்தையும், ரயில்வே ஊழியர்கள் ஆயுத பூஜை கொண்டாடுவதையும் காணும் சந்தர்ப்பத்தை சனியன்று அளித்தார். நேற்று காலை எமது ஏரியா தீயணைப்பு நிலையத்தில் ஆயுத பூஜை களை கட்டியது. தீயணைப்பு வண்டி மற்றும் காவலர்களுக்கு தீபாராதனை  காட்டிய காவல் நண்பரின் பெயர்....சையத் முகமத்.
............................................................................

Prisoners:
6 மெழுகுவர்த்திகள் பார்த்த  காண்டில் இருந்த எனக்கு அதே கதையுடன் ஹாலிவுட் படமொன்றை காணும் வாய்ப்பு கிடைத்தது. அருகருகே வசிக்கும் இரு நட்பான குடும்பங்களை சேர்ந்த இரு சிறுமிகள் சட்டென மாயமாக அவர்களைத்தேடி ஹ்யூஜ் ஜாக்மன் மற்றும் ஜேக் எப்படி அலைகிறார்கள் என்பதை திகில் நிறைந்த காட்சிகள் மூலம் அருமையாக படமாக்கி இருக்கிறார் டெனிஸ். ஷாம் மற்றும் வீ.இசட். துரை பார்த்தே தீர வேண்டிய படம்.
.......................................................................

கலகலப்பு:
அயனாவரம் பேருந்து நிலையம் அருகே நம்மை மிரள வைக்கும் ப்ளெக்ஸ். பாகிஸ்தானை கேப்டன் தொம்சம் செய்துவிட்டதால் ர.ர.க்கள் சீனாவை மிரட்டும் யுக்தியை கடைபிடித்து இருக்கிறார்கள். பலே குஸ்கா.
                                                                  

............................................................................

Gravity:
ரஷ்ய ஏவுகணை ஒரு செயற்கைக்கோளை தாக்குவதன் எதிரொலியாக சான்ட்ரா புல்லக் மற்றும் ஜார்ஜ் க்ளூனி ஆகியோர் பயணிக்கும் விண்வெளிக்கலம் ஆபத்தில் சிக்குகிறது. பல்வேறு முயற்சிகளுக்கு பிறகு உயிர் பிழைக்க போராடும் இருவரின் நிலையென்ன என்பதுதான் கதை. இரண்டே கேரக்டர்கள் மட்டுமே நடித்திருக்கிறார்கள். இனி பிழைக்க வாய்ப்பில்லை எனும் தருணத்தில் இருவரும் பேசும் வசனங்கள் மனதை நெகிழ வைக்கிறது. 90 நிமிடங்கள் பரபரப்பான ஸ்பேஸ் அனுபவத்திற்கு தயாராக விரும்பினால் க்ராவிடியை தவற விடாதீர்.
........................................................................... 

அலைபாயுதே:



மெஸ், காய்கறி கடை..அடுத்ததாக அம்மா குடிநீர். சென்னை பேருந்து நிலையங்களில் விற்பனைக்கு வந்து ஒரு மாதமாகிவிட்டது. அண்ணா சாலை டி.எம்.எஸ் பேருந்து நிலையத்தில் 2 பாட்டில்களை வாங்கினேன். தனியார் தண்ணீர் பாட்டில் விலையை விட 10 ரூபாய் குறைத்து விற்றாலும் நீரின் சுவையும் விலைக்கு ஏற்றாற்போல் சற்று சுமார்தான். 'ஆள்பவர்கள் தண்ணீரை விற்றால் தரித்திரம்' என்று யாரோ சில ஜோசிய வல்லுனர்கள் கொளுத்தி போட்டிருக்கிறார்களாம். மேடமின் அடுத்த மூவ் என்னவாக இருக்க போகிறதோ?  
........................................................................

சொன்னா புரியாது:

தினத்தந்தி கன்னித்தீவு முடியுமா? பிரதமருக்கு எப்போதாவது ரோஷம் வருமா? போன்ற கணிக்கவே முடியாத விஷயங்களுக்கு இணையாக உலா வருவது 'ஆதார் அட்டை அவசியமா? இல்லையா?'. 'சுப்ரீம் கோர்ட்டே சொன்னாலும் எதுக்கு வம்பு. வாங்கி வச்சிருவோம்' எனும் மன நிலையில்தான் பலர் இருப்பதாக தெரிகிறது. ஆமா.. வண்டி ஓட்டும்போது ஹெல்மட் அவசியமா? இல்லையா?..அந்த பழைய பஞ்சாயத்து என்ன கதில கெடக்கு வாத்யாரே?
......................................................................
  
குட்டிப்புலி:

சமீபத்தில் சி.என்.என். சேனலுக்கு மலாலா அளித்த பேட்டி அட்டகாசம். 'உலகின் எந்த மூலையில் இருந்தாலும் உங்களை கொன்றே தீருவோம் என தாலிபான்கள் எச்சரிப்பது பற்றி என்ன நினைக்கிறீர்கள் எனும் கேள்விக்கு மலாலாவின் பதில்: "என்னெதிரே துப்பாக்கி நீட்டியபடி அவர்கள் நின்றால் காலில் இருக்கும் ஷூவை கழற்றி அவர்களை அடிக்க தோன்றும். ஆனால் அப்படி செய்வதால் அவர்களுக்கும் நமக்கும் வித்யாசம் இருக்காது. எனவே கல்வியின் முக்கியத்துவத்தை எடுத்து சொல்லி உங்கள் பிள்ளைகளையும் படிக்க வையுங்கள் என்று சொல்லுவேன்".
..............................................................................






Related Posts Plugin for WordPress, Blogger...