CINEMA SHOULD MAKE YOU FORGET YOU ARE SITTING IN A THEATER – ROMAN POLANSKI

Friday, March 29, 2013

ஈழம் - பிக் பஜார்?


                                                           

இவ்வாண்டு நடந்த சென்னை புத்தக கண்காட்சிக்கு வருகை தந்த இலங்கைத்தமிழ் பெண்மணி ஒருவர் டி.வி.க்கு அளித்த பேட்டி: "இங்கே ஏராளமான ஈழம் சார்ந்த புத்தகங்களை கண்டேன். ஒரு சிலவற்றை தவிர மற்ற அனைத்துமே நம் ஈழத்தமிழ் மக்களின் வரலாற்றை அரைகுறையாகவும், அர்த்தமின்றியும் பதிவு செய்துள்ளன.குறுந்தகடு விற்பனைக்கும் பஞ்சமில்லை. தயவு செய்து எம்மை வைத்து ஆளாளுக்கு வியாபாரம் செய்யாதீர்கள் என மன்றாடி கேட்டுக்கொள்கிறேன்".  ஆனால் நாளுக்கு நாள் ஈழத்தை வைத்து தமிழகத்தில் வணிகமும், அரசியல் காய்களும் முன்பை விட இன்னும் வேகமாக நடத்தப்பட்டும், நகர்த்தப்பட்டும்தான் வருகின்றன என்பதை மறுப்பார் யார்?

'நீர் செய்வது நியாயமா தாத்தா?',  'நீங்கள் செய்தது சரியா அம்மா?' என்று பாலச்சந்திரன் சடலமான படத்தை வீதியெங்கும் ஒட்டி மட்டமான ஆட்டம் ஆடுகின்றன இரு கழகங்களும். பாலகனின் இறப்பை வைத்து அரசியல் செய்யும் நிலை தமிழகத்திற்கு நேர்ந்திருக்கும் பேரவமானம். ஈழத்தமிழ் மக்களுக்கு விடிவு கிடைக்கும் வரை படாடோப பிறந்த நாள் கொண்டாடாமல் நல உதவி மட்டுமே செய்து வந்த நடிகர் விஜயகாந்த் தற்போது தலைவர் ஆனதும் ஈழ விவகாரத்தில் அடக்கி வாசிப்பதும் வெகு சிறப்பு.

ராஜபக்சேவை தூக்கிலேற்று, காங்கிரஸை கருவறு, தமிழின துரோகி கலைஞரை நம்பாதே, இலங்கை வீரர்களை வெளியேற்று...வகை வகையான  கோஷங்கள். உச்சக்கட்ட போரில் இத்தனை உயிர்கள் பலியானதற்கு இந்திய-சீன அரசுகளின் ஆயுத உதவி, ராஜபக்சேவின் மிருகத்தனம், அப்போது தமிழகத்தை ஆண்ட தி.மு.க.வின் கபட நாடகம் என பல்வேறு காரணங்களை கூறி போஸ்டர்கள், பேனர்கள், நோட்டீஸ்கள், மேடை உரைகள், இணைய பகிர்வுகள்..எத்தனை எத்தனை. 


ஆனால் அனைத்திலும் மேலாக லட்சோப லட்சம் தமிழ் மக்களின் இறப்பிற்கு காரணமாய் அமைந்த துரோகி கருணாவை அனைவரும் மறந்து விட்டோம். புலிகளின் போர்த்தந்திர ரகசியங்களை இலங்கை அரசுக்கு போட்டுக்கொடுத்து இனப்படுகொலைக்கு மிக முக்கியமான பங்காற்றிய இந்த எட்டப்பனுக்கு எதிராக அல்லவா விண்ணதிர குரல்கள் எழுப்பப்பட்டு இருக்க வேண்டும்? எப்படி வந்தது நமக்கு இப்படியொரு மறதி? இனிவரும் போராட்டங்களில் எட்டப்பன் கருணாவை எதிர்த்து குரல்கள் ஒலிக்காமல் இருத்தல் சரியெனப்படுமா?


அந்த நல்லவனுக்கு அடுத்து நம்நாட்டில் இன்னொரு வல்லவர் தமிழர்களுக்கு செய்யும் தொண்டு அளப்பரியது. 'சென்னையில் இருக்கும் இலங்கை தூதரகத்தை கேரளத்திற்கு மாற்ற ஆட்சேபனை இல்லை. ரத்தாகும் சென்னை ஐ.பி.எல் போட்டிகளை எமது மாநிலத்தில் நடத்த தயார்' என தானே முன்வந்து அறிக்கை தருகிறார் உம்மன் சாண்டி. சிவகாசி பட்டாசு ஆலையில் விபத்திற்கு உள்ளான தமிழ் மக்களுக்கு மருத்துவ பொருட்களை வாரி வழங்கிய மம்முட்டி எனும் மனிதாபிமானி இருக்கும் அதே கேரளத்தில்தான் இந்த தலைவரும் வாழ்கிறார். வாழ்வாங்கு வாழ்க!!

மாணவர்கள் போராட்டத்தை முன்னெடுத்து இருப்பதால் அரண்டு போயிருக்கின்றன பிரதான கட்சிகள். எனவே தமிழகத்தில்  2014 நாடாளுமன்ற தேர்தல் மட்டுமல்ல, 2016 சட்டசபை தேர்தல் வரையும் ஈழத்தை வைத்து கணக்கிலடங்கா கூத்துகள் அரங்கேறும் என்பதில் ஐயமில்லை. இதையா ஈழத்தமிழர்கள் எதிர்பார்க்கிறார்கள்? 'எப்படியோ மின்வெட்டு பிரச்னை குறித்து இப்போது யாரும் பெரிதாக பேசவில்லை' என மேடம். ஜெ சற்று ஆசுவாசப்படுத்தி கொள்ளலாம். 

ஊத்தி மூடிக்கொண்ட டெல்லி டெ'ஷோ' மாநாடு, தமிழக பந்த் ஆகியவற்றால் 'அம்மா அம்மா. அம்மா மம்ம மா' என்று நொந்து போயிருக்கும் சன் தாத்தாவிற்கு அடுத்த தலைவலி சன் ரைசர்ஸ் 'மூலமாக'. தம்பி கலாநிதி போயும் போயும் சிங்களவன் சங்கக்கராவையா கேப்டனாக தேர்வு செய்ய வேண்டும்? "ஸ்ஸ்ஸ்...  போடுற பால் எல்லாமே நோ பாலா போனா என்னய்யா அர்த்தம்" என கலைஞர் குமுறுவது அந்தோ பரிதாபம். கலா பிஸினஸில் கலைஞர் அரசியலும், கலைஞர் அரசியலில் கலா பிசினஸும் இப்படியா முட்டிக்கொண்டு நிற்க வேண்டும்? எந்தா சேட்டா!! 
    
சென்னை வரும் சிங்கள பயணிகளை அடித்து விரட்டுவதால் ஈழத்தமிழர் மீதான பற்றை நிரூபிப்பதாக நினைப்பது முட்டாள்தனம். இங்கு சிங்களர்களுக்கு விழும் ஒவ்வொரு அடிக்கும் வட்டியும் முதலுமாக சேர்த்து கடலோர மீனவர்களுக்கும், அப்பாவி தமிழ் சொந்தங்களுக்கும் தண்டனை தராமல் விட்டு விடுமா சிங்கள அரசு?  முன்பை விட உக்கிரமாக அல்லவா அவர்களது சித்ரவதைகள் தொடரும்? குறிப்பாக நாம் தமிழர், விடுதலை சிறுத்தைகள் போன்ற ஆக்ரோஷ அண்ணன்மார்கள் இதை உணர்ந்தால் புண்ணியமாய் போகும்.  

உண்மையாகவே நெஞ்சில் ஒரு சொட்டு ஈரம் கூட  இன்றி ஏட்டிக்கு  போட்டியாக போலி ஈழப்பாசம் காட்டி அரசியல் செய்வதாலோ, கட்சிகள் அனைத்தும் தனித்தனியே மேடை கட்டி பொங்குவதாலோ எம்மக்களுக்கு எந்த தீர்வும் கிடைக்க வாய்ப்பில்லை. ஈழத்தை வைத்து மொத்த மற்றும் சில்லறை வியாபாரிகள் இந்த பிக் பஜாரை வெற்றிகரமாக  நடத்திக்கொண்டு இருப்பது ராஜபக்சே செய்ததை விட கொடூரமான இன அழிப்பு!!

Himmatwala 1983, 2013


ஹிம்மத்வாலா - 1983:
                                                           

1983 ஆண்டின் நம்பர் ஒன் ஹிட் படமான 'ஹிம்மத்வாலா'வை மீண்டும் உயிர்ப்பித்து இருக்கிறார் இயக்குனர் சஜித் கான். அஜய் தேவ்கன், தமன்னா நடிப்பில் இன்று ரிலீஸ் ஆகியிருக்கும் ஹிம்மத்வாலா பற்றிய விமர்சனத்தை இறுதியில் பார்க்கலாம். முதலில் 1983 பட விமர்சனம்.

''மொதல்ல ஹிம்மத்வாலான்னா இன்னான்னு சொல்லுபா?'' என்று கேட்போருக்கு...''நம்ம பாஷைல சொல்லனும்னா 'தில்லு தொர'..போதுமாப்பா? தெலுங்கில் 1981 இல் வெளிவந்த ஊரிகி மொனகடுவின் ரீமேக். இரண்டையும் இயக்கியவர் ராகவேந்திர ராவ்காரன்டி. பெர்பெக்ட் மசாலா படத்திற்கான அனைத்து இலக்கணமும் உங்களுக்கு கேரன்டி.   

இஸ் பிக்சர் கா கஹானி க்யா ஹை பாய்?

ஆஜா தேக்லே....

ராம்நகரை ஆட்டிப்படைக்கும் டாகூர்(பண்ணையார்?) ஷேர்சிங்(அம்ஜத் கான்). ரொம்ப கெட்டவர். அவர் செய்யும் கொலையை ஹீரோவின் தந்தையான பள்ளி வாத்தியார் பார்த்து விடுகிறார். அவரால் பிரச்னை ஆகிவிடும் என்பதால் பழிசுமத்தி ஊரை விட்டு ஒதுக்கி வைக்கிறார் ஷேர்சிங். உள்ளூரில் தாயும், தங்கையும் கஷ்டப்பட வருடங்கள் பறக்கின்றன. இளங்காளையாக ஊர் திரும்பும் ஹீரோ ஷேரை எப்படி திருத்தி பாடம் புகட்டுகிறார் என்பதை என்னமா சொல்லி இருக்கிறார்கள். யப்பா!!

ஹிம்மத்வாலா 1983 - உலக சினிமாத்தன உத்திகள்:

* அம்சமான விக், காராசேவ் மீசை, காலியான சூட்கேஸ், கைப்பை சகிதம்  ஊரில் வந்து இறங்குகிறார் ஜிதேந்திரா தி ஹீரோ. நதியின் குறுக்கே அணை கட்டும் நேர்மையான பொறியாளர். "அந்த காலி சூட்கேஸ், பைல  நாலு தேங்காயாவது போட்டு வைட் இருக்குற மாதிரி காட்டி தொலஞ்சா என்ன?" என்று கேட்கும் ரசனையற்ற மேதாவிகளே...சுப் ரஹோ. தட்ஸ் ஆல்.   

* நாயகி ஸ்ரீதேவி. ஸ்வாமி..இவர் யாராக இருக்கக்கூடும்? அதேதான். ஷேர்கானின் ஒரே செல்ல மகள். பணக்கார திமிருடன் அரைகுறை ஆடை அணிந்து ஏழைகளை பகடி செய்வது இவளுக்கு பொழுது போக்கு. சரிவிகித மசாலா மிக்ஸ் மிஸ் ஆகாமல் இருக்க அம்மணியுடன் எப்போதும் உலாவரும் தோழிகள் இல்லாமலா? உண்டு. உண்டு. முதலில் ஹீரோவிடம் மோதும் இவள் பிறகு அவனது ஈரம் சொட்டும் மனம் கண்டு காதலிக்க ஆரம்பிக்கிறாள். எப்டி? அமைதி. அமைதி. அதிரடி திருப்பமே இனிதான். காதல் பூத்து குலுங்க ஆரம்பித்ததும் மாடர்ன் ட்ரெஸ்ஸை உதறிவிட்டு(சென்ஸார்ட்) மீதிப்படம் முழுக்க புடவையில் வலம் வருகிறார். கெய்சா லகா?? ஷாக் லகா??? ரோனா  மத் மேரி ஹிம்மத் வாலே...குச் அவுர் பாக்கி ஹை. 

* ஜிதேந்திராவை தீர்த்துக்கட்ட தந்தை செய்யும் சதியை ஒட்டுக்கேட்டுவிட்டு கலங்குகிறார் ஸ்ரீதேவி. ஹீரோவிடம் ஓடிப்போய் 'மேரே பிதா ஆப்கோ மார்னே கேலியே ப்ளான் கியா ஹை' என சேதி சொல்ல அடுத்து ஒரு  ஃபைட். ஹவ் இஸ் தாட்?

* இப்படி இரண்டரை மணிநேர படம் நெடுக அன்லிமிடட் மசாலா பஃப்பே தான் போங்கள். ஓவர் ஹீரோயிசம் செய்யாத ஜிதேந்திரா, இஷ்டத்திற்கு உறுமி உயிரெடுக்காத அம்ஜத் கான் இருவரையும் பாராட்டலாம். பப்பி லஹரி இசையில் 'நைனோ மே சப்னா' பாடல் அடித்து தூள் கிளப்புகிறது. கிஷோர் குமார், லதா மங்கேஷ்கர் ஆகியோரின் க்ளாஸ் குரல்வளமும், கலர்ஃபுல் செட்டும் கனப்பொருத்தம். இன்னொரு ஹிட் பாடல் 'தாகி தாகி ரே'. செவிக்கினிமையான மெலடி துள்ளல். பாடியிருப்பது கிஷோர் குமாரும், ஆஷா போஸ்லேவும். 

* இளசுகளை சுண்டி இழுக்கும் அதிமுக்கிய அம்சம் சந்தேகமின்றி நம்ம ஸ்ரீதேவிதான். ஹோம்லி லுக், கிளாமர் கிக்...இந்திய சினிமாவில் இந்த தேவதையை பீட் செய்ய யார் இருக்கிறார்கள்? முதல் பாதி முழுக்க மினி ஸ்கர்ட், நீச்சல் உடை, தம்மாதூண்டு ட்ரவுசர் என கிறங்கடிக்கிறார். பாடல் காட்சிகளில் அற்புதமான நடன அசைவுகளால் (ஜிதேந்திராவுடன் நம்மையும் ) கட்டிப்போடுகிறார் இந்த கலியுக ரம்பை. ஐ லவ் 1980's ஸ்ரீதேவி!!!!!!!!  

இப்பேற்பட்ட ஹிட் சினிமாவை 2013 இல் எப்படி 'எடுத்து' இருக்கிறார்கள்?
      
ஹிம்மத்வாலா - 2013:        


ஹிந்தியில் முழுநீள நகைச்சுவை படங்களை நான் அதிகம் பார்த்ததில்லை. இயக்குனர் சஜித் கான் காமடி பட பிஸ்தா என்று கேள்விப்பட்டதாலும், அதனிமும் மேலாக அபிமான நாயகி தமன்னா தரிசனம் காணும் உந்துதலாலும் தியேட்டரில் என்ட்ரி குடுத்தேன். ரிலீசுக்கு முன்பு சஜித் பேசிய பேச்சு மீடியாவில் பெரிதாக பேசப்பட்டது. அவர் சொன்னது இதுதான்: "இந்தப்படம் கண்டிப்பாக ஹிட். விமர்சகர்கள் அரை ஸ்டார் போட்டாலும் எனக்கு கவலை இல்லை. அஜய் தேவ்கன் அறிமுகமாகும் சீனில் தியேட்டரில் க்ளாப்ஸ் விழாவிட்டால் டிக்கட் காசு திரும்ப தரப்படும்" என தலைவர் அள்ளிவிட்டது எல்லாம் ஓவர் கான்பிடன்ஸ் என்பதே உண்மை. 

WWF டைப் சண்டை ஒன்றில் ஃபாரின் பைட்டர் ஸ்டீல் கம்பியை வளைத்து தூக்கிப்போட அது தேவ்கன் கழுத்தில் விழுகிறது. அதை கையால் நிமிர்த்தி எடுக்கிறார் அண்ணாத்தை. இந்த சுரத்தில்லாத அறிமுக சீனுக்கு ஆடியன்ஸ் எவரும் க்ளாப்ஸ் அடிக்கவே இல்லை. கேரக்டர் பெயர்கள், பெரும்பாலான சீன்கள், செட் ப்ராப்பர்டிகள் போன்றவற்றை 1983 ஒரிஜினலில் இருந்து அப்படியே லாவி இருக்கின்றனர். 

1983 ஹிம்மத்வாலாவை நக்கல் அடிக்க முயற்சி செய்து பெரிய தோல்வியை சந்தித்து இருக்கிறார் இயக்குனர். 'தமிழ்ப்படம்' இயக்குனர் சி.எஸ். அமுதனிடம் ட்யூசன் போய் இருக்கலாம். வில்லன் மகேஷின் அல்லைக்கையாக வரும் 'தமாஷ் தாதா' பரேஷ் ராவல் கொஞ்சூண்டு கிச்சு கிச்சு மூட்டுகிறார். வாய் விட்டு சிரிக்க ஒரு சீனும் இல்லை. இரண்டாம் பாதி தொடங்கியதும் ஒரிஜினலை விட படு சீரியசாய் படம் நகர்வதால் சீட்டில் அமர முடியாமல் தவிக்கிறார்கள் மக்கள்.

"புலியுடன் டூப் இன்றி தேவ்கன் சண்டை போடும் காட்சி ஒன்று உள்ளது" என்று வேறு பில்ட் அப் தந்தார்கள். ஆனால் பொம்மை மற்றும் கிராஃபிக்ஸ் புலியை வைத்தே ஒப்பேற்றியது கொடுமை ரே சாலே. ஸ்ரீதேவி ரோலில் தமன்னா..ஐயோ பாவம். பத்மினிக்கு போட்டியாக சரோஜா தேவி ஆடுவதை பார்த்தால் எப்படி சிரிப்பு பொத்துக்கொண்டு வருமோ அதுபோல தமன்னாவின் நடிப்பும், நடன அசைவுகளும்...100% பசந்த் நஹி ஹை காவ் வாலோ.

சஜித் சொன்னதுபோல எக்குத்தப்பாக இப்படம் ஹிட் ஆகிவிட்டால் ஹிந்தி சினிமா ரசிகர்களின் நகைச்சுவை ரசனையை எண்ணி திருமலை நாயக்கர் தூணில் முட்டிக்கொள்ள வேண்டியதுதான். வேறென்ன செய்ய? 

எனது ரேட்டிங் - 1.5/5
............................................................

.....................................

சமீபத்தில் எழுதியது:


......................................



Thursday, March 28, 2013

Traffic - சென்னையில் ஒரு நாள்

                                                             
                             

நாளை தமிழில் ரிலீஸ் ஆகவுள்ள 'சென்னையில் ஒரு நாள்' படத்தின் ஒரிஜினல்தான் இந்த ட்ராஃபிக் எனும் மலையாள சினிமா. சென்னையில் நடந்த உண்மை சம்பவத்தை அடிப்படையாக வைத்து படமாக்கி உள்ளனர். 2011 ஆம் ஆண்டு கேரளத்தில் வெளியாகி பெரும் வரவேற்பை பெற்றது இப்படைப்பு. 

லஞ்சம் வாங்கிய குற்றத்திற்காக சஸ்பன்சனில் இருக்கும் காவலர் ஸ்ரீனிவாசன், சினிமா ஸ்டார் சித்தார்த், டி.வி.நிருபர் வேலைக்கு தேர்வாகி முதல் நாள் ப்ரோக்ராமிற்கு செல்லும் இளைஞர் வினீத், திருமண நாளை கொண்டாட உள்ள டாக்டர் குஞ்சக்கோ..இவர்கள் வாழ்வை செப்டம்பர் 16 ஆம் தேதி எப்படி புரட்டிப்போடுகிறது என்பதுதான் கதை. 

அன்றைய நாளில் பைக்கில் நண்பனுடன் செல்லும் வினீத்தை கார் ஒன்று அடித்து தள்ள கோமாவில் விழுகிறார். ப்ரெயின் டெட் ஆன அவரது இதயத்தை சித்தார்த்தின் 13 வயது மகளுக்கு பொருத்த ஆலோசனை சொல்கின்றனர் டாக்டர்கள். கொச்சியில் இருந்து பாலக்காடு மருத்துவமனைக்கு குறிப்பிட்ட நேரத்திற்குள் சரியான வேகத்தில் வண்டியை ஓட்டி இதயத்தை ஒப்படைக்கும் பொறுப்பு ஸ்ரீனிவாசனுக்கு வழங்கப்படுகிறது. பயணத்தின் இடையே நடக்கும் பல்வேறு சிக்கல்களை எப்படி அனைவரும் சமாளிக்கின்றனர் என்பதை பரபரக்கும் எமோஷனல் த்ரில்லராக எடுத்துள்ளார் இயக்குனர் ராஜேஷ்.

வேலையில் கரும்புள்ளி விழுந்த சோகத்தில் இருப்பவராக ஸ்ரீனிவாசன். இடைநீக்கம் முடிந்த பிறகு அந்த அவப்பெயரை துடைக்க தானே முன்வந்து பாலக்காட்டிற்கு வண்டியை ஓட்டிச்செல்ல தயார் என்கிறார். அதுவரை அவரது சோகம் படர்ந்த நடிப்புத்திறன் சிறப்புதான் என்றாலும் அதிமுக்கிய பயணத்தின்போதும் அதே இறுக்கத்துடன் இருந்திருக்க வேண்டாம் என்று தோன்றுகிறது. கதையின் முக்கியமான கேரக்டர் இவர். குறித்த நேரத்தில் இலக்கை அடைய வேண்டும் எனும் படபடப்பு நிரம்பிய முகபாவம் இல்லாதது குறைதான்.  தமிழில் சேரனாம். நம்மாள் ரொமான்ஸ் சீனிலேயே மூட் அவுட் ஆனது போல ரியாக்சன் தருவார். இருந்தாலும் இந்த கேரக்டரில் சேரன் ஸ்ரீனிவாசனை விட நன்றாக நடித்து விடுவார் என பலத்த நம்பிக்கை இருக்கிறது. குறிப்பாக காரோட்டும் படபட நிமிடங்களில்.
                                                                

அஜ்மல் நாசர் எனும் போலீஸ் கமிஷனராக வரும் அனூப் மேனன்தான்  இயல்பான நடிப்பினால் அதிகமாக ஸ்கோர் செய்கிறார். 'கொச்சி டு பாலக்காடு மிஷன் சாத்தியமே இல்லை. ட்ராஃபிக்கை அவ்வளவு நெடிய தூரம் ஒழுங்குபடுத்துவது லேசான காரியமில்லை. சற்று பிசகினாலும் பாலக்காட்டில் உயிருக்கு போராடும் சிறுமி மற்றும் இவ்வழி செல்லும் பொதுமக்கள் ஆகியோரில் எவருக்கேனும் பிரச்சினை நேர்ந்தால் போலீஸ்தான் பொறுப்பு ஏற்க வேண்டி வரும்' என்று கோபத்துடன் பெரிய டாக்டர் ஒருவருடன் பேசிவிட்டு இறுதியில் நிலைமை உணர்ந்து மிஷனுக்கு சம்மதம் தெரிவிக்கும் இடம், அதன் பின் சக அதிகாரிகளுடன் இணைந்து கட்டளைகள் போடுமிடம் என மேன் ஆஃப் தி மாட்ச் பெர்பாமன்ஸ் தந்துள்ளார் அனூப். இந்த வேடத்தை தமிழில் ஏற்றிருப்பது சரத்குமார். லெட்ஸ் ஸீ.  

வினீத் ஸ்ரீனிவாசன், ரஹ்மான், குஞ்சக்கோ, சந்தியா, ரம்யா நம்பீசன் என நட்சத்திர கூட்டம் நிரம்பி இருக்கிறது. படம் நெடுக மெஜோ ஜோசப்பின் பின்னணி இசை பக்கபலமாக. குறிப்பாக நெரிசல் மிக்க பிலால் காலனியில் கார் புகுந்து செல்லுமிடத்தில் மெஜோவின் வாத்தியங்கள் மெகா ஜோர். விபின் மற்றும் ஹிஷாம் குரல்களில்  இறுதியில் வரும் 'கன்னேரிஞ்சல்' பாடல் நாடோடிகள் சங்கர் மகாதேவனின் சம்போ சிவா சம்போ வேகத்தில் பின்னியெடுக்கிறது. 

ராதிகா, ப்ரகாஷ்ராஜ், ப்ரசன்னா என வலுவான ஸ்டார் காஸ்டை தமிழில் தேர்ந்து எடுத்து இருப்பதால் ட்ராஃபிக்கிற்கு இணையாக சென்னையில் ஒரு நாள் வரவேற்பை பெரும் என மனது சொல்கிறது.போரடிக்காத ஒரு எமோஷனல் த்ரில்லர் திரைப்படம் என்பது தமிழில் எப்போதேனும் பூக்கும் குறிஞ்சிப்பூதான். ரசிகர்களுக்கான அத்தருணம் நாளை முதல் தமிழக திரையரங்குகளில் காத்திருக்கிறது. தவற விட வேண்டாம்.
..................................................................          
  

Sunday, March 24, 2013

Lucky Star, Amen


Lucky Star:

   
கோட்டயம் சென்ட்ரல் சினிமாஸில் சில நாட்களுக்கு முன்பு பார்த்த படமிது. கேரளத்தில் இருந்து வந்து சென்னையில் சினி டெய்லராக வேலைபார்க்கும் ஜெயராம். மனைவியாக ரச்சனா. வாழ்வில் ஏதேனும் ஒரு வகையில் முன்னேற படாத பாடு படும் ஜெயராமுக்கு திடீரென ஒரு ஜாக்பாட் அடித்து எப்படி முன்னேறுகிறார் என்பதே கதை.  அமெரிக்க வாழ் இந்திய தம்பதிகள் வாடகைத்தாய் தேடி டாக்டரை (முகேஷ்) அணுகுகின்றனர். தமக்கு பிள்ளையை ஈன்றெடுக்கப்போகும் பெண்மணி ஓரளவேனும் அழகாய் இருக்க வேண்டும் என்பது அத்தம்பதிகளின் முக்கிய கண்டிஷன். 

அப்படி ஒரு பெண்ணை ஜெயராம் துணையுடன் தேடி அலைந்து நோகின்றார் டாக்டர். 'நிதி சிக்கலில் தள்ளாடும் குடும்பத்தை காப்பாற்ற ஏன் நானே வாடகைத்தாய் ஆகக்கூடாது?' என யோசனை சொல்கிறார் ரச்சனா. முதலில் மறுத்து பிறகு ஒருவழியாக ஜெயராம் சம்மதிக்கிறார். அழகிய ஆண்பிள்ளையை பெற்றெடுக்கும் நேரத்தில் இவர்களுக்கு வந்து சேர்கிறது பேரதிர்ச்சியும், பேரின்பமும். மகனுக்கு இவர்கள் வைக்கும் பெயர் லக்கி. சுவாரஸ்யமான திருப்பங்கள் கொண்ட படத்தில் நகைச்சுவை, சென்டிமென்ட் இரண்டையும் சரிவிகிதத்தில் கலந்து தந்துள்ளார் இயக்குனர் தீபு. 

ஜெயராம், முகேஷ் மற்றும் பூஜா ஆகியோரின் நடிப்பு நன்று. துணை நடிகர்கள் ஏஜண்டாக மம்முகோயாகவின் பெர்பாமன்ஸ் வழக்கம்போல் நிறைவு. ஆனால் ஒட்டுமொத்தமாக ஸ்கோர் செய்து பட்டையை கிளப்பி இருக்கிறார் ரச்சனா.முக்கியமான காட்சிகளில் இவரது கேரக்டர் 'இதைத்தானே செய்யப்போகிறது' என்று எதிர்பார்க்கும் இடங்களில் எல்லாம் ரசிகர்களுக்கு ஏமாற்றமளித்து அதகளம் செய்துள்ளார். சிறந்த நடிகைக்கான விருது இவருக்கு உண்டு என்பதில் எள்ளளவும் சந்தேகமில்லை. சமீபகால தென்னிந்திய சினிமாவில் நாயகிகளின் நடிப்புத்திறன் பெரும்பாலும் என்னை ஈர்த்ததில்லை. அந்த வெற்றிடத்தை பூர்த்தி செய்து எனது அபிமான நடிகையாகிவிட்டார்        ரச்சனா.

உதாரணத்திற்கு 'மகளுக்கு ஃபீஸ் கட்ட இன்னும் பெரிய தொகை தேவைப்படுகிறதே..என்ன செய்யலாம்?' என ஆலோசிக்கும் தருணத்தில் தனது தங்க செயின் மீது கை வைக்கும் ரச்சனாவை ஜெயராம் நன்றி கலந்த பார்வை பார்க்க, சட்டென மகளை நோக்கி கையை காட்டியவாறு 'இவளோட  செயினை வைத்து ஃபீஸ் கட்டினால் என்ன?' என்று ரச்சனா சொல்லுமிடம் ரவுசு. ஜெயராம் கடையில் வேலை செய்யும் இஸ்திரி முத்து பேசும் தமிழ் கொடுமை. விஜய் உலகநாத்தின் ஒளிப்பதிவு 'என்ன கொடும சரவணன்?'.  மொக்கையான ஆங்கிள்களில் கோடம்பாக்க, வடபழனி ஏரியாக்களை அவர் கவர் செய்திருக்கும் விதம்..விதி விட்ட வலி!! 

இரண்டாம் பாதி முழுக்க எமோஷனல்  தருணங்களால் நிரம்பி இருக்கிறது லக்கி ஸ்டார். பெரியளவில் ஆச்சர்யங்களை தராத திருப்பங்கள் இரண்டாம் பாதியில் இருந்தாலும் அழுத்தமான சீன்களால் நம்மை ஆட்கொண்டு விடுகின்றது. லக்கியாக வரும் சிறுவன் பெரிதாக நடிக்கவில்லை என்றாலும் க்ளைமாக்ஸில் மனதை கனக்க வைத்து விடுகிறான். 

ஹிந்தியில் கலக்கிய விக்கி டோனர் திரைப்படத்தின் வேறொரு வடிவமாக வந்திருக்கும் நல்லதொரு குடும்ப திரைப்படம். 
....................................................................

Amen: 

                                                            
சமகால மலையாள சினிமாவில் சிறந்த நடிகராக பரிமளித்து வரும் ஃபகத்திடம் இருந்து இன்னுமொரு முக்கிய படைப்பாக வந்துள்ளது ஆமென். இவ்வாரம் சென்னையில் வெளியான இன்னொரு திரைப்படம் மோகன்லாலின் ரெட் ஒயின். ஆனால் ஆமென் தான் எனது சாய்ஸ். ஈஸ்டர் நெருங்கும் நேரத்தில் பொருத்தமாக வெள்ளித்திரையில் காதலிசைத்தாலாட்டு பரப்ப வந்துள்ளது ஆமென். 

குமரகிரி எனும் சிறிய ஊரில் புகழ்பெற்ற கிளாரினெட் வித்வான் மகனான இருக்கும் ஏழை வாலிபன் சோலமனும், அவனது பால்ய வயது தோழியான செல்வந்த புத்ரி சோசன்னாவும் காதல் வயப்படுகின்றனர். தந்தையின் இறப்பால் குமரகிரியின் பிரபல பேன்ட் குழு பெரும் தொய்வை சந்திக்கிறது. அதனால் அவர்களின் எதிர்க்குழு பேன்ட் போட்டிகளில் கோப்பைகளை வெல்கிறது. தந்தையின் மரணத்தால் வாடும் சோலமன் கிளாரினெட்டை திறம்பட வாசிக்க இயலாமல் தவிக்கிறான். திறமையற்றவன் என அவனை ஒதுக்கி சர்ச்சில் எடுபிடி வேலையாள் ஆக்குகின்றனர். அப்போது வெளியூரில் இருந்து குமரகிரிக்கு புதிய ஃபாதராக வந்து சேர்கிறார் இந்திரஜித்(நடிகர் ப்ரித்விராஜின் அண்ணன் இவர்). 

ஃபகத்திற்கு பக்கபலமாக நின்று குமரகிரி பேன்ட் குழுவையும், அவனது காதலையும் எப்படி கரை சேர்க்கிறார் இந்திரஜித் என்பதை ஏகப்பட்ட கேரக்டர்களின் சிறந்த நடிப்புத்திறனை வெளிக்கொணர்ந்து வெற்றிக்கொடி நாட்டியுள்ளார் இயக்குனர் லிஜோ ஜோஸ்.

ஃபகத்...கிளாரினெட் வாசிக்க தகுதியற்றவன் என சர்ச் தரப்பினால் ஒதுக்கிவைக்கப்படும்போதும், ''உனக்கு எங்கள் வீட்டுப்பெண் மனைவியாக வேண்டுமா?" என்று காதலி வீட்டாரால் அடித்து உதைக்கப்படும்போதும் சோகத்தை முகத்தில் தேக்கியவாறு என்ன பெர்ஃபாமன்ஸ் தருகிறார் சாமி இந்த மனிதர். 'சுப்ரமணியபுரம்' ஸ்வாதிக்கு முதல் மலையாளப்படமாம் இது. மினி முட்டை கண்கள் மற்றும் இடது பக்க தெத்துப்பல்...இந்த சௌந்தர்ய தரிசனம் போதாதா நமக்கு? போனசாக காதல், கோபம், தவிப்பு என வெவ்வேறு எக்ஸ்ப்ரசன்களால் அசால்ட் செய்கிறார் இந்த அல்டிமேட் ப்யூட்டி. ஷீ இஸ் ஸ்டன்னிங்லி க்யூட். வேறன்ன சொல்ல!!

                                                         
இந்திரஜித், கள்ளுக்கடை ஓனராக வரும் மூத்த நடிகை குலப்புள்ளி லீலா, போட்டி பேன்ட் க்ரூப்பின் பிரதான வாத்திய கலைஞர், ஃப்ரெஞ்ச் பெண்மணி இப்படி படம் முழுக்க ஏகப்பட்ட கேரக்டர்கள் தனித்தன்மையுடன் வெளுத்து வாங்கி இருக்கிறார்கள். கலாபாவன் மணி மற்றும் 'லக்கி ஸ்டார்' புகழ் ரச்சனா இருவருக்கும் ஸ்கோப் குறைவாக இருந்தது வருத்தமே. தேங்காய் பறிக்கும் நபர் அவ்வப்போது அடிக்கும் ஒன்லைன் வசனங்கள் செயற்கையாக தெரிவது மைனஸ்.  

முதல் பாதியில் ஏகப்பட்ட சுவாரஸ்யங்களுடன் நம்மை கட்டிப்போடும் படம் அதன் பின் சற்றே எதிர்பார்த்த பாதையில் பயணிக்கிறது. பேன்ட் குழுவினர்க்கு இடையே நடக்கும் போட்டியில் குமரகிரி அணி வென்றால் சோலோமன் - சோசன்னா திருமணம் உறுதி என சவால் விட ஆரம்பித்த உடனேயே நமதுள்ளத்தில் சோர்வு குடிகொள்ள துவங்குகிறது. இறுதியில் நடக்கும் போட்டியை இன்னும் சிறப்பாக கையாண்டு இருக்கலாம். 

சில குறைகள் இருந்தாலும் இவ்வாண்டின் குறிப்பிடத்தக்க படங்களில் ஆமென் கண்டிப்பாக இடம் பெற்று விடுமென்பதில் சந்தேகமேயில்லை. அதற்கு மிக முக்கிய காரணங்கள் இரண்டு: அபிநந்தனின் அசாத்தியமான ஒளிப்பதிவு மற்றும் ப்ரசாந்த் பிள்ளையின் மனதை கொள்ளை கொள்ளும் பின்னணி இசை.

பசுமை போர்த்திய கேரள இயற்கை அழகை பல்வேறு கோணங்களில் மிகச்சிறப்பாக படம் பிடித்து இருக்கிறார் அபிநந்தன். பெரும்பாலான காட்சிகளில் கேரக்டர்களை வெள்ளுடையில் உலவவிட்டு பசுமையும், வெண்மையும் கலந்த ஃப்ரேம்களை ரசிகர்களின் மனதில் ஆழப்பதிய வைத்துள்ளார். இரவு நேரக்காட்சிகளை பிரமாதமான லைட்டிங்கில் ஒளிப்பதிவு செய்திருக்கும் விதத்திற்கு டபுள் சபாஷ்.

அனைத்து தரப்பு ரசிகர்களையும் திருப்திப்படுத்தி தித்திக்கும் ஈஸ்டர் ஸ்பெஷல் சினிமாவை பரிசளித்து இருக்கும் இயக்குனர் லிஜோ ஜோஷிற்கு ஒரு கண்டெய்னர் கிரீட்டிங் கார்டுகள் பார்சல். இன்னும் சிலமுறையேனும் ஆமெனை பார்த்து விடுவதென என எண்ணி இருக்கிறேன் கர்த்தாவே.

கள்ளுக்கடை கலக்கல் கானா காணொளி...

                                                       

................................................................................


                                       

Tuesday, March 12, 2013

அது வேற வாய். இது நார வாய்.



           
மஞ்சா துண்டு வூடு எங்கே இருக்கிறது என்று கேட்டால் "அதோ தெர்து பாத்தியா அரிச்சந்த்ரன் வூடு. அதுக்கு பக்கத்லயே ஒரு குட்டி குடிசை இருக்கு பார். அதான்" என்று சாமான்யனும் சொல்லிவிடுவான். அத்தே பெரிய நாயஸ்தனை பாத்து நெஞ்சுல மஞ்சா சோறு இல்லாத பாவிங்க இன்னா பேச்சு பேசுறாங்க. அன்னக்கி ஒரு பேச்சு, இன்னக்கி ஒரு பேச்சு பேசுற பேமானி இல்லைய்யா எங்காளு. இன்னாது நம்ப மாட்டியா??? அப்ப இத்த படிங்கறேன்:

மொதோ:  29.8.1983  சீரணி அரங்கத்தில் "இந்திரா அவர்களே, அடுத்த 10 வருஷம் நாங்கள் தேர்தலில் நிற்கவில்லை. நீங்களே ஆளுங்கள் தமிழகத்தை. ஆனால் இலங்கை தமிழனுக்கு தனி நாடு வாங்கித்தர வேண்டும். அது உங்கள் பொறுப்பு" 

அப்பால: 2006  "ஈழ பிரச்னையில் இந்திய அரசின் நிலைப்பாடே எங்களுடையதும்" 
..................................................

மொதோ: 14.9.2008 "இன்னும் 15 நாட்களில் போர் நிறுத்தம் செய்யாவிடில் எங்கள் கட்சியின் அனைத்து எம்.பி.க்களும் ராஜினாமா செய்வார்கள்"

அப்பால: இன்று நீங்கள் இப்பதிவு படிக்கும் வரை அனைவரும் பெவிகால் வலுவாக தடவப்பட்ட சீட்டில் இறுக்கி அமர்ந்து உள்ளனர்.
.....................................................

மொதோ:"போர் நின்று விட்டதாக பிரணாப் முகர்ஜி தகவல். உண்ணாவிரதத்தை முடித்து கொள்கிறேன்"

அப்பால: "பிரணாப் என்னிடம் தவறான தகவலை கூறி விட்டார்"
.....................................................

மொதோ: மஞ்சா துண்டு ஆட்சியில் சேனல் 4 வெளியிட்ட காணொளிகளை விநியோகம் செய்த தமிழ் உணர்வாளர்கள் தேசிய பாதுகாப்பு சட்டத்தில் கைது. 

இப்போ: உண்மைய வெளிச்சம் போட்டு காட்டிய சேனல் 4 நிர்வாகிக்கு மஞ்சா துண்டு தொலைபேசியில் வாழ்த்து.
.......................................................

மொதோ: "இந்தியாவுடன் சேர்ந்துதான் நாங்கள் யுத்தம் நடத்தினோம். அவங்கதான் வெப்பன் சப்ளையர்ஸ். கோத்தபயலே போஸ் குடு. போஸ் குடு" - பக்கி வீரன் ராஜபக்கிசே.

இப்போ: "இன்னொரு நாட்டின் உள்நாட்டு விவகாரத்தில் தலையிட முடியாது" -காங்கிரஸ் அரசு. (ஆனா பக்கிசே அரசுக்கு வெப்பன் தரலாம், பங்களா தேசத்திற்கு சுதந்திரம் வாங்கி தரலாம். அப்ப எங்க போச்சி உங்க கொள்க).

மஞ்சா ரியாக்சன்: "ஓம் சாந்தி. ஓம் சாந்தி".
...........................................................

நெரிசல் மிக்க தெருவில் ஒரு திருடனை பொதுமக்கள் துரத்துகிறார்கள். எங்கே மற்றவர்கள் தன்னை பிடித்துக்கொடுத்து விடுவார்களோ என்கிற அச்சத்தில் அவனும் சேர்ந்து "அதோ திருடன் ஓடுறான். புடிங்க. புடிங்க" என ஓடுவானாம். அப்படிப்பட்ட டமுக்கு டப்பாவுக்கு வால் புடிக்க அல்லக்கைங்க வேற.

எவனாவது கேள்வி கேட்டா "நீ அ.தி.மு.க. வா"ன்னு கேக்கறது. பாவம் அதுக்கு எந்த ஆதாரமும் இல்லைன்னு தெரிஞ்சுதும் "ஐயோ இந்த நட்ட நடு சென்டர் கூட்டம் தொல்ல தாங்கலயே"(கலாய்க்கிறார்களாம்) என்று பிதற்றுவது. மானத்தோட கட்சில இருக்கிற ஒன்னு ரெண்டு பேரு நம்மிடம் வாதம் பண்ணாக்கூட பரவா இல்ல. மாநாட்ல விசிலடிக்க காசு வாங்குற சொத்தைங்க கூவுற கூவு இருக்கே. யப்பா. இணையத்தில் ஏற்கனவே ஒரு விசைப்பலகை வீரர் அண்ணன் கே.ஆர்.பி.செந்திலிடம் வாங்கிய உண்டைக்கட்டி:

"எங்களுக்காவது தலைவன் என்று ஒருவர் இருக்கிறார். உங்களுக்கு தலைவன் யார் என்றே தெரியாது"

"தலைவன் வைத்துக்கொள்ளும் அளவிற்கு நாங்கள் காமடி பீஸ் இல்லை"
.........................................................................

மொதோ: 03/02/2009 தி.மு.க ஆட்சியில் இருக்கையில் முழு அடைப்பு நடத்துவது சட்டவிரோதம் என்று மற்ற கட்சியினரை எச்சரித்தது.

 

இப்போ: இன்று டெசோ தலைவர் சார்பாக மாநிலத்தில் முழு அடைப்பு.                                        
.........................................................

போட்றா தலைவன் பாட்ட... 

"மஞ்சா துண்டை நம்பாதே. உன்னை ஏமாற்றும்...
     
போடும் பொய்த்திரையை கிழித்து விடும் காலம்.
புரியும் அப்போது மெய்யான கோலம்.

ஓம் டேஷோ என்று சொல்லி உச்சரிக்கும் கேடிகளே 
ருத்ராட்ச பூனைகளா வாழுறீங்க.
இனத்தலைவன் போர்வையிலே சாமான்ய மக்களையே 
ஏமாத்தி கொண்டாட்டம் போடறீங்க.

பொய்மை எப்போதும் ஓங்குவதும் இல்லை.
உண்மை எப்போதும் தூங்குவதும் இல்லை.

மஞ்சா துண்டை நம்பாதே. உன்னை ஏமாற்றும்..."
......................................................

முந்தைய பதிவு:


 reference: media voice 
                              

Sunday, March 10, 2013

ஸ்பெஷல் மீல்ஸ்(10/03/13)



Saheb Biwi aur Gangster Returns:

   
Class & Glass ரசிகர்களின் வரவேற்பை பெற்ற  Saheb Biwi aur Gangster இன் அடுத்த பாகம் இந்த வாரம் ரிலீசானது. பொருளாதார சிக்கல், பிரச்னைக்குரிய பீவி, அரசியல் எதிரிகள், செயலிழந்த கால்கள் என பல சிக்கல்களை ராஜபுத்திரன் ஆதித்யா(சாஹேப்) எப்படி எதிர்கொள்கிறார் என்பதுதான் ப்ளாட்.  இது போதாதென்று அவரது அரசியல் மற்றும் அந்தரங்க வாழ்வில் புகுந்து இந்த்ரஜீத் எனும் கேங்க்ஸ்டெர்(இர்ஃபான் கான்) தரும் குடைச்சல் வேறு. 

ராஜகுடும்ப நீதி, ராஜ் நீதி, கொல்லைப்புற காதல், ஒவ்வொரு கேரக்டரும் மற்றவருக்கு வைக்கும் செக் என சற்றும் நீர்த்துப்போகாத  நிகழ்வுகளால் கட்டிப்போட்டிருக்கிறார் இயக்குனர் திக்மன்சு. எவருமே ஓவர் ஆக்டிங் செய்யவில்லை. ராஜா, ராணியாக ஜிம்மி ஷேர்கில் மற்றும் மஹிமா கில் நடிப்பு கச்சிதம். ஆனால் பெரிதும் எதிர்பார்த்த தலைவன் இர்ஃபான் கான் நடிப்பில் இவ்வளவு சோர்வு...ஏமாற்றமே. 

"என்ன திடீரென கோட் சூட்டில்?" என்று ராணி கேட்க அதற்கு இர்ஃபான் தரும் பதில்: "காட் மேட் மேன். டெய்லர் மேட் ஜென்டில்மேன்". இப்படி ஆங்காங்கே ஒன்லைன் 'நச்'கள். எதிர்பாராமல் லாப்டாப்பில் கசமுசா படம் பலத்த சத்தத்துடன் ஒலிக்க அதை ஆஃப் செய்ய அரசியல்வாதி ஒருவர் படும்பாடு சூப்பர் ஹ்யூமர். க்ளைமாக்ஸை பார்க்கையில் மூன்றாம் பாகம் வருமென தெரிகிறது. மொத்தத்தில் ஒரு அபவ் ஆவரேஜ் சினிமா.
...................................................................

நீ வருவாய் என: 
காவிரி தீர்ப்பை கடும் சட்டப்போராட்டத்தின் துணையால் மத்திய அரசிதழில் வெளியிட வைத்ததற்கு மேடமை பாராட்ட வேண்டியதுதான். ஆனால் ஏட்டு சுரைக்காய் கறிக்கு உதவாது என்பது போல மத்திய அரசு, தமிழகம், சுப்ரீம் கோர்ட் என்று யார் சொன்னாலும் இன்றுவரை நமக்கு 'தண்ணி காட்டி(?) ' வருகிறது கர்நாடகம். ராணுவமே வந்தாலும் அவர்கள் அசருவதாக இல்லை. முதலில் தேவையான அளவு நீர் ஓரிரு ஆண்டுகளுக்காவது நம் மாநிலம் வந்து சேரட்டும். அதன் பின் பாராட்டு விழா நடத்தினால் தகும். அதற்குள் 'பொன்னியின் செல்வி' விருது தந்தது...சரியாப்படல.
....................................................................   

Oz the great and powerful: 

                  
நீண்ட நாட்களுக்கு பிறகு ஒரு ஜகஜ்ஜால சினிமா பார்க்க நேர்ந்தது. Oz  எனும்  உடான்ஸ் மேஜிக் நிபுணர்-கம்-ரோமியோ சொந்த ஊரில் உதை வாங்கி டார்க்  ஃபாரஸ்ட்டில் விழுகிறான். எமெரால்ட் சிட்டியின் செல்வாக்கான சகோதரிகளிடமும் தனது கைவரிசையை காட்ட அவர்களும் இவனை பழி தீர்க்க முனைகிறார்கள். க்ளிண்டா எனும் பெண்ணின் ஊர் மக்களுடன் சேர்ந்து தனக்கு தெரிந்த அப்ரண்டிஸ் வித்தையை வைத்துக்கொண்டு எமரால்ட் சிஸ்டர்சை எதிர்கொள்ள Oz படும்பாடே கதை.

ஜேம்ஸ்  ஃப்ராங்கோவின் ஆக்டிங் படத்தின் ப்ளஸ். விஷுவல்கள் கண்களை மயக்கும் கலர் வித்தைகள். த்ரீ டி எ ஃபெக்ட் சுமார். டால் ஃபி அட்மாஸ் ஒலியில் முதன் முறை சத்யம் தியேட்டரில் பார்க்கும் படமிது. ஸ்பெஷலாக எதுவுமில்லை. அதற்கு முழுக்காரணம் ஏற்கனவே கேட்டுப்பழகிய ஹாலிவுட் இசைதானே அட்மாஸ் செய்த பாவமேதுமில்லை. பறக்கும் குரங்கொன்று இதில் முக்கிய கேரக்டர். அது என்ன செய்தாலும் 'ஹே ஹே' என்று சிரித்து நம்மை தலையில் அடித்து கொள்ள வைக்கிறார்கள் உள்ளூர் ஹாலிவுட் ரசிகர்கள். சில்லி  ஃபெல்லோஸ்.

Oz தரும் கனமான பையை தூக்கிக்கொண்டு பறக்க முடியாமல் பல காட்சிகளில் நடந்தே செல்லும் குரங்கு பின் வரும் காட்சிகளில் பையுடன் சர்ரென பறக்கிறது. நம்மூரில் இப்படி ஒரு சீன் இருந்தால் சகட்டு மேனிக்கு பம்ப் அடிப்பார்கள். ஹாலிவுட்காரன் படம் என்றால் 'வாவ்' தான். ரசனைல தீய வக்க. "உலகின் சிறந்த மெஜிசியன் தாமஸ் ஆல்வா எடிசன்தான்" என்று Oz சொல்லும் வசனமும், அறிவியலின் துணை கொண்டு க்ளைமாக்சில் நடத்தும் தாக்குதலும் சிறப்பு. இட் இஸ் எ ஆவரேஜ் மூவி.
......................................................................

தனிக்காட்டு ராஜா:      
டெல்லியில் டெ'ஷோ' காட்டி ஈழத்தமிழர் மீதான பற்றை உலகிற்கு பறைசாற்ற (அ)நியாயத்திற்கு மெனக்கெட்டார்கள் தி.மு.க.வினர். இந்தியாவின் முன்னணி அரசியல் தலைவர்கள் பலருக்கு அழைப்பு விடுத்தும் பருப்பு வேகவில்லை. ஒரு சிலரே வந்தனராம். வழக்கம்போல தியேட்டர் ஆபரேட்டர் (சன் தாத்தாதான்) மற்றும் இன'மான' ஊழியர்கள் மட்டுமே ஆஜராகிவிட்டு ஊர் திரும்பி உள்ளனர். ஒரே சிப்பு சிப்பா வருது டோவ்!
......................................................................

சின்ன கவு'ன்'டர்:
ஏரியா பெட்டிக்கடையில் தொங்க விடப்பட்ட இதழ்களில் இம்முறை புதிதாக கண்ணில் பட்டதொன்று. 'தமிழகம்' எனும் பெரிய சைஸ் எழுத்துடன். குரு  குரு  குருவென பார்த்தால்..அட  'புதிய தமிழகம்'. ஒருவேளை நம்ம கிச்சுனசாமி ஐயாவோட பத்திரிக்கையோ..என்று பீதியுடன் அட்டைப்படத்தை நோக்கினால்..அதேதான். ஜெனிவா மாநாட்டில் கிச்சு ஐயா கூலிங் க்ளாஸ் போட்டவாறு நிற்கும் ஸ்டில். வெறும் 32 பக்கங்கள். டப்பு 10 ஓவாயாம். உள்ளே புரட்டினால் நத்திங் ஸ்பெஷலு. அடுத்து நமது அறிவுப்பசியை போக்க வரவுள்ள அரசியல் ஆசிரியர் யாரோ? என்டே குருவாயூரப்பா!! 
.....................................................................

தலைநகரம்: 
வேளச்சேரி  ஃபீனிக்ஸ் மாலுக்கு இரண்டாம் முறை செல்ல நேர்ந்தது. சென்னையின் மற்ற மால்களில் இல்லாத புதிய கடைகள் இங்கு ஏராளமாக இருக்கின்றன. டூ வீலர் பார்க்கிங் செய்ய ஒரே கட்டணம்தான். 50 ரூபாய். மாலின் இன்னொரு பக்கமுள்ள தரைத்தளத்தில் காற்று வாங்கிக்கொண்டு ஓய்வெடுக்க நிறைய இடமொதிக்கி இருப்பது சிறப்பு. 'இதோ வருது அதோ வருது' என்று 11 ஸ்க்ரீன் கொண்ட சத்யம் தியேட்டர் திறப்பு விழாவிற்கு இன்னும்  ஃபிலிம் காட்டிக்கொண்டு இருக்கிறார்கள். அநேகமாக சம்மர் ரிலீஸ்தான் போல.

90% மேட்டுக்குடி மக்களுக்கு மட்டுமே துணிக்கடைகள் இருந்தாலும் அவற்றை விட ஆர்.எம்.கே.வி.யில் ஆண்களுக்கான துணிகள் விலை குறைவாகவும், போதுமான அளவு ரகங்கள் இருப்பதும் குறிப்பிடத்தக்கது. 400 ரூபாய்க்கு தரமான டி ஷர்ட் ஒன்று கண்ணில் பட...வாங்கியாச்சி.
...................................................................... 

வின்னர்: 
சகவாச தோஷத்தால் சென்ற ஆண்டு மட்டும் சரமாரியாக கேரள படங்களை பார்க்க நேர்ந்தது.பெரும்பாலும் குப்பைகள் என்றாலும் சிற்சில மாணிக்கங்களும் இல்லாமலில்லை. உஸ்தாத் ஹோட்டல், 22  ஃபீமேல் கோட்டயம், அயாளும் ஞானும் தம்மில், தட்டத்தின் மறயத்து போன்ற படங்களே அவை. 2012-இல் எனக்கு பிடித்த படமாக அயாளும் ஞானும் தம்மிலை குறிப்பிட்டு இருந்தேன். அப்பதிவிற்கான லிங்க்: 2012 மலையாள சினிமா. சமீபத்தில் கேரள அரசின் திரைப்பட விருதுகள் அறிவிக்கப்பட்டன. நடுவர்கள் மற்றும் ரசிகர்களால் சிறந்த படம், இயக்குனர்,  நடிகர், நகைச்சுவை நடிகர் ஆகிய விருதுகளை அயாளும் வென்றுள்ளது மகிழ்ச்சி. 
..................................................................... 

மிஸ்டர் மெட்ராஸ்: 
நாட்டின் சிறந்த 20 நகரங்களின் பட்டியலை சென்ற வாரம் வெளியிட்டது இந்தியா டுடே இதழ். எங்கள் நகரம் சென்னை இந்தியாவில் முதல் இடத்தை பிடித்ததில் வீ ஆர் வெரி ஹாப்பி!! சிறந்த வளரும் நகரங்களில் 5 மற்றும் 8 வது இடத்தில் இருப்பது மதுரையும்(கல்வி, சுற்றுச்சூழல்), கோவையும்(முதலீடு). இதற்கும் சேர்த்து இன்னொரு சியர்ஸு!!
......................................................................

பொக்கிஷம்:
முந்தைய காலங்களில் நம் மாநிலத்தின் நிலப்பரப்புகள், சராசரி மக்களின்   உடைகள்,உணவு முறைகள் உள்ளிட்டவை  காணொளிகளால்  எப்படி பதியப்பட்டன என்பதை பார்க்கும் ஆவல் எப்போதுமே உண்டு. எனவே 1990- கள் வரை ஒவ்வொரு காலகட்டத்திலும் வெளியான திரைப்படங்களை அவ்வப்போது பார்ப்பதுண்டு. படம் எவ்வளவு மொக்கையாக இருந்தாலும் பொருட்டல்ல. மவுண்ட் ரோட் அலங்கார் தியேட்டர், வாகன நெரிசலில்லா பாரிமுனை என பல்வேறு பதிவுகளை கண் முன் நிறுத்துவது சினிமா மட்டுமே.

அதுபோல ஒரு தேடலில் ஈடுபட்டபோது இணையத்தில் பட்டது இரு முக்கியமான காணொளிகள். 1945 ஆம் ஆண்டு திருச்சி மற்றும் மதுரை நகரங்கள் எப்படி இருந்தன என்பதை அருமையாக பதிவு செய்துள்ளார் மைக்கேல் ரோக் எனும் வெளிநாட்டவர். காவேரி, வைகை  ஆற்றங்கரைகள், உச்சி பிள்ளையார், மீனாட்சி கோவில்கள், இதுபோக பல்வேறு சராசரி மனிதர்கள் பொது இடங்களில் புழங்கும் காட்சிகள் என சொல்வதற்கு நிறைய உண்டு. பார்த்துவிட்டு சொல்லுங்கள். சத்தியமாக இது காலப்பொக்கிஷம்தான்.

வாழ்வாங்கு வாழ்க மைக்கேல் புகழ்!! 





........................................................................
                             
                                                              
   

Friday, March 8, 2013

நாளொரு 'மேனி', பொழுதொரு வண்ணம்!!


                                                               
நண்பர் மரண கானா விஜி முன்பொரு முறை இத்தளத்திற்கு அளித்த பேட்டியில் இருந்து: 

"சென்னையின்  பேருந்து நிறுத்தங்களில் ஒன்று.  தவறான தொழில் நடக்கும் இடமும் கூட " என விவரிக்க தொடங்கினார்  விஜி.."சில வருடங்களுக்கு முன்பு நடந்த நிகழ்வு. இந்த பஸ் ஸ்டாண்டில் பெண் குழந்தையுடன் நிலா எனும் பெண் விபச்சார தொழிலில் ஈடுபட்டு வந்தாள். நான் அவ்வழியே செல்கையில் தனக்கும், தன் குழந்தைக்கும் உண்ண உணவு வாங்கித்தருமாறு என்னை அவ்வப்போது கேட்பாள். என்னிடம் இருக்கும் கொஞ்ச பணத்தில் பாலும், ரொட்டியும் அவர்களுக்கு வாங்கித்தருவேன். இரவு நேரங்களில் ஸ்டாண்டில் நிறுத்தப்பட்டிருக்கும் பேருந்தினுள் அவள் தொழில் துவங்கும். தன் கண் முன்னே அப்பெண் குழந்தை இருப்பதையும் பொருட்படுத்தாமல் ஆண்மகனுடன் இருப்பாள். இதைக்கண்ட நான் ஒருமுறை அவளிடம் 'உன் மகளை என்னிடம் ஒப்படைத்து விடு. வேறு எங்காவது சேர்த்து விடுகிறேன்' என்றேன். அதற்கு அவள் 'அவளை விட்டு பிரிந்தால் பிறகு நான் என்ன செய்வேன். சொல்' என்றாள். என்னால் பதில் சொல்ல இயலவில்லை. ஏனெனில் நிலாவின் ஒரே உலகம் அவளது மகள். 

"ஒரு நாள் அந்த அதிர்ச்சி சம்பவத்தை காண நேர்ந்தது. இரவில் ஆண்மகனை அழைக்க நிலா தன் பாவாடையை சிறிது தூக்கி காட்டுவாள். இதை பார்த்து பழகிய அவளுடைய ஆறு வயது பெண்ணும் பசி ஏற்படுகையில் தன்னை கடந்து செல்லும் ஆண்களை பார்த்து ஆடையை தூக்கி காட்ட துவங்கினாள். இது யார் குற்றம்? சொல்லுங்கள். அப்போது என் மனநிலை என்னவாக இருந்து இருக்கும் என்பதை உங்களால் உணர முடிகிறதா? 

சில மாதங்கள் கழித்து...  

அன்றொரு தினம். பஸ் ஸ்டாண்ட் அருகே கூட்டமாக இருந்தது. என்னவென்று பார்த்தேன். ஒரு குழியில் 19 கத்தி குத்துகளுடன் நிர்வாணமாக உயிரை விட்டிருந்தாள் நிலா. என்ன செய்வதென்று தெரியவில்லை. அவள் குழந்தையை தேடினேன். சற்று தொலைவில் கன்னத்தில் கை வைத்து நிம்மதியாக உறங்கிக்கொண்டு இருந்தது அந்தப்பிஞ்சு. அப்போது அவள் மன ஓட்டம் என்னவாக இருந்திருக்கும்.......

"தான் கண் விழித்ததும் உணவு தர தாய் வருவாள் என்று ஒரு நம்பிக்கையில்தானே அந்த குழந்தை இவ்வளவு நிம்மதியாக உறங்க முடியும்?"

"நிலா கொடூரமாக வெறியர்களால் கொல்லப்பட்ட அதிர்ச்சியில் இருந்த நான் சில நிமிடங்களுக்கு பிறகு திரும்பி பார்க்கையில் அச்சிறுமி அங்கு இல்லை. மனது வருந்தியது. ஒன்றும் செய்வதற்கில்லை. வருடங்கள் ஓடின"

"ஒரு நாள் எனக்கு பாண்டிச்சேரி ஆசிரமத்தில் இருந்து அழைப்பு வந்தது. அங்கு விரைந்தேன். சிறிது நேரம் ஆசிரம ஆட்களிடம் பேசிவிட்டு அங்கிருந்த குழந்தைகளை காணச்சென்றேன். ஒவ்வொரு குழந்தையிடமும் 'வருங்காலத்தில் நீ என்னவாக விரும்புகிறாய்' என்று கேட்டுக்கொண்டே வந்தேன். "டாக்டர், இஞ்சினியர்" என்று ஆளாளுக்கு தங்கள் ஆசையை சொன்னார்கள். இன்னொரு குழந்தையிடம் கேட்டதற்கு அவள் சொன்ன பதில் "நான் கன்னியாஸ்திரியாக விரும்புகிறேன். மக்களுக்கு சேவை செய்வதே என் நோக்கம்". அதற்கு நான் "நல்ல எண்ணம். நீ அப்படி ஒரு நிலையை அடைந்தால் எனக்கு பாவமன்னிப்பு தருவாயா?" என கேட்டேன். 

"தரமாட்டேன்" என்றாள். 

"ஏன்? "  

"நீங்கள் பாவமே செய்யவில்லையே" 

"நான் பாவம் செய்யவில்லை என்று உனக்கு எப்படி தெரியும்?"

"எனக்கு நன்றாக தெரியும். நீங்கள் பாவம் செய்யவில்லை"

"எப்படி மீண்டும் உறுதியாக சொல்கிறாய்?"

"பசியின் கோரப்பிடியில் இருந்த நாட்களில் பல முறை பாலும் ரொட்டியும் வாங்கி தந்தீர்களே... அந்த நிலாவின் மகள் நான்தான். இப்போது சொல்லுங்கள்..உங்களுக்கு நான் ஏன் பாவ மன்னிப்பு தரவேண்டும்?"

"நான் எதிர்பாராத ஆச்சர்யத்தில் நிலைகுலைந்து போனேன். அன்பு அலைமோத என்னை  கட்டிப்பிடித்து அழுதாள். எனது சட்டையின் மேற்பகுதி அவளின் கண்ணீர் துளிகளால் ஈரமாகிப்போனது". 

அனாதை சிறுமியாக கடற்கரையோரம் அலைபவள் எல்லாம் கடற்கரையில் காமப்பசியுடன் அலையும் ஆண்மகனின் வெறிக்கு ஆளாகி விடுகிறாள். ஒரு உதாரணம் சொல்கிறேன் கேளுங்கள். முன்பு ஒரு முறை கடற்கரை பக்கம் சென்று கொண்டிருந்தேன். அப்போது ஒரு சிறுமி என்னருகே வந்து நின்றாள். என்ன வேண்டும் என்றேன். அதற்கு அவள் சொன்னாள்: "அண்ணா, என் பின்புறத்தை உபயோகித்து கொண்டு பத்து ரூபாய் மட்டும் தாருங்கள்..". விபச்சாரம் செய்யும் பெண்களைப்பார்த்து காசுக்காக எதைச்செய்ய வேண்டும் என அவள் மனது உள்வாங்கிக்கொண்டதன் விளைவு".  

''அதே மெரினாவில் அவ்வப்போது சந்தித்த நபர்களில் ஒருவர் மீனாட்சி பாட்டி. வயது 70 க்கு மேலிருக்கும். தொழிலில் ஈடுபடும் சக்தி இல்லாததால் ஒதுக்குப்புறமாக இச்சை கொண்ட ஆண்களை அழைத்து சென்று அவர்களின் பிறப்புறுப்பில் வாய் குழைத்து இன்பமேற்றுவாள். ஆளொன்றுக்கு 10 ரூபாய் வாங்கினாள் அப்போது. "இந்த பிழைப்பிற்கு நீ செத்து போகலாமே?" என்றொரு முறை கூறினேன். மறுநாள் அவள் மனசாட்சி உறுத்தியதின் விளைவாக..கிடந்தாள் கடற்கரை மணலில் பிணமாக"    
....................................................................

டெல்லி பாலியல் கொடுமை நடந்த பின்பும் இந்தியாவின் காமபுத்திரர்கள் முன்பை விட இன்னும் வேகமாகத்தான் செயல்படுகிறார்கள். போபாலில் மூன்று வயது பெண்ணை கற்பழித்த தந்தை, சென்னை புளியந்தோப்பில் 70 வயது பாட்டியைக்கூட கற்பழித்த இளைஞன், சென்ற சனியன்று தலைநகராம் டெல்லியில் ஆட்டோவில் சென்ற இளம்பெண்ணை நாசம் செய்த பொறுக்கிகள் என எண்ணிக்கையில் அடங்காமல் நீள்கிறது பட்டியல்.

மகளிர் தினம் கொண்டாட வேண்டிய தேசமா இது?
....................................................................




Sunday, March 3, 2013

The Attacks of 26/11

 
                 
இவ்வாண்டு எதிர்பார்த்து காத்திருந்த படங்களுள் ஒன்று. மும்பை தீவிரவாத தாக்குதல்கள் நடந்த சில நாட்களுக்கு பிறகு தாஜ் ஹோட்டல் உள்ளிட்ட ரத்தக்கறை படிந்த இடங்களை இயக்குனர் ராம் கோபால் வர்மா சுற்றிப்பார்த்தது சர்ச்சையை கிளப்பியது. இந்த கோர நிகழ்வுகளை திரைப்படமாக எடுத்தே தீருவேன் என்று அப்போது கூறினார். ஒருவழியாக  நான்கு ஆண்டுகளுக்கு பிறகு ரிலீஸ் ஆகி உள்ளது The Attacks of 26/11. அஜ்மல் கசாப்பின் தூக்கு தண்டனையும்  இதில் 'அடக்கம்'. 

ஜாய்ன்ட் கமிஷனர் நானா படேகர் பார்வையில் மொத்த கதையையும் சொல்லி இருக்கிறார்கள். தீவிரவாதிகள், அரசாங்கம், பாதிக்கப்பட்ட மக்கள் உள்ளிட்ட வெவ்வேறு சாராரின் கருத்துக்களை திணித்து சராசரி ரசிகனை சுற்றலில் விடாமல் நடந்த சம்பவங்களை மட்டுமே பெரும்பாலும் திரையாக்கம் செய்துள்ளார் ராம் கோபால். இப்படத்தின் முதல் 7 நிமிட காட்சிகளை ஏற்கனவே இணையத்தில் ரிலீஸ் செய்து அதிரடி விளம்பரம் தந்தது குறிப்பிடத்தக்கது.

இந்திய மீனவர்கள் சிலர் படகில் கராச்சி கடலோரம் தம்மை அறியாமல் சென்று விட அவர்களை வளைத்துப்பிடிக்கிறார் டெர்ரர் அட்டாக் தலைவன். 10 இளைஞர்களை வெடிகுண்டு மற்றும் நவீன ரக துப்பாக்கிகளுடன் அப்படகில் ஏற்றி விட்டு மும்பை அரபிக்கடலோரம் இறக்கிவிடுமாறு இந்தியரை மிரட்டி அனுப்புகிறார். அந்நாள் இரவு 9 முதல் 1 மணிவரை லியோபோல்ட் கஃபே, தாஜ் ஹோட்டல், காமா ஹாஸ்பிட்டல் மற்றும் சிவாஜி ரயில் நிலையம் ஆகிய இடங்களில் நடக்கும் கொலைவெறி தாக்குதல்கள் நடக்கும் காட்சிகளில் எல்லாம் ரத்தாபிஷேகம்தான். தாஜ் ஹோட்டலில் அனுமதி கிடைக்காததால் அச்சு அசலாக செட் போட்டு உள்ளனர். லியோபோல்ட் கஃபேயின் உரிமையாளரே தான் சம்மந்தப்பட்ட சீனில் நடித்துள்ளார். குழந்தைகள், பெண்கள், நாய் என  பாரபட்சம் பார்க்காமல் தீவிரவாதிகள் கொன்று குவிக்கும்  நிமிடங்கள் எல்லாமே கண்டிப்பாக 18+ ஆட்களுக்கு மட்டுமே!      

                                                                  
ஏற்கனவே ஹிஸ்டரி சேனலில் கராச்சியில் தீவிரவாதிகள் படகேறுவது முதல் தாக்குதலுக்கு பிந்தைய நிகழ்வுகள் வரை அங்குலம் அங்குலமாக அலசி எடுக்கப்பட்ட சிறப்பு ஆவணப்படம் ஒன்றை பார்த்தேன். அதைத்தாண்டி இதில் புதிதாக என்ன உள்ளது என்று கேட்டால் கண்டிப்பாக சில விஷயங்களை சொல்லலாம்.சம்பவங்கள் நடந்த இடங்களில் பொதுமக்கள் மற்றும் காவல்துறையின் (எண்ண) ஓட்டங்கள், தாஜ் ஹோட்டல் மற்றும் காமா ஹாஸ்பிட்டல் நடக்கும் அதிரடி தாக்குதல்கள், கசாப் பிடிபடுதல் மற்றும் அவனை தூக்கிலிடும் கட்டங்கள் போன்றவற்றை நேரில் பார்ப்பது போல் படமாக்கியிருக்கும் விதம் சிலிர்க்க வைக்கும் சிகப்பதிகாரம்.

கசாப் வேடத்தில் நடித்த சஞ்சீவ் பாஸ்மார்க் எடுக்கிறார். ஆனால் பெரிதாக ஸ்கோர் செய்வது தலைவர் நானா படேகர் தான். கொடுரம் நடந்தேறிய தருணத்தில் தான் எப்படி செயல்பட்டேன் என்பதை விளக்குமிடங்களில் அருமையான நடிப்பு. குறிப்பாக ஜிகாத், குர் ஆன் பற்றி கசாப்பிற்கு மார்ச்சுவரியில் தெளிவுபடுத்தும் சீனில் 'தான் ஏன் தேசத்தின் மிகச்சிறந்த நடிகர்களில் ஒருவனாக போற்றப்படுகிறேன்'என்பதை திண்ணமாக நிரூபிக்கிறார். "இது(கசாப்)வெறும் நாய்தான். முதலாளி குலைக்க சொன்னதால் குலைத்துள்ளது. ஏவி விட்டவனை பிடிக்க வேண்டும்" என ஆங்காங்கே நறுக்குத்தெறிக்கும் வசனங்கள்.

படபடக்கும் தருணங்களின்போது இடையூறின்றி வந்து செல்கின்றன பாடல்கள்.  'மவுல மவுல' பாடல் மயிர்கூச்செறிய வைக்கிறது. தாஜில் கமாண்டோக்கள் தீவிரவாதிகளிடம் மோதும் முக்கியமான நிகழ்வு படத்தில் இடம்பெறாதது குறையாக விமர்சிக்கப்படுகிறது. இதுபோக 'இவர்கள் கோணத்தில் ஏன் சொல்லவில்லை, அவர்கள் பற்றிய விஷயத்தை ஏன் பதிவு செய்யவில்லை' என்று விமர்சன கூப்பாடுகளும் இல்லாமல் இல்லை.

                                                                 
118 நிமிடங்களே ஓடும் திரைப்படத்தில் 'எல்லா சம்பவங்களையும் ஏன்யா காட்டல?' எனக்கேட்பது இந்திய திரை ரசிப்புத்தனங்களில் ஒன்றாகிப்போனது ஆச்சர்யமல்ல. "26/11/2008 அன்று இரவு 9 முதல் 1 மணிவரை நடந்த நிகழ்வுகளை அரசியல் சாயம் பூசாமல் படமாக்கி உள்ளேன்'' என்று தெளிவாக இயக்குனர் சொன்ன பிறகும் இப்படி கேள்விகள் எழுப்புவது விந்தைதான்.

ஈ.வெ .ரா எனும் மாமனிதரின் 94 ஆண்டு கால வாழ்க்கையை 'பெரியார்' எனும் ஒற்றை படத்தின் மூலம் பதிவு செய்ய முனைந்து எப்படி மூச்சு திணறினார்கள் நம்மூர் படைப்பாளிகள் என்பது பலருக்கு தெரியும். அதுபோல 26/11 அட்டாக்கை பரிபூரணமாக 2 மணி நேரத்திற்குள் அடைத்து அழுத்த வேண்டும் என நினைப்பது எந்த அளவிற்கு சரி என்பது முக்கியமான கேள்வி. ஹாலிவுட்டில் ஹிட்லர் மற்றும் அவரது அரசியல் செயல்பாடுகள் குறித்து டவ்ன்ஃபால், சிண்ட்லெர்ஸ் லிஸ்ட், இங்லோரியஸ் பாஸ்டர்ட்ஸ் மற்றும் சாப்ளினின் தி க்ரேட் டிக்டேட்டர் என பல படங்கள் எடுக்கப்பட்டது போல மும்பை தாக்குதல் குறித்து The Attacks of 26/11 சொன்ன விதத்தை தாண்டி வெவ்வேறு கோணங்களில் இன்னொரு இயக்குனர் படமாக்கினால் தடுப்பார் யார்?

எது எப்படியோ நோண்டி நொங்கெடுக்கும் பிதாமகர்களை பற்றி கவலைப்படாமல்  26/11 தாக்குதலின் கோர தாண்டவத்தை சாதாரண சினிமா ரசிகனின் பார்வைக்கு நெருக்கமாக கொண்டு சேர்த்துள்ள ராம் கோபால் வர்மாவின் தோள்களை தட்டிக்கொடுக்கலாம்.

 The Attacks of 26/11 - கசாப்(பு) கடை 
..............................................................................

முந்தைய பதிவு:

அம்மா ஸ்பெஷல் மீல்ஸ்     



     
                              

அம்மா ஸ்பெஷல் மீல்ஸ்



                                             
தலைநகரில் சுடச்சுட பேசப்படும் செய்தி அம்மா மெஸ் என்பதால் சனியன்று எப்படியும் விசிட் அடிக்க வேண்டும் என்று முடிவு கட்டி இருந்தேன். காலை 7 முதல் 10 மணி வரை இட்லி மட்டுமே என்பதால் சற்று பொறுமை காத்து மதிய நேரம் செல்லலாம் என முடிவு செய்தேன்.  அண்ணன் கே.ஆர்.பி.செந்தில் அவர்களுடன் தி.நகர் சிவஞானம் தெருவை (பாண்டி பஜார் போஸ்ட் ஆபீஸ் எதிரில்)  நோக்கி பயணம்...

மதிய உணவு நேரம் 12 முதல் 3 மணி வரை. சாந்தோம் உள்ளிட்ட பல அம்மா மெஸ்களில் கூட்டம் அலைமோதுவதாக சஞ்சிகைகளில் செய்தி படித்ததால் அரை மணிநேரம் முன்னதாகவே ஏழைப்பதிவர்களாகிய நாங்கள் ஸ்பாட்டை அடைந்தோம். ஒருவரைக்கூட அங்க காணவில்லை. 11.55 மணி வாக்கில் ஓரிருவர் 'எப்ப தெறப்பீங்க?' என்று விசாரித்து விட்டு சென்றனர். 

                                                                    
நேரம் 12 மணியை நெருங்க கூட்டம் மொய்க்க துவங்கியது. க்யூவில் 99% பேர் மத்திய/மூத்த வயது ஆண்கள் மட்டுமே.  ஜன்னலோரம் டோக்கன் வாங்க காத்திருந்த நேரத்தில் கே.ஆர்.பி. உள்ளே சென்று ஒளிப்பதிவு வேலைகளை கவனிக்க அருகில் இருந்த சிலர் பேசுவதை கேட்டுக்கொண்டு இருந்தேன். "சமோசா, ஊறுகாய் எல்லாம் இது மாதிரி போட்டா சும்மா பிச்சிக்கும்" என்றார் ஒருவர். முன்னிருந்த பெரியவரிடம் "ஒரு ஆளுக்கு ஒரு சாப்பாடு மட்டுந்தானா? " என நான் வினவுகையில் கிடைத்த பதிலிது "இல்ல. எத்தினி வேணா வாங்கிக்கலாம். நேத்தி கூட நான் 3 டோக்கன் வாங்குனேன். ஆனா ஒண்ணு  வெளில எட்துனு போவ வுட மாட்டாங்க". 

                                                                   
டோக்கன் தந்த இடத்தருகே பளிச்சென மூன்று வாஷ் பேஷின்கள். சரியாக 12.05   மணிக்கு ஜன்னலைத்திறந்தார் அன்னலட்சுமி. ஒரு சாம்பார் சாதம், ஒரு தயிர் சாதம் இரண்டிற்கும் சேர்த்து 8 ரூபாய் தந்துவிட்டு போஜன அண்டாவை நோக்கி உள்ளே நுழைந்தோம். பெரிய சைஸ் எவர்சில்வர் தட்டில் ஒரு நபர் தாராளமாக சாப்பிடும் அளவிற்கு சாதம் பரிமாறப்பட்டது. உணவருந்தும் அறைகள், சமையல் கூடம் மற்றும் குடிநீர் வசதி என அனைத்தும் சுத்தத்தின் உச்சம். 

                                                             
சாம்பார் சாதம் படு திவ்யம். (நம்ம) அம்மா கையால் நன்றாக பிசைந்து தரப்படும் ருசிக்கு நிகராக இருந்தது. 5 ரூபாய்க்கு ஓஹோ பேஷ் பேஷ். அதை கிளறிப்பார்த்ததில் கண்ணில் பட்ட காய்கறி என்றால் அது உருளைக்கிழங்கு மட்டுமே. தயிர் சாதத்தில் உப்பு சற்று தூக்கல். அம்மா மெஸ் துவங்கிய நாளில் பொதுமக்கள் குறிப்பிட்டு சொன்ன விஷயம் "வெறும் சோறு சாப்புட கொஞ்சம் கஷ்டமா இருக்குங்க. கூட கொஞ்சம் காசு வாங்கிட்டு சாம்பார் சாதத்துக்கு கொஞ்சம் பொரியல், தயிர் சாதத்துக்கு ஊறுகாய் போட்டா ரெண்டு கவளம் அதிகமா எறங்கும்" என்பதே. சாம்பார் சாதத்தின் ருசிக்கு "நான் அப்படியே சாப்பிடுவேன் ஜெயா மம்மி" என்று சமத்தாக சாப்பிட்டு விடலாம். ஆனால் தயிர் சாதத்திற்கு கொஞ்சம் ஊறுகாய் போடலாம் என்பது நியாயமான கோரிக்கைதான். மற்ற இடங்களில் எல்லாம் பேப்பர் தட்டில் சோறு போட இங்கு எவர்சில்வர் தட்டு என்பது சம்திங் ஸ்பெஷல் தான்.          

                                                             
டப்பு பார்ட்டிகள் அதிகம் உள்ள ஏரியா என்பதால் தி.நகரில் எதிர்பார்த்ததை விட கூட்டம் குறைவாகவே இருந்தது. பிற இடங்களில் மக்களின் படையெடுப்பால்  1 மணிக்கே அண்டாவை கவிழ்த்துவிட்டு 'இன்று போய் நாளை வா'தான் என்று செய்திகள் வருகின்றன. 'என்ன தம்பி ஒரு ஒரு பருக்கையா கிள்ளி சாப்புடறீங்க. வயசு புள்ள நல்லா மொள்ளி சாப்புடுங்க' எல்லாம் கிடையாது. செல்ப் சர்வீஸ்தான்.  உணவு வாங்கியவர்களை ''உள்ள எடம் இருக்கு. அங்க போய் சாப்புடுங்க சார்' என்று என்னிடம் பவ்யமாக கூறினார் ஒரு ஊழியர். மயிர் கூச்செறிய வைத்த மகோன்னத நொடிப்பொழுதுகள் அவை. வெளியே நிற்கும் வரிசையை ஒழுங்குபடுத்துதல் கூட அவரது இலாகாதான்.மற்றபடி  அக்காக்கள் ராஜ்ஜியம்தான். அனைவர் முகத்திலும் புன்சிரிப்பு மற்றும் அமைதியாக பதில் தரும் முறை...தேவுடா தி.நகர்ல மட்டுந்தான் இப்படியா? இல்ல இன்னைக்கும் மட்டும் நடக்குற அதிசயமா? 

"இந்த பணிவு, பளிச் சூழல் எல்லாம் எத்தனை நாளைக்குன்னு பாப்போம்"

"இந்த வெலைக்கி எத்தனை நாள் நல்ல சோறு போட முடியும்?"

இவ்விரண்டும்தான் அதிகம் கேட்கப்படும் கேள்விகள். அதை பொறுத்திருந்து பார்க்கலாம்.அங்கிருந்த பெரியவர் ஒருவர் "அவங்க தர்ற தட்டுலதான் சாப்புடணும்னு இல்ல. நம்ம கூட டிபன் பாக்ஸ் கொண்டு போகலாம். அதுல வச்சி உள்ள சாப்டுட்டு வெளில போலாம். பார்சல் கண்டி எட்துனு போன புட்சிக்குவான்" என்று  கிலியேற்றினார்.   

கலர் டி.வி., காப்பீட்டு திட்டம் என்று வகை வகையாக மக்கள் மனதை கவ்வுவதில் கலைஞர்தான் கில்லி என்றால் அவரது திட்டங்களால் இம்ப்ரஸ் ஆகி தனது ஸ்டைலில் அம்மா பிழிந்து இருக்கும் சென்டிமென்ட் ரசம் தற்போது வெற்றி நடை போடுகிறது என்பதை மறுப்பதற்கில்லை.   

                                                                 
சென்னை மாநகரின் ஏழைப்பதிவர்களே உங்க ஏரியா அட்ரசை நோட் பண்ணிக்கங்க. ஞாயிறு கூட லீவு இல்லையாம்: 

  1. 185, Thiruvottiyur High Road, Thiruvottiyur
  2. 29 Street, Mathur, Manali
  3. Mattur Link Road, Surapet, Madhavaram
  4. Bommi Sivaramulu Street, Old Washermenpet
  5. 37, Nattu Pillaiyar Koil Street, in ward 55 of Royapuram Zone
  6. Dr.Ambedkar College Road, Pulianthope
  7. Kattabomman Street, Oragadam, Ambattur
  8. Taylors Road, Kilpauk
  9. near IG Registration Office, Santhome High Road
  10. Sivagnanam Salai, T.Nagar
  11. Poonamallee High Road, near North Mada Street, Maduravoyal
  12. Nehru High Road, Nanganallur
  13. Kuppam Kadarkarai Salai, Thiruvanmiyur
  14. Anna Nedunchalai, Perungudi 
  15. Kannagi Nagar Second Main Road, Thoraipakkam
     
இன்று மேலும் சில உணவங்களின் திறப்பு விழாவாம். முகவரி கீழே:

Manali Express Road, Thiyagi Sathyamurthy Nagar, ward 6;
Perumal Koil Street, Elanthanoor, ward 16; 
Nehru Street, Ponniammanmedu, ward 33;
New Vinobha Nagar, ward 38; 
Mangammal Thottam, New Washermenpet, ward 40; 
Anna Pillai Street, ward 57; Egmore railway station entrance near Dina Thanthi, ward 58; 
Paper Mills Road, Sembium, ward 68;
Valluvan Street, Otteri, ward 75; Mariamman Koil Street, Menambedu, Ambattur, ward 82;
No. 24, Mangalapuram, 7th Street, Chetpet, ward 107; 
MGR 3rd Street, MMDA Colony, ward 108; 
No. 4, Muthiah Street, Royapettah, ward 120; 
No. 1, Ayyappa Nagar Main Road, Koyambedu, ward 127; 
Kamaraj Colony Main Road, Kodambakkam, ward 134; 
Madha Koil Street, Nerkundram, ward 145; Raja Street, First Lane, Alandur, ward 162; 
Balakrishnapuram Main Road, Adambakkam, ward 163; 
Thiruvenkatan Street, near zonal office, Adyar, ward 175; 
First Avenue, Besant Nagar, ward 176; 
MGR Nagar, Velachery-Taramani Road, ward 183; 
division office, ECR, Palavakkam, ward 185; 
Velachery-Tambaram Main Road, near Pallikaranai compost, ward 190; 
Kaliamman Koil Street, Karapakkam, ward 197.   
.........................................................................

குறிப்பு: தி.நகர் மம்மி மெஸ்ஸில்  சாப்பிட்ட அனுபவம் இங்கு பகிரப்பட்டுள்ளது. வேறு கிளைகளில் புவ்வா சாப்பிட்டுவிட்டு "என்னடா இங்க அன்ன அனுபவம் இப்படி இருக்கு? நீ என்னவோ அப்படி சொன்ன? " என்று  டமுக்கு டப்பாத்தனமாக கேள்வி எழுப்பினால் அரசாங்க இட்லியால் ஓட விட்டு அடிப்பேன். 
.........................................................................  
    
சமீபத்தில் எழுதியது:

சிவாஜி செத்துட்டாரா?

Friday, March 1, 2013

சிவாஜி செத்துட்டாரா?


                                                             
'என்னது இலங்கைல இனப்படுகொலையா?' என்று பதவி போன பின்பு, விழித்தெழுந்த மாதிரி நடித்து இப்போது  ஏக உக்கிரத்தில் நித்தம் ஒரு காட்சியை அரங்கேற்றிக்கொண்டு இருக்கிறார் 'தி சோ கால்ட்' தமிழினத்தலைவர். அஹ்..த்தூ..(மன்னிக்கணும் நாராயணா. வாய்க்குள்ள கொசு). நெஞ்சுல மஞ்சா சோறு இருக்கிற தமிழன் ஏற்றுக்கொண்ட தன்மானத்தலைவர்கள் என்றால் அது இருவர் மட்டுமே. மண்டைக்கு மேலேயும், குண்டிக்கு கீழேயும் ஏசி போட்டுக்கொண்டு சூப்பர் ஃப்ளாப் படம் காட்டாமல், சுயநலம் மறந்து மக்களுக்காக உழைத்து உயிர்நீத்த கர்மவீரர் காமராஜர் ஒருவர். போர்க்களத்தில் ஒட்டுமொத்த குடும்பத்தையும் தாரை வார்த்து நீங்காப்புகழ் பெற்றிருக்கும் மாவீரன் பிரபாகரன் இன்னொருவர்!

'சொல்வதை செய்வோம், செய்வதை சொல்வோம்' எனும் வார்த்தைகள் அடங்கிய ஓலைச்சுவடி ஞாபகம் இருக்கிறதா மக்களே. அநேகமாக எழும்பூர் மியூசியத்தின் பாதாள அறைக்கு சென்றால் இதைப்பார்க்க வாய்ப்புண்டு. 'சொல்ல வேண்டியதை சொல்லோம். செய்யக்கூடாததை செய்வோம்' எனும் தலைப்பில் ரீமிக்ஸ் பாடல் ஒன்றே சாலப்பொருத்தமாக இருக்கும் இந்த கென்டக்கி கர்னல்களுக்கு. என்னதான் வாய்கிழிய வகை வகையாக வடை சுட்டாலும், அதிகாரப்பூர்வமாக முன்னெடுக்கப்படும் செயல்களுக்கு இருக்கும் வலிமையே பூரணமானது. மத்திய அரசிதழில் காவிரி தீர்ப்பு, இலங்கை இனப்படுகொலைக்கு எதிராக சட்டப்பேரவையில் தீர்மானம் என தனது நிலைப்பாட்டை 'கெணறு வெட்டுன ரசீது' வைத்துக்கொண்டு நிரூபித்து வருகிறார் ஜெ. ஆனால் பொறி உருண்டையோ 'அனகோன்டாவை தீண்டி இருக்கிறேன். சீனப்பெருஞ்சுவரை தாண்டி இருக்கிறேன்' என்று சூரமொக்கை டயலாக்குகளை பேசி வருகிறார். இது 2013 சாமி. இன்னுமா?

டெ'ஷோ' காட்டும் பெருங்கட்சியின்  சீமந்த சீடர்களே, தற்போது மிஞ்சி இருக்கும் ஈழ சொந்தங்களிடம் பொது வாக்கெடுப்பு நடத்தி 'எங்கள் தலைவர் உங்கள் இனமீட்சிக்கு போராடுவது சம்மதமா?' என்று ஒரே ஒரு முறை கேட்டுப்பாருங்கள். ஒருவேளை பெரும்பாலானோர் 'ஆம்' எனக்கூறிவிட்டால் பிய்ந்த செருப்பால் என்னை அடித்து கழக அலுவலக வாசலில் போடுங்கள். அடுத்த நொடியே அடி(ப்)படை உறுப்பினராகி வாழ்நாள் முழுக்க உங்கள் தலைவர், அவரது மகன், பேரன், கொள்ளு, லொள்ளு பேரன்கள் புகழ் பாடியே மோட்சத்தை அடைய முயற்சிக்கிறேன். 

                                                                  
'திருச்சி சிவா எனும் கழகப்பெருமான் நாடாளுமன்றத்தில் ஈழத்தமிழ் மக்களுக்காக உணர்ச்சி பொங்க பேசினார். தனக்கு ஒதுக்கப்பட்ட நேரத்தையும் தாண்டி அவர் நிகழ்த்திய இடிமுழக்கத்திற்கு முன்பு (பூம்புகார்) கண்ணகியின் வசனங்கள் எம்மாத்திரம்' என்று புளகாங்கிதம் அடையும் இணைய உடன்பிரப்ஸ்களே, அப்படியே முறுக்கேறிய நரம்புகளுடன் கோபாலபுரம் நோக்கி படையெடுத்து 'அய்யா....நீதி செத்து போச்சுங்க. நாயம் வித்து போச்சுங்க. இன்னைக்கு மத்யானம் அம்மா மெஸ் சாம்பார் சாதத்த சாப்டுட்டு 'நம்ம தயிர் சாதங்க'ளோட டெல்லி போகனுமுங்க. எம்.பி. பதவியை ராசினாமா செஞ்சிட்டுதானுங்க மறுவேல பாக்கோனும்' என்று சொல்ல இன்றே முயற்சி செய்யுங்கள். ஓ சாரி.. டெக்னிக்கல் ஃபால்ட். இன்று தாத்தாவின் பிறந்த நாள் வேறு. நாளை முயற்சிக்க.  60 வயசு ஆனாலே தாத்தான்னு எங்க ஒண்ணாப்பு டீச்சர் சொல்லி இருக்காக. ஆனா ஒங்க க்ரூப்பு மட்டும் ஒத்துக்க மாட்டேங்குது. என்றா இது பசுபதி!!

'ஆதாரங்களுடன் சேனல் 4 டி.வி.காரனும், ஈரநெஞ்சுடன் சில தமிழக தலைவர்களும், இது போக பல்வேறு நல்ல உள்ளங்களும் ராஜபக்சேவின் கோர தாண்டவத்தை உலகம் உணரும் வண்ணம் சபைக்கு அம்பலப்படுத்தி போராடிக்கொண்டு இருக்கின்றனர். 'ஒருவேளை நாளை அந்த ராவணன் குற்றவாளி என அறிவிக்கப்பட்டு ஈழத்தமிழர்கள் மறுவாழ்விற்கு ஏதேனும் நன்மை விளைந்துவிட்டால்? அப்பெருமையில் நமது பெயர் பொறிக்கப்படாமல் போய் விடுமோ??' என்று பொறி உருண்டை கலங்கித்தவிக்கிறது.

இருக்காதா பின்னே?  'ஈழ மானம் காத்த இனமானமே',  'ஊரார் பிள்ளையை ஊட்டி வளர்த்த நாட்டி தாத்தனே' என லட்சக்கணக்கான கவர்ச்சி வார்த்தைகள் தாங்கிய ப்ளெக்ஸ் பேனர்களுக்கு ஆர்டர் தந்து மாதங்கள் பல ஆகிப்போனதன்றோ. இன்னும் அப்படி என்னதான் பேசி தீர்க்கிறார்களோ ஜெனிவாவில். ரெபிடெக்ஸ் இங்கிலீஷ் ஸ்பீக்கிங் குழுத்தலைவர் டி.ஆர்.பாலு அவர்களே. சபாரி சூட்டை மாறுங்கள். ஜெனிவா புறப்படுங்கள். ''இனி எத்தனை காலந்தான் ஏமாற்றுவீர். அடுத்த கூட்டத்தை கோபாலபுரத்தில் கூட்டுங்கள்.  For how long you will cheat us. Bull Shit. We next meet Gopalapuram'' என சட்டு புட்டென்று சவுக்கடி தர ஏதுவான நேரம் இதுவன்றி வேறென்ன?.  

'ஆமா கலைஞர் தாத்தா..நீங்க ஏன் டைரக்டா ஹீரோவா பண்ணக்கூடாது?'

'நானா மாட்டேங்கறேன். எம்.ஜி.ஆர் மரு வச்சி மாறுவேஷம் போட்டா மட்டும் நம்பறாங்க. நம்மளை போக்கிரி வடிவேலுன்னு கரெக்டா கண்டு புடிச்சிடறாங்க. அடிக்கடி மண்டைல இருக்கற கொண்டைய மறந்துடறேன்'.   

பார்லிமென்ட் தேர்தல் வேற வருது. அடுத்த ஷோவை ஆரம்பிக்கனும்.  ஏகப்பட்ட ஜோலி கெடக்கு திருச்சி சிவா தம்பி. நீங்களும் ஜெனிவா போயிட்டு  சென்னைக்கு திரும்பி வர்ற வழில அம்மா மெஸ்ல ரெண்டு இட்லி, கொஞ்சம் புதினா சட்னி...பார்சல் வாங்கிட்டு வந்துருங்க ராசா!!
.......................................................................

இன்னும் கொஞ்சம்....

கே.ஆர்.பி. செந்தில்:

 ஈழம் நேற்றும் இன்றும்

தனித்த மரணம் 
                                                           
Related Posts Plugin for WordPress, Blogger...