CINEMA SHOULD MAKE YOU FORGET YOU ARE SITTING IN A THEATER – ROMAN POLANSKI

Tuesday, August 28, 2012

சென்னை பதிவர் சந்திப்பு 2012 நிழற்படங்கள் -2



அன்பால் இணைந்த இருவர்....ஸ்பெஷல் படங்கள்:                                                                    

                                                     நாளைய பதிவர் தன்வீருடன் டீக்கடை சிராஜ்             

                                       கூகுள் பஸ் ரூட்டு தலைகள்  அகநாழிகை வாசுதேவன், மணிஜி

                                                மெகா சிக்ஸ் பேக் பலாபட்டறை சங்கர், ரோஸ்விக்                   


                          லேட்டாக வந்தாலும் லேட்டஸ்டாக வந்த ஜாக்கியுடன் இராமாநுசம் ஐயா      

                           மதுரை மெகா ஸ்டார் தமிழ்வாசி பிரகாஷுடன் உலக நாயகன் கேபிள் சங்கர்

                                      டாக்டர் கவிஞர் மயிலனுடன் லிட்டில் சூப்பர் ஸ்டார் பிலாசபி                      
                                   
   'பதிவுலக ஏ.வி.எம். சரவணன்' உண்மைத்தமிழனுடன் திருவாரூர் திலகம் ஆரூர் முனா செந்தில்.
     
                                 நாங்களே ஒரு க்ரூப்தான். எங்களுக்கு எதுக்கு க்ரூப் - ஜாக்கி, கேபிள்.                                
                         
.......................................................................

                                      பிலாசபி, நான், இராமாநுசம் ஐயா, அஞ்சாசிங்கம், ஆரூர் முனா                   
                             

...........................
My other site:
agsivakumar.com

..................................................
சமீபத்தில் எழுதியது:

சென்னை பதிவர் சந்திப்பு - 2012: ஜாலி பட்டாசுகள் - 2
..................................................

      

Monday, August 27, 2012

சென்னை பதிவர் சந்திப்பு 2012- நிழற்படங்கள்



                                     சிஸ்டர் ஆமினாவின் மகன்(நாளைய பதிவர்) தன்வீருடன் நான்...

அம்மா சமையலை நித்தம் தின்று நாக்கு காய்ந்த தன்வீருக்கு அந்த டார்ச்சரில் இருந்து ஒரு நாள் விடுமுறை. ஏக குஷியாய் சாப்பிட்டு கொண்டிருந்தவனை கண்டு 'இனி நமது சமையலை மதிக்க மாட்டானோ' என்கிற பீதியில் ஊறுகாயை அள்ளி சிஸ்டர் ஊட்ட காரம் தாங்காமல் அலறினார் நாளைய பதிவர். அநியாத்திற்கு ஒரு எல்லையே இல்லையா?

மினாவின் திகில் சமையல் பதிவுகளை படிக்க: http://samayalexpress.blogspot.in/ 


 
                                            சேட்டையிடம் சேட்டை செய்ய அஞ்சாசிங்கம் அட்டெம்ப்ட்.

பதிவுலகில் தனக்கென தனிமுத்திரை பதித்த சேட்டைக்காரன் அவர்களை பார்க்கும் நீண்ட நாள் ஆசை நிறைவேறியது. அவரை கண்டதில் மிக்க மகிழ்ச்சி.

தலைவரின் பதிவுகளை படிக்க: http://settaikkaran.blogspot.in/  

                                               'மனிதாபிமானி' ஆஷிக் மற்றும்  ஷேக் தாவூத்          

பதிவர் சந்திப்பில் ஆஷிக்கின்  என்ட்ரிதான் ஹாட் நியூஸ். அனைவரிடமும் அமைதியாக ஒரு ஸ்மைலியை போட்டுவிட்டு அமர்ந்திருந்தார் மனிதர். பிலாசபி, சிராஜ் மற்றும் எனக்கு உணவு பரிமாறிய அன்பிற்கு நன்றி நண்பரே. 'நானும் சென்னைலதான் திரியறேன். என்னை கண்டுக்கவே இல்லியே நீங்க' என்றார் ஷேக். விரைவில் மீண்டும் சந்திப்போம் பாஸ். பிலாசபிக்கு ஐஸ்க்ரீம் வைத்தவர் குச்சியை மட்டும் வைக்காமல் ஆஷிக்கிடம் பேசிக்கொண்டே இருந்தார். பிறகு ஒரு வழியாக பிலாசபியின் கதறலை கேட்டு குச்சி தந்த ஷேக். இதானா உங்க டக்கு? :)



பள்ளித்தோழர் மற்றும் பதிவர் தியாகராஜனுடன் ருக்மணி அம்மா(பாட்டி சொல்லும் கதைகள்).

http://egaivendan.blogspot.in/

http://chuttikadhai.blogspot.com/

                                                                திடங்கொண்டு போராடிய சீனு                                                                 

பதிவர் சந்திப்பு நடந்த நாள் அன்று அதிக உழைப்பை தந்தவர் தம்பி சீனு என்பதில் சந்தேகமே இல்லை. வருகைப்பதிவேட்டை கவனிக்க தனது நண்பர்கள் இருவரை அழைத்து வந்தார்(பதிவர்கள் அல்ல). ஒரு ஞாயிறு முழுக்க தங்களுக்கு சம்மந்தமே இல்லாத வேலையாக இருப்பினும் வார இறுதியில் பொழுது போக்காமல் இருந்த அந்த இரு இளம் நண்பர்களுக்கு மிக்க நன்றி. இனி வரும் வார இறுதி ஒன்றில் சீனு மற்றும் அவ்விரு நண்பர்களை மரியாதை செய்யும் வண்ணம் நகருக்குள் ஒரு சின்ன அவுட்டிங் அழைத்து செல்ல விழாக்குழு நண்பர்களை கேட்டுக்கொள்கிறேன்.

சீனுவின் வலைப்பூ: http://seenuguru.blogspot.com/

                                                                 
மதிய உணவை சிறப்பாக ஏற்பாடு செய்தவர் பதிவர் ஆயிரத்தில் ஒருவன் மணி அவர்கள். நான் வெஜ் சாப்பிடாத சோகத்தை காட்டாமல் சமாளிக்கும் அரசியல் ராஜதந்திரி ரஹீம் கஸாலி.

http://mani-saraswathi.blogspot.in/

http://rahimgazzali.com/


   
துபாயில் இருந்து பதிவர் சந்திப்பிற்கு வருகை தந்த சைதை அஜீஸ் அவர்கள். 

...........................................................

சமீபத்தில் எழுதியது:

சென்னை பதிவர் சந்திப்பு 2012 - ஜாலி பட்டாசுகள்


Saturday, August 25, 2012

சென்னை பதிவர் சந்திப்பிற்கு வெல்கமுங்க!!



                                                               
ஞாயிறு காலை துவங்கவுள்ள சென்னை பதிவர் சந்திப்பிற்கு அனைவரையும் அன்புடன் வரவேற்கிறோம்.

மேலும் விவரம் அறிய:
http://www.madhumathi.com/2012/08/blog-post_25.html.


எனக்குள் தூங்கிக்கிடந்த கவி ராட்சசனை ப்ளீச் ப்ளீச் என சோடா அடித்து எழுப்பி விட்டனர். என்ன கவி பாடலாம் என தீவிர சிந்தனையில் இருப்பதால் இரண்டு நாட்களுக்கு தொந்தரவு செய்ய வேண்டாம் என ரசிகர்களை கேட்டுக்கொள்கிறேன்.     



...............................................................................




Friday, August 24, 2012

சென்னை பித்தன் பெயர் நீக்கம்?



                                         

வயதில் மூத்தவர்கள் என்றாலும் நவீன தொழில்நுட்பம் வாயிலாக தமது எண்ணங்களை பகிரும் நல்லிதயங்கள் பல. உடல் ஒத்துழைக்காததால் மிக மெதுவாக டைப் செய்தோ அல்லது பிறர் உதவியுடனே பதிவிடும் பெரியவர்கள்  நம்மிடையே இருப்பது நம் அனைவருக்கும் மகிழ்ச்சியே. அப்படி ஒரு பதிவர்தான் சென்னைய சேர்ந்த திருமதி.ருக்மணி அவர்கள். 'எவன்டா இந்த மலைய உடச்சது..கூப்புடுடா அந்த கலெக்டரையும், தாசில்தாரையும்' என்று ஓவராக 'மருந்து' அருந்திவிட்டு 'ஒத்த வெரல்ல மொத்த மலையையும் போன வாரம் தூக்கனேன் தெரியுமா?' என்று கதை சொல்லும் பலே பாண்டியாக்கள் பலர். ஆனால் 'பாட்டி சொல்லும் கதைகள்' எனும் பெயரில் ருக்மணி அம்மா கதைகளை சொல்லி வருகிறார் 2009 ஆம் ஆண்டு முதல். 

இவருடைய தளத்தை பார்க்க: http://chuttikadhai.blogspot.in/

திரட்டி எதிலும் இவர் இணையவில்லை என்று தெரிகிறது. இவருடைய பதிவுகளுக்கு தொடர்ந்து ஊக்கம் அளிப்பது வெங்கட் நாகராஜ் அவர்களும், நமது பின்னூட்ட (புயலோ) புயல், செல்லக்குட்டி   திண்டுக்கல் தனபாலன் அவர்கள்(உங்களுக்காக காத்திருக்கேன்/கோம் தலைவா. வாங்கோ). ஞாயிறு அன்று சென்னை பதிவர் சந்திப்பிற்கு வருவதை உறுதி செய்துள்ளார் ருக்மணி அவர்கள்.  

எனவே மூத்த பதிவர்களை கௌரவிக்கும் பட்டியலில் இவருடைய பெயரும் இணைவது மகிழ்ச்சியே. தானைத்தலைவர் மது மோர்மதி அவர்கள் கவனத்தில் கொள்க.(ஏகப்பட்ட சட்டைங்க கிழிஞ்சதுக்கு எல்லாம்   டென்சன் ஆவாதீங்கன்னே..லெஸ் டென்சன் மோர் வொர்க். மோர் வொர்க் லெஸ் டென்ஷன்). ஆகவே யூத் பதிவர் சென்னை பித்தனை எங்களுடன் 'கலக்க' விடுங்கள். அவரை மூத்த பதிவர் என்று கூறி கடும் மன உளைச்சலுக்கு ஆளாக வேண்டாம் (அவர்தான் சொல்ல சொன்னார்).   

எத்தனை பேர் வருவாங்க என்று கணக்கு போட்டு எதையும் சாதிக்க போவதில்லை. இவர்கள் போன்ற ஒரு புதிய பதிவர் கலந்து கொள்ளும் ஒவ்வொரு பதிவர் சந்திப்பும் வெற்றியே!! சியர்ஸ்!! (மகிழ்ச்சி என்று(ம்) ஆங்கிலத்தில் அர்த்தமுண்டு).  
..........................................................................

                   

Thursday, August 23, 2012

பதிவர்கள் நிலவரமும், கலவரமும் - 4




இப்படி ஒரு அசத்தல் பதிவை ஹிட்சுக்கு எழுதி இருப்பவர் பதிவர் சங்கவி அவர்கள்(இதை சொன்னதும் அவர்தான்). சில தினங்களுக்கு முன்பு மது குறித்து வந்த பதிவால் ஒரு சர்ச்சை ஏற்பட அதன் பின் இரு தரப்பினரும் சற்று எல்லை மீறியதை உணர்ந்து பிரச்னையும் தீர்ந்தது. ஆனால் அதை மீண்டும் அண்ணன் சங்கவி கிளப்பி மேலும் சங்கடத்தை உண்டாக்கி இருப்பதன் காரணம் ஏன் என்பது தெரியவில்லை. ஏற்கனவே பதிவர் சந்திப்புகளை  முன்னின்று நடத்தியவர் என்ற முறையில் இதை எப்படி கையாண்டு இருக்கலாம் என்று சற்று யோசித்து இருக்கலாம். குடிப்பது தவறு என்று தீவிர பிரச்சாரம் செய்வதில் எனக்கு என்றுமே உடன்பாடில்லை. அது அவர்களுடைய தனிப்பட்ட விருப்பம். ஆனால் அதே பழக்கம் எல்லை மீறி பொது இடங்களில் பிரச்னையை உருவாக்கினால் அதை ஏற்றுக்கொள்ள மனம் ஒப்புவதில்லை.

சங்கவி எழுதிய பதிவில் 'குடியின் வேதனையை  அறிந்தவர்கள் இதைப்பற்றி எழுதி இருக்கலாம். அதை நாங்கள் கண்டுகொள்வதில்லை' எனும் சமூக அக்கறை நிரம்பிய வார்த்தைகள் மட்டுமே இப்பதிவு எழுதுவதற்கு அடிப்படை காரணம். குடியால் பாதிக்கப்பட்ட கைம்பெண்களும், அவர்தம் பிள்ளைகளும் நித்தம் உங்கள் வீட்டு வாசலில் 'ஐயா..எங்கள் குடும்பத்தை காப்பாற்றுங்கள்' என்று கெஞ்சப்போவதில்லை. தமிழகத்தில் குடியால் கணவனை இழந்த கோடிக்கணக்கான ஏழைப்பெண்களில் பலர் இட்லிக்கடை வைத்தும், கட்டண கழிப்பறையில் காசு வசூலிக்கும் வேலை என உழைத்து தனது பிள்ளைகளின் வாழ்விற்காக ஆண்களுக்கு இணையாக வேர்வை சிந்தி குடும்பத்தை கரை சேர்க்கும் தீரம் உடையவர்கள்தான். அவர்களை நீங்கள் கண்டு கொள்ளாவிடினும் இந்த நரக வாழ்வில் நீச்சல் அடிக்க கற்றுக்கொள்வார்கள். வழக்கம்போல கண்டுகொள்ளாமல் இருக்க வாழ்த்துகள். 

மற்றபடி அவர் எதற்கு குடிக்க ஆரம்பித்தார் எனும் பிளாஷ்பேக் குறித்து சிலாகிக்கவும், கண்டிக்கவும் ஒரு காரணனும் தனிப்பட்ட முறையில் எனக்கில்லை. 

அப்பதிவில் நானிட்ட பின்னூட்டத்திற்கு அவரின் பதில்:

'கோவை பதிவர் சந்திப்பில் குடிக்கு யாரும் எதிர்ப்பு தெரிவிக்கவில்லை அதே சமயம் நிகழ்ச்சிக்கு முந்தைய இரவு நாங்கள் குடிக்காமலும் இல்லை... நாங்க அட்ட கத்தி இல்ல சார் உண்மைய பகிரங்காக ஒத்துக்கொள்வோம்'.

'பல' பேர் எதிர்ப்பு தெரிவிக்கவில்லை என்பதற்கும் 'யாரும்' எதிர்ப்பு தெரிவிக்கவில்லை என்பதற்குமான வித்யாசம் இல்லையா? பெண் பதிவர்கள் மற்றும் வயதான பதிவர்கள்  கூட அச்செயலுக்கு ஆதரவு தெரிவித்தனர் என்று சொல்கிறீர்களா? ஈரோடு பதிவர் சந்திப்பில் தாங்கள் உ.பா. பிரியர்களுக்கு தனியே அறை  அமைத்து சியர்ஸ் சொல்லி இருந்தால் அதில் எவ்வித ஆட்சேபனையும் இருந்திருக்காது. ஆனால் மறுநாள் விழா நடக்க இருந்த மண்டப வாசலில் வெளிப்படையாக அந்நிகழ்வு நடந்தது வருத்தம் அளித்தது.'நான் விரும்பி படிக்கும் பிரபல(!) பதிவர்(கள்) மேலே இருக்கின்றனர். வாருங்கள். அவர்களை சந்தித்து விட்டு வருவோம்' என்று புதிதாக பதிவர் சந்திப்பிற்கு வரும் நபர் தன் தாய், மனைவி அல்லது சகோதரியுடன் வந்திருந்தால் முகச்சுளிப்பை ஏற்படுத்தி இருக்க 100% வாய்ப்பே இல்லை என்று உங்களால் அடித்து சொல்ல முடியுமா?   

இனி வரும் காலங்களில் பதிவர் சந்திப்பை முன்னின்று நடத்த இளைஞர்கள், முதியவர்கள், பெண்கள் எண்ணுவதற்கான  சாத்தியங்கள் அதிகம். அவர்களுக்கு ஒரு தவறான முன்னுதாரணம் ஆகிவிட்டது உங்கள் பதிவு, பின்னூட்டத்தில் இருக்கும் சில வரிகள். இனி வரும் காலங்களில் பதிவர் சந்திப்பை நடத்துபவர்கள் தனது ஜிகிரி தோஸ்துகளை ஊக்குவிக்க உ.பா. வாங்கி தாருங்கள் அல்லது தராமல் போங்கள். அது உங்கள் விருப்பம். அப்படித்தான் செய்வோம் என்று கூறினால் அதை அவர்கள் தங்கி இருக்கும் இடங்களிலோ அல்லது மதுபானக்கடைகளிலோ வைத்துக்கொள்ளுங்கள். கொண்டாடி மகிழுங்கள். 

குறிப்பு: மனதில் வன்மம் கொண்டு தனிப்பட்ட முறையில் ஒருவரை அர்த்தமின்றி தாக்கும் பிஸ்தாக்கள் லிஸ்டில் நான் என்றும் இருந்ததில்லை.  செயல் ரீதியான விமர்சனம் மட்டுமே செய்ய விரும்புகி றேன். சங்கவி புரிந்து கொள்வார் என நம்புகிறேன். பதிவர் சந்திப்பு என்றாலே ஏதோ குடிகாரர்கள் கூட்டம், அக்னி ஏவுகணைகள் வந்து விழும் இடம் என்று அர்த்தமற்ற பீதியை கிளப்பும் 'பேரன்பு' கொண்ட இதயங்களின் சமூக அக்கறையையும் மெச்சி ஆக வேண்டும். எப்பேர்பட்ட பிரச்னை ஆயினும் தரம் தாழ்ந்த வார்த்தைகளை பிரயோகிக்க வேண்டாம் என எனக்கு உரிமையுள்ள நண்பர்களை கேட்டுக்கொள்கிறேன். பெரும்பாலும் படித்தவர்கள் உலவும் இணையத்தில் இது போன்ற செயல்கள் ரசிக்கும் வண்ணம் இல்லை. 

இரு தரப்பிற்கு இடையே சட்டை கிழிப்புகள் நடக்கையில் அதற்கு மேலும் சாம்பிராணி போட்டு பொழுது போக்கும் ஜீவன்களே..நீங்க நல்லா வருவீங்க.   
........................................................................

ப்ளாஷ் நியூஸ்:

பதிவர் சந்திப்பின் தலைவர் பெயர் மதுமதி என்பதை 'மோர்'மதி என்று தற்காலிகமாக மாற்றி உள்ளோம். இந்த மேட்டர்களை எல்லாம் கண்டு கலவரம் அடையாமல் தோழர் மோர்மதி தொடர்ந்து விழா ஏற்பாடுகளில் இயங்குமாறு கேட்டுக்கொள்கிறோம். (பாவம் மனுஷன். சீக்கிரம் சன்யாசம் வாங்கிட்டு நேபாளம் போயிடுவார் போல). 


Wednesday, August 22, 2012

பதிவர் பாக்ஸிங் போட்டிகள் - 2013



   
அப்பத்தான் நிம்மதியா ஒரு கப் காபி குடிச்சிட்டு இருந்தேன். 'சிவா பதிவுலகத்துல பயங்கர கலவரம்'ன்னு ராத்திரி ஒரு போன். ப்ளடி. பயத்துல உள்நாக்குல காப்பிய சூடா ஊத்தி ரெண்டு நிமிஷம் கதறுனேன். இனி பதிவர் சந்திப்பெல்லாம் வேண்டாம். பதிவர் பாக்ஸிங் (நேரடியா) நடத்துங்கய்யா.  

Tuesday, August 21, 2012

பதிவர்கள் நிலவரமும், கலவரமும் - 3


சுரேகா: surekaa.com

                                                                        
கலைஞரின் மனசாட்சி முரசொலி மாறன் என்றால் கேபிளின் மனசாட்சி சுரேகா. சென்னை பதிவர் சந்திப்புகளின் ஆஸ்தான தொகுப்பாளர். 'கேட்டால் கிடைக்கும்' மூலம் நுகர்வோர் உரிமையை கேட்டுப்பெறுபவர். நள்ளிரவில் ரேஷன் கடைப்பக்கம் மழைக்கு ஆயா ஒதுங்கினால் கூட கண்கள் சிவந்து ரேஷன் கடைக்காரர் வீட்டு அட்ரசை கூகிள் மேப்பில் தேடிப்பிடித்து  ஓடுவார். " "டேய்..உன் நெஞ்சுல ஈரம் வர்ற வரைக்கும் என் காரம் குறையாதுடா"  என்று அவனை தரதரவென இழுத்து வந்து அரிசி, பாமாயில் வாங்கித்தரும் கர்ணர்.    
...........................................................................

புதுகை அப்துல்லா: mmadbulla.com

                                                               
முதலாம் பானிபட் போரின் நான்காம் நாளில் கடைசி பதிவு எழுதியவர்.  மாற்றான் பட ரீமேக்கில் நடிகர் அப்பாஸுடன் ஒட்டி நடிக்க செலக்ட் ஆகி இருப்பவர். வெள்ளாவியில் வைத்து வெளுக்கப்பட்டு, வெயிலுக்கு தெரியாமல் வளர்ந்தவர். வருடா வருடம் பதிவுலக நண்பர்களுக்கு ரம்ஜான் பிரியாணி போடுவது ஸ்பெஷல். சென்ற வாரம் நடந்த இந்நிகழ்வில் சில இளம் பதிவர்களை அழைக்காமல் விட்டதன் மூலம் கணிசமான வாக்கு வங்கியை இழந்துள்ளார். அடுத்த பதிவர் சந்திப்பை அமெரிக்காவில் நடத்த முழு செலவையும் ஏற்றுக்கொள்வதாக சொல்லி இருக்கும் தயாளர். பொதுவாழ்வில் கலப்பதற்காக கூகிள் பஸ்ஸில் பிரயாணம் செய்யும் எளிய ரெட் ஜெயன்ட். 
.............................................................................

பாலகணேஷ்: minnalvarigal.blogspot.com

                                                                       
புலவர் இராமாநுசம், சென்னையின் நம்பர் ஒன் பதிவர் மதுமதி இருக்கும் சபையில் கூட தெனாவட்டாக சட்டையின் மேல் பட்டனை கழற்றி விட்டு அமரும் பாட்சா(ஆதாரம்: மேலுள்ள படம்). லோகோ, பேனர் டிசைன் செய்யும் கலை இயக்குனர்.  'லட்சுமி ஸ்டார்ட் ஆயிடு' ரஜினி போல தனது டூவிலரிடம் அடிக்கடி தனிமையில் பேசுவது வாடிக்கை. தலைவர் தம் அடிக்கையில் காதுகளில் இருந்து புகை வருவது அசத்தல். விரும்பி கேட்டால் ஸ்பெஷல் மேஜிக்கை செய்து காட்டுவார். அது என்னவெனில் ஒரு காதில் ஆர்ட்டினும், மறு காதில் அம்பும் புகைப்படலமாக வெளியேற, அந்த அம்பை அண்ணன் சுண்டிவிட்டால் ஆர்ட்டினுக்குள் புகுந்து எதிரில் நிற்பவரின் மூக்கினுள் சொருகிக்கொள்ளும். 'அது அந்தக்காலம். எட்டு வருடங்களாக புகைப்பதில்லை' என்று எழுதச்சொன்னார். எழுதி விட்டேன்.
.......................................................................

மதுமதி: madhumathi.com

                                                                    
"நாலு மணி நேரமா பேசி கொல்லுறீங்களே..ஒரே ஒரு மைசூர் போண்டா வாங்கி தந்தா என்ன?" என்று நான் கேட்ட ஒரே காரணத்திற்கு "நீ போண்டா திங்கறதுக்கு எல்லாம் பதிவர் சந்திப்பை மைசூர்ல நடத்த முடியாது. ஒழுங்கா வெளிய போயிடு" என்று சம்மந்தம் இல்லாமல் பேசி கொந்தளித்தவர்(ஆதாரம்: மேலுள்ள படம்). "அண்ணே ஒரு சைனா டீ" என்று அதன் பின் ஒரு மர்மக்குரல் ஒலித்து பரபரப்பை அதிகரித்தது. எப்போதெல்லாம் இவர் பேச ஆரம்பிக்கிறாரோ அப்போதெல்லாம் அனைவரும் வேறு கதை பேசும்போது ஹைவேஸில் சிக்கிய மான் போல முழிப்பார் பாவம். பதிவர் சந்திப்பு தொடர்பான பளுவை அதிகமாக சுமக்கும் சுமைதாங்கி. ஏழைகளின் தாகம் தீர்க்கும் தண்ணி டேங்கி.  
.........................................................................

ஜெய்: pattikattaan.blogspot.in

                                                                   
பால கணேஷ் அண்ணனுக்கு அடுத்து புலவரை மதிக்காமல் கால் மேல் கால் போட்டு அமரும் நபர். பதிவர் சந்திப்பின் நிதியமைச்சர். நன்கொடை பணத்தில் இரண்டு ரூபாய் கள்ளநோட்டை அடியில் வைத்து  தந்துவிட்டு ஊருக்கு திருட்டு ஷேர் ஆட்டோ ஏறிய சிராஜுதீனை அய்யனார் அருவாளுடன் ஜெமினி மேம்பாலத்தில் ஓடவிட்டு அடிக்க காத்திருப்பவர். o.bama@gmail.com பெயரில் இமெயில் போட்டு 'பதிவர் சந்திப்புக்கு நானும் வரலாமா?' என்று கேட்ட பெண் பதிவருக்கு obama@gmail.com என டைப் செய்து இவர் அளித்த பதில்:  'You are most wanted welcome'. 
...............................................................................

ஆமினா: samayalexpress.blogspot.in

 
பதிவர் சந்திப்பின் உணவுக்கமிட்டி தலைவியாக நியமிக்கக்கோரி உண்ணாவிரதம் இருந்தவர். இவர் சமையலின் தரத்தை பரிசோதிக்க சுற்றுவட்டாரத்தில் விசாரித்தபோது அங்கிருக்கும் ஏழு மெட்ரிக் பள்ளிகளின் நோட் புக்குகளில் லேபில் ஒட்ட இவர் செய்த பொங்கலைத்தான் தாங்கள் பயன்படுத்துவதாகவும், இது பல்லாண்டு காண்ட்ராக்ட் என்பதால் நீங்கள் கிளம்புங்கள் என்று பள்ளி நிர்வாகிகள் மற்றும் பெற்றோர்கள்  நம் நிருபர் குழுவை அடித்து அனுப்பிவிட்டனர். மேடம் செய்த சாம்பார் சாதத்தின் ஒற்றை பருக்கையை ருசி பார்த்த பாலகனின் நிலை மேலுள்ள படத்தில்.
.....................................................................................


                                                              
 "தொட்டுக்க மாங்கா ஊறுகா போடலாமா? தேங்கா ஊறுகா போடலாமா? என்று சீரியசாக மதுமதி பேசிக்கொண்டிருக்க "என்னய்யா இவரு காது கிட்ட வந்து கொய்யி  கொய்யின்னு கத்திக்கிட்டு" என்றவாறு வேறுபக்கம் முகத்தை திருப்பியவர்(ஆதாரம்: மேலுள்ள படம்). இரண்டு கைகளையும் சேர்த்து ஏறத்தாழ 42 தவக்களைகள் கொள்ளளவு கொண்ட ஆர்ம்ஸை வைத்திருக்கும் ஆஜானுபாகர். பொட்டு வெடி சைசில் இருந்த மசால் வடையை எடுக்க பல அட்டெம்ப்ட் செய்தும் 'இந்த வடைய எவன் தொட்டாலும் வளச்சி வளச்சி அடிப்பேன் ' என்று அஞ்சாசிங்கம் சொன்னதற்காக 48 மணிநேரம் தொடர்ந்து அழுத ஈர நெஞ்சக்காரர். 'நீங்கதான் தல என் மானசீக குரு' என்று ஒரே நாளில் ஆரூர் மூனா செந்திலை கவிழ்த்து 'அமைதிப்படை' சத்யராஜ் ஆகி இருப்பவர்.
..................................................................................        
 


Monday, August 20, 2012

ஸ்பெஷல் மீல்ஸ் (08/20/12)


இணைந்த கைகள்:

                                            திரு.சென்னை பித்தன், தம்பி சீனு, இராமாநுசம் ஐயா

அன்பு இதயங்களுக்கு வணக்கம். வரும் ஞாயிறு 26 ஆம் தேதி  சென்னையில் நடக்கவுள்ள  பதிவர் சந்திப்பிற்கு அனைவரையும் அன்புடன் வரவேற்கிறோம்.  வயது, அந்தஸ்து, இனம் உள்ளிட்ட அனைத்து வேறுபாடுகளையும் ரீசைக்கிள்  பின்னில் போட்டுவிட்டு நல்லெண்ணம் கொண்ட மனங்கள் சங்கமிக்கும் நாளாக அமையட்டும். 
...................................................................................

வாழ்த்துகள்: 
இஸ்லாம் சகோதர, சகோதரிகளுக்கு இனிய ரமலான் வாழ்த்துகள்.  ஏழைகளுக்கு உதவிகள் புரியும் வாய்ப்பை தந்த இறைவனுக்கு நன்றி கூறி இன்பம் பொங்க இத்திருநாள் அமையட்டும்.
..................................................................................    

நான் அவன் இல்லை: 
ரத்தத்தின் ரத்தமே எனும் தலைப்பில் கல்கி வார இதழில் எம்.ஜி.ஆர் பற்றிய தொடர் ஒன்று வெளியாகி வருகிறது. இவ்வாரம் அவர் குறித்து எழுதி இருப்பவர் பிரபல வசனகர்த்தா ஆரூர்தாஸ். அதில் அவர் தந்த அரிய தகவல் ஒன்று: 'எம்.ஜி.ஆரை மலையாளி என்று சொல்பவர்களுக்கு ஒரு செய்தி. அவருடைய மூதாதையர் கொங்கு நாட்டை சேர்ந்த மன்றாடியார் இனத்தில் வந்தவர்கள். பொள்ளாச்சிதான் பூர்வீகம். ஹைதர் அலி காலத்தில் மதம் மாற விரும்பாத பல இந்துக்குடும்பங்கள் இடம் பெயர்ந்து பாலக்காடு கணவாய் வழியாக கேரளப்பகுதி கிராமங்களில் குடியேறினர். அதில் எம்.ஜி.ஆர். குடும்பமும் ஒன்று. பொள்ளாச்சி மன்றாடியார்தான் மருவி மன்னாடியார் ஆனது'.  

தமிழகத்தை தமிழர் ஆள்வது எப்போது என்று டொட்டடொய் அரசியல் செய்யும் தலைகள் இப்போது என்ன பேசுவார்கள்?
...................................................................................

அட்டகத்தி: 
டெ'ஷோ'வை ஹிட் ஆக்க விடாமல் வைகோ, சீமான் உள்ளிட்ட பலர் செய்வினை வைக்கிறார்கள் என்று லைட் அவுசில் ஏறி கொக்கரக்கோ என்று கூவிய ரெட் அண்ட் ப்ளாக் கண்ணுகளே, அதற்கு முன்பாக இது குறித்து இலங்கை தமிழர்கள் என்ன சொல்கிறார்கள் என்று கேட்டீர்களா? லண்டனில் (ஒரிஜினல்) உண்ணாவிரதம் இருந்த சிவந்தன் கோபி எனும் இலங்கைத்தமிழர் ஆர்டிஸ்ட்டை (லைவ் வள்ளுவர்) கழுவி கழுவி ஊற்றி இருக்கிறார்.தெரிஞ்ச ஷோவை மட்டும் ஓட்டுங்கன்னு சொன்னா கேட்டாத்தான. கவுண்டமணி சொன்ன வசனம் ஒன்று இந்நேரத்தில் நினைவிருக்கு வருகிறது:  "கூட்டத்த பாத்தா அகநானூறு, புறநானூறுன்னு சொல்றானுங்க. கூட்டம் கலஞ்சதும் முன்னூறு,நானூறுன்னு கேக்கறானுங்க".
.............................................................................     
   
புரியாத புதிர்:  
இவ்வாரம் வெளியான புதிய தலைமுறை இதழின் தலையங்கத்தில் ஒலிம்பிக் போட்டிகளில் இந்தியாவின் நிலை குறித்து எழுதி இருந்தனர். தனிநபர் பிரிவில் வெற்றிகளை பெற்ற இந்தியா குழுவாக(ஹாக்கி போன்றவை)  ஆடுகையில் தோற்பதற்கு ஒரு மொக்கையான காரணத்தை மேற்கோள் காட்டி உள்ளது அத்தலையங்கம். அது பின்வருமாறு: 'இது இந்தியர்களின் மனோபாவம்(?).இந்தியா அணியாக செயல்படுவதில்லை. நம் ஒவ்வொருவருடைய ஈகோவும் இமயத்தை விடப்பெரியது. அவற்றை சமன் படுத்துவது அத்தனை எளிதல்ல' என நீள்கிறது உதாரணம். 

புடலங்காய்த்தனமாக இருக்கிறது இந்த வரிகள். இதே இந்திய ஹாக்கி அணிதான் ஒலிம்பிக் போட்டிக்கு முன்பு நடந்த தகுதி சுற்று போட்டிகளில் அனைத்து தேசங்களையும் வீழ்த்தி வெற்றிக்கோப்பையை பெற்றது. இதுபோக கிரிக்கெட் உலகக்கோப்பையையும் வென்றது நமது தேசம்தான். பின்பு எதை வைத்து இப்படி ஒரு திராபையான உதாரணத்தை சொல்கிறார்கள் என்று தெரியவில்லை. நாளை இன்னொரு ஹாக்கி போட்டியில் இந்தியா கோப்பை வென்றால் இந்தியர்கள் அனைவரிடமும் ஒற்றுமை பூத்து குலுங்க ஆரம்பித்து விட்டது என்று எழுதுவார்களோ? 
..............................................................................

மகிழ்ச்சி:    
வீடு திரும்பல் வலைப்பூவிற்காக மோகன்குமார் அவர்கள் இரவுப்பணி குறித்து கேட்ட கேள்விகளுக்கு நான் அளித்த பதில்கள் 'புதிய பார்வை' எனும் இதழில் வெளியாகி உள்ளது. இவ்விதழின் ஓனர் சின்ன மேடம் சசிகலாவின் துணைவர் நடராஜன் என்பது குறிப்பிடத்தக்கது(!).  
............................................................................

வல்லவனுக்கு வல்லவன்: 
ஸ்பெக்ட்ரம் அலைக்கற்றை மேட்டரில் கத்தை கத்தையாக சொத்தை சேர்த்து 1.76 லட்ச கோடிகள் லபக்கிய சாதனையை இன்னும் சில நாட்கள் கொண்டாட விடவில்லை இன்னொரு செட் பெருச்சாளிகள். 1.86 லட்சம் கோடி ரூபாய்க்கு நிலக்கரி ஊழல் செய்து புதிய சாதனை படைத்துவிட்டனர். பிரதமர் ராஜினாமா செய்ய வேண்டும் என வழக்கம்போல எதிர்க்கட்சிகள் கோஷமிட நம்ம ஆளு வி.ஜி.பி. கோல்டன் பீச்சில் நிற்பவர் போல அசராமல் கெடக்கிறார். ஜெய் ஹோ...!!
............................................................................

சர்வாதிகாரி: 
டி.ஆர்.பி.ரேட்டிங்கில் விறுவிறுவென முதல் இடத்தை பிடித்த புதிய தலைமுறை சேனலை சில நாட்களுக்கு முன்பு சட்டென கட் செய்து விட்டது எஸ்.சி.வி. அது போல பழைய பாடல்களை ஒளிரபரப்பி பாப்புலர் ஆகி வந்த முரசு சேனலுக்கு போட்டியாக சன் லைப் என்றொரு சேனலை திடீரென துவக்கி உள்ளது சன். போட்டிகளை ஆரோக்யமாக எதிர்கொண்டு தனது சேனலில் சிறந்த நிகழ்ச்சிகளை தயாரிக்காமல் அடுத்தவர் சேனலை ஆப் செய்வது அல்லது அங்கு ஹிட்டாகும் நிகழ்ச்சிகளை அப்படியே காப்பி அடிப்பது போன்றவை ரசிக்கும்படி இல்லை. இந்த லட்சணத்தில் தொழில் தர்மம் எனும் கெட்ட வார்த்தையை பேசி என்ன பிரயோஜனம்?
.............................................................................

உன்னால் முடியும் தம்பி:  
சென்னை பதிவர் சந்திப்பில் கவியரங்கம் இடம் பெறுவதால் நானும் சில கவிகள் பாட முடிவு செய்தே விட்டேன். அதற்கு முன்பு 'சோதனை' ஓட்டமாக இந்த படைப்பை உங்களிடம் சமர்ப்பிக்கிறேன். இதற்கு கிடைக்கப்போகும் வரவேற்பை பொறுத்து எனது கவிதைப்பயணம் தொடரும். இதோ அது:

ஒரு ஒரு மலர்களுமே கூறுகிறதே 
வாழ்க்கை என்பது அடித்து ஆடும் ஆடுகளமே.
ஒரு ஒரு காலையுமே கூறுகிறதே 
ராத்திரியானால் விடியல் ஒன்று வந்திடுமே.

தன்னம்பிக்கை என்பது வேண்டும் உங்கள் வாழ்வில் 
லட்சியம் நிச்சயம் வெல்லும் ஏதோ ஒரு நாளில்.
மனதே ஓ மனதே நீ மாறிவிடு.
பரங்கிமலையோ அது அண்டார்டிக் பனிமலையோ 
நீ மோதிவிடு.
.............................................................................. 
  
சென்னைக்காதல்: 
மெட்ராஸ் பட்டினத்தின் பிறந்த தினம் தலைநகரெங்கும் வழக்கம்போல் விமர்சியாக கொண்டாடப்படுகிறது. தி ஹிந்து நாளிதழ் மெட்ராஸ் நகரின் அரிய புகைப்பட கண்காட்சியை அபிராமி மாலில் நடத்தி வருகிறது. இது போக இன்னும் ஏராளமான நிகழ்ச்சிகள் நகரமெங்கும். அனுபவி ராஜா அனுபவி படத்தில் நகரத்தின் நிலையை நையாண்டி கலந்த வரிகளால் சொல்லி இருப்பார் கவியரசு கண்ணதாசன். தலைவர் டி.எம்.எஸ்ஸின் குரலில் தூள் கிளப்பும் அந்த பாடலுக்கு நாகேஷின் நடிப்பு மிகப்பிரமாதம்.

எனக்கு பிடித்த வரிகள்: 
'தேராட்டம் காரினிலே ரொம்ப திமிரோடு போறவரே. எங்க ஏரோட்டம் நின்னு போனா உங்க காரோட்டம் என்னவாகும்?'.



ஹாப்பி பர்த்டே மை டியர் மெட்ராஸ்.     
...................................................................................

.................................................
சமீபத்தில் எழுதியது:
தேவுடு சேசின மனுஷிலு - விமர்சனம்
................................................ 
  


                                                                 

Saturday, August 18, 2012

பதிவர்கள் நிலவரமும், கலவரமும் - 2


உண்மைத்தமிழன்:


                                                                           
நேரில் பார்த்தால் 'நாந்தாப்பா அந்த ஏ.வி.எம்.சரவணன்' ரேஞ்சில் பவ்யமாக தோன்றும் சென்னையின் அண்ணாச்சி. 'இவர் உண்மைத்தமிழன்னா அப்ப நாங்க எல்லாம் போலித்தமிழனுங்களா?' என்று பல பதிவர்களை கேட்க வைத்து போராளி ஆக்குபவர். அனைவரிடமும் பண்பாக பேசும் மென்மனதுக்காரர். அதே நேரம் சாது மிரண்டால் காடு கொள்ளாது என்பதை போக்ரான் குண்டு பதிவின் வாயிலாக நிரூபித்தவர். அப்பதிவை படிக்க க்ளிக் செய்க: மேனே மாரா. மேனே மாரா.      

சிரிப்பு போலீஸ்: பதிவுகள் எப்படி காவியங்களாக மாறி தஞ்சை, மாமல்லை, உத்திரமேரூர் கல்வெட்டுகளில் பதியும் வண்ணம் தகுதி கொண்டதாய் அமைய வேண்டும் என்பதை கசடற கற்றவர். ராஜ்கிரனின் என் ஆச ராசாவே, எம்.ஜி.ஆரின் திருடாதே போன்ற சமூகப்படங்களை விட ரமேஷின் அறச்சீற்ற பதிவுகளை கண்டு அடுத்த மைக்ரோ செகண்டே திருந்தி அருவாள் சீட்டுக்கட்டு போன்றவற்றை கீழே போட்டு மூட்டை தூக்கி உழைக்க ஆரம்பித்த விளிம்பு நிலை மனிதர்கள் ஏராளம். அதில் இணையற்ற புரட்சியை செய்த பதிவென்று இதை சொல்லலாம்: நினைத்தாலே இனிக்கும்       

சென்னை பித்தன்: 

                     
அடையாறின் அல்டிமேட் ஸ்டார். பரபரப்பான தலைப்பை வைத்து ஆட்களை இழுக்கும் வசிய மருந்தை வைத்திருக்கும் ஹோல் சேல் டீலர். வரலாறு படத்தில்  அஜித்தின் அப்பாவாக நடிக்க கிடைத்த வாய்ப்பை துச்சமென தூக்கி எறிந்தவர். 'வேணும்னா அஜித்தை எனக்கு அண்ணனா நடிக்க சொல்லுய்யா' என்று அதிரடியாய் சொன்ன ரியல் யூத். சில நாட்களுக்கு முன்பு ஸ்கார்பியோ காரை வலது கால் சுண்டுவிரலால் தூக்கி கடாசி நிலமதிர வைத்த பில்லா. அதன்பொருட்டு ஏற்பட்ட லேசான சுளுக்கினால் ஓய்வில் உள்ளார். ஊழல் அரசியல்வாதிகளின் முகத்திரையை கிழிக்க மிஸ்டர் சென்னை அவர்கள்  விரைந்து வீறுநடை போட வாழ்த்துவோம்.

நாய் நக்ஸ் நக்கீரன்:  

                                                                   
மிஸ்ட் கால் குடுத்தே ரத்தக்காவு வாங்கும் ரவுசு பார்ட்டி எங்கள் நக்ஸ் மாமா.  200 ரூபாய் மட்டுமே மொபைல் பில் கட்டிக்கொண்டிருந்த என்னை(இன்னும் பலரை) 700 ரூவாய் கட்ட வைத்து வீட்டில் உண்டைக்கட்டி  வாங்கித்தந்த சிதம்பரம் ஆதீனம் இவர். ஆனால் பாசம் என்று வந்துவிட்டால் ஆறு கிலோ அன்பை அக்குளில் அள்ளிக்கொண்டு வந்து  அரவணைத்து அளவளாவுவதில் அண்ணனுக்கு நிகரில்லை. ஒரே படத்தில் உலகையே பேச வைத்த பவர் ஸ்டார் போல வலைப்பூ என்ற பெயரில் ஒன்றை கடனுக்கு தொடங்கி ஓவர்நைட் எவர் ஸ்டார் ஆன அன்னாரின் வலைப்பூ: எங்க மாமா நக்ஸ்.

சிராஜுதீன்:       

                                                                   
அரசியல் சாணக்யரும், பதிவுலக 'சோ'வுமான ரஹீம் கஸாலியின் சிஷ்ய பிள்ளை. ஐந்து நிமிடத்திற்கு மேல் யாராவது மொக்கை போட்டால் மறுகணமே பெருங்குறட்டை விட்டு தூங்கவல்ல வரம் பெற்றவர். பதிவுலகில் சிலசமயம் மட்டுமே தலைகாட்டுபவர். அந்த அரிதான நேரங்களில் எல்லாம் ரத்த சரித்திரம் படைக்காமல் போவதில்லை இந்த டீக்கடைக்காரர். குறைந்தது பத்து பேர் சட்டையையாவது கிழித்து விட்டு தனது சட்டையையும் கிழித்த பின்பே மறுவேலை பார்க்கும் மகான். வலது கை குடுப்பது வலது கைக்கே தெரியாத அளவிற்கு தானம் தருவதில் தர்மர். வள்ளல் பாரி..வீ ஆர் சாரி. அன்னாரது வலைப்பூ: வடைபஜ்ஜி.  

கலைஞர்:  

                                                                         
லாஸ்ட் பட் நாட் லீஸ்ட். இணையத்தில் புதிதாக களமிறங்கி இருக்கும் 'இணையப்போராளி'... தி ஆர்டிஸ்ட்(கலைஞர்). உ.பி.க்கள் அல்லாதவர்களை இணையப்போராளிகள் என்று கலாய்த்த கழக கண்மணிகள் வாங்கிய பெனால்டி கிக் இது. இனி நமக்கு தினம் தினம் தீபாவளிதான்!!   
............................................................................                                                                      

......................................................
சமீபத்தில் எழுதியது:

தேவுடு சேசின மனுஷுலு - விமர்சனம் 
.......................................................


Wednesday, August 15, 2012

Ek Tha Tiger


                           
அமீர், ஷாருக் இருவரையும் விட தற்போது முன்னணியில் இருக்கும் கானான சல்மானின் ஆக்சன் கம் ரொமாண்டிக் காம்போதான் இந்த ஏக் தா டைகர். இந்த முறை சல்லு பாய் மிக ரிச்சாக களமாடி இருக்கிறார். ரம்ஜான் மற்றும் சுதந்திர தினச்சிறப்பு ரிலீஸ் என்பதால் அதையொத்த  அம்சங்களுக்கும் பஞ்சமில்லை. வெளிநாட்டு நிலப்பரப்புகளில்தான் படம் பிடிப்பேன் என்று படத்துக்கு படம் அடம் பிடிக்கும் கபீர் கானின் மூன்றாவது இயக்கம். முந்தையவை காபுல் எக்ஸ்பிரஸ் மற்றும் நியூயார்க். ஹிந்தி சினிமா அனுராக் காஷ்யப், திபாகர் பேனர்ஜி போன்றோர்களால் வேறு கட்டத்திற்கு சென்று கொண்டிருக்க பிரபுதேவா மாதிரி இயக்குனர்கள்  மசாலாப்பட ரசிகர்களை தக்கவைத்து கொள்ள ரவுடி ராத்தோர்களை கோதாவில் இறக்கினால் கபீர் கான் டைகரை வைத்து வித்தை காட்டி இருக்கிறார்.   

இந்திய உளவுத்துறை 'ரா'வின் ரகசிய ஏஜென்ட்தான் டைகர். இரான், அயர்லாந்து, கஜகஸ்தான் என்று பல்வேறு தேசங்களுக்கு சென்று தனக்கு தரப்படும் வேலையை செய்து முடிப்பவர். இந்தியாவின் திறமை வாய்ந்த  விஞ்ஞானி ஒருவர் அயர்லாந்தில் இருப்பதாகவும், பாகிஸ்தானை எதிர்த்து தாக்கும் ஆன்ட்டி மிஸைல் பற்றிய தொழில்நுட்பம் தெரிந்தவர் அவ்விஞ்ஞானி என்றும் உயரதிகாரி கிரீஸ் கர்னாட் தெரிவிக்கிறார். பாகிஸ்தானின் உளவாளிகளிடம் ஏவுகணை ரகசியத்தை அவர் தெரிவித்து விட வாய்ப்பு இருப்பதால் தீவிரமாக கண்காணிக்க அத்தேசம் செல்கிறார் சல்மான். மறுபக்கம் பாகிஸ்தானின் ஐ.எஸ்.ஐ.உளவாளிகள் ஹீரோவை குறிவைத்து துரத்த 'அட..தட தட எக்ஸ்பிரஸ்தான் இப்படம் என்று எண்ணிய ரசிகர்கள் வாயில் பெவிகாலில் செய்த சிறப்பு பிரியாணியை வைத்து அடைக்கிறார் கபீர் கான் - தி டைரக்டர்.  

'உளவுத்துறை அளவுக்கு நான் ஒர்த் இல்லீங்க' என்று கொஞ்ச நேரத்திற்கு பின் காத்ரீனா கைபுடன் 'என்ன விலை அழகே?' மூடுக்கு சென்று விடுகிறார். அதன் பின் ரா மற்றும் ஐ.எஸ்.ஐ. இரண்டுமே இந்த ஜோடிகளை மூர்க்கமாக விரட்ட ஆரம்பிக்கிறது. இந்த லட்சணத்தில் 'இவ்விரு துறையும் ஒன்றாக சேர்ந்து ஒரு காரியம் செய்கிறார்கள் என்றால் அது இக்காதலர்களை விரட்டுவதுதான்' என்று பின்னணி குரலில் புல்லரிக்கிறார் ஒருவர். ஒரு வசனம் மட்டும் சிரிக்க வைக்கிறது. காத்ரீனா 'உனக்கு கல்யாணம் ஆயிடுச்சா?'..சல்மான் 'ஏன்? முதல்ல எனக்கு கேர்ள் பிரண்ட் இருக்கான்னு கேக்க மாட்டியா?'....கத்ரினா 'உன் வயசுக்கு அதெல்லாம் ரொம்ப ஓவர்'. கரெக்ட்தான். டைகரின் முகத்தில் லேசாக முதுமை எட்டிப்பார்க்கிறது. பாடல்களில் மட்டும் பெரும் பேரழகியாக தெரியும் காத்ரீனா க்ளோஸ் அப்களில் மனதை கவ்வவில்லை.    

பல்வேறு தேசங்களை பக்காவாக படம்பிடித்துள்ளது அசீமின் கேமரா. பாடல்கள் எதுவும் சரிப்படவில்லை.  கிராபிக்ஸ் உதவியுடன் கட்டிடங்களுக்கு இடையே தாவும் காட்சியில் காத்ரீனா க்ளாப்ஸ்களை அள்ளுகிறார். உலக நாடுகள் அனைத்தும் ஆட்களை வைத்து விரட்டினாலும் எவர் கைகளிலும், துப்பாக்கி தோட்டாக்களிலும் அகப்படாமல் ஜோடிப்புலிகள் ஓடும் ஓட்டத்தை என்னன்னு சொல்ல? வழக்கம்போல இந்த படத்தையும்  100 கோடி வசூல் தந்துவிட்டுதான் மறுவேலை பார்ப்போம் என்று சல்மான்/காத்ரீனா/மசாலா விரும்பிகள் முடிவு செய்துவிட்டால் தடுப்பார் யார்?   
          
ஏக்  தா டைகர் - மசாலாப்புலிளி
............................................................................

.................................................
சமீபத்தில் எழுதியது:

அட்டகத்தி - விமர்சனம் 
..................................................
..............................
My other site:
agsivakumar.com
..............................
                                          

Tuesday, August 14, 2012

தி கிரேட் கிரிகாலன் மேஜிக் ஷோ



இப்பதிவை படிப்பதற்கு முன்பு தயவு செய்து இக்காணொளியை பார்க்குமாறு கேட்டுக்கொள்கிறேன்.பெருஞ்சூரியனின் டெஷோ உள்ளிட்ட பல வித்தைகளுக்கு இதை விட ஒரு சிறந்த எடுத்துக்காட்டு ஏதுமில்லை என்பது திண்ணம்.

காணொளி: தி கிரேட் கிரிகாலன் மேஜிக் ஷோ 

ஆறாவது நிமிடத்தில் வரும் காட்சி சாலப்பொருத்தம். மேஜிக் ஷோவிற்கு வந்த கூட்டத்தை பார்த்து கண் கலங்கியவாறு வடிவேலு “இந்த கிரேட் கிரிகாலன் மேஜிக்கை பாக்க எவ்ளோ கூட்டம் பாத்தியா. ஏன் மாப்ள கூட்டமே இவ்ளோ இருந்தா கலக்சன் ஹெவியா இருக்கும்ல.”

மாதவன்: “கலக்சன் கறஞ்சிருச்சி மாமே”

வடிவேலு: “என்னடா சொல்ற?”

மாதவன்: “ஆட்டோ அடமானம் வச்ச காசுல தலைக்கு பத்து ரூவாய்ன்னு ஆளுங்கள கூட்டிட்டு வந்துருக்கேன். ஷோ நல்லா இருந்தா அவங்க பத்து ரூவா மேல போட்டு குடுப்பாங்க”

வடிவேலு: “நம்ம ஷோதான் நல்லா இருக்காதேடா. டே மாப்ள. குட்ட லெவலுக்கு எறங்குனாலே குமுற குமுற அடிப்பானுங்க. இப்ப கடல் லெவல்ல காலை விட்டுருக்கேன். கதற கதற அடிப்பானுங்களேடா”

ஆடியன்ஸ்: “யோவ். ஆரம்பிய்யா சீக்கிரம்”.

வடிவேலு(ஆவேசமாக): “ஆரம்பிக்க தெரியாமதானடா அலை மோதிட்டு இருக்கேன்.”

ஷோ ப்ளாப் ஆனதும் அழுதவாறு வடிவேலு: "கிரிகாலா..ஒடம்ப இரும்பு  ஆக்கிக்கடா. அடை மழை ஆரம்பிச்சி வெளுத்து வாங்கப்போவுது"

‘என்னய்யா இது...எல்லாம் மேல இருக்குறவன் பாத்துப்பான்’ கதை மாதிரி ஈழப்பிரச்சனைக்கு எங்க த்ரீ டாமில் அறிஞர் தான் காரணம்னு சொல்லிட்டே இருக்கீங்க. கட்டிலுக்கு கீழ ஒருத்தர் இருக்கார். அவர் கிட்ட பாதி பொறுப்பை ஒப்படைங்கடா’ என இப்போது ஆட்காட்டி விரலை பிரபாகரன் பக்கம் திருப்பி விட்டுள்ளனர் இணைய உ.பி.க்கள்.

வைகோ ஒரு காமடி பீஸ். சீமான் ஒரு சிரிப்பு போலீஸ் என்று வியாக்கியானம் சொல்வதெல்லாம் இருக்கட்டும். முதலில் இலங்கை தமிழர்கள் உங்கள் தானைத்தலைவனின் ஷோ குறித்தது என்ன நினைக்கிறார்கள் என்று கேட்டுப்பார்த்தீர்களா? “ராஜபக்சேவை நம்பினாலும் நம்புவோம். லைவ் வள்ளுவரை நம்பவே மாட்டோம்” என்று கூறியுள்ளனர். ஆதாரம் ஆனந்த விகடன்(உங்கள் மனசாட்சியையும் சேர்த்து கொள்ளவும். ‘ல’ இல்லை ‘ள’). எவ்வளவு பெரிய துரோகத்தை செய்துவிட்டோம் என்கிற கூச்சம் கொஞ்சம் கூட இல்லாமல் உங்கள் தலதான் ரக ரகமாக மேஜிக் ஷோ நடத்தி கொண்டு இருந்தால், இணையத்தில் அவரையே டேக் ஓவர் செய்யும் அளவிற்கு யோசிக்கிறீர்களே?

உங்களுக்கு கைக்கு வாக்கா ஏதாச்சும் தந்தே தீரணுமே. இந்த துணை பிரதமர், துணை முதல்வர் மாதிரி துணை இளைஞர் அணி தலைவர் பதவி தந்தா கொஞ்ச நாளைக்கி உங்க இம்சைல இருந்து நாங்கெல்லாம்  தப்பிக்கலாம் போல.
................................................................................




Monday, August 13, 2012

ஸ்பெஷல் மீல்ஸ்(13/08/12)


ராஜபார்ட் ரங்கதுரை:

எங்கே  மத்திய மற்றும் மாநில அரசுகளின் தடைகளால் டெசோ நடக்காமல் போய் விடுமோ என்ற வருத்தம் கழக தலைமையை விட வீக்கெண்ட் பொழுதுபோக்கிற்கு சினிமா டிக்கட், ஒலிம்பிக் இறுதி நாள் போட்டிகள் ஒளிபரப்பு என அனைத்தையும் உடப்பில் போட்டுவிட்டு காத்திருந்த சாமான்யர்களின் மனதில் தேனை வார்த்தது நீதிமன்ற தீர்ப்பு. சால்ட் அண்ட் பெப்பர் லுக் மீசையுடன் தொல்.திருமா அடித்த ஜால்ராவில் செவுலு அவுலு விட்டுக்கொள்ள, ‘அண்ணே,அக்கா’ என்று வெளிநாட்டு ஜூனியர் ஆர்டிஸ்ட் ஒரு பக்கம் இதயத்தை சொறிய....பலே பேஷ்.

தேவி பேரடைஸ் கப்பாகுட்டி அளவிற்கு பிரம்மாண்ட ஷோ காட்ட முடியாடிவினும், பேபி ஆல்பர்ட் பகல் காட்சி அளவில் கலைஞர் அரங்கிலாவது டெஷோ காட்ட உ.பி.க்கள் பட்ட பாடும் கொஞ்சமா நஞ்சமா? எப்படியோ மாநாடு நடந்தேறிவிட்டது. ஆனால் ஷோ முடிந்து இவ்வளவு நேரமாகியும், இன்று மதியம் வரை ஈழம் மலரவில்லை என்று அங்கலாய்க்க வேண்டாம் சகோதரர்களே. அ.தி.மு.க. ஆட்சியில் உதயசூரியனுக்கு 15,000 மெகாவாட் மின்சாரம் தராமல் இருட்டடிப்பு செய்துவிட்டதால் சூரிய ஒளியின் தாக்கம் வெகு குறைவாக உள்ளது. அதை கேட்க வேண்டியது ஐ.நா. சபையின் பொறுப்பு. மாநாட்டின் மொத்த தொகுப்பும் சிரிப்பொலியில் மறுக்கா ஒளிபரப்பு செய்யப்படும் என்பதை இந்நேரத்தில் சொல்லிக்கொள்ள கடமைப்பட்டு இருக்கிறோம். 
..........................................................................



Julayi(Telugu) :
பலகோடி ரூபாய் பேங்க் பணத்தை கொள்ளையடிக்கும் கும்பலை அதிபுத்திசாலியான ஸ்டைலிஷ் ஸ்டார் அல்லு அரவிந்த் எப்படி மடக்குகிறார் என்பதே ஒரே லைன். பல நாள் பட்டினி கிடந்ததுபோல் இலியானாவின் தோற்றம், ஒரே மூவ்மெண்டை படத்தில் பல்வேறு பாடல்களுக்கு தரும் அல்லு, தேவி ஸ்ரீயின் வெகு சுமாரான இசை. எல்லாம் இம்சை. ஒவ்வொருமுறையும் திருடி பிடிபடும் கேரக்டரில் பிரம்மானந்தம் பிரமாதம். வில்லன்களின் தவறுக்கு ஒரே சாட்சியான அல்லுவை வேறு ஊருக்கு போலீஸ் அனுப்பி வைக்கையில் துபாய் மாதிரி வேற நாட்டுக்கு அனுப்புங்க சார் என்னை என அல்லு கூற அதற்கு துபாயா? நீ செல்லப்போவது ஹைதராபாத் என்கிறார் போலீஸ். பக்கத்து ஊருக்கு அனுப்பறதுக்கு விட்னஸ் ரீலோக்கேஷன் ப்ரோக்ராம்னு பெருசா பேரு வேறயா?” வசனம் கலகலப்பு. ஆரம்பத்தில் சுமாராக சென்ற படம், இடைவேளைக்கு பின் என்னை நித்திரைக்கு உட்படுத்த ஆரம்பித்தது. புளித்து போன க்ளைமாக்சை பார்த்துவிட்டு ஒருவழியாக ரிலீஸ் ஆனேன்.
............................................................................

இந்தியன்:
காந்திக்கு பிறகு சிறந்த பத்து இந்தியர்கள் பற்றிய சர்வேவை அவுட்லுக் ஆங்கில இதழ் தனது சுதந்திர தின கவர் ஸ்டோரியில் வெளியிட்டு உள்ளது. காந்திக்கு பிறகு அம்பேத்கர்தான் என வாக்குகள் விழுந்துள்ளன. டெண்டுல்கர் எட்டாவது இடத்தில். ஜெய் ஹோ!! 
............................................................................

புது வசந்தம்:

‘திடங்கொண்டு போராடு’ எனும் வலைப்பூவில் கடந்த ஆறுமாதங்களாக எழுதி வருகிறார் சென்னையின் இளம் பதிவர் சீனு. இவர் எழுதியதில் எனக்கு பிடித்த பதிவிற்கான லிங்க்: 'அக்கா கடை'
...........................................................................

கர்ணன்:

                                                                        
சென்னை பதிவர் சந்திப்பில் வேடியப்பன் அவர்களின் புத்தக கண்காட்சியும் இடம் பெறுகிறது. அனைத்து புத்தகங்களும் 90% தள்ளுபடியில் தரப்படும் என்று அவர் அறிவித்து இருப்பதாக செய்திகள் வந்த வண்ணம் இருக்கின்றன. வாசிப்போரை ஊக்குவிக்க வேடியப்பனின் இத்தகு ஈர மனம் கொண்ட செயல்களால் இதயம் நெகிழ்ந்து, மனது கொக்குகிறது.
..................................................................................

Gangs of Wasseypur - 2:

வாசெபூரில் நடக்கும் கொள்ளைகள், பழிவாங்கல்கள் போன்றவற்றை ஒரு டாகுமெண்டரி போல தொடங்கி ஏகப்பட்ட பாடல்களுடன் முதல் பாகம் எடுக்கப்பட்டது. எண்ணற்ற கிளைக்கதைகள் மற்றும் படத்தின் நீளம் அதிகமாக இருந்ததாலும் சற்று அயர்ச்சியை தந்தது பாகம் ஒன்று.

சர்தான் கானின் மகன் பைசலாக நவாஸுதீன், அவர் மனைவி மோசினாவாக ஹுமா, ரீமா சென் மகன் டெபனிட் ஆக ஜெய்ஷான் ஆகியோரின் நடிப்பு மிகச்சிறப்பு. இரு கேங்குகளுக்கு இடையே ஏற்படும் துப்பாக்கி சண்டைகள், துரத்தல்கள் எல்லாம் கண்ணெதிரில் நடக்கும் சம்பவங்கள் போல் படமாக்கப்பட்டு உள்ளன. பகலில் பைசல் எதிரிகள் சிலரை சுட்டுத்தள்ளும் காட்சிகள் கண்டிப்பாக இதய பலகீனம் கொண்டவர்களுக்கு அல்லவே அல்ல. குறிப்பாக இறுதியில் தன் தந்தையை கொன்றவனை ரத்தம் சொட்ட சுடும் காட்சி வயலன்சின் உச்சம். முதல் பாகம் போலவே இதிலும் ரசனையான பாடல்கள் படம் நெடுக. அனைத்தும் ஓரிரு நிமிடங்கள் மட்டுமே. அனுராக் காஷ்யப் எனும் அனாசய படைப்பாளியின் அதிரடி முத்திரை இத்திரைப்படம்.
......................................................................................

யுத்தம் செய்:
தங்கம் வெல்ல முடியாவிடினும், முன்னெப்போதும் இல்லாத அளவிற்கு ஆறு பதக்கங்களை ஒலிம்பிக்கில் வென்றுள்ளது இந்தியா. தங்கம் வெல்ல அருமையான வாய்ப்பு இருந்தும் மல்யுத்த வீரர் சுஷில் குமாரின் உடல்நிலை ஒத்துழைக்காததால் வெள்ளியோடு திருப்தி அடைய வேண்டியதானது. இறுதிப்போட்டிக்கு முன்பு மூன்று முறை வாந்தி எடுத்து வயிற்றுப்போக்கால் பாதிக்கப்பட்டார் சுஷில். இரண்டு ஒலிம்பிக் போட்டிகளில் பதக்கம் வென்ற ஒரே இந்தியர் என்ற பெருமையும் இவருக்கு கிடைத்துள்ளது.
..........................................................................................

பொக்கிஷம்:
டி.எம்.எஸ்ஸின் குரலுக்காக 'மட்டுமே' இப்பாட்டை கேட்கத்தோன்றுகிறது.


............................................................................................




Related Posts Plugin for WordPress, Blogger...