CINEMA SHOULD MAKE YOU FORGET YOU ARE SITTING IN A THEATER – ROMAN POLANSKI

Tuesday, July 31, 2012

ஸ்பெஷல் மீல்ஸ் (31/07/12)


தெய்வத்திருமகள்:
         
   
நேற்று மாலை எதேச்சையாக ஒலிம்பிக் போட்டிகளை காண நேர்ந்தபோது ஒற்றைக்கையுடன்  ஒரு பெண் டேபிள் டென்னிஸ் ஆடியதை கண்டு லேசாக அதிர்ந்தேன். அங்கக்குறைபாடு உள்ளவர்களுக்கு தனியே ஒலிம்பிக் போட்டிகள் இருப்பினும் அதை தவிர்த்து   பொதுப்பிரிவில் வெல்வதே தனக்கு பெருமை என போலந்தின் பார்டிகா வீராங்கனை ஆடியது சிறப்பு. நன்றாக ஆடினாலும் போராடி தோற்றுவிட்டார்.பிறவியிலே வலது கை இல்லாவிடினும் சிட்னியில் 2000 ஆம் ஆண்டு நடந்த  பாராலிம்பிக் போட்டியில் தங்கம் வென்றிருக்கிறார். 
..................................................................................

சுப்ரமணியபுரம்:
சென்னை முன்னாள் மேயர் சுப்ரமணியம் மாநகரின் முக்கிய சாலைகளில் போஸ்டர் ஒட்ட தடைவிதித்ததோடு, அழகிய பண்பாட்டு ஓவியங்களை தீட்டி பெருமை சேர்த்தார். சகட்டுமேனிக்கு போஸ்டர்களால் நாறிய சாலைகள் அதன்பின் அழகுடன் காட்சி அளித்தன. எப்போது மெட்ரோ ட்ரெயின் வேலைகள் துவங்கியதோ அப்போது பிடித்தது கெரகம். மெட்ரோ தடுப்புகள் முழுதும் கட்சி பேதமின்றி போஸ்டர் ஒட்டி குலத்தொழிலை செம்மையாக நடத்தி வருகின்றனர் அடிப்பொடிகள். லைவ் மேயர் சைதை துரைசாமி இதை இன்னும் கண்டு கொள்ளாமல் இருப்பது சரியல்ல. இந்த கொடுமைக்கு முடிவு கட்டினால் அவருக்கு  'சுவர் காத்த கவர்மெண்டே' என்று 5,000 போஸ்டர் ஒட்டுவேன் என்று திண்ணமாக கூறுகிறேன்.
...................................................................................


வெங்காயம்:
சமீபத்தில் ராயப்பேட்டை சத்யம் தியேட்டர் காம்பளக்ஸில் இருக்கும் இட்லி-தோசா உணவகத்திற்கு நண்பர் மகேஷுடன் முதன் முறை விசிட் அடித்தேன். கிட்டத்தட்ட பிற ஹோட்டல்களில் உள்ள விலைதான். தோசை மட்டும் அதிக விலை (சாதா தோசை 60 ஓவாய்). ஒரு கிளாஸ் மோர் ரூ. 30. ஆனால் ருசி திவ்யம். ஆளுக்கொரு ஆப்பம் ஆர்டர். தொட்டுக்க உள்ளித்தீயல் எனும் வஸ்துவை தேர்ந்தெடுத்தார் நண்பர். கேரளா ஸ்பெஷலாம். ருசிபார்த்த மறுகணம் 'எங்கள் ஊர் உள்ளித்தீயல் ருசியில் 20% கூட இல்லை' என்று கொதித்தார். சர்வரை அழைத்து 'இது காரக்கொழம்பு. யார ஏமாத்தறீங்க?'  என்றவரிடம் 'சார் எனக்கு இது பத்தி எதுவும் தெரியாது. இந்தாங்க பீட்பேக் பார்ம். இதுல எழுதுங்க' என்று சொல்லிவிட்டு எஸ்கேப் ஆனார் சர்வர். வாயில் நுழையாத பேரை ஆகாரத்திற்கு வைத்து என்னமா ஏமாத்தறாங்க. மற்றபடி சமையல் செய்யுமிடம் தனியே இன்றி கண்ணெதிரிலேயே இருப்பது நன்று. வெரைட்டி குறைவுதான். தரம் பேஷ்!!
............................................................................     

ICE AGE - 4:
முந்தைய பாகங்களில் இருந்த ஈர்ப்பு இதில் இல்லையென்றே சொல்லலாம். அனிமேஷன் படங்களின் தீவிர ரசிகனான நான் முதன் முதலில் கொட்டாவி விட்டு பார்த்த படம் இதுவாகத்தான் இருக்கும். அற்புதமான கிராபிக்ஸ். தரமான த்ரீ டி எல்லாம் சரிதான். ஆனால் பெரிய பனிக்கட்டியில் பயணிக்கும் யானை, சிங்கம் போன்றவற்றை வில்லன் குரங்கு தனது படையுடன் பழிவாங்க முனைவதை காட்டியே சலிப்பேற்றினர். ஆவரேஜ் படம்தான்.
.....................................................................................

நாடோடிகள்:
சென்னையின் அடையாளமாக திகழும் குடிசைவாழ் மக்களில் பலரை பெருநகர வளர்ச்சிப்பணி எனும் காரணம் காட்டி புறநகருக்கு துரத்தியாகிவிட்டது. அதன் தொடர்ச்சியாக அண்ணாசாலை ஒட்டியுள்ள கிரீம்ஸ் ரோடு மக்கிஸ் கார்டன் பகுதி ஏழை மக்களையும் நகரம் கடத்த திட்டம் நடக்கிறதென செய்திகள் வருகின்றன. அங்குள்ள அதிபிரபல மருத்துவமனை அரசாசியுடன் செவ்வாய் தோறும் குடிசைகளுக்கு தீ வைத்து பாட்டாளிகளை விரட்ட பார்க்கிறதாம். மேயர் சைதை துரைசாமியிடம் கேட்டதற்கு 'அவர்களை சுகாதாரமாக வாழ வைக்கவே  புறநகருக்கு போகச்சொல்கிறோம்' என்று சொன்னாராம். ஏன் அம்மாம்பெரிய ஆஸ்பத்திரி அவர்கள் மேல் கரிசனம் கொண்டு மாநகராட்சியுடன் இணைந்து சேவை செய்தால் நோயற்ற வாழ்வை தர முடியுமே. டாக்டர் பட்டம் வாங்குன டொட்டடோய் தலைவர்கள் எல்லாம் எங்கய்யா போனீங்க?
.........................................................................................


தங்கப்பதுமை:



ஒலிம்பிக்கில் ஒரே ஒரு வெண்கலம் வெல்லவே பலர் முட்டி மோதிக்கொண்டு இருக்க, தொடர்ந்து ஐந்து  ஒலிம்பிக்களில் பங்கேற்று அனைத்திலும் பதக்கங்கள் வென்றுள்ளார் அமெரிக்காவின் துப்பாக்கி சுடும் வீராங்கனை கிம்பெர்லி ரோட். 96 - தங்கம், 2000 - வெண்கலம், 2004 - தங்கம், 2008 - வெள்ளி. 2012 - தங்கம். அசாத்திய சாதனை!!
........................................................................................      

காத்திருந்த கண்கள்:
 'பதிவுங்கற பேருல கொசகொசன்னு எழுதி கொல்லுறானே மனுஷன். நேர்ல சிக்கட்டும். மண்டைய ஒடச்சி மாவிளக்கு ஏத்திட்டுதான் மறுவேளை' என்று மனக்குமுறலுடன் காத்திருக்கும் கெடா மீசைக்காரர்களே...நீங்கள் கொலைவெறியுடன் தேடிவரும் நபர்களில் சிலரை காண  இதோ ஒரு அரிய வாய்ப்பு. ஆகஸ்ட்  26 ஆம் தேதி சென்னையில் பதிவர் சந்திப்பு நடைபெறவுள்ளது. அருவாளை தீட்டி வைத்துக்கொள்ளுங்கள். ஜெய் ஜக்கம்மா!! மேலும் விவரங்களுக்கு madhumathi.com.
.........................................................................................

பிடிச்சிருக்கு:
ஆடி மாத விழா குறித்த செய்திகளையும், புகைப்படங்களையும் பகிர்ந்து கொண்ட நண்பர் கவிதை வீதி சௌந்தரின் பதிவுதான் சமீபத்தில் நான் படித்ததில் பிடித்தது. ஊர்க்காவல் படையில் பணியாற்றுபவர் தோழர் சௌந்தர் என்பது சிறப்பு செய்தி. படிக்க கிளிக் செய்க: கவிதை வீதி சௌந்தர்.
.........................................................................................

சுயேட்சை எம்.எல்.ஏ:
நண்பர்களே காவிரி நீர், காஷ்மீர் பார்டர், கப்பக்கிழங்கு விலை உயர்வு போன்ற பல பிரச்னைகளுக்கு குரல் கொடுத்து நாடாளுமன்றத்தையே நடு நடுங்க வைக்கும் இந்த வலைப்பூ உகாண்டா, ரியல் மாட்ரிட், தெலுங்கானா ஆகிய அயல் நாட்டு மக்களிடமும் சென்று சேர இன்ட்லி மற்றும் யுடான்ஸ் திரட்டியில் ஓட்டு  போடுங்கள். இதன் மூலம் சொர்க்கத்தில் தனி ஏசி ரூம், ரம்பா/மேனகை நடனம், ஒருவருட புஷ்பக விமான டிக்கட் ஆகிய காம்போ பேக் பரிசுகளை வெல்லுங்கள்.

நண்பர்களே இப்பதிவை யுடான்சில் இணைத்துவிட்டேன். ஆதாரம் கீழே:


   
நண்பர்களே இப்பதிவை யுடான்சில் இணைத்துவிட்டேன். ஆதாரம் மேலே. இது எனது 500 வது திரட்டி இணைப்பாகும். இதற்கான பாராட்டு விழா விரைவில் கத்திப்பாரா மேம்பாலத்தின் நடுவே கனஜோராக நடக்க உள்ளதென்பதை நினைக்கையில் உள்ளம் உய்யலாலா ஆடுகிறது.                                                           
..........................................................................................

பசி:
இதுவரை பார்க்காமல் தவறவிட்ட தமிழ் சினிமாவின் கிளாசிக் படங்களின் லிஸ்டில் 'பசி'யை முதலில் கண்டேன் அண்மையில். சரிதா, சுஜாதா, சாரதா வரிசையில் மறக்க முடியாத பெயர் ஷோபா. சென்னையின் சேரிவாழ் மக்களை மையமாக கொண்டு எடுக்கப்பட்ட படம். மெட்ராஸ் பாஷை பேசும் கேரக்டர்கள் எத்தனை படங்களில் வந்திருப்பினும் பசிதான் மாஸ்டர் பீஸ். விஜயன், டெல்லி கணேஷ், பசி சத்யா, தாம்பரம் லலிதா முதல் ஒவ்வொரு கேரக்டரும் சோக்கா பேசிக்கீறாங்க. இயக்குனர் துரைக்கு சபாஷ்கள் பல.

தேசிய விருதுக்கான போட்டியில் டெல்லி கணேஷ் மற்றும் ஷோபா இருவரும் தேர்வு செய்யப்பட்டு இறுதியில் ஷோபா வென்றாராம். 'பசி' பார்த்ததில் அவ்விருதுக்கு 100% தகுதியானவர் என்றே தெரிந்தது. அனாசய நடிப்பு அம்மணியிடமிருந்து என்னமாய் வருகிறது. உதாரணம்: குப்பை பொறுக்கும் ஷோபாவிற்கு பெட்டிக்கடையில்  குளிர்பானம் வாங்கித்தருகிறார் விஜயன். அப்போது சிணுங்கியவாறு: "தே...எனக்கு என்னமோ வெக்கமா இருக்கு. நா போறேன்" என்று சொல்லும் காட்சி. அதுபோல பிரியாணி சாப்பிடும்போது விஜயனை பார்த்து '' நீ குந்தினு இருந்தா என்னால துன்ன முடியாது" எனச்சொல்லுமிடம் . இனி இப்படி ஒரு நடிப்பை காண்பதென்பது அபூர்வம்தான். 'நானும் மெட்ராஸ் ஸ்பெஷல் பாஷையில் படமெடுக்கிறேன்" என்று கிளம்பும் கோடம்பாக்க கோமகன்கள் 'பசி'யை பலமுறை பார்த்து பாடம் படித்துவிட்டு படமெடுக்க வேண்டும்.



அடுத்து பார்க்க உள்ள படம் - பாலுமகேந்திராவின் 'வீடு'. சிறுவயதில் ஒரு முறை பார்த்த ஞாபகம். அப்போது பெரிதாக மனதில் பதியவில்லை. இம்முறை பார்க்கலாம்.
.............................................................................

...........................
My other site:
agsivakumar.com
............................
                                                                            

21 comments:

உலக சினிமா ரசிகன் said...

பசி...சூப்பர் ஹிட் படம்.
இந்தப்படத்தின் மெகா ஹிட் சுருளிராஜன்
காமெடிதான் என கோடம்பாக்கம் சப்பைக்கட்டு கட்டியது.

இப்படம் இந்தியிலும் எடுக்கப்பட்டது.
துரைதான் இயக்கினார்.ஷோபா ரோலை ஸ்மிதா பாட்டீல் பண்ணினார்.

கலக்குற சிவா...
நன்றி.

கோகுல் said...

தெய்வதிருமகள் தொடர்ந்து முன்னேற வாழ்த்துகள்

கோகுல் said...

வீடு நானும் நீண்ட நாளாக பார்க்கணும் என நினைத்திருக்கிறேன்

வீடு சுரேஸ்குமார் said...

@கோகுல் said...
வீடு நானும் நீண்ட நாளாக பார்க்கணும் என நினைத்திருக்கிறேன்
/////////////////////////
சென்னையில பார்த்தமே..தம்பி! மறந்திட்டீரா..?

பால கணேஷ் said...

பதிவர் சந்திப்பை நீங்க சொன்ன விதம் அசத்தல் சிவா. நானும் அருவாளோடயே வந்திர்றேன்.

மதுமதி said...

ஒவ்வொரு தலைப்பின் கீழ் செய்திகள் சுவாரஸ்யம்.மாற்றுத்திறனாளி வீராங்கணைக்கு வாழ்த்துக்களை தெரிவிப்போம்.அனைவரும் கட்டாயமொருமுறை பார்க்க வேண்டிய படம் தான் அது.

மதுமதி said...

ஜெய் ஜக்கம்மா..சுவை..

சங்கவி said...

மதிய உணவு சாப்பிட்ட உணர்வு...

கே.ஆர்.பி.செந்தில் said...

//தனி ஏசி ரூம், ரம்பா/மேனகை நடனம், ஒருவருட புஷ்பக விமான டிக்கட்//


ம்..க்கும் ...

"என் ராஜபாட்டை"- ராஜா said...

வழக்கம் போல மீல்ஸ் அருமை ..

"என் ராஜபாட்டை"- ராஜா said...

இன்று


Rs 2000 மதிப்புள்ள MiniTool Power Data Recovery Software இலவசமாக ...

மோகன் குமார் said...

பதிவுலக மீட்டிங் பத்தி நல்லா சொல்லுரீங்கையா டீடைலு ;

உங்களை படம் எடுத்து வச்சிருக்கேன். வெளி விட வேண்டாம்னா சத்யமில் என்னை படத்துக்கு கூட்டிட்டு போயிட்டு மதியம் சாப்பாடு வாங்கி தரனும் இல்லாட்டி உங்கள் படம் வெளியிடப்படும். விளைவுகளுக்கு நிர்வாகம் பொறுப்பல்ல

மோகன் குமார் said...

ஆகஸ்ட் முடியும் வரை முடி வெட்டாம, இப்போ இருக்க கெட் அப்பில் ஆகஸ்ட் 26-வாங்க சிவா ! நேயர் விருப்பம் !

ரமேஷ்- ரொம்ப நல்லவன்(சத்தியமா) said...

'வீடு'.//

im searching the movie long time

NKS.ஹாஜா மைதீன் said...

வணக்கம் சகோ...மீல்ஸ் ரொம்ப ஸ்பெஷல்...

MANO நாஞ்சில் மனோ said...

அருவாளை பார்சல் அனுப்பட்டுமா மக்கா...?

MANO நாஞ்சில் மனோ said...

பசி படத்தை பார்த்தானுகன்னாதான் தமிழ் சினிமா உருப்பட்டுருமே...? இவிங்க ஹாலிவூட் படம் பார்த்துட்டுல்லா மெட்ராஸ் பாஷை பேசுராணுக....விடுய்யா...!

விக்கியுலகம் said...

என்னா கண்ணு சோக்கா போட்டுகிறியே போஸ்டா....இன்னாபா ட்ரீட்டு கீட்டு கடியாதா...

Easy (EZ) Editorial Calendar said...

நல்ல பதிவு




நன்றி,
http://www.ezedcal. com (வலைப்பூ உரிமையாளர்களுக்கான தலையங்க அட்டவணை உருவாக்க உதவும் வலைதாளம். பயன்படுத்தி பயன்பெறுங்கள்)

ஜீ... said...

பசி பார்க்கணும் பாஸ்!
கூடவே வீடும் - என்ன அதற்கென்று ஒரு மூட் செட்டாக வேணும்!

வவ்வால் said...

//என்ன அதற்கென்று ஒரு மூட் செட்டாக வேணும்!//

ஜீ, ஒரு பாக்கெட் மூட்ஸ் வாங்கி கையில வச்சுக்கிட்டு டிரை செய்து பாருங்க :-))

--------
போஸ்டர் ஒட்டுறதை தடை செய்தால் ,அறிவாலயத்தின் பில்லா-2 வே என எங்க போஸ்டர் ஒட்டுவாங்களாம் ?

---
பசி,வீடு,சந்தியா ராகம் போன்றவை தூர்தர்ஷர்னில் அவ்வப்போது போடுவாங்க,நான் அதில் தான் பார்த்தேன், டிவிடி கூட இல்லை நினைக்கிறேன்.

பசி நல்லபேரு வாங்கிக்கொடுத்தாலும் வணிக ரீதியா நஷ்டம் எனக்கேள்விப்பட்டேன்.

துரை,அர்ச்சனா ஆகியோர் விருதுக்கமிட்டியில் இருப்பதால் தான் தமிழுக்கு ,அதிலும் பாலுமகேந்திரா
பள்ளியை சேர்ந்தவர்களுக்கு விருது கிடைக்குது.

Related Posts Plugin for WordPress, Blogger...