CINEMA SHOULD MAKE YOU FORGET YOU ARE SITTING IN A THEATER – ROMAN POLANSKI

Monday, October 3, 2011

FORCE


                                                                   
'தோஸ்தானா' படத்தில் அபிஷேக்குடன் சேர்ந்து 'அவனா நீ' கேரக்டரில் புகுந்து விளையாடிய ஜான் ஆப்ரஹாமை நீண்ட இடைவெளிக்குப்பின் காணும் வாய்ப்பு. தமிழில் இருந்து ரீமேக் ஆகும் ஹிந்திப்படங்களை காணும் ஆர்வமும் எனக்கு இருப்பதால், ஹிந்தி சிங்கம் பார்த்த பின் இப்போது FORCE. காக்க காக்க படத்தால் இன்ஸ்பயர் ஆகி இயக்கி உள்ளார் நிஷிகாந்த் காமத். இவர் எடுத்த படங்களை இதுவரை பார்க்காவிடினும் மராத்தியில் மெகா ஹிட் ஆன 'டொம்பிவிலி பாஸ்ட்'டின் ரீமேக்கான எவனோ ஒருவன் பார்த்திருக்கிறேன். FORCE ஹீரோயின் ஜெனிலியா, இசை ஹாரிஸ்.  

ரிலீசுக்கு சில நாட்களுக்கு முன் நாயகன் ஜான் அளித்த பேட்டியில் "சல்மான், அஜய் தேவ்கன் செய்றதெல்லாம் சினிமாத்தனமான ஆக்சன். இதுல நீங்க பாக்கப்போறதுதான் ரியல். இனிமே ஹிந்தி சினிமால ஆக்சன் ஹீரோன்னா அது நாந்தான்" என்று பில்ட் அப்பை ஏற்றினார். ஆனால் அவர் சொன்ன அளவிற்கு ரியல் ஆக்சன் காட்சிகள் பெரிதாக இல்லை. அதுக்கெல்லாம் என்னைக்குமே ப்ரூஸ்லீ, ஜாக்கிசான் மட்டுந்தான். ஜான், அர்னால்ட் மாதிரி 'பப்பரப்பே' பாடி வைத்திருக்கும் ஆட்கள் எல்லாம் எப்ப குனிஞ்சி வளைஞ்சி சண்ட போட்டுருக்காங்க. நாலு கைக்குத்தல் இல்லனா டுப்பாக்கி வச்சி சுடறது. இதுதான் இவங்ககிட்ட ஸ்டாக் இருக்கும். இதிலும் அவ்வாறே. 

மும்பை,கோவா, பஞ்சாப், குஜராத், இமாசலம்(ஸ்ஸ்ஸ்..) இப்படி நாடு முழுக்க நடக்குற போதைப்பொருள்(ள்) கடத்தலை ஒழித்துக்கட்ட புறப்படுகிறது ஜான் அண்ட் கோ. உடம்பில் கண்ட இடத்தில் எல்லாம் பச்சை குத்திக்கொண்டு நம்ம சரத்குமாரை விட நாலு இன்ச் அதிகமாக விரிந்த மார்புடன் என்ட்ரி தருகிறார் ஜான். முதலில் அவரை ஒதுக்கும் ஜெனீலியா பிறகு காதலை நெஞ்சுக்குள் பதுக்க முடியாமல் பொதுக்கென்று லவ்ஸ் கம்மாயில் இடறி விழுகிறார். சூர்யா, ஜோதிகா காக்க காக்க படத்தில் காட்டும் அழகிய 'ரொமாண்டிக் லுக்'கை  ஜான் ட்ரை கூட செய்யவில்லை. நீதாய்யா அக்மார்க் எந்திரன். ஜெனீலியாவின் துள்ளல் நடிப்பால் முதல் பாதி தப்பிக்கிறது. 

                                                                         
ஒரு சண்டைக்காட்சியில் பைக்கை கையால் தூக்கி MRF மாடல் போல போஸ் குடுக்கிறார் ஹீரோ. அது நம்பும்படிதான் இருக்கிறது. ஆனால் பைக்கை தூக்கி எதிரி மேல் வீசும்போது கிராபிக்ஸ் காட்டிக்கொடுக்கிறது. முதலில் சற்று டல்லடித்தாலும்,  இன்டர்வலுக்கு பின் FORCE ஆக நகர்கிறது. சூர்யாவுடன் நடித்த இளம்போலீஸ் க்ரூப் ரேஞ்சிற்கு இதில் யாரும் பெரிதாக சோபிக்கவில்லை. ஹாரிஸ் இசை..சுத்தம். 'உயிரின் உயிரே' அப்படியே இங்கு ரிப்பீட். அந்தப்பாடலில் 1% கூட லவ் ரியாக்சன் காட்டாமல் ஜெனீலியாவை ஒரு பக்கம் ஆடவிட்டு 'க்வாபோ க்வாபோ' என்று தனியாக கதறுகிறார் ஜான். அந்தக்கண்கொள்ளா காட்சியை பாக்கணுமா? இந்த லிங்க்கை அழுத்துங்க:

'ஓ மகாசியா ஓஹி யாஹோ...ஓஹி யாஹோ...' 

 மற்ற எல்லாப்பாடல்களும் ஏனோ தானோ. 'ஒரு ஊரில்' பாடலில் வரிகள், இசை, ஜோ என எல்லா அம்சமும் செம ப்ரெஷ் பீலிங்கை தரும். இன்று கேட்டாலும். அதையும் அங்கு தர மறுத்துவிட்டார் ஹாரிஸ்.     

எல்லாம் போகட்டும். அட்லீஸ்ட் ஜீவன் நடித்த ரோலில் யார் நடித்திருப்பது என்று ஆர்வத்துடன் காத்திருந்தால் விஷ்ணு எனும் பாத்திரத்தில் ஒருவர் வருகிறார். ஜான் ஆப்ரஹாமின் மினியேச்சர் மாதிரி. 'பாண்டியா'வாக பின்னிய ஜீவன் எல்லாரையும் திரும்பிப்பார்க்க வைத்தார். இவர் அந்த அளவிற்கு மனதில் நிற்கவில்லை. க்ளைமாக்ஸ் காட்சியில் ஹீரோவும், இவரும் சட்டையை அசட்டையாக கடாசி விட்டு பேர் பாடியுடன் மல்லுக்கு நிற்கின்றனர். நம்ம ஆளு ஜான் உருண்டு திரண்ட முரட்டுப்புலி போல உறும, பாவம் விஷ்ணு. அவருக்கு முன் புனுகுப்பூனையாக காட்சி அளிக்கிறார். நான்கு முறை ஓங்கிக்குத்தி விஷ்ணுவின் யூரின் டேங்க்கை உடைத்து கசாப்புக்கடை ஆட்டை போல கம்பியில் தொங்கவிட்டு 'ஆவ்..ஆவ்' என சில நிமிடங்கள் கர்ஜித்து விட்டு சாந்தி அடைகிறார் ஹீரோ.     

தமிழில் இருந்து ரீமேக் ஆகும் ஆக்சன் படங்களில் இருக்கும் முக்கிய வித்யாசங்கள் நான் பார்த்தவரையில்:

* தமிழ் ஹீரோக்கள் நடிப்பில் பாதியைக்கூட அங்குள்ள ஹீரோக்களால் வெளிப்படுத்த முடியவில்லை. அதேசமயம் இங்குள்ள ஹீரோயிசம் சற்று தூக்கல்தான். சில சமயங்களில் ஓவரும் கூட. ஆனால் அஜய் தேவ்கன்(சிங்கம்) மற்றும் ஜான் ஆப்ரகாம் போன்றவர்கள் கூடுமானவரை அடக்கி வாசிக்கிறார்கள்.

* தமிழ் படங்களில் சின்ன கேரக்டர்கள் கூட மனதில் நிற்கும் வண்ணம் பாத்திரத்தேர்வு இருப்பதுபோல் ஹிந்தியில் இல்லை.

* பொதுவாக தமிழை விட ஹிந்திப்பாடல்கள் கேட்கத்தூண்டும் வகையில் இருக்கும். ஆனால் ரீமேக் என்று எடுத்துக்கொண்டால் பாலிவுட் சொதப்புகிறது.    


FORCE - முரட்டுத்தீனி 
................................................................


.................................
My other site:

agsivakumar.com
.................................


சமீபத்தில் எழுதியது:


.................................




9 comments:

ரமேஷ்- ரொம்ப நல்லவன்(சத்தியமா) said...

Force ...

MANO நாஞ்சில் மனோ said...

முதல் சினிமா

MANO நாஞ்சில் மனோ said...

கலக்கல் விமர்சனம்!!!!

சென்னை பித்தன் said...

காக்க காக்க மாதிரி வருமா?

கவி அழகன் said...

விமர்சனம் supper

! சிவகுமார் ! said...

//ரமேஷ்- ரொம்ப நல்லவன்(சத்தியமா) said...
Force .//

அவ்ளோதான் கமன்ட்டா?

! சிவகுமார் ! said...

@ மனோ, கவி அழகன்

நன்றி நண்பர்களே!

! சிவகுமார் ! said...

//சென்னை பித்தன் said...
காக்க காக்க மாதிரி வருமா?//

வரலையே.

’’சோதிடம்’’ சதீஷ்குமார் said...

முகத்தை இவ்ளோ ரஃபா வெச்சிருக்காரே

Related Posts Plugin for WordPress, Blogger...